عرفت قدرى عند زوجى

[شهد الكويت]

هلا حبيباتى ناطرة عودة المحروس سويت حملة تفتيش بالبيت مع انه اوراقة وخصوصياتة حاطهم عند امه الشقه مافيها شي يخصة غير ملابسة فتشت غرفة النوم لقيت جهاز تلفون قديم مافيه شريحة وفتحته وحطيت شريحتى طلعت بلاويه اتاريه يخون من 2004 وتون اكتشف صج كنت عمياء او كنت اتجاهل ما اتذكر وين كنت وشلون ما لاحظت شي طبعن مسجات من اللى يحبهم قلبكم وكلام حب وغزل وانا حتى كلمت اشتقتلك ماقالها طبعن وحدة يترجاها تكلمه ويقول هذا جزاي انى قلتلك الصراحة طبعن اكيد قالها متزوج وطنشتة والثانية يهددها لانها تفلت عليه وماعطتة وجه والله بلاوى ولقيت اوراق صغيرة فيها ارقام برمز احرف مثلا ح ورقم تلفونها ون ورقم تلفونها اخذت كل الارقام ودقيت طلعوا بنات وكل وحدة صوتها احلى من الثانية ويتكلمون بمياعة مع انى داقة من رقم غريب بس كلامهن مايع انا انسحرت باصواتهن شون الرجال حسبي الله عليهن ونعم الوكيل سبحان الله مهما حاول الواحد يخبي ويكون ذكى لابد انه يغلط او ينسى شي وينكشف امرة مهما بلغ فيهم الحذر الله ينصرناعليهم
وشاكرة رسايلكم وانتظروا القادم

 

[احاسيس*]

الله يعينك حبيبتي.........................

انا ماادري ليه الرجال يسووون كذا وين الدين وين الايمان ...حنا لو بنسوي مثلهم على طول نخاف من الله ونصبر على بلاويهم وهم لااااااااا

غاليتي لاتنسي تقوية ايمانك بسماع المحاضرات والصلاه حتى يتاثر زوجك ويبدا يستحي من نفسه ويقلدك لاشعوريآ

وطمنيناااااا عليك

 

[ريــم الدلوعة]

لاحول ولاقوة الابالله الله ياكون في عونك ويفراج عليك ضيقتك

تحياتي لك

 

[شهد الكويت]

مرحبا شلونكم بنات صارلى يومين او اكثر وانا اكلم زوجى عالماسنجر وهو مايدرى انها انا دخلت بنك بنت وماشك بشي قالى ما تتذكرينى انا اللى كنت معاج بالشات سكت لانى انا ضايفتة وهو مومثبت ماصدق بنت تضيفة واكتشفت شغلات فيه طبعن قال مو متزوج ويبي يتزوج اللى يحبها وانه دلوع اهلة وكلام واجد مت عليه من الضحك صج الرجل لما يخون يكون يعانى من نقص عشان جذى يلجا لوحدة يكذب عليها ويقول شغلات وصفات مو فيه لان زوجتة كاشفتة بالاخير اكتشفت انة يسوى الجنس بالتلفون عشان جذى يقعد طول يومة والتفون ما يفارقة ولا يعطينى حقى مسكين مخلص عمرة بالتلفون يقولى انة اعجب فينى وانه يبي يتعرف علي زيادة وامس قالى اتصلى على تمنعت وقعد يترجانى وانصدمت لما قال ابوس رجولج بس تدقين على واسمع صوتج ونسوى جنس بالتلفون انا ابيج بالتلفون وقعد يترجانى قعدت اتعذر انه حرام هالشي وانى ما احب علاقات التلفون بس الصراحة خفت انكشف ثم ياويلى شنو يفكنى
بس خلاص توبة عرفت الحين اشياء كنت اجهلها بس مانى رادة للمسنجر لانة بيرجع الديرة وصعب اكلمة بالمسنجر لانة موجود عندى بالبيت لما يشبك ويستعمل الجهاز فما فى امل
ترقبوا القادم وربي يستر علينا ويارب تهدية للصراط المستقيم وتسخرة لى ولعيالى اميييييييين

 

[روح القلوب]

الله يعينك حبيبتي

ويحل ازمتك

 

[العروس ريما]

اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
يا القهر الله يهدي كل بنت تعرف ريال متزوج قولوا امييييييييييييين

 

[بارعه]

حبيبتي شهد الكويت الله يزيح همك وغمك ...اميييييين يارب

اختي هذه فرصه لك انك تشبكين مع زوجك..
بس عن طريق رسااايل البريد اما عن طريق الماسنجر اذا زرتي اهلك حاولي انك تكلمينه
بتقولين ليه؟؟؟
ان القولك في هذه الفتره تحاولين تسالينه عن الي يحبه ويعشقه في الزوجة المستقبل ..انتي فهمتي ايش اقصد!!!

وكذالك عن رغبااته في الجنس تسالينه عشان يكون عندك معلومه كامله ايش زوجك يحب وتبدين تحطينه في بالك

وسااايريه في الماسنجر وخليك كنك ولهانه عشان ينجذب معك ويقول الي في خاطره وتكونين عشيقته. ويترك البنات الباقين ...وقوليله انك ماتزوجتي .يعني هذه الماسنجر نعمه من ربي لك بأنك تتواصلين مع زوجك وتغنينه عن كل بنت تحاول تاخذه منك ..وحاولي انك تسلبين زوجك عن طريق الماسنجر وتخلينه مايستغني عنك ابدا
وهذه اشي مو حرام هو زوجك وانتي حره وهذه حلاااالك سووي الي تتمنين
منه تكونين انتي تهتمين في نفسك وتعيدين حساباتك
ومنه تكونين تتسلين مع واحد الي هو زوجك
وياني وياك تخبرين انك انتي الي في الماسنجر ...من شان ماينقلب عليك
ان شاء الله فهمتي ايش اقصد

 

[شوكولا]

حبيبتي شهد بصراحة علقتينا بقصتج وانشالله ربي يوقتج بس ماشالله عليج اعصابج قوية ومتماسكة ولازم تظلين متماسكة لان الرياييل ما تنفع معاهم المره الطيبة... يبيلهم داهية يللا تقدر عليهم... وايد اعجبتني فكرة انج تكونين عشيقة زوجج واتعلقينه واتنسينه البنات الثانيين... الله يوقج حبيبتي وايسخرلج زوجج واحنا بانتظار آآآآآآآخر التطورات.

 

[دلع البحرين]

انا اقول كلميه مرة بس في المسنجر قبل مايرد مثل ما قالت الاخت
علشان تعرفين شنو يحب وشنو مايحب


واختي عندي لج انتقاد كبيييييير
انتي غلطانه تهدين زوجك وتنامين مع عيالك
ترى بكبرون على هاي الشي انج تنامين معاهم
وتتركين المجال لزوجك ياخد راحته بالغرفة ويكلم الا بكلم


وبقول لك كلمة حطي عليه مليون خط احمر
البنت الي يكلمها زوجك لاتخبرين اهلها لان ممكن ينعكس الشي عليك
لان في كثير من الاهالي اذا صادو بنتهم مع واحد يجبرونه ياخدها حتى لو كان خمار زمار

واهم شي اذا رجع تكونين متغيرة وكاشخة لنففففففففسك
كثري من الجينزات واللوويست بالذات بس لاتورينه ان هالكشخة حقه بيني ان انتين حابة التغيير

وعلى قولة الدكتورة ناعمة في قصة ام بسمة(لفلوس الا بتشترين فيها بجامات نوزم الشفاف والدانتيل اشتري فيها بديات وجينزات وهالسوالف لان اسلوب البجامات اسلوب اغراء قديم)

يعني اللي يلبسونه العاهرات في الاماكن العامه لبسيه انتي في البيت

تخيلي روحش لابسة اللوويست وحاطة لج لصقة على الكتف وشعرك محطوط بطريقة حلوة
واشوية ميك اب خفييييييييف وتراكي صغااار نعومي مثلك
وزوجك قاعد بالصالة وانتي حاملة المكنسة تكنسين وانتي تتمايلين ولاحاطة اعتبار لزوجك
وساعة وانتي تغيري مكان التكية منزلة ظهرك تخيلي المنظر قدام زوجك وكانج مسوية هالحركات عفوية مو اليه.



بقول مشكلتنا عندنا ان وقت الشغل وتنظيف البيت لازم نكون بثياب الشغل وحالتنا حالة
احنا نشتغل في بيتنا مو في مزرعة بنتوصخ

 

[شهد الكويت]

هلا حبيباتى بصراحة للحين انا وياه عالماسنجر تخيلوا صرت اعرف اخبارة من الماسنجر وصار ينتظرنى متى ادخل وصرت اعلقةوانتقم منه اخليه ينطر بالساعات بس اهم شي تاكدت انه ما يسوى خرابيط الا على النت او التلفون بس بالحقيقة لا الظاهر يخاف على الاقل اضمن انه ما ينقلى مرض بس صاير يبي يكلمنى بالتلفون وشكلة مهمل البنت الى يعرفها لانة يقعد معاى بالساعات ويفصل دقيقة ولما اساله وين رحت يقول الاهل داقين علي ومافى غير الخايسة تدق عليه بس ما يطول معاها يقعد معاي حول ال5 ساعات لدرجة انه مايبي يفصل النت عشان بس يقعد معاي هههههههه مسكين يقول تعلقت فيج وبسوالفج مايدرى انه انا اللى مقابلتة بالبيت من 4 سنين ولا عمرة سولف معاي ولا فهمنى
بس فرحانة انة يمدح فينى ويقولى كلام حلو وعمرى ماسمعت هالكلام منه بس المشكلة لما يرجع شلون شسوى مقدر اشبك معاه صعبة ومادرى شسوى؟؟؟

 

[يالليل ماطولك]

حلوووو انك شبكتي معه وخليتيه يتعلق فيك

حبيبتي شهد الكويت انتي حاولي قد ماتقدرين تروحين الأهلك وهو موجود في البيت يعني تروحين لهم لظرف طاارئ ان امك محتاجتك
اذا زوجك يروح للمقاهي النت بيكون هذه سهل عليك تتواصلين معه على الماسنجر
وحاولي انك تركزين كلامك وساليفك على الجنس ايش تحب وايش تكره وايش تحب في زوجتك المستقبل تسوي لك في الجماع...ومثل هذه الكلام
ونتي حبيبتي غيري نفسك وبذات سالفة نومك عند العيال ؟؟؟هذه والله مشكله وهذه من السباب الخيانه

والله يوفقك حبيبتي

 

[شهد الكويت]

اختى اكتشفت ان زوجى يحب شغلات مو طبيعية اشياء شاذة يحب ما حرم الله وشكلة يشوف افلام اباحية لانة يقول حركات واشياء قذرة عالماسنجر وما اتخيل انى اقدر اسويلة هالاشياء الحرام

 

[يالليل ماطولك]

اعوذ بالله
هذه اول اكتشاف لك عن طريق الماسنجر ..شفتي كيف!!!
للعلم هو يقولك هذه الكلام لانه ماخذ راحته على انك من بنات الهوا
بس لو جينا في الواقع ماراح يسويه مع زوجة الي هي انتي .

انتي الستمري على هذه ايش خصراانه ؟؟
منه تتسلين بلحلال ...ومنها تبعدين عنه بنات الحرام ...ومنها تعرفين زوجك عدل

وستمري على هذه بلا توقف ...وانتي وشطاارتك

الله يبعدزوجك عن الحرام

 

[أحاسيس أنثى]

حسبي الله عليهمـ

والله كل يوم اشوف قصص تحزن يالله عسى مايجيني هالشي والله ابكي

والله ماأملك سوى الدعاء لك اختي ولغيرك من أخواتي
الله يوفقكم ويسخر أزواجكمـ ويهديهمـ ويفضح بنات الحــرامـ اللي مايخافن الله

 

[شوكولا]

اختي شهد طمنينا عنج شصار معاج عسى ربي يردلج زوجج و يسخره لج ....

 

[المهند]

أختي الحبيبة استعين بالله والدعاء وأسألي الله أن يرده لكِ رداً جميلاً

 

[اجمل فراوله]

شوفي اختي شهد ليش ماخدتي الرقم وكلمتيها وهددتيها على اساس انك وحده شفتيها وادا ماتركت تحركاتها انك تفضحينها من رقم بطاقه بدون اسم ..........

 

[*سيد حياتي*]

مرحبا اختي شهد الكويت بصراحه مشكلتج تعور القلب بس آنا ودي أنصحج نصيحه وحده مجربه صج كلامي جا مو بوقته بس للاستفاده في المستقبل...
حبيبتي أنتي غلطانه لما تجاهلتي الموضوع جدامه وماتكلمتي والله ماراح تجيه الجلطه ويطق غيرج واهو نايم بالعسل يا حبيبتي كان موضوع سفر زوجج فرصه لو أنج قايلتله أنا شكيت بتصرفاتك ووزني الشيطان وشفت تلفونك وناقشيه بالموضوع وكل اللي بقلبج قوليه واهو جذي جذي طالع ومخليج خليه يطلع واهو حاس بالذنب أحس ماتقعدين تهيأيله الجو وانتي الله يعلم بالحال صدقيني حتى بسفرة راح يحاتيج ويتصلل يطمن عليج ومثل اللي قلتيله أصحى يا نايم وراح يحس أنه في أنسانه طاهره في البيت تحبه وتخاف عليه ......

 

[بـــلقيس]

حسبي الله عليها خطافه الرياييل

الله ماراح ينساج حبيبتي

بس انا اقول ياريت تروحين حق الدكتوره ناعمه راح تساعدج كثير في استرداد زوجج

حاولي تغيرين نفسج وتتعدلين وتغيرين شخصيتج هذا الي افهمه من قصص الدكتوره
اقولج اقري قصص الدكتوره وبتستفيدين وايد صدقيني والله

 

[بـــلقيس]

بس اعتقد ان مافي شي حرام بين المراه والرجل يعني اهو شنو يبيج تسويله لازم تسوين له عشان مايطالع غيرج

وهذي اكيد تعطيه كل الي يبي عشان جذي يروح لها

حبيبتي ديري بالج على ريلج وسويله الي يبي وحاولي تغيرين من نفسج وتتعززين
يعني ليش تعدلين له الشنطه واهو خانج
خل يولي استغفر الله انا مااحرضج بس لازم تبنين له انج زعلانه من شي