عرفت عشيقة زوجي بموت قهر شوروني

[AD LADY]

بنات سالفتي سالفه بيس بختصرها..
زوجي متغير علي من اول رمضان وشاكه انه يكلم وحده لانه يتكلم تحت اللحاف ويروح السيارة يتكلم فيها!!!!
المهم عرفت بطريقتي الخاصه عشيقة زوجي والله يابنات اني كاااااااااااارهه زوجي واااااايد بس بكمل لين امسك دليل..المهم انا الحين اعرف وين دوام عشيقته ورقمها واسمها وسكنها هي مطلقة عندها بنت...بنات شو اسوي الله يخليكم تكفون عطوني من افكاركم انا مااعرف شو اسوي واللي تعرف ويت يبيعون جهاز تسجيل الصوت وين ينباع ارجوووووووووووووكم اختكم محتاجتكم لاتتاخرون علي انا مسافره بكره العمره وبدعي الله يفرج علي ادعولي بنات وخبروني شو اسوي!!!!!!!!!!!!! زوجي شمالي غربي.

 

[AD LADY]

بنات نسيت اخبركم ان عشيقة زوجي كانت على علاقة مع صديق زوجي! وزوجي ماشالله عليه الطيب الحبوب كان يصلح بينهم اذا تزاعلو:icon28:!! الحقيرة تعرفت على زوجي حسبي الله عليها الله يلعنها وعلى فكره صديق زوجي كان ناوي يتزوجها بس هي تغيرت عليه من اول رمضان نفس الفتره اللي تغير علي زوجي فيها((اكيد زوجي خرب بينهم عشان يحلاله الجو))

 

[مسرعة بشويش]

حسبي الله ونعم الوكيل
الله يفرج لك

 

[الجوهرة النادرة]

يا قلبي والله اني حاسه فيكي
اكيد قرأت القصص فيها شغلات كثير مهمه وتعلم
بس لازم تعطيه درس ما ينساة طول عمرة ولا تتهاوني لان لو اتهاونت اول مرة رح تكرر

 

[راقية]

حبيبتي لازم تتأكدين في البداية

و أنا نصيحتي لج إنج تواجهين زوجج من ألحين

لإن من الواضح إن علاقته بها توها في بدايتها

لا تنتظرين لين ما تلعب براسه أكثر و توثق علاقتها بزوجج أكثر من جذيه

خلج قوية .. إذا كان لج قدر عنده .. و يحبج بيودرها أول ما يحس إنج عرفتي

شكله متمادي في الموضوع لإنه يتحراج يا غافلين لكم الله

لا تعطينه مجال خربي عليه و خذيه صوبج مرة ثانية

حاولي تكسبين حبه و شغفه بج .. و لا تخلين الثانية تاخذه عنج

 

[خبيره ومتخصصه]

الله يكون في عونك
بس الطرق كثيره
بس يبغالها تكتيك منك وانشاء الله انك ترجعيه لك

 

[عنقود عنب]

اذا انت عارفة من هي عشيقة زوجك

اتصلي عليها من رقم غير رقمك و هدديها بانك سوف تخبرين الزوجة ...اللي هي انت

وانك راح تفضحينها عند الكل

وتقربي لزوجك ... واذا تقدرين تأجلين سفرك الى العمر ((للاسف )) عشان ما تعطين زوجك فرصة انه يختلي بنفسة مع المجرمة يكون افضل

او تحاولي ان زوجك يجي معك العمرة

اما عن جهاز التسجيل ما انصحك فيه ...وش راح تستفيدين غير حراق عصابك ...انت عارفة كل التفاصيل المهمة ...ما في داعي تضيعين وقت بالجهاز

وربي معك

 

[حبيبي لودي]

حسبي الله عليها ماتخاف الله ماتخاف على بنتها تسوي اللي هي تسويه
الله لايبلانا
ويهدي ازواجنا
تحياتي

 

[AD LADY]

علاقتي بزوجي فيها مشاكل وهو مسوي عمره زعلان وطول الزعله عشان يكلمها فهمتو؟؟ زوجي متمادي عساس انه زعلان انا تعبت شو اسوي؟؟

 

[دنيا الفرح***]

الله يعينك اختى بس استفيدي من قصة ام بسمه وام الوليد لان ازواجهم شمالى غربي
الله يكون في عونك

 

[AD LADY]

الله يحفظكن ويسعدكن بنات مااروم ارد على كل وحده يزاكن الله خير في انتظار افكاركن الله لايحرمني منكن.

 

[المنقبة]

لا تتصلين عليها لين و تكلميها لانها بتنكر سوي نفسج ما تدري عن شئ لين يطيح الدليل في ايدج وذيك الساعة احكي بس انا ما انصحج بالمواجهة لانج ما راح تستفيدين شئ انا جربتها قبلج في النهاية طلعت انا الغلطانة الي اتجستت و عرفته على حقيقته يا الله يعيينج حبيبتي

 

[شمعة لا تنطفيء]

لا انتبهي تواجهينه لأنك لو واجهتيه يبي يبدا يكلمها قدامك
بس صلي بالليل وادعي ربك من قلبك انه يوفقك ولا يجعل في قلب زوجك شريكه لك

 

[احلى من العسل]

لاتخلي لزوجك فرصه انو يبعد عنك
اشغليه باشياكي بالولاد
بالاعاب او اي شي
اوحتى لوتسويله جمعات ويا ربعه
ابغا اعرف ايذا كان زوجك بيروح معك اولا
العمره
ودايما ايذا انبصطتي منه اوجلستي معاه قولي له الله يبعد عنا عيال الحرام

 

[وردة الحجاز]

الله يعينك استعيني بربك وبالدعاء وتقربي لزوجك أكثر يمكن يرجع لك افضل مما كان لا تتركينه لها انت تزعلين منه وهي تقول له الكلام الحلو وتغريه

 

[AD LADY]

زوجي مابيسافر معاي العمره انا محتارة اسافر او لا؟؟؟
بنات ليش مااكلمها؟؟ هي من عائلة محافظة يمكن تخاف من الفضيحه او اروح دوامها واكلمها بهدوء شو رايكن؟؟؟ احترت!!!

افكر اشل تلفون زوجي وهو راقد عشان اتأكد من علاقتهم!!

 

[بريق الألماسة]

حبيبتي الله يكون في عونك

كرري دائما هذا الدعاء

اللهم زد زوجي حبا لي وصراحة معي وتعلقا بي وتفاهما معي حتى لايرى من النساء غيري ونقي حياتي معه من الأكدار والهموم وأجعل سعادته في قربي وأهنأ عيشه بجانبي وجعلنا قرة عين لبعضنا وحنن قلبه علي وأبعد عنه النساء الضالات المضلات صويحبات يوسف ورد كيدهن في نحرهن وأعفه عن الحرام بي فأنت خالقه والعالم بضعفه ياأرحم الراحمين

وبادري بزوال الخلاف بينكما لكي لايخلو له الجو

وأحرصي على التأكد من شخصيتها قبل كل شي خوفا من ضلمها

الله يكون بعونك ياقلبي

 

[غزال]

لا حول ولا قوه الا بالله العلي العظيم


والله قلبي عورني عليج اختي لانج الحين اكيد قاعده على اعصابج و متوتره بس اختي لا تسوين شي تندمين عليه باجر
والله لو اني حكيمه في تصرفاتي جان عطيتج من النصايح الزينه بس اختج في الله ما عندها عقل في هالسوالف اكررررررررررررررررررررررررره الخيانه و سنين الخيانه و لا اعرف افكر بس اعرف اتضارب و اتكافخ. الله يهدي بالج و سرج حبيبتي سيري صليلج ركعتين و ادعي و انتي ساجده ان الله يفرج عليج هالهم باسرع وقت والله يا اختي ادعي و انتي موقنه ان مافي اعظم من الله و هو يقدر يجلب ريلج عليها و يكره يسمع صوتها في لحظه وحده. و سيري ارقدي و انتي تستغفرين و ان شا الله يوم بتنشين بترتاحين اقلها بتعرفين كيف تتصرفين. و اسمحيلي طولت بس مثل ما قلتلج لاني اكره الخيانه

 

[غزال]

حبيبتي الله يكون في عونك

كرري دائما هذا الدعاء

اللهم زد زوجي حبا لي وصراحة معي وتعلقا بي وتفاهما معي حتى لايرى من النساء غيري ونقي حياتي معه من الأكدار والهموم وأجعل سعادته في قربي وأهنأ عيشه بجانبي وجعلنا قرة عين لبعضنا وحنن قلبه علي وأبعد عنه النساء الضالات المضلات صويحبات يوسف ورد كيدهن في نحرهن وأعفه عن الحرام بي فأنت خالقه والعالم بضعفه ياأرحم الراحمين

وبادري بزوال الخلاف بينكما لكي لايخلو له الجو

وأحرصي على التأكد من شخصيتها قبل كل شي خوفا من ضلمها

الله يكون بعونك ياقلبي

احلى رد شكلي انا بشطب ردي :harhar1:

 

[حبيبت رشيد1]

اهلين اختي الله يهديه لك ويسخره ويحنن قلبه عليك
ويبعده عن بنات الحرام عليكي الجوء الي الله والصلاة ثلث اليل وكثرة الدعاء والاستغفار وقراءة القران