عرفت رقم عشيقته...........

[قطوة شرسه]

السلام عليكم يابلقيسيات....

ثقتي فيكم الله يشهد انها كبيره ... علشان جذيه حبيت أسالكم وأبيكم تجاوبوني بكل صدق
لو كان زوجك عنده علاقه وعرفتي رقم اللي اهو امصاحبها شتسوين؟؟؟؟؟
ردوااا علي بكل أماااااااااانه​

 

[كلي غنج~]

اوووووووووووم مادري الا يبعدني ويبعد المسلمين عن هالمووووقف ...

بس لاني خوافه يمكن ما اكلمها واخلي اخوي بامانه مايقول لاحد يكلمها ويهددها...>>لان الرجال يخوف اكثر...هذا بعد ما اتفاهم مع زوجي...انه يبطل حركاته...
بس اذا بخلي حد يكلمها لامن شاف ولا من دري حتي زوجي

 

[قطوة شرسه]

الله لا يكتبهاااااا لا عليج ولا على غيرج قولي أمين
بس هذا ابتلا من ربي عسى الله يعيني ويدلني للي فيه خير لي ولزوجي وزوجي مو مال تهديد ووعيد لان هاذي مو اول مره يوعدني فيها ويخلف حاااارت فيني كل السبل​

 

[جرحني حبيبي]

راقبي الوضع واحفظي رقمها واعطيه الهيئه يتولون امرها واستغفري كثير واستودعي زوجك

 

[قطوة شرسه]

أنا مو من السعوديه
شاكره اهتمامج

 

[ذهبية القلب]

الله يعينك هالاشكال مدري متى تنتهي

جعل الله يهد حيولهن

 

[امال...]

اتصلي على الشيخ نبيل العوضي وانا واثقه راح يقول لك الحل

 

[قل قسم]

موضوعك مو مع العشيقه موضوعك مع زوجك يعني لو عرفتي رقمها بتتنزلين لها وتدقين عليها انتي اكبر منها
انا لو في مكانك بتكلم معه هو وبشوف شاريني ولا بايعني يعني لو كلمتي وسويتي ولا خليتي رجل يكلمها وش راح تستفيدين يمكن فيه عشيقه ثانيه وثالثه
المشكله فيه هو مو فيها هو الي راح لها مو هي فا انا اقول تتفاهمين معه وتشوفين ليه يعشق ويحب غيرك
والله يسهل امورك

 

[aso0olah]

لا تكلميه حاولي تدلعيه وكل شيء عاااااااااااااااااااااااادي

وبعد ماتكسبيه من جديد ابدأي أدبيــــــــــــــــــهم سوا

 

[مطرية]

بالاول احاول اعرف معلومات زياده عنها

أسمها سكنها رقمـ بيتها اى شىء شخصى يندل عليها

بعدها اخلى اخوى او رجل ثانى يتصل عليها ويهددها بشكل قوى ويفهمها انه عارف عنوانها

او رقمـ تلفون بيتها

لو ماتعدل وابتعد عن زوجك مراح يتردد للحظه لتفضحها

او يهددها بالهيئه

 

[نور القمرررر]

حسبي الله عليهن الله يهدهن ويفضحهن يارب على اهون سبب

حسبي الله ونعم الوكيل ..

الله يبعدنا واياكم عن مثل هالاشياء ....

والله يعينك اختي ....!​

 

[H<< تحبه موت]

تبين نصيحتي لا تكلمينها لان هالاشكال قذره بشكل ما تتصورينه

صارلي الموقف وتكلمت مع وحده تكلم زوجي

نسخت المحادثه وراحت يوم ثاني ورتها اياه وبعدها زوجي تغير علي وهددني

بالطلاق وقال لكل اهلي اني كلمت وحده وياه بالعمل مع انه مش معاه بالعمل كذب

وبعد فتره قصيره طلقني:8:

فلا تخربي بيتك بايدك انا ندمت بس هذي خيره من رب العالمين يمكن

اني ما اعيش مع واحد خاين بس انتي سوي مثل ما قالو لك البنات بس لا تكلمينها انتي

والله يصرف بنات السوء عن زوجك وازواج المؤمنات يارب

 

[قطوة شرسه]

ممتنه كثير لأهتمامكم وردودكم
وانا مع اللي قالت احاول اعرف اكثر عن بياناتها وهذا اللي كنت أفكر فيه بس المشكله اني مااعرف احد في شركة الاتصالات عشان يقولي بياناتها
​

 

[قطوة شرسه]

تحبه موت .... حبيبتي امر المؤمن خيره له فما ابيج اتضايقين وصدقيني دايما الجاي احلى واحسن وعسى ربي يكتبلج اللي فيه خير لج
ويرزقج باللي احسن منه اللي يحفظج ويصونج​

 

[ام رنومه]

الله يجعلنا بالموقف هذا
وياااااااارب يفرج همك

 

[this is life]

انتي من وين حبيبتي وهي شو جنسيتها؟

 

[برائة]

حبيبتي خذي معلومات زيااده عنها حتى ولو بدقين على انك مندوبة وحابه تعرفي وين بيتها واذا سالت من وين جايبه الرقه قولي وحده من صديقاتك رشحتك ....

ترى كذا يعملون شركات البشرة بس خذيلك بطاقه ثانية وممكن تغيرين لهجتك للمصريه او الشاميه لييييين تعرفين بنت مين ووين ساكنه

ربي يصبرك ويقويك وينصرك على من ظلمك

 

[مريوم الحلوه]

فكره برائه بالحيل عجبتني ان مندوبه ومن هالكلام وعندنا منتجات بنعطيج منهااا مجانا ومن هالكلام

واذا عرفتي تفاصيل عنوانهااا
اهنا ابتدي الحرب معاهااا
بس ابدا لا يعرف زوجج ولا تعرف ان لج علاقه بزوجج

حسبي الله ونعم الوكيل ع هالاشكال القذره
تمنيت انج من السعوديه جان قلت لج الحل عند الهيئه ​

 

[~ عآفك آلخآطر .]

حبيبتي اسمعيني
لاتحاولين انج تكلمين هالاشكال واتركيها
ولاتبينين لزوجج شي
اكسبيه وشوفي شالسبب اللي يخليه يدور ورا البنات ويعشقهم

 

[عذراء الحب]

حبيبتي نصيحتي كبري دماغك عنها واترفعي عن هالاشكال وخلي اهتمامك بزوجك وشلون تردينه لك
لانك مهما جمعتي معلومات عنها ماراح تستفيدين بالعكس يمكن تتلهين عن زوجك بشيء ثاني يكون سبب في بعده عنك اكثر
الله يصبرك على مابلاك ويلهمك الصواب ويسخر زوجك لك ولا يشوف غيرك يارب