بادئ الموضوع تاريخ البدء
  • المشاهدات 590
  • الردود 4
إنضم
9 أكتوبر 2006
المشاركات
1,836
مستوى التفاعل
0
النقاط
0
العمر
32
الإقامة
♥حدود البراءة والطفولة♥
حرية عراقي
حرية العراقي بتسعه نيـسان -- ويا عيني عليهه شلون حريّه

تمنينه الصنم من طاح بـالگاع -- احوال الشعب تتحسن شويّه

و تمنينه الحزن ما بعد نلگاه -- وايام الحزن كلها منسـيّه

و تمنينه نحس بـطعم الامان -- وماكو قمع من اجهزه امنيـّه

و تمنينه البلد يتعمر إبـساع -- و دور الخراب إتصير مبنـيّه
و تمنينه إبيوت ماكو للايجار -- وإبيوت الاجار اتصير ملكيـّه

و تمنينه الناس تتباها بالاموال -- و خيرات البلد للناس منطيـّه

و تمنينه العراق يصيـر مثل الدار -- كل احنه نعيش ونحتمي بفـيّه

و تمنينه الحروب إتصيـر تذكار -- وما نسمع طلق من بندقيـّه

و تمنينه الكهرباء تعود للشمعات -- وشويه العراقي يفرح إبضيّه

و تمنينه النهر متروس نـلگاه -- و دجله الخير يتمايل إبميّـه

و تمنيــنه نحب واحدنـه للّاخ-- و ننسى الماضي بكل مئآسيـّه

و تمنينه نعيش بمنهج المختار --بدين واحد رغم المذهبيـّه

و تمنينه نعيش العرب والكرد -- وابد ما نعرف طعم العنصريـّه

و تمنينه الفلك بالظالم يـدور -- ويشاهد مآسي الذل والعبوديّه

و تمنينه تمنينه هواي اشيـاء -- ولا وحدة إتحققت تگول منيّه

لان من طاح الصنم بالگاع -- هواي جت اصنام وتريد ملكيـّه

ولا واحد گلبه يرف عالبلد -- كلمن خايف إو حاير بكرسيّه

و رد الحزن چن مانرضه فرگاه -- و بحزان الوكت كلهه مبليّـه

و فقدنه نعمه سمّوهه الامـان -- تفجير بكل صبح وظهر و مســيّه

ارهاب وقتل متــناثر بكل گاع -- بزيونه وعلاوي وبالعامريــّه

والعنده مُلك هجرونه هاليـوم -- ناصبله خيمه و ساكن هـ البريـّه

والعنده فلس سلبوه منه بساع -- وفلوسه اصبحت للناس نثريـّه

و ذاك العراق البيت الچبيــر -- تهدم بيد الايادي الاجنبيــّه

والعراق بحرب ما إلهه عنوان -- تفجير الجوامع والحضرة العسكريّه

واذكر قصة عله دجله من فـاض -- عزّل الدنيه وما نشف مـيـّه

و هسه دجله يبچي عله الاسماك -- لان جزر واعشاش فوگاه مبنـيّه

وما ظل بعد واحد يــحب للّاخ -- و صار الاخو يكتل بخـيّه

و غربان اجت شوهــــت بالاسلام -- بتفجير و قتل و نسوان مسبيـّه

ولك شحچيلـك بعد عن هذا الزمن -- و ضيم الوكت اشسوة بيــّه

چنت اني العراقي بين الناس -- چانت الناس تطلب مراد من اديّه

وهسه الناس نفس الناس -- ماشفت منهم بس الاذيّه

و گمت اصرخ وينك يـخوي -- تره كل الخلگ دارت عليّه

وينك يللي مصابك مصابـي -- وينك مو ما بعد حيل بيّه

كل هذا العرب ما همهم شـصار --وجاني الغريب و عضني من ايديه
××.roro44.co ××.roro44.co
 

إنطلاقة

New member
إنضم
8 ديسمبر 2006
المشاركات
179
مستوى التفاعل
0
النقاط
0
جزاك الله كل خير حبيبتى

اللهم فك أسر العراق وفلسطين وكل أرض المسلمييييييييين
 

CanDle-Kuw

New member
إنضم
7 أكتوبر 2006
المشاركات
1,564
مستوى التفاعل
0
النقاط
0
كلمات روعه يالغاليه


بأنتظار المزيد
 

ايمي

New member
إنضم
28 نوفمبر 2006
المشاركات
2,517
مستوى التفاعل
0
النقاط
0
كلمات رائعة ... فرج الله همكم ... ونصر المسلمين ... وفك اسركم واسر بلاد المسلمين اجمعين
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى