[QUOTE]
عسى المانع خير ياوفية ربي يسخر لك وماتغيبين من شر
[/QUOTE]
هلا وغلا زي منتي عارفه الدنيا صيف وجا وقت السفر والسهر الله يعين حوووووسه
امري يالغلا قريت رسالتك وبجاوبك من الي لاحظته وان شاء الله افيدك الي يعجبك خذيه والي مايعجبك قطيه بحر اوكييك
نبدا ياعسل
[QUOTE] مساء الورد,,صباح الفل,,
اسم على مسمى وفية ندرة من هم بمثلك في محبتهم لنفع الناس رزقك الله سعادة الدارين..
[/QUOTE]
ماعليك زود احرجتيني بادبك واسلوبك الرائع
هذا من ذوقك
[QUOTE] أعجبتني كثيراً مع زوجك أولا ومع تعاملك هنا ثانياً
قبل أن أبدأ بسؤالي أقول ماشاء الله تبارك الرحمن الله يزيدكم هنا ومحبة..
[/QUOTE]
عقبالك باذن الله تكوني احسن مني وافضل يارب بس شدي حيلك شوي
[QUOTE] إذا مافيه كلافة بقولك عدد من الأسئلة وتحمليني ربي يخليك..
[/QUOTE]
ياعسل لو جاوبتك بجاوبك على قد فهمي من السؤال طبعا من نظرتي وتجاربي لا اقل ولا اكثر اجابه متواضعه وبسيطه على قدي
واتمنى لو غيري عند اجابه افضل يطرحها لانا جينا نستفيد وعذريني على هذا القصووور
[QUOTE] متزوجه لي تقريبا سنتين إلا شوي السنة الأولى قمة الرومانسية والوله وكل شي الآن أدري إنه يحبني والحمد لله لكن فيه برود عصبيته زادت يعني أتكلم يالله يرد لكن طلباتي أوامر مايرد لي طلب إلا ماندر
[/QUOTE]
الحمد الله هذي نعمه انو مابيرد لك طلب استغلي هذا الجانب بالمدح والشكر على قد الشي الي سواه مو تبالغي احذري الشمالي ينغر ولو نفخ ريشه الله يعينك
مرات بيزودها واضطر انتفو بعدين خخخخخخخخخخخخخ شوي مو كثير
انا زوجي وداني البحرين مرتين او 3 خلال..... 4 سنين تخيلي وهو بيقدر يوديني كل مره بس مايبي المهم لما روحت مره للبحرين شريت بدله للعيد رووعه
ولما ردينا من زيارت اهلي ونا بالبيت اختي ارسلت مسج وقريته قدامه تقول ماشاء الله البنات اليوم عينهم مانزلت عنك مره عاجبتهم البدله من جد ذوووووووووووووق
طبعا كنت بقراها ونا فخوره جدا بنفسي وببتسم
بعدين طالعت فيه قلت والله مايدرون
انو بفضل ربي ثم حبيبي الي منقعني بالبحرين واختار لي واشترالي الي نفسي فيه انا فدا الغالي وكلمت اختي وقلتلها وهو قدامي ايه لما عزمني زوجي بالبحرين اهو قالي خذي لك شي للعيد وهو نقالي وماقصر حبيبي
طبعا لا عزومه ولاشي كانت رحله عاديه مطعم همبرجر وفلم بالسينما وبعد طلعت الروح وافق اشتري بدله لان الوقت متاخر والاسعار نار عشان العيد
وكسبت الجوله الحمد الله
طبعا زوجي انبسط كثييييير وتشقق كمان وطول اليوم مبسوط يحاول يراضيني وبس
وزيدك من الشعر بيت مستعد الحين كل مناسبه يوديني البحرين بس افتخر فيه وردله الجميل
استغلي هالشي بس امدحيه مع اهلك مو احد من برا يحسدوك او يخطفوا زوجك انتبهي او مثلي انك بتكلمي اهلك والله هالله بالمدح والكلام الحلو الي يجبر الخاطر خخخخخخخخخخخخخ
[QUOTE] يعني من ضمن فتوره بالمحبة اسمي ينطقه حاف من غير دلع.. رغم إنه تقريبا سنة كاملة مايعرف اسمي
مثلا طلعنا لازم الطلعة هوشة على الزحمات
حركة الضم بالليل ماتصير إلا لمايكون وراها جنس
انا شمالية لكن دمعتي على خدي
[/QUOTE]
عادي ياقمر مره قرائت" انو الرجل زي الحزام المطاط فجاءه يكون قريب جدا وفجاء يبعد سبحان الله اعطيه وقته ويرجعلك احسن من اول وكان الرجل بيشحن عواطفوا ويرتب اموروه من جديد "
واضح انو زوجك مشغووووول ومظغوط بالشغل لانو شمالي ظروري تتحملي شوي واكيد مع التعب بيكون فيه شويت بروود طبيعي جدا
لكنو بيحبك جدا لا تنفريه منك بالملل والدموع والنكد خليك الصدر الحنون المحب الي اذا ضاق يرجع يرتمي عليه من نفسه مو يزيده زياده لاء
وكوني ذكيه بستغلال الفرص معاه لما بتشوفيه رايق ونتوا مريحين عند التلفزيون قومي قولي انا بستعد لنوم وهو راح يفهم اعطيه بوسه خطيره مع شويت بهارات "قلت ادب" خخخخخخخخخخخخ وروحي عنو قولي بعد ما اجهز لنوم افكر اعطيك بوسه ثانيه او لاء باي .........
طلعي ملابسك الجذابه وفرشيها ع السرير وطيبيها لا تطيبي جسمك ابد فقط شعرك وملابسك الخارجيه
بعدين خذي معك اغراض الشور والعطر والبودره بيدك تمويه وسوي كانك بتدوري ع جوالك عندوا عشان يصحصح ويشوفك وينتبه للعطر وراح ينتظرك على نار وفعلا
خذي شور سريع منعش
وطلعي البسي لبسك الناعم المعطر وتركي الباب مفتوح ونتي بتسرحي شعرك فجاءه تلاقيه على راسك خخخخخخخخخخخخخخخخخخخ وليله سعيده ياجميل
[QUOTE] انا شمالية لكن دمعتي على خدي
[/QUOTE]
وااااااااضح من كثر منتي حساسه منتي قادره تشوفي الصوره كامله
ليش الدموع وش صار امور بسيطه وتعدي هدي نفسك وذكري الله ياحلوه
كنت زيك ولما شكيت لوالدي الله يطول بعمره
قلتله زوجي ما اشوفه ومرات يسافر يومين وثلاث واحسه زودها وكل مافتحته بالموضوع يطنشني اكثر
قال يابنتي انتي السبب
اهو يشوف انه مسوي واجبه وزياده وبدل ما تشجعيه قهرتيه بكا ودموع وعتب اكيد بينقهر ويدور الف سبب يبعد عنك
كثري بخيره وذا شفتيه تعبان حني عليه لو كلمتين تري الرجال يزعل وينقهر برا بيته ويغلط عليه مديره وتنجرح كرامته وهذي كبيره عليه ويكفي ان مديره فلان "مدير زوجي لسانه طويل وما يرحم الله يهديه ويسخره لزوجي يارب "
انتي اجبري خاطره وحسسيه انه ملك هذا البيت ورفعي معنوياته وشوفي كيف معد يدور غيرك لانو لقي الراحه معك
نسيت كلام ابوي اكيد بتقولوا هبلا واستهال
بعدها جات زوجي سفره لاجتماع ظروري وكان واعدني يوديني السوق
طبعا قلبت زعل وهوشه و سافر واحنا متزاعلين وتذكرت كلام والدي الغالي وندمت كثييير
ولا عرفت متى بيرد وعرفت من امه انو جاي اليوم الثاني بالليل الساعه 8
ارسلتلو رساله وهو في الطياره راجع توصل بالسلامه يالغالي
وجهزت كل شي قلت الي يبيه بسويه وخاصه انو جاي تعبان يعني مجال النقاش والعتب مقفل مافيه مجال
طبعا دخل البيت وعيونه زي الشرار وده يفرمني لو كنت زعلانه
واستقبلته وحبيت ايده ورحبت فيه وسبقته ع الغرفه وفكيت نعاله وسحبت طشت الماي والملح من تحت السرير ونبسط ع الاخر
و قربت منه الطاوله وكنت مجهزه ع التسريحه الصواني صينيت العصير والبسكوت و القهوه والشاي والتمر
وهو اختار براحته ونبسط كثير طبعا ثاني يوم قال ليش سويتي كذا
حركتك البارحه حلوه ليش ماكنتي كذا قبل ؟؟!
طبعا قمت ادلع قلت اول افكر الزواج بس احضان وبوسات واوووو..............................
بس لما فكرت فيك وانك بتحبني وميت فيني وعرفت انو مافيه سبب لزعل غير عملك قررت اني ما اخلي العمل ياخذك مني عشان كذا راح انسيك تعب العمل وكل مره تجي انسيك كل التعب ونحب بعضنا زي مانبي والعمل برا ما ادخله بينا ابدا نعيش زي العصافير ادلعك ودلعني ولا ليش تزوجنا لو ازواج هم وكدر كان بلاش زواج من اصلو
اصلا حتى لو تزعلنا بنكون مبسوطين لانا بنقدر بعضنا ؟؟؟!!! ولا
طبعا انبسط وحسيت اني اثلجت صدره ورتاح كنت ازيده هم لاني كنت ساذجه وتصرفاتي جدا سطحيه ان شاء الله ماتكوني زي
[QUOTE] والهواش على الزحمة فهل تصرفي صح ولا لا؟
[/QUOTE]
لازم يهاوش كوني مستمعه جيده فقط خخخخخخخخخخخخخ طفشت من الهواش ع الزحمه الله يعين
حاولي تشغلي اذاعه القراءن الكريم محاظراتها جدا مفيده والله تشغله عن التفكير بالزحمه وتستفيدوا كثيييير
لو زوجك بيحب الاغاني تري الاغاني تجيب الشياطين وراح يعصب اكثر وسبحان الله كلماتها مع الموسيقى تعيش الانسان بعالم اخر وفجاءه يرجع للواقع يتضايق من جد عذاب نفسي اعوذ بالله منها
[QUOTE] ونقطة ثانية لما أسكت دقيقتين ويحس إني تغيرت لوشوي يقلبها زعل أنت وش فيك وين رحت
النقطة الأخيرة كيف أكون غامضة؟؟
وربي يسعدك ويحقق لك مناك ويجمع لك بين زينة الدنيا وحسن ثواب الآخرة
[/QUOTE]
ياعمر باين انو حساس اكثر منك ويحبك من قلبه ما شاء الله
عادي ياقمر اذا زعل حطي عينك بعينه وقولي افكر فيك ياكتكوتي وقرصي خدودوا بدلع
كل ما افكر فيك تعصب خخخخخخخخخخخ وش السالفه تغار من نفسك
ليش خليني افكر اشلون ادلعك افاجئك اخوفك عادي اطلعلك بالمنام مثلا تغير جو خخخخخخخخخخخخخخخخ
انا حابه اجننك هل اليومين وقلبي الموضوع ضحك تحرشي فيه وضحكيه وبطلي تزعلي ابدا ابدا
لاتزعلي الا على كبييييير عشان يكون الحق معك وما يتحمل زعلك يحاول يراضيك بسرعه
مافيه شي اسمه غموض زوجي المصيبه كاشفني من النظره سبحان الله مقدر اخبي عليه يقراء عيوني وافكاري والله اخاف اواجه احيانا اهرب حتى اهدء شوي وصرف نفسي بموضوع وارجعله
ولا تسولفي عن احد نهائي حتى دراستك صديقاتك اخواتك ماله دااااااعي نهائي
لاحظت الرجل اي مرائه غير زوجته تعجبه اخبارها حتى لو اختك يقارنك فيها
أي شي يمدحه من اهلي اقول امي سوته وبس لا اختي ولا خالتي
مواضيع عامه فقط التلفزيون الجرايد و مزح عليه
اهلك اسكتي عنهم تماما لازين ولاشين
الا لو فيه مناسبه وبس
واهله لا تدخلي فيهم لا من قريب ولامن بعيد ادي الواجب معاهم ونسيهم تماما
افضلك من جد كنت اعلمه كل شي صار معاهم قلنا ضحكنا روحنا اثاريه بيزعل؟؟
يفكرني اطلع اسرارهم ؟؟! ولما جيت اسئله عنهم
بطل يخبرني شي عنهم طبعا انقهرت ونصدمت
وقلت صح الحق معاك مو شغلي ناس غراب انا ايش حشرني فيكم وشرهه مو عليك ........... على من عاد يسال وهذا وجه الضيف ان عاد سالت
سحبت ع الكل محد يعرف عني اي شي
حتى اهله لما بيسئلونه عن اهلي ما يدري عنهم طيبين وخلاص ونا بسكت لو سالوني اقول يمكن ايه او ما ادري و بس ولو سالوه كيفه قال مقال مو شغلي ابدا
عرفوا اني ماراح اعطيهم جواب ابدا
صار يقدرني وعرف اني كنت اتعامل معاهم مثل اهلي الحين رسميييييييه بقوه وحتى لما يتكلم عنهم ما اعلق عليهم
ابدا اقول ايوا زين والله بالعافيه عليهم وبس وهوه يحتار " يفكر انو بيفاجئني بالاخبار ونا ولا على بالي ابدا "
مو عارف انا عارفه او لاء يفكر اني بتفاجاء ونا مطنشه ع الاخر
اتمنى
ياعسل يا اموره
اني ماطولت عليك بس انا بحب التفصيل بالامور وخاصه في هذي المواضيع لاني بجد نفسي افهم القصص الي من الواقع اكثر فجاوبتك بنفس الطريقه الي بحب الناس تجاوبني فيها
والله يسر امورك يارب اقري قصص اكثر عن زوجات الشمالي وطبع الشمالين راح تكوني اقوى بأذن الله الله يسعدك دنيا واخره
