عدي اسبوع وماعاد فينى صبر وقررت ماهو ات !

  • بادئ الموضوع بادئ الموضوع ملهمته
  • تاريخ البدء تاريخ البدء
حتى لو خلعته اكيد من الضيم اللي عاشته والا مستحيل امراءه تفكر تتخلى عن حياتها مع زوجها الا لاسباب قويه والمراءه ايضا قويه هو حس بالانهزاميه وانكسار الكرامه وانع ضعيف امام خليعته لذلك انتي من بدات تدفع ثمن اخطاء الماضي الغابر للشمالي الشرقي انتي الان بالنسبه للشمالي صوره مصغره لخليعته يسقط جميع الاخطاء عليك وانا اتوقع انو ماراح يطلقك بل يعمل هالحركه ليؤدبك
السوال هنا على ماذا يؤدبك لالشيء الا للرواسب التي لازالت عالقه في ذاكرته المجروحه من خليعته
الرجل صاحب التجربه السئيه وخاصهرالشمالي الشرقي مستحيل ينسى الاخطاء وظنه بمن حوله سئ لابعد حد هو يرى صورت خليعته فيك يحتاج وقت طويل لينسى هذه التجربه التي مر بها
اتوقع انه بعد مخالعته لم يستمر فتره طويله بل خطبك مباشره .هذا السبب في مشاكلكم الان فلو اخذ فتره طويله بتزول الجروح وتندمل
 
شوفي
زوجك اعتقد ان نفسيته هذا الوقت لاتسمح للنقاش
و ع هذا الاساس قد يتخذ قرار غير مريح بالنسبه لك وله وقد تندمون عليه بعدين


من رأيي اتركيه لحد مايطيح اللي براسه ويجيك من نفسه
لان الرجال ما ينجاب غصب ؟


وترا فيه رجال مايتقبل الوضع الجديد مثل بعض العرايس بالضبط




انا اذا بتاخذين بكلامي اقولك اعطيه وقته واتركيه
دامه بعدك عنه خلاص ابعدي لاتكونين مصدر ازعاج بالنسبه له


اعتبريه واحد نفسيه وخليه لحد مايطيح اللي براسه




وترا اغلب الرجال الأن يجيبون المرض واولهم زوجي
اقسم بالله انه مره قاللي جهزي شنطتي ومعاه تذاكر السفر
يعني مرتب الموضوع وجاني قبل الطياره بساعتين مو عشان يقولي بسافر لا يبي الشنطه !
ولا اعرف وين بيروح حتى
وانتظره اليوم اللي بعده واللي بعده واللي بعده
ومارجع الا بعد 10 ايام :( ?


يعني ربعك واااااااجد
عطيه وقته وحطي في بالك ان الزوجه تعيد تربية زوجها بس بالحيله والصبر
وانتبهي تحملين لان وضعك غير مستقر وحتى لو استقرت امورك لاتحملين الا لما تتاكدين انه عقل 100٪
عشان مايسوي فيك زي طليقته وياخذ طفلك منك ويحطه عند الزوجه الجديده !!!!


وعليك بالاستغفار ثم الاستغفار ثم الاستغفار
وكمان صلاة الليل
وشوفي التوفيق والبركه والسخره كيف بتهل عليك


اسأل الله ان يرده لك ردا جميلا وان يجمع بينكم بخير
 
زين البنات


طلقيته مهمهله البيت جدا وهو عصبي كان وقتها من حقه يحاسبها 4 سنوات هملته وهمها بس نفسه وهو حاول صلح وهو تمسكو ب طلاق

مايحبها ولايكن لها حب لكن مو متسوعب انكرت بسهوله ونست كل شي قدمه لها علشان بس مره ماشرى لها فستان وهنا بدءت مشكله مكسور قلبه انها باعته

ولاهتمت


صح خطبنى حتى قبل يتم خلع ووافقت عليه بس قلت مانملك الا اشوف ورقه خلع وطلبت يحجزنى وحجزنى لمده 6 اشهر


وتم الملكه لكن لاحظت نفسيه زفت وعنده خوف بشكل مو طبيعي من طلاق وكانه دخل بزواج ينتظر طلاق يااطخلعه يايطلاقنى لانى واعيه بديت احسسه بالامان وثق فينى

ولاحظ فرق وانى طيبه لكن طبعه سئ لازال يشك ولو انه قالى حاس انك مرتاحه لى وانا احس انه يحبنى ومستحيل بيلقى احد مثلى يفهمه


لكنه بليس اد انقلب وجه ثاني







مدينه شجر طيب اخاف هو يسبقنى ويطلقنى بكل سهوله وقتتها بنقهر حيل

بخصوص بنته بلعكس مو مانعها من امها وبياخدها بعد ماتصير 7 سنوات وملاحظه انه يخاف الله فيها ويقول علشان بنتى مابيها تنحرم
من امها مو علشان امها


ودى اعطي فتره بس اسبوع وتعبت نفسيا ودى اكسر كل شي اوقات اشوف انه يستاهل وااوقات اقول اتصبر بس مولمه تكون عندى ورفه طلاق ثانيه

وخبرك ورقه طلاق ماينكتب شي فيها غير انى بكون مطلقه مرتين اتمنى ربي يرحمنى مررررره موجعه حيل حيل طلاق ثانى بدون سبب
شي مو سهل امنيتى ارجع له لو كله هواس ولا يطلقنى لانه هادي الحياه لكن يسحبنى من حياته كدا بدون سبب صعبه
 
ملهمته

من جدك حاصره السالفه بسبقه واخلعه قبل مايسبقني ويطلقني ؟
طيب نفترض انك فعلا سبقتي وخلعتي وهو ماعنده نية طلاق اصلا
وش راح تكون ردة فعله ؟
هل تتوقعين بيجلس عند رجولك في المحكمه يبكي تكفين لاتخلعيني ؟
الا بيقول باعتني ومن اولها تسويلي مشاكل خل اطلقها من البدايه وارتاح
زوجك ماخذا راحه وما استفرد بنفسه بعد الطلاق فطبيعي ردة فعله يابنت الحلال
بالعكس هذي دلالة ان قلبه حي

يابنت خلك فطينه وذكيه
لا تتعجلين معليش اجبري نفسك تحملي واضغطي
لان الاستعجال في هذا الموضوع وهذي الظروف بيخرب حياتك


وترا الرجال مايعيبه حتى لو مطلق خمس مرات !!!!!!
 
طيب قهر لو له نيه يطلقنى اخر مكالمه له قلت له وش مطلوب قال االله يستر عليك ويهديك وش تعنى هادي


اخوانى ينصوحنى اخلعه ورتاح


رايك اعلم امه لانها ماتدرى هى تسئل عنى عند خواته وهم يقلون بخير ترسل لنا وتساب واكيد بيكدب على عند اهله
 
طيب بيعيبنى وبيحرنى اطلق انا وتكون عندى ورقتين طلاق بدون دكر اسباب حيل تعبانه على اقل خلع بيكون فيه عيويبه


وبعدين عارفه انه مابيترجانى بعد خلع بلعكس بيرتاح

بس هدا الى مخوفنى اهلى مع خلع بقوووه
 
تكفين لاتفكري في الخلع اصلا مين مدخل فكرة الخلع براسك
اللي تطلب الخلع اللي زوجها ضربها وعذبها وحارمها من حقوقها
والله بداية زواجي عانيت معاناه مايعلمها الا ربي ولافكرت حتى اروح
لاهلي انتي اصبري واحتسبي الاجر على صبرك واعذريه
ترى مثل الطلاق مو سهل للمراه فا اكيد الخلع اصععععب بمليوون
مره للرجال هوني على نفسك واذا حستي انك مومتحمله ارجعي للموضوع
هذا وقري ردود البنات والله يريح قلبك.
 
اللهم امين حلا



ام خلودي تونى عروس وجابنى بيت اهلى وسحب نفسه وغير تيام خطوبه كل شوي يبكر سالفه متحسف على حتى ضحكه
 
خيتو استخيري الله الحين روحي استخيري الله العالم شو خير لك

واستمري ع سورة البقرة يوميا تختميها
الاستغفار اغلب وقتك
الصلاة على النبي
الصدقه
الدعاء بحسن نيه
قيام الليل

بدي بهذا الجدول يوميا وانا متأكده ان حياتك اتصير سعادة وجنه واتعيشي اجمل الايام واتحمدي الله انه رزقك بهذي الحياة
 
عارفه حبيبتي والله يعينك حاولي تبعديه عن تفكيرك
عارفه انه صعب اشغلي نفسك باي شي لاتخلي حياتك توقف عليه
ان كان استمريتي معاه او لاسمح الله افترقتو اذا انتي مو موظفه
حاولي تدوري على وظيفه او ادخلي دورات اهم شي تشغلي
نفسك والله يصبر قلبك.
 
نصيحة لاتحكو لازواجكم مشاكلكم مع طليقك لانه راح يذلك ........................هذي نصيحة بشكل عام حياتك السابقة نهائيا ماتفتحيها له...............
 
الله يريح قلبك وييسر لك الخير ويفرج همك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل