عدت و العود أحمــــــــــــــــد ( مالي أمل )

ااااااااااااااااااااااااااه من راى مصائب الناس هانت عليه مصيبته الله يعينك يا اختي ويسهل علي انشالله ويكتب لك الخير انشالله وان الله مع الصابرين
 
الله يكون بعونك والله قصتك تضيق الصدر يارب يفرج لك همومك ويخلي لك عيالك وتفرحين فيهم
 
مالي امل قال:
للي تابعة قصتي من البداي مثل ما قالت احدى الاخوات ان قصتي تنفع مسلسل تركــــــــي :tears:................ مالومها شر البليتي ما يضحك فالواقع احداث قصتي لازالت مستمره ما انتهت

بعد ما تعرفون ان ريلي طلقني :sad_1:علشان خاطر حرمته حسبي الله عليها بس ما انتهت السالفه عند هذا الحد وبس كلمة طالق و بس ما خلت السالفه من التهديد و الوعيد و الضرب و بعدها طلع و لكم تتخيلون و ضعي كيف كان صح كنت منهاره وقمت و صليت و دعيت ربي يفرجها عليه و بديت اقنع نفسي ان خلاص رحلتي معاه انتهت الحمدلله رغم الخوف الي كنت احسبه و شريط حياتي اتعيس يمشي جدامي

و الله ما ادري كيف مرت هذيج الليله :dunno:

بعد يوم واحد بعدها ما طافت 24 ساعه رجع البيت و كانت رجعته تخوف توقعت انه ياي يطردني من البيت او الله يعلم..... توكلت على رب العالمين و طلعت له شو تتوقعون......؟

ياني يعتذر و انه هو كان في حالت غضب و ما يدري شو سوى و انه لما طلع من البيت ندم و حس بغلطته و يلس يقولي انه ما يقدر يعيش بدوني و ان لازم انرد علشان العيال و كيف بتعيشون و الحياه صعبه و لازم اكون حرمته علشان ما نضيع !!!!!

اصلا نحن ضااااااااااااااااااااااااايعين من زمان و هو ما يدري للاسف :e052:

وأنا اصلا ما صدقته بس قلت يمكن انه الله كاتب لنا نستمر أو إذا تبون الصدق كنت خايفه من اني ارد صراع الحياة مره ثانيه و البهدله ( طبعا انا اوردي متبهدله ) و هذي المره عندي ثلاثه شو كنت بسوي ؟؟؟؟؟؟؟؟؟؟؟؟

و ياريت ما رديت و صدق من قال ان (كلمت ياريت ما تعمر بيت) نعم انها ما تعمر و لا تسوي شي اماني فاضيه و واهيه

احلام من سراب و بس

رديت يته سفره تكملت دراسه في الخارج و اتفقنا انه يسافر و بين كل فتره و فتره انا اسافر وياه او اسافرله و مشت الحياه فتره و الحمدلله كانت الاجواء طيبه ما فيها توترات و سافرت و ياه انا العيال بس للأسف بدون بنتي في الصيف خليتها غصبن عني و بعد ما خبرتها وافقت و هي ما ودها تخليني و كانت اكبر غلطه سويتها

لاسباب و ايد اولاها و هو اهما ان ريلي اصلا ما يستهال اني اترك بنتي على شانه

و هناك حاولنا انا و هو ان نحاول ان نتقرب من بعض بس ما في فايده طبعا هو ما خبر حرمته اني معاه لانه جبااااااااااااااااااااااااااااااان و خووووووووووووووووواف و اظن انها لو درت كان يتنا وبتلعنا لعان هناك بعد

و كنت كل عاده مجبوره اني اسمعه لما يكلمها و انقهر و اكل تبن بعد ولا هو حاس بالعكس كان عنده عادي

بدا قلبه يقسى اكثر ما هو قاسي احس مرات انه اصلا ما شي رحمه في قلبه

و ما طولنا الحمدلله و رديت البلاد و طبعا طيران يبت بنتي

و هو كالعاده رجع للملكة مالته :sly:

و بدت فتره من شهر خمسه لين اليوم ما خلصت مشاكل و را مشكل ما تخلص

في شهر سته سافرت مره ثانيه عنده و نفس الكلام تخيلوا من اوصل تبتدي مشاكلنا و السبب بيسط جدا ( الملكة حرمته )

تخيلوا مره رايح الجامعه لقيتها مطرشه مسج موتني من الضحك و هو ( حبيبي ليش ما تحبني مثل ما يحب مهند نور)

شفتوا ما لومها تعيش فترة مراهقه متأخره جدا( معاناة )

و قعدت هناك لن شهر ثمانيه تخيلوا انا ما عندي تليفون اصلان هناك اكلم بنتي من تليفونه و اصلا انا ما عندي حد يسال عني ولا انا اسأل عن حد غيرها يعني ليش تليفون ؟؟؟؟؟؟؟؟؟؟؟؟؟؟

بس بطاقة الخط مال البلاد كانت معايه و هيه بطاقة مدفوعه يعني ما تشتغل في بريطانيا اصلا و في هذاك اليوم المنحوس كنا من الصبح هو عنده اجازه و رايحين نتشرا اغراض للبيت علشان هو يبا يعزم ربعه سعوديين تخيلوا

حرمته تتصل فيه وانا يالسه عداله و تقوله قول لحرمتك الخايسه الحقيره بنت الشوارع (إلي هيه انا طبعا) ما اتصل فيها لانها الغبيه ما كانت تعرف اني عنده تتحسب اني في البلاد علباها بتسوي مشكله الحبيبه مسكينه

طول عمره غبيه و بتم غبيه بس صدقوني ترها مب هينه ابد

ا هو طبعا رد عليه و قال مستحيل ماتسويها اعرفها انا اسغربت دفاها عني و نشبوا في بعض

انصدمت كيف الاخ يدافع عني طبعا هيه قالت اني سبيتاها و تكلمت عليها و غيره وغيره وايد و كله ماشي منه و هو انصدم منها كيف انه تجذب عيني عينك وانا بعدني ما كنت اعرف شو السالفه لانه راح ابعيد يكلمها لانه ما يحب يوم هم يضاربون انه يكلمها جدامي تعرفون ليش علشان ما شوف الوحش الريال الحمش و هو يأدب حرمته ( انا اطنز طبعا )

و يايني معصب و خبرني القصه انا بيني و بينكم انصدمت بعد ما توقعت انها نذله

و سالت سوال الي كان الشعلة للمشكله اسمرت اسبوع تخيلوا يحط حرته فيني هيه الي غلطانه و الي لازم تتحاسب وانا الي ادفع ثمن غلطتها سالته يا طويلات العمر لو كنت انا في البلاد كنت بصدقها؟؟؟؟؟؟؟؟؟؟؟؟؟؟؟؟؟؟؟

كان الجواب و بدون تردد نعم !!!!!!!!!!!!!!

تخيلوا لو انتوا كنتوا مكاني

سالته ليش؟

رد عليه يمكن اتسوينها تنتقمين مني او حركات اغياض

وعلى كثر ما سوى فيني و على كل البلاوي ولا مره غلطت عليه ولا فضحته و لا شي بالعكس انا الي ينغسل اشراعيو صرت انا نذله!!!!! سبحانك ياربي

قلتله بس جمله (كلن يرا الناس بعين طبعه) و على طوووول كف على وييهي استاهل طبعا ترا انا و لاشي انا مجرد خادمه و هيه الملكة الي ما ينداسلها على طرف

وسكت عني يوم ليش علشان ربعه الي عازمنهم ما يبا يتفضح جدامهم و يا حليلي انا بعد استحيت ما حبيت احرجه و سويته الغدا و استانسوا ربعه و بيضت و يهه جدامهم و حتى الانجليز مدحوا اكلي طبعا انا مب ذاك الزود الله يطول عمر النت و منال العالم

المهم الحبيب رجع يشكرني و قال لو بس الله يهديج بتغدين احسن حرمه

شو رايكم ؟؟؟؟

و بعد يومين قالي انه في ريال بينا هو و حرمته و بنتهم يايين علاج و بيون يسلمون

وكانت المصيبه الي ما توقعها

هو طلع مع الريال و انا قعدت عندي الحرمه ما اعرفها اول مره اشوفها في حياتي وبعد السلام و شوية وسالف طاحت فيني تخيلوا ضيفتيه و في بيتي اتسبني شو رايكم انتوا في هذا الحظ الي يكسر الحصى

طلعت اخت واحد من ربعه و ريلها و لد عمه و حرمت اخوه اربيعت حرمت ريلي وخوها للاسف مب ريال ناقل صوره غلط عني اني راعية مشاكل و اني دمرت بيت الحرمه المسكينه الفقيره و اني خرابت ابيوت و دوم امشكلتنه و ابا غصب طيب يطلق حرمته المسكينه ( هذا انا !!!!!) انا انصقت بس مسكت اعصابي و قلمتها باسلوب هيه تفاجأت مني و خبرتها الصدق و ما سبيت حرمته ابدا جدامها بلعكس قعدت ادافع عن نفسي و استشهد باشياء سوتها حرمته و هيه ما كانت اتعرفا و عرفتني من كلامي اني مب الشخص الي و صفوه لها و صدقوني انها لين اليوم تتصل تتعذر مني و انها غلطت في حقي بعد انا مالومها هيه مسكينه الي ما يعرفك ما يثمنك و الحمدلله انا اعرف نفسي على رغم غلطاتي

و انا طولت عليكم و ايد اوعدكم اني اخبركم باحداث رمضان كان و كيف اني مريت باصعب حالت الخوف و الضياع فيه لو ما رحمت رب العالمي و سمحولي

اختكم مالي امل
أنقر للتوسيع...


أتمنى من ألاستاذه ناعمه أو ألاستاذه موزه أن يتدخلوا ويساعدوا الاخت مالي أمل لانها في امس الحاجه لهن,
تابعي حبيبتي,
الله يعينج فيما أبتلاكي,
 
تكفين اسردي علينــــــــــــــا قصتك كلهـــــــــــــــــــــــــــا لاني اقعد احتيـــــــــــــــك,,,,,,,
وبشريني عن وضعك الحـــــــــــــــــالي,,,,,,,,,,,,,,,,وانا قمت اوسوس في قصتك,,,,,,,يريت تقولين قصتك كامله,,,,,,,,,,,اختك في الله,,,,,,,,,,,,
 
فرج الله همك وأزال عنك ماأغمك

وأسعدك بصلاح زوجك وسخره لك

وأثلج صدرك بصلاح ذريتك ورزقكم

سعادة الدارين ،،،
 
يـــــــــــــــــــــــــــــــــــــــــــــــــــــــــــــــــارب انك تكتب لاختي الفرج من عندك
كملي الله يجزاك الجنة
 
السلام عليكم يا بسمة أمل

الحمدالله على سلامتج يالغالية

صحيح انه البعد طول وخليتينا نحاتيج وايد و يبالج ضرب:icon28:

بس شرات ما يقولون الغايب عذره معاه:blush-anim-cl:

طبعا انا يالسه اسولف:in_love:

شكرا لأنج تستانسين يوم تشوفين اسمي...ياربي وايد استحيت:cupidarrow:

المهم الحين انج تغدين بخير ونحن كلنا هنيه نحاول بكل صدق نخفف عليج و نحاول نوجد حل للوضع اللي انتي فيه:icon1366:

مع السلامة و أكيد بانتظارج يا بسووووومه:bye1:
 
سلام عليكم ومشكورين على المرور
ندخل في الموضوع على طول
رد من سافر ورجع في نص رمضان و تخيلوا من رجع ونحن في مشاكل ما تخلص من ايي عندنا على طول لازم تصير مشكله على اتفهه الامور ما في شي معين ممكن تصير حتى على كلمه...... او ليش الكوب هنيه ................على اي شي
و يت الطامه الكبرى تخيلوا كيف تاثير حرمته عليه شي خيالي شي مب طبيعي ابدا كانه روبورت مستحيل يكون ريال جذيه منقاد لحرمته
انزين كيف اذا هو جذيه شخصيته ليش اتزوج ؟
ليش خذني انا بذات ؟
ليش بعده مستمر ؟ كلها هذا و اكثر منه قاعد يدور في راسي
انا تعبت انا احس في الفتره الاخيره اني بديت اجن
صدقوني ما امزح صرت ووووووووووووووايد عصبيه و حياتي صارت كئيبه ارجاد ما رجد مثل الناس احلام ما تتخيلون كيف والله يوم انش اكون غرقانه من العرق مع انه المكيف شغال............ و ييهي تعب عيوني...... ذبلت صار مال نفس على الدنيا ماشي اهتام خلاص
المهم شوفوا شو صار في رمضان
المهم
الحبيبه راحت المطار تستقبله وهو مخبرني و قايل انه عادي اتصل و انا المسكينه ما انكر اني كنت مقهوره وااااااااااااااايد لانها عنده و معصبه بس قلت خلها شو يعني ترت قتعد بس تقلد
يوم اتصلت فيه اسلم عليه و هيه عداله تخيلوا انا ما قلت شي والله يوم تكون معاه ما اقوله شي من الكلام الحلوا اصلا انا خلاص صرت اكره اقوله اي شي احس ان ما في شي قلبي له
بس سلمت و اشحالك بس و تقعد اتصارخ عليه و تقوله بس عاد يلله سكر عنها (...................) كلام مب زين ينكتب اصلا
حسيت فيه انحرج مب قادر يسكتها ومب عارف يرد عليه انا سكرت في ويهه طبعا لانه عمره ما بيكون ريال جدامها
ولا عدت اتصلت وهو
اول ما وصل البيت تم يتصل و انا ما ارد
المهم مرن يومين و هو يتصل وانا ما ارد لين يانا البيت و طبعا مشاكل و لا اكلمه و خلافه
والله انه كسر بخاطري كاعاده و هو ولا هنا احساس ميت و لا حتى فكر انه يعتذر
كم بيعتذر و الا عن شوه بيعتذر إلي سواه مب أشوي في حقي مرات ما اقدر ألومه لانه جبان
المهم في اخر اسبوع من رمضان قالي انه بيروح وياها ياخذون اغراض العيد قبل ما يسافر و اذا في شي اتصل عادي
انا سويت عمري بنت سنع وما اتصلت و شفتته وايد اتاخر فتصلت و كانوا راجعين في الخط للبيت و كان اتصالي هذا هو الجمره الي شبت النار عليه
ما طولت سالته وين قال في الطريج قلتله اول ما توصل اتصل انا اترياك
بس ما كملت نص دقيقه وسكرت
و شبت مشكله بينه وبينها في السياره وقالي سوت فلم هندي اونها تبا تفر عمرها من السياره وبتنتحر علشان انا اتصلت (بيني و بينكم انا فرحت اني بس زعلها لو شوي و خليتها تحس بالقهر )
و تخيلوا هيه يوم تتصل وطبعا تتعمد تتصل يوم هو عندي تيلس تقوله( حبيبي فديتك قولي احبج) وهو المسكين يقعد يحمرو يخضر مش عارف شو يقول و منحرج و هو عارف هيه ليش اتسوي جذيه وانا المسكينه بس إلي اسويه ابتسم تخيلوا اضحك من تصرفاتها لاني اشوفها ناقصه عقل مب صاحيه حركاتها حركات وحده حقوده مب عارفه شو اتسوي علشان اتطلع غيضها غير بالاسلوب الرخيص الي مثلها
المهم ما نامت الليل تبا تسوي شي فيني
و يتها خطه شيطانيه مثلها
طبعا الخطة شو هيه
تليفوني بسم ريلي طبعا و اي فاتوره توصلني توصل على بريده إالي طويلة العمر تستلم كل شي وصله و اي شي تفتحه و تفتش فيه بس الي يخصني مب اي شي ثاني
تخيلوا فتحت فواتير التليفون مالي وتمت تتصل على كل الارقام الي على الفاتوره وطاحت على رقم ريال وقعدت اتكلمه وفهمت انه ما يعرفني وانه كان مغلط على تليفوني و انه وحده ردت اتصلت فيه علشان تبا تعرف من إلي متصل بس و إلي ردت كانت بنتي لاننه تليفوني كان عند بنتي يوم انا كنت مسافره و انا عندي البطاقه المدفوعه و حرمته ما كانت تعرف اني مسافره عند السبع وطبعا هذا كان من حسن حظي و دليل ان الله واقف معايه
المهم اتفقت معاه ما ادري كيف قدرت تقنعه انه يقول لريلي انه يعرفني من اربع اسنين و انه يعرف ان هذيل العيال مب عياله وأنه متاكد وطبعا قاله اسمي وو صفني اشويه على حسب معلوماتها لانها كانت شايفه صورتي وبعد ما تاكدت من ان خطتها محبوكه عدل
يابت الفاتوره لريلي الغبي و قالتله شوف حرمتك ألي مأمن فيها و العيالك عيال حرام وخذ تأكد بنفسك
وطبعا الريال خذته الرجوله !!!!!!!!!!!!! واتصل على الرقم وهذاك النذل قام بالواجب ما قصر
و اتصل فيني و هو يصرخ والله اذبحج وياويلج مني وتهديدات على كيفكم و اتصل فيه يسكر التيلفون وبعدين سكرع خير شر والشيطانه ما خلت حد ما اتصل فيه تبشرهم بطلاقي لانها اكتشفت ان ريله ما خذ وحده عاهره و انه رايح يطلقني و ان الله بيريحها اخيرا
انا عاد ما ادري شو اسالفه ويوم يا البيت كنت وااااااايد خايفه وفر الفاتوره في ويهي وقعد يضرب فيني و يسالني منو هذا تخيلوا الاذان كان ياذن للافطار و انا افطر على ضرب
يرضي منوه هذا مب حرام الي يصير فيني قلتله خلني اشوف الرقم و لمل شفته تصدقون انه كان بس مره وحده و هو عنده فواتير من شهر ثلاثه لين شهر تسعه ليش الرقم ما تكرر ؟ انصدم و بعديت قلتله شوف التاريخ انا وين كنت في هذا الوقت كنت عندك شفت اعيونه مثل الي ضايع و طلع من البيت ابسرعه و اتصل فيه ما يرد عليه وتخيلوا انا في هذاك الوقت ما كنت اعرف بعدني انه حرمته و راا السالفه هذي
مرت عليه الليله ثقيله و انا نفسيتي ما تنوصف وكنت ادعوا رب العالمين انه يهديه و يصلحه و يكشف الضر عنا و عنه
وانشالله فالليل بكملكم الباقي ​
 
الله ما يضيع احد عليك بدعاء في جوف الليل الاخر وكثرة الاستغفار
والله يفرجلك يارب
 
السلام عليكم ورحمة الله وبركاته يا بسمة أمل

الحمدالله على السلامة.....وربي يساعدج يالغالية....الله يعلم كيف أثرت معاناتج فينا

بس إن شاء الله راح تكوني أقوى عن كل الظروف

وفي الانتظار
 
أه يا بسمه ألم,
أتمنى ألج تتجخلين الجنه,
ألي شفتيه في هالدنيا فوق سنك,
الله يفرج عنك همك,
أمين يارب االعالمين,
كيف انتي تشتغلين الحين؟؟
لو تشتغلين عيشي حياتج حبيبتي,
أستمتعي أنتي وعيالج,
وهالزوج خليه,
شكله شخصيته مررره مهزوزه قدام زوجته,
 
حتى لو ما تشتغلين,
الحمدلله انتي في بلد يتكفل بالمواطنين الي ما عندهم شغل,
تعرفي على الناس,
حبي نفسك,
أنسي ذكرياتج المؤلمه,
وأحنا معاج,
يعلم الله انه ادعيلج كل ما تذكرتج,
 
ااااااااااااااااالله على كل ظااااااااااااااااااااااالم

يا بسمة أمــــــــــــــــــــــــــــــــل الظلم ظلماااااااااااات

لا تزعلين ولا تضيقين خلقج الله معااااج وربج يحبج يحبج يا بسمة امل يبيج دايما قريييبه منه والدليل

اللي تصير لج عشان تلجئين له بكل خشوع وخضوع وخنوع ......

الله يحفظج ويوفقج ويعطيج على قد نيتج الصاااافيه ربج كبيييييير انتي صح:icon30:

ومايصح الا الصحيح :flex:

موفقه بإذن الله:bye1:
 
نسيت اقول لج لا تطوليييييييييييين علينا ونقعد نحاتيج

انا بالي مع بنتج يارب يحفظها لج من كل شر وديري بالج عليها من الذيبه هههههههه

استغفرالله اخاف بعد تسوي لها شي عشان تحر قلبج الله يحفظها من كل شر ويخليها لج ويستر عليها

ويبارك لج فيها ...

نااااااااااااااااااااااااااطريييييييييييييييينج كلنااااااااا:sadwalk:
 
ربي يكوون بعونك
الظلم ظلمات يوم القيامة
ودعوة المظلوم مستجااابة تفتح لها أبواب السماء
عليك بالدعاء فإنه سلاح المؤمن
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل