عادي طاح الحطب ، وحلوه الحياه

[احلام ورديه]

[glow=FFFFFF]المشهد الاول

وحدة مزيونة بالحيل ........ و حبيبة
بس تخون
وش أسوي بجمالها ؟؟
بياخذها الزمان و تبقى عجوز

عادي ........ طاح الحطب ........ و حلوة الحياة






المشهد الثاني

سيارة مسرعة
و تدعس لها واحد
مسكين هندي
و العسكري صديق الطايش
والخطأ نصه على الهندي
والباقي على أبو الطايش
و في الليل ........ الطايش يلعب بلوت

عادي ........ طاح الحطب ........ و حلوة الحياة




المشهد الثالث


غني و ظالم
يطرد المساكين ........ و يستغل الضعوف
مغرور و فاسق
و مجلسه عامر
كلن يبهر له
و مع ذلك يجمع حسنات ........ من كثر ألّي يسبونه

عادي ........ طاح الحطب ........ و حلوة الحياة




المشهد الرابع


يكد يدرس و يشتغل
لأجل يبني مستقبله
تزوج و جاب عيال ........ ثم تقاعد
صار يسكن في مكان ........ و أم عياله في مكان
والسبب العيال
صار دار المسنين بيتهم

عادي ........ طاح الحطب ........ و حلوة الحياة




المشهد الخامس

تغازل و تاخذ أرقام
و تطلع مع هذا ........ و تواعد هذاك
و يوم طاح الفاس في الراس
بكت
و راحت تشكي لأمها غدر الزمان
طبطبت عليها أمها وقالت
ولا يهمك ........ سفرة لمصر ........ وشوية سيولة
و ترجعين بنت

عادي ........ طاح الحطب ........ و حلوة الحياة




المشهد السادس

مرفوع الكفن أبيض
وصاحبه وسط البياض
بعضهم يبكي ........ و بعضهم عادي
دفنوه ........ و تبكبكوا شوي
و أخر الليل سكارى

عادي ........ طاح الحطب ........ و حلوة الحياة




المشهد السابع


قارورة مويـه ........ فاضيــه
ما تضره ........ طايحة في السيارة
يناظرها بغضب ........ زعلان منها
و يفتح الشباك ........ و يرميها وسط الطريق
وإذا أجتمع مع الشباب قال : متى بنتحضر ؟؟؟؟؟؟

عادي ........ طاح الحطب ........ و حلوة الحياة




المشهد الثامن

أهم شيء الثوب نظيف ........ وأفهموها
الشماغ مكوي ........ و القلم ماركة ........ والساعة تضوي
و الجزمة جلد ........ والسيارة عجب
و تلفونه ما يسكت
أما بنات
أو البنوك تبي فلوسها

عادي ........ طاح الحطب ........ و حلوة الحياة




المشهد التاسع

بنت سطحية ........ و مغرورة
غبيه ........ و متكبره ........ و يا ريتها حلوه
تبي زوج بمواصفاتها
ما يقول لا ........ ويكره الإستراحات
لازم وسيم ........ و أنيق ........ و متعلم ........ و دخله ممتاز
و يحب السفر
و بعد سنين ........ تلاقي نفسها في الانترنت
تدور واحد يقبل بها

عادي ........ طاح الحطب ........ و حلوة الحياة




المشهد العاشر

راعي إنترنت ........ فتح الكمبيوتر
و دخل للمنتدى ........ و كلامه ما يتعدى أن الموضوع روعة و رهيب
و هو ما قراها ........ و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز

والمشكلة أنه يتميز

عادي ........ طاح الحطب ........ و حلوة الحياة




المشهد الأخير

الكذب ........ وما أدراك ما الكذب
أثم عظيم ........ ومع ذلك نستخدمه
و ندري أن هذا حرام ........ و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى أن معهم كتاب يسجل أفعالنا و نياتنا
كل شي محسوب
حتى النظر
نسينا ان ورانا يوم ........ علاماته قربت
ومع ذلك كلنا ناسين

وأن بقيت على حالك تتناسى ........ لازم تعرف إن

ذاك اليوم مهوب عادي ........ وأنت الحطب ........ و ما به حيـااااااااااااااة



(منقول)
[/glow]​

 

[( روح )]

كلام صحيح وهذا اللي حاصل فعلاً هالأيام...

[glow=FFFFFF]

المشهد العاشر

راعي إنترنت ........ فتح الكمبيوتر
و دخل للمنتدى ........ و كلامه ما يتعدى أن الموضوع روعة و رهيب
و هو ما قراها ........ و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز

والمشكلة أنه يتميز

عادي ........ طاح الحطب ........ و حلوة الحياة

[/glow]​

هذا أكثر مشهد ضحكني....هههههههههههههههههه

 

[cutie]

للأسف كل ما ذكر شيء بسيط من واقعنا المر

موضوع رائع

 

[احلام ورديه]

اماراتيه .. وكاتي ..
مشكورااااااااااااات ع المرور يالغاليات ..

 

[صاحبة قرار]

شكرا لك مقااال يضع الداء والدواء

 

[مريم]

ومن سمعج يالغالية....بس ما نقول غير عجبي من هالدنيا والله يستر علينا

 

[احلام ورديه]

صاحبة قرار .. مشكوووووووووره عالمرورج يالغاليه ..

مريم .. ومن سمعج يالغالية....بس ما نقول غير عجبي من هالدنيا والله يستر علينا

هيه والله صدقتي .. مشكوووووووووره عالمرور يالغاليه ..