عاجل..مستشفى الازهار بالريــاض..؟؟

[*عذوب*]

السلام عليكم ..
كيف الحال جميعا..
ماطول عليكم الله يخليكم اللي عندها خلفيه عن مستشفى الأزهار بالرياض ياليت تفيدنا..
من ناحية العنايه والنظافه ومين أحسن دكتوره عندهم ؟
الله يسهل عليكم ويفرج لكم ..:icon26:
اللي ماعندها علم ياليت ترفع الموضوع لو بدعوه..:sadwalk:
بــــــــإنتظاركم..
​

 

[المنــــى]

الله يقومك بالسلامه يارب

ياليت البنات يفيدونك مااعرف عنها شي ...

 

[*عذوب*]

المنى مشكوره ياقلبي والله يرفع قدرك..

يارب القى رد شافي من خواتي عن الولاده فيه..

 

[BNT NAS]

لما كنت حامل سألت عن دكتوره سودانيه مااذكر اسمها مره روووعه ولكن المستشفى موكويس

ولاانصحك فيه تبين تولدين روحي مدينة الملك فهد الطبيه لان الولاده فيه بواسطه او تكون حالة الحامل صعبه..بس انتي روحي بفلوسك والله ممتــــــــــــــــــاز

 

[*عذوب*]

لما كنت حامل سألت عن دكتوره سودانيه مااذكر اسمها مره روووعه ولكن المستشفى موكويس

ولاانصحك فيه تبين تولدين روحي مدينة الملك فهد الطبيه لان الولاده فيه بواسطه او تكون حالة الحامل صعبه..بس انتي روحي بفلوسك والله ممتــــــــــــــــــاز

طيب حبيبتي مو اهم شي بالولاده بعد رحمة الله الدكتوره؟؟
امم وش فيه المستشفى ليش مو زين تكفين وضحي لي اكثر ماعرف شي عنهم..
الله يجزاك خير والله محتاره طيب تنصحيني برعاية الرياض التأمينات؟




بنات تكفون اللي عندها علم تزودني..

​

 

[BNT NAS]

هذا اللي اعرفه ............ روحي شوفي

 

[*عذوب*]

هذا اللي اعرفه ............ روحي شوفي

الله يعطيـــــــــك الف عافيه ماقصرتي..
​

 

[my.vip]

انا اختي ولدت كل اطفالها بالتامينات رووووعه اهتمام واهم شي الدكتوره الهنديه شاطره الي به
وفي وحده سوريه بعد شاااطره يعني يفهمون بس الولاده القيصري عندهم بـ14 الف
والطبيعي مدري بس اعتقد 6 الالف بس تاكدي انتي لاني مو متاكده من الاسعار

 

[راعــيــة كــيف]

اسم جديد بالنسبه للمستشفى اول مره اسمع فيه
كنت اتمنى اعرفه وافيدك ..بسس؟!
اطرحي لي مستشفى ثاني..
هههههههههههه

 

[*عذوب*]

انا اختي ولدت كل اطفالها بالتامينات رووووعه اهتمام واهم شي الدكتوره الهنديه شاطره الي به

وفي وحده سوريه بعد شاااطره يعني يفهمون بس الولاده القيصري عندهم بـ14 الف
والطبيعي مدري بس اعتقد 6 الالف بس تاكدي انتي لاني مو متاكده من الاسعار

الله يعطيك الف عافيه ماقصرتي.

فيه بعد بنات مدحو لي د.رغد اللي بالتأمينات

الله يسهل يارب ويسخر لي اللي بتولدني وخواتي البلقيسيات كلهم..

​

 

[*عذوب*]

اسم جديد بالنسبه للمستشفى اول مره اسمع فيه

كنت اتمنى اعرفه وافيدك ..بسس؟!
اطرحي لي مستشفى ثاني..
هههههههههههه

راعية كيف حتى انا جديد علي وخايفه بس كل اللي اعرفه انه بالنسيم وفيه دكتوره سوانيه شاطره أظن اسمها بتول ..

والولاده عندهم بحدود 2000ريال وهذا اللي حدني عليهم سعرهم معقوول..​