عاجل للاستشاريات

ا

الترف كله

New member
إنضم
2011/10/06
المشاركات
20
السلام عليكم انا اول مره اشارك واريد من الحكيمات ارشادي وتوجيهي انا امر في مشكله ماعمري تحلمت امر فيها انا متزوجه صار لي عشرين سنه وتصير بيني وبين زوجى مشاكل تصير في كل بيت عن الاولاد والمذاكره والصلاه بس فجاءه كنت عند اهلي في العيد ارسلي زوجي رساله قال بتزوج ابغي وحده ثانيه وبعد ما جاءني قعدت اسولف وياه عادي ونمنا ذيك الليله مع بعض وبعد ماخلصنا سالته قال نعم اريد الزواج فقعدت ابكي واترجاه انهاما يتزوج لان عندي عقده من الصغر من الزوجه الثانيه بحكم اني والدي متزوج وحده ثانيه فقعدت اتوسل له لكن راح وخلاني ابكي بحرقه واتحسف علي الايام والسنين اللي قضيتها معه علما اني تزوجته وانا عمري ستة عشر والحين عمري سبعة عشر وشخصيته دايما عصبي ولا قد سمعت منه كلمه حلوه الا نادرا ودايما يجلس عند اهله بحكم ان بيتهم جنب بيتنا بس والله يابنات استحملت اشياء فوق طاقتي وتفاجات بعد ما رجعت من عند اهلي انه فعلا خطب ومن معاناتي معه دايما لايريد يتحمل المسؤؤليه حتي اولادي دايما يعاملهم معامله جافه واستحملت لدرجه انه كان ياكل حبوب نفسيه واستحملت ولا قلت لاحد عنها وثرت وعصبت انا وعيالي عليه يوم درينا ذاك اليوم وردة فعله كان يضحك ويشوف التليفزيون ويقول ردة فعلكم طبيعيه وامكم مره عاقله وسالته ليش تبي تتزوج قال كذا تعدد انت ليست مقصره في شئ بس انا ابي اعدد تخيلوا فوق هذا كله انا اللي مستخمله تربيت العيال ومذاكرتهم وقيامهم للصلاه وهو اذا قومهم مره او مرتين ثار واعصب وقال كل شئ علي انا كافي ارجع من العمل تعبان بس والله العظيم اني اسوي كل اللي اقدر عليه بس العيال الله يصلحهم ويهديهم ليسوا جيدين في المدرسه وحاط المسؤؤليه علي اني انا السبب المهم بفضل الله رفضوه الناس اللي كان خاطب عندهم بس شسوي يوم دري ارسلي رساله يدعوا علينا بالسرطان طول العمر وان الله يعذبنا طول عمرنا ولاعاد دخل البيت داخل ينام في المجلس وياكل عند اهلهاولا يكلمنا لدرجه واحد من عيالي ارتفع معه السكر الي1060بس الحمدلله الله شفاه وخلاه لي يوم علموه عشان يجينا المستشفي قال بس كذا ورجع ونام واتصلت علي حماي وجانا في المستشفي الحين انا صراحه لااعرف ماالعمل ولاماذا افعل يوم من الايام رحت للكمبيوتر لقيته فاتح علي موقع للزواج وانصدمت يابنات معقوله وصلت فيه لذا الدرجه مع انه مطوع ملتزم حتي بعض المرات يؤم في المسجد مادري شلون طرت علي فكرة اسجل في الموقع وفعلا سجلت ودخلت عليه بس حطيت نفسي صغيره ومطلقه ومواصفات واجد من اللي كان طالبه يابنات صار تكلم معي ويقول كل شئ عنه تقريبا وكل ماسالته عن زوجته الاولي يجاوب باجابات محتصره مثل زوجتي عاقله بتفهم الوضع واحبها لو ماحبها ماخليها تقعد عندي وكل ليله يسهر مع هذي المره اللي تعرف عليها اللي هي انا وانا في الواقع مايقعد معي ربع ساعه يابنات نسيت اقولكم اني عندي اربع اولاد وبنتين وحامل فى الا شهر الاحيره الله يستر علي اللي في بطني من الحاله النفسيه اللي انا فيها يابناتاكتب وانا ابكي وهو الحين ينتظرني علي الموقع عشان اكلمه ارشدوني وجهوني ولا تقولين ذكيه عشان راسلته لاني مادري شسوي انا في حاله يرثي لها خاصه اني عيالي كلهم مراهقين ولااحد ىقول اني مقصره معه في الفراش بالعكس ملبيه كل طلباته وانا بعض المرات اللي اقوله ابغي الشئ هذا بس هو اصلا مافيه قدره مع العلم اني علي قدر من الجمال وشكلي اصغرمن عمري بشهادة الجميع والحين ابيكم تعلموني شسوي ادري اني اكتب اشئاء متداخله مع بعض بس شسوي ابي الحل ماابيه يتزوج وحده ولا يشمت علي احد
 
الله يكون بعونك مادري ايش انصحك
لاتخلين زوجك حياتك كلها هو مجرد شريك ادري صعبه لاتبيني قدام زوجك انك ضعيفه ابدا خليك واثقه من نفسك وانه هو الخسران ان تزوج لانه مافي وحده بتصبر عليه مثلك واستغفري ربك وكل ماحسيتي بضيقه صلي وادعي ربك
الله يكون بعونك
 
الله يجزيك الجنه علي فكره هو ماعد دخل الموقع ولا عاد كلمته الظاهر لقي احد ثاني للخطبه تكفون بنات شوروا علي صراحه نفسيتي متحطمه جداوتعبانه خصوصا اني في الاشهر الاخيره من الحمل وابي اعرف هو وانا من اي نمط لاني صراحه مااعرف هالاشياء
 
السلام عليكم انا اول مره اشارك واريد من الحكيمات ارشادي وتوجيهي انا امر في مشكله ماعمري تحلمت امر فيها انا متزوجه صار لي عشرين سنه وتصير بيني وبين زوجى مشاكل تصير في كل بيت عن الاولاد والمذاكره والصلاه بس فجاءه كنت عند اهلي في العيد ارسلي زوجي رساله قال بتزوج ابغي وحده ثانيه وبعد ما جاءني قعدت اسولف وياه عادي ونمنا ذيك الليله مع بعض وبعد ماخلصنا سالته قال نعم اريد الزواج فقعدت ابكي واترجاه انهاما يتزوج لان عندي عقده من الصغر من الزوجه الثانيه بحكم اني والدي متزوج وحده ثانيه فقعدت اتوسل له لكن راح وخلاني ابكي بحرقه واتحسف علي الايام والسنين اللي قضيتها معه علما اني تزوجته وانا عمري ستة عشر والحين عمري سبعة عشر وشخصيته دايما عصبي ولا قد سمعت منه كلمه حلوه الا نادرا ودايما يجلس عند اهله بحكم ان بيتهم جنب بيتنا بس والله يابنات استحملت اشياء فوق طاقتي وتفاجات بعد ما رجعت من عند اهلي انه فعلا خطب ومن معاناتي معه دايما لايريد يتحمل المسؤؤليه حتي اولادي دايما يعاملهم معامله جافه واستحملت لدرجه انه كان ياكل حبوب نفسيه واستحملت ولا قلت لاحد عنها وثرت وعصبت انا وعيالي عليه يوم درينا ذاك اليوم وردة فعله كان يضحك ويشوف التليفزيون ويقول ردة فعلكم طبيعيه وامكم مره عاقله وسالته ليش تبي تتزوج قال كذا تعدد انت ليست مقصره في شئ بس انا ابي اعدد تخيلوا فوق هذا كله انا اللي مستخمله تربيت العيال ومذاكرتهم وقيامهم للصلاه وهو اذا قومهم مره او مرتين ثار واعصب وقال كل شئ علي انا كافي ارجع من العمل تعبان بس والله العظيم اني اسوي كل اللي اقدر عليه بس العيال الله يصلحهم ويهديهم ليسوا جيدين في المدرسه وحاط المسؤؤليه علي اني انا السبب المهم بفضل الله رفضوه الناس اللي كان خاطب عندهم بس شسوي يوم دري ارسلي رساله يدعوا علينا بالسرطان طول العمر وان الله يعذبنا طول عمرنا ولاعاد دخل البيت داخل ينام في المجلس وياكل عند اهلهاولا يكلمنا لدرجه واحد من عيالي ارتفع معه السكر الي1060بس الحمدلله الله شفاه وخلاه لي يوم علموه عشان يجينا المستشفي قال بس كذا ورجع ونام واتصلت علي حماي وجانا في المستشفي الحين انا صراحه لااعرف ماالعمل ولاماذا افعل يوم من الايام رحت للكمبيوتر لقيته فاتح علي موقع للزواج وانصدمت يابنات معقوله وصلت فيه لذا الدرجه مع انه مطوع ملتزم حتي بعض المرات يؤم في المسجد مادري شلون طرت علي فكرة اسجل في الموقع وفعلا سجلت ودخلت عليه بس حطيت نفسي صغيره ومطلقه ومواصفات واجد من اللي كان طالبه يابنات صار تكلم معي ويقول كل شئ عنه تقريبا وكل ماسالته عن زوجته الاولي يجاوب باجابات محتصره مثل زوجتي عاقله بتفهم الوضع واحبها لو ماحبها ماخليها تقعد عندي وكل ليله يسهر مع هذي المره اللي تعرف عليها اللي هي انا وانا في الواقع مايقعد معي ربع ساعه يابنات نسيت اقولكم اني عندي اربع اولاد وبنتين وحامل فى الا شهر الاحيره الله يستر علي اللي في بطني من الحاله النفسيه اللي انا فيها يابناتاكتب وانا ابكي وهو الحين ينتظرني علي الموقع عشان اكلمه ارشدوني وجهوني ولا تقولين ذكيه عشان راسلته لاني مادري شسوي انا في حاله يرثي لها خاصه اني عيالي كلهم مراهقين ولااحد ىقول اني مقصره معه في الفراش بالعكس ملبيه كل طلباته وانا بعض المرات اللي اقوله ابغي الشئ هذا بس هو اصلا مافيه قدره مع العلم اني علي قدر من الجمال وشكلي اصغرمن عمري بشهادة الجميع والحين ابيكم تعلموني شسوي ادري اني اكتب اشئاء متداخله مع بعض بس شسوي ابي الحل ماابيه يتزوج وحده ولا يشمت علي احد

​
 
الله يهديك انتي مو مؤمنه ان زواجه قضاء وقدر وان ربي كاتب كل شي
ربي كاتب انه يخطب ويرفضونه
اسمعي ياقلبي اول خطأ سويتيه ضعفك لما قال يبغى يتزوج الذكيه تقول وبكل ثقه ان كان لك خيره الله يوفقك وان كان لك فيها شر الله يصرفه عنك
عقل زوجك الباطني الان ترجم ان رفض هذول الناس بسبب دعائك وزعلك
اضغطي على عمرك وارضي زوجك وقوليله الكلمتين السابقه
واتركيه لفاطر السموات والارض
تتوقعين البكاء والا الاخذ والعطاء بيغير من الواقع شي
تدرين وش اللي بيغير الواقع ؟؟؟؟
الصلاة بجوف الليل وصلاة الضحى ابكي لربك بالسجود احكيله معاناتك اطلبيه العون والفرج
ادعي دعاء الهم بكل ركعه وردديه بكل وقت
اتفائلي بالحياة غيري نفسيتك حسسي نفسك لو تزوج مستحيل تطول هالزواجه لانك الافضل
لا تخسرين زوجك وتقدمينه على طبق من ذهب حاولي تظبطين اعصابك
اتعرفي على نمط شخصيته هالشي بيساعدك كثير
فرج الله همك
 
الله يجزيك خير المشكله كل هالشئ فجاه بدون اي مقدمات ولا حتي تعب نفسه ياخذ بخاطري وخاطر عياله بالعكس مخلينا حنا الغلطانين واذا تزوج راح يرضينا باي شئ بس شالفايده بعد مابتزوج ماكنت اظن انه بهالانانيه صح انه قاسي وجاف بس احس كل شئ صار بسرعه خلال يومين اسبوع بالكثير
 
اختي رايي يحتمل الصح ويحتمل الخطا..انتي ذكرتي انج جميله وملبيه طلباته في الفراش والى اخره ..بس اختي انشغالج عنه بعد يحسب عليج ..شي ثاني المشكله قديمه من قبل من بدا يقعد في بيت اهله..يعني الموضوع كان لازم تلاحظينه من زمان..اتوقع زوجج يفتقد الهدوء والراحه ..بتقولين انا مريحته كل شخص له مفهوم عن الراحه في رجال ما يستحملون ازعاج الاطفال او الدوشه ..ابتدي تغيري عن الشخصيه اللي انتي عليها الحين ..ابتدي فكري بطرق تخليه يتعلق فيكم وفي عياله ويقعد في البيت خصصي له غرفه يمارس فيها هواياته وتكون بعيده عن الازعاج وخليها مرتبه ومعطره والوانها مريحه حطي فيها نبتات طبيعيه وكنب مريح عملي وخصصيها بس له ولج..كل رجل يمر بمرحله يحس فيها ان عمره راح وهو يشتغل ويصرف على زوجته و عياله ..وينظر للزوجه وكانها سرقت عمره ..وهذا كلام الدكتوره ناعمه..عشان جذي لازم االابتعاد عن الروتين جددي في حياتكم ..اذا عندج المقدره سافري انتي وياه بدون اطفال عيشو شهر عسل جديد غيري ستايلج كامل خذي كل شي جديد..اعتبريها بدايه جديده لج .,.وابتدي خلي الاطفال يتحملون مسووليه دراستهم وقعدتهم للصلاه وابتدي استخدمي اسلوب الحرمان من الاشياء في حال تقصيرهم..وفري وقت لنفسج ولزوجج..هالزمن الرجل يبي يعيش حر ويبي مراه تعيش معاه مب مكبله بقيود ومسوليات كثيره..انصحج توقفين عن الانجاب وابتدي التفتي لنفسج ولزوجج..ووفري جو الهدوء اللي يحتاجه ..ولا تنتظرين يقولج وين قصرتي انتي اكثر وحده تعرفين هو شيحتاج له ..فابتدي حطي لج خطط من اليوم ..وخليه في بيت اهله يهدا وجذبيه بطرق ثانيه ..خل يحس ان في تغيير في بيتج وان في شي جديد ..كان على الاثاث او الاطفال او فيج ..يعني مثلا زوري اهله وانتي كاشخه حدج ..ووصي حد منهم يبلغه انج محلوه وضعفانه ..خل يقول في نفسه شعندها .؟؟؟ فهمتي ..اجذبيه لا تقولين بحاول مره وبياس لا حاولي اكثر من مره وباكثر من طريقه ..استاذني منه تسجلين في الرياضه ..او في كورس فرنسي ..اي شي يخليه يستغرب ويرجع البيت ويفكر انتي شقاعده تسووين ..اتمنى اني فدتج ولو بشي بسيط وبالتوفيق..
 
احاولي تشغليه وتكلميه كل يوم
على انك البنت المطلقة
وخلي علاقتك تطووول معاه
من غير ما يحس ولا تواجهيه
وحاولي تفهمي هو ايش يبغى

ومن غير مايحس سوي اللي يبه

بعدين انصحك ريح بالك ولا تنشغلي بزواجه لهالدرجة
واعلمي ان ما اصابك لم يكن ليخطئوك
 
يااخوات زوجي مو من النوع اللي يحب التغيير النقطه هذي ما فاتتني اصلا انا اقوله خل نغير جو خل نروح نتمشي نسافر يقول لا انتبهي للاطفال ذاكريلهم يعني هو جاف مايحب التغيير بالنسبه لجلسته عند اهله هو يحب يجلس هناك لان جمعته هو واخوانه دايما هناك يعني هو واخوانه هذا مخلسهم اليومي الا عند النوم كلن يروح ينام في بيته ارجو من الاخوات التفاعل معي وشكرا لكل من رد علي من القلب
 
وينكم يااستشاريات طالبه مشورتكم الوقت يمشي وليس في صالحي ارجو منكن الرد ونصحي لما فيه خيرا لي
 
وضعك يا الغاليه نفس وضع اختي وهي في حاامل في الشهور الاخيره اكتشفت انه خطب وهي انهارت وبكيت وتعبت كتير اختي شماليه شرقيه وزوجها جنوبي غربي وفعلا ما اتوفق في هادي البنت وبعدين خطب وحده تانيه واتزوجها وأختي في حاله يرثى لها من الزعل والبكاء والهم بس كانت دايما تستغفر وتصلي الليل ماشاء الله والله هون عليها كثير سبحان الله

الحمدالله اختي صارت تهتم بنفسها واتغيرت كتير واستفادت من التجربه وتطورت من شخصيتها كتير والحمد الله صارت احسن وماعليها منه عايشه حيا تها

نصيحه لوجه الله الله يسعدك اهتمي بنفسك وبحملك محد بيفيدك غير صحتك ...... الله يعينك ... وحالي تتعرفي على نمط شخصيته ونمط شخصيتك راح ترتاحي كتير ... اللله يحفظك خلي النكد عنك انا عارفه انك تعبانه نفسيا والله يقويكي .... الله ينصرك يااارب
 
الأخوات ماقصّروا بارك الله فيهم ....أعطوك حلول رائعه .....

لكن لي تعقيب بسيط وهو ....

بماأنك تكلمين زوجك على أساس أنك أمرأه مجهوله تريد الزواج ....اذن هنا ( حاولي أن

ترفضيه متحجّجه بأنك ( لا تثقين به كزوج ...لأنه يقول أن زوجته انسانه طيبه ومحترمه ..وفي

نفس الوقت يريد مكافئتها بالزواج عليها ......بيّني خوفك الشديد منه ..وأنه ممكن أن يتزوجك

ويكافئك بأخرى ثالثه ...وهلمّ جرّه ......بيّني له أن العيب منه وليس في زوجته اللي هي انت

( استغلّي هذه المكالمه ...وأدعي لزوجته ( اللي هو انت ) وقولي :: اللهم أنصرها ووفقها ...

خلّيه يخاف شوي من تصرفاته ويبدأ يصحّح من أوضاعه معكم ....

ربي ينصرك نصر عزيز مقتدر ..ولا يشمت بك لا عدو ولا صديق ....آمين ..
 
الله يجزيكم الجنه تري هو قطع العلاقه ماعاد دخل الموقع لانه لقي وحده ثانيه بس والله متحطمه نفسيا واريد المزيد من المشورات
 

1 _ طنشيه والله لانه الممنوع مرغوب ولما حس انك بكيتي واتجننتي حب الموضوع اكثر واتعلق بيه لاكن صدقيني لو كنتي حسستيه انك عادي والله كان اتجنن وانحصر تفكيره في عدة اسئله ليه ماغارت؟ ماسارت تحبني ؟ اشبها ماهمها ؟ ادري ياعيوني انه غصبن عنك لاكن حاولي نوعية زوجك اعتقد والله اعلم يبيلها الخصران جربي وادعيلي بالخير
 
<P><FONT size=3><BR>1 _ طنشيه والله لانه الممنوع مرغوب ولما حس انك بكيتي واتجننتي حب الموضوع اكثر واتعلق بيه لاكن صدقيني لو كنتي حسستيه انك عادي والله كان اتجنن وانحصر تفكيره في عدة اسئله ليه ماغارت؟ ماسارت تحبني ؟ اشبها ماهمها ؟ ادري ياعيوني انه غصبن عنك لاكن حاولي نوعية زوجك اعتقد والله اعلم يبيلها الخصران جربي وادعيلي بالخير <BR></FONT></P>
 
الله يجزيكم الجنه بس انا طماعه وابي منكم نصايح وارشادات اكثر عشان اكون اقوي واعرف اواجه زوجي والناس واقوي من شخصيتي واعرف شلون ارجعه لي وهو ندمان
 
هو فجأه فكر ف الزواج ..يعني نزوه وان شاءالله تعدي من غير مايتزوج
لو هددتيه بترك البيت والعيال .تهديد وتخويف بس ..
لاتسجلي ف مواقع وتركضي وراه وتتعبي نفسيتك
الى الان ماصار شيئ لاخطوبه ولا زواج ..
كل ماعليك هو الالتجاء لله والدعاء ..الدعاء يرد القضاء
وعليك بالاستغفار اكثر من 1000 مره ف اليوم ..وباذن الله لن يخيب رجاءك ..احسني الظن بالله .وتوكلي عليه.
واذا تزوج فهو نصيبه والله كاتبه له ولا اعتراض ع قضاء الله ..
وقوي املك بالله .....الله يوفقك ويسخر لك زوجك وتكوني ملكة قلبه.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل