عاجل قبل ما ييجي الخميس؟؟؟

[العروس الصغيرة]

اهلين بنات 
انا حاليا بصلي الاستخارة 
وبدعي ربنا والله كريم 
وربنا ينصرني 
......
انا ممكن ما حد واقف معاي
بس ربنا معاي 
وقبل يوم الخميس اعطوني حلول 
وافكار 
انا شروطي كتبتهن بالموضوع السابق 

وانا قلت دامها إذا رجعت راح ابدا صفحة جديدة وطبعا هو نفس الشي 
بس اعطوني حلول كيف ابدا هالشي 
....
انا بتمنى لو ان الموضوع عن حلول لحتى ما ارجع
بس صعب لان الكل ضدي 
بس ودي نصايحكم ؟؟
بدخل كمان شوي وبكمل الموضوع مشغولة

 

[العروس الصغيرة]

 ام هانم هو انتي ناطه نط على صفحتي بسرعة ولا ايش بالزبط 
...
اطلعي طلبت حلول مو زي ما انتي مفكرة 
...
ام هانم انتي جنيتي شي 
هذا اللي ناقصني 
الوحيد اللي واقف معاي اللي هو ربنا 
اخليه يتركني ويكرهني لاني شاركت فيه حد ثاني 
اعوذ بالله
.......
 

 

[العروس الصغيرة]

للحين عمي ما اخذ شروطي
وراسلته الحين متى وده ياخذ شروطي
خبرني بعد الشغل بيجي
يعني العصر 
......
امي بتتحمم وودها تطلع من البيت على خوالي 
وبتقول ما ودها ترجع لان ابوي ما سمع كلمتها ووجه يرجعني 
والله خايفة ابوي لو امي ما رجعت اليوم غير مستحيل يرجعها ابوي وبعرفه 
.....
طيب بس وقت العصبية عقله صفر 
امي كل هالشي عشاني 
بس خبرتها ما تعمل هالشي ومو سامعه مني 
ربنا يفرجها 
.......
 

 

[Lena Dareen]

المشاكل من كل الاتجاهات الله يفرج همك عروسة يا رب و اتمني ما بيصير رجعة و اذا صارت فيها خير ان شاء الله
الله يسر أمرك و يفرج همك و يفرج عنك كربك يا رب

 

[تعب الحياه]

الله يفرج همك يا حبيبتي و يعطيكي القوة و الصبر
بعرف وضعك صعب و اللي ايدو بالمي مش زي اللي ايدو بالنار
بس حبيت أعطيكي دفعه تفاؤل
خليكي متفائلة باللي رح يجي
و عسى ان تكرهو شيئا و هو خير لكم

 

[سحر الليالي #]

الله يكون معك حبيبتي ويفرج همك وينصرك 

حاولي ما تخلي امك تعمل الي براسها وتروح لاهلها زعلانه لان تصرفها راح يزيد الطين بله وخصوصا انو ابوك معند انو يرجعك لزوجك .... 

عندك اسبوع رتبي افكارك واطلبي طلبات تعجيزيه وحاولي تعرفي بطرقك الخاصه اذا زوجك بعدو عم يتواصل مع الست عشيقه واذا كان بيتواصل حاولي تلقي دليل.... 

اذا رجعتي له خليه تحت الاختبار وانتبهي لتصرفاته ومعاملته كوني قويه قدامه لا تضعفي ولا تسمحي له يهينك العروس زمان مو هي نفسها الحين .... 
حتى لو الكل واقف ضدك كوووني قووووووويه ولا تسمحي لحد يدوسك من ما كان يكون .... 

شو مؤهلاتك الدراسيه.... حاولي تطلبي تكملي دراستك وتكون معك شهاده تحميكي من هالمتخلفين.... 
بتمنالك التوفيق 

 

[العروس الصغيرة]

والنعم بالله املي بالله 
.....
انا بطلت تعليم صف سابع 
ما كملت تعليم 
عنا البنت ما بتكمل تعليم 
وانا بوقتنا الوحيدة من عيلتنا اللي كملت لصف سابع
.....
سحر الليالي
كيف اطلب طلبات تعجيزية هيذي ما فهمتها
هو يمكن يكون بيحكي مع عشيقته ولو لقيت دليل عالفاضي الكل راح يقول لي اسكتي الكل بيحكي
...
وانا خبرتهم قبل ان صح الكل بيحكي بس مكفي انه لما يدخل بيته يعرف ان له زوجه يحترمها
وقالوا لي مهو هذا الاساس ... وان شاء الله يتغير
.... ......
اه عارفة بالنسبة لاغراضي انا ما راح اخذهن كلهن
حوالي 30 كيس كبار وشنطتين كبار
ما راح اخذ منهن غير شي بسيط بحوالي كيس كيسين
كم فستان ودشداشة وكعبين وكم قميص نوم وشنتة المكياج اللي عندي اصغر وحدة احط فيها مسكارا وميك اب وبودرة
ما راح اخذ كل اغراضي وراح اخليهن ببيت اهلي لحتى اتطمن على حالي
......
اكيد العروسة زمان مو نفسها الحين
الحمد لله بفكر بعقلي
بس بلحظة ضعف بحاول افكر بقلبي بس بتراجع لاني بتذكر ايش كان  يحكي ويقول ويسوي فيني
......

 

[العروس الصغيرة]

امي طلعت على خوالي 
وحكيت معها 
وقالت اليوم بعد اذان العشاء بترجع 
هي مو مجنونة لحتى تترك البيت
بس حكت وقالت وسوت كذي لحتى يعرفوا انها طالعة زعلانة من بيتها لحتى يعرفوا انها مو راضية باللي بيصير

 

[العروس الصغيرة]

....
 1. الشرط الاول ... يعاملني معاملة الزوج لزوجته بدون غلط او نت بدون سبب وعالطالع والنازل
...
2. الشرط الثاني ... يعلق التلفزيون بغرفة النوم ونصير ننام عالتخت نومة عالارض ما في ويجيب كابل ابيض ورسيفر للتلفزيون واذا مو عاجبيته غرفة النوم يغيرها ويجيب غرفة جديدة مو احنا عرسان جداد زي ما حكيت
....
3. الشرط الثالث ... ياخذني على دكتور لسنان كل ما كان لي دور 
.....
4. الشرط الرابع ... لما اطلع اشتغل بشغله لازم الكل يطلع معاي لان لعمي  حصة منه وكمان ودي احمل
....
5. الشرط الخامس ... اذا عنجد وده افتح صفحة جديدة هو كمان لازم يفتح صفحة جديدة مو بس انا كلشي علي ولما ادخل الدار ما ودي يقول انتي وانتي وانتي خلص صفحة جديدة معناها صفحة جديدة
...
الشرط السادس ... ازور دار ابوي كل اسبوع اسبوعين مو كل شهرين او شهر ونص مرة تقول ساكنة بالقطب الشمالي
...
الشرط السابع ... لما انوجع يهتم فيني مو يشوفني وجعانه وما يعبرني لحد ما اموت بالدار واطشر دم ياخذني عالحكمة ... لما انوجع وده ياخذني عالحكمة على طول 
...
الشرط الثامن ... وده يهتم فيني من ناحية المشرب والمأكل والملبس
يعني وده يصرف عالبيت  ويعطيني مصروف لحتى اصرف على حالي واشتري شي نفسي فيه
^^^^^^^^^^^^^^^^^^^^^^^^^^^^^^^^^^^^^^^^^^^^^^^^
بدون شروطي هيذي ما راح ارجع
ولازم تتنفذ ولو شرط واحد ما صار 
ما حد ييجي علي ???

 

[فيض العطاء*]

الشرط الرابع ... لما اطلع اشتغل بشغله لازم الكل يطلع معاي لان لعمي  حصة منه وكمان ودي احمل....هذه ما فهمتها يا ريت تشرحيها

 

[فيض العطاء*]

امي طلعت على خوالي 
وحكيت معها 
وقالت اليوم بعد اذان العشاء بترجع 
هي مو مجنونة لحتى تترك البيت
بس حكت وقالت وسوت كذي لحتى يعرفوا انها طالعة زعلانة من بيتها لحتى يعرفوا انها مو راضية باللي بيصير

منيحة طلعت أحسن حتى توصلهم الرسالة أنها مو راضية بالشي الي يصير ، بس أكدي عليها بعد العشاء ترجع حتى ما تتعقد الأمور وتتشابك أكثر

و شروطك أشوفها مو كتيرة حاولي تعقديها شوي حتى إذا نزلوها تكون مرضية بالنسبة لك

 

[سحر الليالي #]

وين شرط اتو يترك عشيقته وما يحكي معها ويحترمك ويحطك فوق راسه .... 
قصدي بشروط تعجيزيه شروط تعرفي انو صعب عليه ينفذها حتى يعرف قيمتك ....
اوقفي مع نفسك وعلميه انك مش ضعيفه حتى لو كنتي لوحدك وراح تواجهي الجميع في سبيل راحتك وانك تعيشي سعيده زي اي انسانه ....
وكمان اذا رجعتيله خليه يطلعك رحله خارج البلاد حتى تغيري جو وترتاح  نفسيتك بعد كل الي شفتيه .... عاملي نفسك كملكه وخليه يعاملك كملكه 

 

[عهدنا]

شوفي ..
خليه يحط لك صاله مع دورة مياه على غرفة نومك ..يكون فيها التلفزيون ..يعني يكون قسم مستقل لك ..
عشان تاخذين راحتك..
والله كل الشروط اللي قلتيها هي حقوقك المفروض من نفسه يسويها ...

 

[العروس الصغيرة]

فيض العطاء 
هو زوجي بيشتغل بشغل وهو ثفيل وكنت كثير ببكي وبحكي هالشي بالمنتدى قبل 
وزوجي وابوه بياخذوا المصاري بالنص 
بمعنى ان زوجي وابوه شغلهم مع بعض
فانا كل مرة كنت اطلع لحالي وابدا اشيل الاغراض وظهري ينكسر 
وام زوجي مع ان لزوجها ولولدها الشغل بس ما كانت تساعدني ولا حتى نسوان ابو زوجي
بس اوقات كانوا بيشفقوا علي لانهم كانوا بيعرفوا كيف كان بعاملني فكانوا بساعدوني 
....
انا ما راح اطلع غير يطلعوا معاي وايدي بايدهن
...
ما بقدر احكي بالضبط شغله عشان شخصي بلاش احكيه وحد يعرفني واتنبهدل لان ما  حد بيعرف بدخولي المنتدى غير امي

 

[عهدنا]

ليش تساعدينه ..اذا الشغل لهم ..
اهم شيء صحتك ...
اذا رجعتي لاتساعدينهم بغض النظر عن
طبيعه الشغل ...
اذا هي ام زوجك ماتساعد هذا وعو ولدها وزوجها :30:

 

[سحر الليالي #]

لا تشيلي اغراضه .... خليه هو الي يحمل الاغراض الثقيله..... شرطك لازم يكون انك ما تحملي اغراضه للسياره شو ما كان شغله هاد شغله هو وهو يحمل كل شي انتي لا 

 

[العروس الصغيرة]

وين شرط اتو يترك عشيقته وما يحكي معها ويحترمك ويحطك فوق راسه .... 
قصدي بشروط تعجيزيه شروط تعرفي انو صعب عليه ينفذها حتى يعرف قيمتك ....
اوقفي مع نفسك وعلميه انك مش ضعيفه حتى لو كنتي لوحدك وراح تواجهي الجميع في سبيل راحتك وانك تعيشي سعيده زي اي انسانه ....
وكمان اذا رجعتيله خليه يطلعك رحله خارج البلاد حتى تغيري جو وترتاح  نفسيتك بعد كل الي شفتيه .... عاملي نفسك كملكه وخليه يعاملك كملكه 

راح اضيف هالشرط انه يترك ام رواد مع انه حكى وقال لي تركها 
لما قال لي هالشي لما حكينا 
قلت له ان شاء الله بتموت يعني عشيقته مو هاممني
....
بالنسبة للشروط التعجيزية كمان ما بعرف ايش اكتب والله راسي مليان والحمد لله اني بعقلي وما جنيت عشان كدا طلبت مساعدتكن لحتى ما اندم واقول يا ريت حكيت وقلت 
مثل ايش يعني اعطوني اقتراحات وانا بختار 
......
الرحلة خارج البلاد صعب 
ما ودي اطلب رحلة حاليا خليها كمان فترة اشوف حالي شوي وخلي اسناني يروقوا ونفسيتي ترتاح وعلى وجه الربيع اطلب رحلة عالملاهي 
ما ودي اطلب رحلة وياخذني وانا مو مبسوطة اذا مشيت ودي اكون عارفة اني ماشية براحة لحتى انبسط 
....
راح اعامل حالي كملكة 
بس كيف اخليه يعاملني كملكة ؟؟،
.....

 

[سارحل ولن انساگ]

والله شروطك مو شروط ابدا

لازمك بيت مستقل مو عند اهلو خدامه
لانه بيوفر البيت الجديد والاستقلاليه لعشيقته

واذا رجعتي لازمك تكوني رسميه معه
بالبدايه لحتى يعرف قيمتك مضبوط
مو من اولها تقبلي عليه
وشو بيرضيك وشو مابيرضيك

شو فصيلة دمه سي السيد?

 

[العروس الصغيرة]

لا تشيلي اغراضه .... خليه هو الي يحمل الاغراض الثقيله..... شرطك لازم يكون انك ما تحملي اغراضه للسياره شو ما كان شغله هاد شغله هو وهو يحمل كل شي انتي لا 

هذا الشي عندنا كلنا 
مو بس عندهم 
وانا ما بقول ان هالشي متعبني 
بس انا خبرته لما جا علينا 
ان هالشي مو متعب اذا ابتسم بوجهي او احترمني كلشي بهون بس لا احترام ولا تقدير كيف وده يصير هالشي 
......
انا اصلا ما بعرف ليش اطلع بس مجبورة لان هالشي بكل العيلة 
سواء عيلة ابوي او عيلتهم
بس احنا عنا الكل ايد وحده
بس عندهم لا .خلص اذا انا طلعت ما حد بيطلع 
وانا ما ودي هالشي 
لازم الكل يطلع معاي لان لابو زوجي حصة 

 

[العروس الصغيرة]

والله شروطك مو شروط ابدا

لازمك بيت مستقل مو عند اهلو خدامه
لانه بيوفر البيت الجديد والاستقلاليه لعشيقته

واذا رجعتي لازمك تكوني رسميه معه
بالبدايه لحتى يعرف قيمتك مضبوط
مو من اولها تقبلي عليه
وشو بيرضيك وشو مابيرضيك

شو فصيلة دمه سي السيد?

ما بعرف فصيلته 
بس لما سويت اختبار الانماط زمان
طلع انه شمالي شرقي
.....
....
بالنسبة للبيت المستقل 
انا عايشة بالدور الاول لحالي 
وامه بالدور الثاني 
هو وحيد امه 
وصعب يسكن بمكان ثاني 
او يستاجر بيت 
لان هالشي عمره ما صار عنا 
بيتي كبير والحمد لله 
3 غرف نوم وحمام وصالون ومطبخ وملجأ 
بس ما شفت بهالبيت فرحة مع انه واسع
وان شاء الله الخير لقدام