عاجل جدا لا أريد أن أقترض لزوجي

[كتكوتة]

عاجل
ياجماعة إني متوسمة فيكم الخير أفتوني في أمري

:questionmark: :questionmark: :questionmark: :questionmark: :questionmark:
زوجي يريدني أن أقترض قرضا لشراء أرض وهو سيقترض لبنائها
وانا لاأريد أن أقترض لأني راتبي قليل وعلى بند وهو مديون من ساسه لراسه
بسبب جهله قبل زواجنا
ماذا أفعل ؟؟؟؟ هل أواجهه مباشرة أم أتحايل بعدة حيل لكنني لا أعرف مالحيلة المناسبة؟؟؟؟:in_love:

 

[ألق]

هلا أختي ..
تقولين أن زوجج عليها ديون كثير من قبل..طيب تكلمي معاه بالورقة والقلم
الحين كم يبقى من راتبه بعد ماياخذ البنك منه اقساط الديون وانتي راتبك كم بيبقى منه اذا اقترضتي عشان الارض..؟
والحين عندكم عيال ولابعدكم؟...والمبلغ اللي بيبقى من راتبك وراتبك هل بيكفيكم السنوات القادمة بعد لحد ما تخلصون ديونكم؟

طبعا حلو جدا يكون لكم بيت تبنونه على كيفكم بس لازم تفكرون قبل..
واذا اتفقتوا تقترضون طبعا البيت يكون باسمج واسمه من البداية..

اتمنى اكون افدتج
الله يكتب لج كل خير

 

[كتكوتة]

حيبقى معاه حوالي ألفين وعندنا عيال هو طيب معايه جدا لكن أخاف من غدر الزمن ومن تغير بعد ما أتورط

 

[ألق]

ياحبيبتي...

ترى مثل ماقلت لج اذا بتقرضون انتو الاثنين عشان البيت يتسجل باسم الاثنين او باسمج انتي والعيال..

بس الاهم الحين بتقدرون تعيشون بالالفين ريال شهريا لمدة كم سنة والمعيشة كل مالها تغلى ..

انتي الحين هدي أعصابج ولاتفكرين بالغدر من الحين..انتي تكلمي مع زوجك من منطق هل مايبقى من الراتب

بيكفيكم؟

خله يخلص ديونه بالاول..والبيت يصير خير عقب..لا يزيد نفسه بالديون..يعني بيني لزوجج انك تفكرين بديونه ومستوى

معيشتكم مش انك خايفة انه يغدر فيج..ترى الحين الحياة صعبة ومب معنى ان الرجل يطلب مساعدة زوجته انه ناوي

على الغدر..والزوجة الفطينة مفروض تؤمن نفسها..يعني اذا في امكانية تساعدي زوجج عشان بناء بيت ساعديه لكن

قبلها يكتبه باسمج واسمه..اتمنى اكون افدتج..

 

[هدهد]

الارض بتكون باسم من؟

 

[LOVEUAE]

السلام عليكم ورحمة الله وبركاته
والله أستغرب من الرياييل !!!!!!!!!!!!!! يبقى من راتبه ألفين وعندكم عيال شو بتصرفون ؟؟؟؟؟؟؟؟؟
بعدين حتى لو ما غدر فيج الأمور في علم الغيب لكن سمعت عن وحدة زوجها توفى قبل ما يسكنون البيت ( الله يحفظ ريلج) وأهله خذو البيت وهي دافعه فيه 300000
المفروض أن الرجل هو المسؤول عن الصرف وتوفير البيت وهذي السوالف مب الحرمة بعدين الأراضي غالية وايد هاي الأيام يعني الدين بيكون كبير ليش تحملين نفسج أشياء مب مسؤوليتج
تقولين راتبج ضعيف !!!!!!!!!!!!!!!!

 

[عزيزة نفس]

ما عليه حبيبتي اقترضي بشرط تسجلين الارض باسمكي فقط وليس باسمه طبعا بعد ما تسوين ميزانية
وعلى فكرة تشترين بيت جاهز احسن من الارض وتسجليه باسمكي بعد لاتنسيييييييييييييييييييييييييييييين بقولكي قصة وحدة اشترت بيت باسمها واسم زوجها وبعد ما سكنوا فكر ابو الشباب انه يتزوج قام وحطها معها بنفس البيت والزوجة ماتحملت ووش تسوي بالبيت اللي باسمها راحوا للشيخ وحكم بتقسيم البيت دور لها ودور له وسكنت بالدور اللي فوق وبرضه ما بردت حرتها من زوجها قامت وطلبت الطلاق وبرضه ما بردت حرتها تعتقدين وش سوت :biggrin: :biggrin: :biggrin: راحت وتزوووووووووووووجت وسكنوا بنفس البيت 0 الحين بردت 0 الله لايكتبها عليكي اختي بس الحرص واجب وسجلي كلللللللللللللللللللللللل شئ بالاوراق الرسمية عشان تضمنين حقكي ​

 

[عنقود عنب]

اختي افترضي حسن النية من زوجك

لكن تفاهمي معاه انه احتمال تكملة البيت ما تتم

كثير من الناس سووا نفس طريقتك لكن هلكوا من العيشة المتقشفة

فاضطروا ان يبعوا البيت وبخساااااااارة

اختي اغلب الناس عايشين في بيوت اجار

خلية يخلص دينه ..وبعدين لكل حادث حديث

تحياتي

 

[ضحكة فجر]

نصيحة لا00 تقترضي لزوجك لأنة إذا مالقي منك تجاوب حيحل مشكلتة بنفسة
وطمنينا ايش صار معاك ​

 

[كتكوتة]

شكرا حبيباتي على تجاوبكم وبأقولكم إيش صار معايه
البارح تعشينا برا وبعدين واحنا في عرض الكلام تكلمت معاه عن طريقة الدين وانه احنا مالازم نكون احنا الإثنين مديونين قالي بأروح البنك اليوم وأنتي كمان روحي واتفقنا على كذا

 

[كتكوتة]

وعلى فكرة الأرض راح تكون باسمي

 

[ليل الشتا]

أنا راييمن رأي الاخوات حبيبتي المفروض تكتبوا كل شي بورقه لأنه محد يعلم غدر الزمن
أعرف وحده تشاركوا هي زوجها في بناء بيت فخم جدا وعطته كل شي وهي مدرسه من جهز أختلق معها مشاكل وطلقها ويا مسرعه تزوج وسكن الثانيه في البيت بالذمه
هذا مبظلم

 

[كتكوتة]

شكرا حبيبتي ليل الشتا
وأنا غن شاء الله راح أسجل كل شيء باسمي أو باسم بنتي

 

[ألق]

هلا كتكوتة...

حبيبتي يكون باسمج انتي مب اسم بنتج..لأن البنت صغيرة وولي أمرها هو المسؤول عن التصرف في ماتملك..
أتمنى فهمتي اللي أقصد..

أمنياتي الطيبة لك بالتوفيق والحياة السعيدة في بيت العمر

 

[النرجسية]

ياحبيبتي ياكتكوته ..
جميل يكون هناك مشاركة بين الزوجين ..
لكن أنا مع الاخت (ألق وعنقود عنب )
لاتفكرين في الغدر .. فكري في المعيشة أبحت غاليه
هل تقدرين ب (2000) ريال تسددون الفواتير ولا تنسين آجار البيت
اللي ساكنين فيه .. البيت مايبنى في يوم وليله
وطلباتك وطلبات عيالك من لبس ومصرف - تقدرين
تصبرين كم سنه على هالحال - حتى مطعم ماتقدرين تروحين
تتعشين فيه - وتوقعي سماع هالنغمة (انت ماتقدرين الظروف -لما تطلبي أي طلب )
خذيها نصيحه فكري مليون مره لاتتسرعين أبدا ماراح تصبرين على هالعيشة