عاااااااااارفه اني تهورت بس مو بيدي خلااااااص تعبت

  • بادئ الموضوع بادئ الموضوع موكاا
  • تاريخ البدء تاريخ البدء
لايكون مسحور الله يكون بعونك
 
فتحي الباب ربي يهديج
يا قلبي ليش كل هذا ؟
و انتي ليش تنطرينه ؟ حطي راسج و نامي
هدمتي حياتج و خليتيه اهوا محور حياتج
يا حياتي ما ينفع اللي تسونه
لا تعطون رياييلكم كل هالأهمية
انت زوجي على عيني و راسي بس ماني مجبورة انطره لي 7 الصبح
من باجر عطيه نسخه لمفتاح البيت و نامي
انا كنت نفس الحاله
تصدقين كان ياخذ
 
الاجازة علشان ربعه !!! و السهر بره البيت
يته بكل الطرق ما نفع معاه غير طريقه وحده
كشت فيه
انام مبجر ، اسهر على فلم ، اطلع مع صديقاتي
يرجع يلقاني قاعده من النوم و كوب الكوفي بايدي و اقرى مجلة
يقولي اكيد زعلانه مني ؟ أقوله لا حبيبي و ابتسم بكل برود
ليش اعصب ؟
لحد ما بدى يشك شنو اللي عندي و شاغلني عنه
الحمد الله تحسنت حالنا الحين كثير
بس له يوم بالاسبوع يستانس فيه
و بصراحه مو مضايقني الموضوع و مرتاحه
الله يصبرج و يفرج همج
 
انا مااشوفها زينهتقفلين الباب والله محد راح يتحسف الا انتي بعدين احمدي ربك انه عند اهله مايسهر في استراحه ولا مكان ثاني بعدين انتي بتادبينه لا والله مش بهذي الطريقه لانه ماعنده فيك خلينا واقعين بعدين من شب على شي شاب عليه يعني صعبه انتي قوليله اذا كان عندك مشاوير ولا تبين اغراض للعيال قوليله قبل لا تطلع ابي كذا وكذا بهذي الطريقه يعود انه يشوف طلباتكم والله شوي شوي ويقل سهره مااقول ينقطع لا يقل
 
اسمحي لي اختي تصرفج مو حلوو كلش .. وفيه قله احترام له واهانه .. هو لمن يسهر مع اهله مايهينج لانه مع هله ممكن يكون مقصر لكن مايهينج .. فمن العيب اننا نقابل تصرف مثل هاي بعقوبه ماتناسبه واكبر من حجمه ..
سكري عليه الغرفه اوكي .. لكن تسكرين عليه الباب وتخلينه برا البيت ويروح يدور في الشوارع ولا يرد بيت هله عشان يقولون والله ونعم المره عليك مسكره الباب عشانك تسهر عندنا !!!!!

معليج ولا تزعلين من كلامي .. طريقتج يمكن سبب في اندفاعه اكثر لصوب اهله .. الريال مو ليالي ملونه الزواج احترام وتصرفج مافيه اي نوع من الاحترام ..
 
ROSES BLOOM قال:
الاجازة علشان ربعه !!! و السهر بره البيت
يته بكل الطرق ما نفع معاه غير طريقه وحده
كشت فيه
انام مبجر ، اسهر على فلم ، اطلع مع صديقاتي
يرجع يلقاني قاعده من النوم و كوب الكوفي بايدي و اقرى مجلة
يقولي اكيد زعلانه مني ؟ أقوله لا حبيبي و ابتسم بكل برود
ليش اعصب ؟
لحد ما بدى يشك شنو اللي عندي و شاغلني عنه
الحمد الله تحسنت حالنا الحين كثير
بس له يوم بالاسبوع يستانس فيه
و بصراحه مو مضايقني الموضوع و مرتاحه
الله يصبرج و يفرج همج
أنقر للتوسيع...

هذا الكلام الصح
حبيبتي فكري في رضى الله قبل اي تصرف مع زوجك
الله يسخرلك زوجك و يهدي اموركم
 
الله يعينج حبيبتي بس فكري عدل قبل لاتتصرفين تصرف متهور
ترى سهرته عند أهله أحسن من سهرته عند ربعه وشله ماتعرفين منو هم
ولاشنو طبايعهم وشيسون
كبري راسج وحاولي تتفاهمين معاه باللين عشان ماتخسرون بعض
والله يهديج...
 
Sheeta قال:
لاتتهوري و تتصرفي بطريقه تندمي عليها الرجال مايجوا بالعند
افتحي الباب و لما تهدي و تروقي ان شاءالله تلاقي حل مناسب و الاخوات في المنتدى يساعدوكي
ترى اسلوبك خاااااطئ و الموضوع ممكن يكبر و مو هده الطريقه اللي تجذبي بها زوجك عشان يجلس في البيت
أنقر للتوسيع...
اسمعى كلام الاخت لانه عين العقل
 
Morning Glory قال:
اختي أنا مازلت مصره على رأيي وان الطريقه هذي خطأ وطريقه سوقيه أصلا
وهمجيه بعد
ولاتظنين اني أتكلم من فراغ او من مجرد توقعات او مجرد نظريات
ياقلبي انا قلت اني أتكلم من تجربه وتجربه مره بعد

للأسف جربت سهر الزوج بكل أنواعه وأشكاله
يا أختي زوجي كان يطلع من بعد العصر ولا يرجع البيت الا الساعه 8 او 9 الصباح اليوم الثاني..!!!!

ووين يروح ..؟ الله أعلم..!
وازيدك شي بعد..؟

جهازه مغلق طول الفتره الي يغيب فيها
تعتقدين اني خليت وسيله ماجربتها؟
لا طبعا
جربت كل السبل والطرق
وكلها مافادت ولاجابت نتيجه ولاحركت فيه شعره

وخااصه الاساليب العشوائيه مثل تقفيلة الباب
صحيح اني ماجربتها
لكنها حركه غبيه جدا

ومافادني الا شيء واحد
تركت الدنيا كلها ورائي
واشغلت نفسي بطاعة ربي
ثم نفسي
ثم اطفالي

وهو له الحق والواجب
وريحت راسي

صحيح هو ماتغير كثير
لكن انا فعلا ريحت راسي وانشغلت بنفسي
ونفسيتي مع الله افضل وأريح
ومازلت احاول افهم شخصيته واقرأ واطور من ذاتي
وكل شي بالصبر
خاصه انه شمالي شرقي متعب جدا جدا

وانصحك اختي صاحبة المشكله احمدي ربك على النعمه الي انتي فيها
انا ماجعلني اكتب جزء من قصتي الا عشان ابين لبعض البنات ان كلنا نمر بمشاكل متشابهه وان الي تنصحك لاتعتبرين انها تتكلم بمثاليات ونظريات فقط
اكيد ان البعض مر بتجربه مشابهه


ولاتجعلون الدنيا اكبر همكم ولا الزوج


والسلام
​
أنقر للتوسيع...
عين العقل والحال من بعضه فكلنا مررنا بامور مشابهة وصبرنا الى ان يشاء الله
 
بنات الحمدلله ابشركم اموري ماراح اقولكم تمام بس حسيت ان زوجي اهتم شوي بشعوري اليوم

بس امس كان الجو متعكر وقلت خلاص هالمشكله ماراح تعدي على خير بس الحمدلله على كل حال

امس لما قفلت الباب دقيت عليه وهو كان عند اهله وقلتله هلا حبيبي اخبارك قالي تمام
قلتله وش تسوي قالي اني جالس اسولف مع اخواني قلتله اجل حبيبي حبيت اعطيك خبر ان باب البيت قفلته علشان ماتتعب حالك وتجي وتحاول فأبي اوفرلك الوقت علشان تهيأ نفسك من الحين تنام عند اهلك
هو رد علي ببرود قالي خلاص ان شاء الله وسكرت
بعدين احس ان البركان اللي براسي شوي ويثور وتصير مصيبه ما ادري وش قصده بهالحركه هل هو يتوقع اني امزح لانه ماتعود مني هالحركات ما اعامله الا بدلع سواء مشكله او غيره والا انه بيعاندني وعادي هو عنده ماعنده اي مشكله انه ينام عند اهله اعرفه فدقيت عليه مره ثانيه وقلتله لااوصيك حبيبي نام من هالحين لانه لسا فيه اشياء بهالليل تبي تجيك راح تنصدم لاني ناويه ان شاء الله ابدق على اهلي حول الفجر وافجعهم واحسسهم اني جالسه لحالي بالبيت وخايفه واقولهم ان في حرامي داخل البيت واذا سألوني وين زوجك بققولهم سهران عند اهله علشان يحطون حد معك ويصير التفاهم بينك وبينهم
والله يابنات عقب هالكلام صاروخ جا للبيت وبدا يطق الباب ويدقدق علي وانا ولا رديت وطنشت ويرسل رسايل وانا مطنشه اخر شي دقت امي يوم رديت قاااااالت يا موكاا افتحي االباب لزوجك وامي مستغرببه وتقول ليش هو مادق عليك اكيد فيه مشكله ؟ طبعا انا من النوع اللي ما اشتكي لامي ببأي شي يخص حياتي بالعكس احاول اظهر الزين و زوجي عارف هالشي علشان كذا انا استغربت انه تجرأ ودق عليها
فسألت امي وقلت : ليش هو وش قالك فقالتلي انه يقول ان موكاا مقفله الباب وناسيه دقي عليها علشان تفتحلي وعلى طول رحت وفتحت له الباب ودخل وهو معصب وبنفس الوقت فرحان انه ماخلاني اسوي المخطط اللي بررررراسي فقلتله اهم شي عرفت امي انك ماتجي لبيتك الا بهالوقت المتأخر وبعدها صارت مناوشات بيني وبينه وكل الليل كل واحد يهزأ بالثاني اخر شي دخل الغرفه علشان ينام وجلس عشر دقايق بعدين طلع ولا جاء الا بعد صلاة الفجر بعدين جلس شوي وراح للدوام وجاء من الدوام وحط راسه ونام ولا قام الا المغرب جلس عندي تقهوا وهو ساكت وجلس يلعب مع عياله فقلت الظاهر انه حس بنفسه خليني اراضيه علشان ابينله اني كذا انا مرتاحه فاعتذرت منه وحبيت راسه وسكت مارد علي ولما سالته ليش انت ساكت فقالي اصلا انتي تدرين ان الدنيا لو طالت او قصرت لابد بيوم ارضى بس المشكله مكانتك اللي بقلبي حطمتيها وماصرتي مثل اول عاد انتي تحملي
المهم ياابنات كلام مني وكلام منه بس اهم شي انه قبل مايروح لاهله سألني متى تبين اجي على العشاء وحددت الوقت ووافق وراح فحسيت انه بدا يراعي شعوري من هالناحيه وهذا هدفي وان شاء الله يدوم على هالحال ويجي الليله على الوقت اللي حددت ولا يعاند
:::::تنبيه::::::
بنات انا اللي سويته دام انه فاد بزوجي مو دليل انه راح يفيد بازواجكم
انا زوجي احس انه يتعامل مع اهله هالمعامله كانه خايف منهم من شي
تخيلوا لو احد يمرض من عياله هو مايقصر نروح للمستشفى ونسوي اللازم بس اذا رجعنا البيت على طول يركض للتلفون يعتذر من اهله لانه ماجاهم اليووم فانا شكيت قلت مو كل هذا بر اكيد هو خايف من شي
يعني يمكن يخاف من زعلهم والا من نقدهم فانا قلت خليني استخدم هالطريقه علشان يخاف مني انا بعد
والحمدلله احس ان فيه تجاوب من ناحيته والله يسخرني له ويسخره لي

ومشكوره لكل وحده ردت علي وحاولت انها تحل مشكلتي او تاثرت علشاني وعسى الله يوفقكم على قد نياتكم
 
تقفيلة الباب مش حل ابدا ابدا --- هذا زوجك يعني لازم فيه اسلوب ارقى من قفلة الباب ولازم تعرفين اشلون تتحاورين مع زوجك وتناقشيته في اللي يضايقك ولا تحرقي اعصابك هدىء يا قلبي الزوج مثل الطفل اذا عرفتي له والله ان تسوي الي ما قدرتي تسوينه باذن الله-- ربي يسخر لك زوجك ​
 
بس جااااااااااوبيني
ايش عند اهله انصااااااانف اليالي
اموووووووووووت وعرف
والله يصلح حااااالك
 
يالله انا ما ادخل مشكله الا والاقيها تشبه وحده من مشاكلي مع العله بعلي العزيز .. الله ياجرني على مابلاني وبلاك يختي

انا زيك عايش عند اهله .. واحلى شي اذا تهاوشنا راح لاهله انا اخبر البنت اللي تروح لاهلها هههههههههههههههههه

ااااااااه استغرك الله بس

تدرين يا حبيبتي ولا تأزمين نفسيتك ولا شي يختي وسعي صدرك واحمدي ربك انه سهران مع اهله مو مع سرابيت في استراحه ولا مع بنات ولا مع مرته الثانيه

هونيها على عمرك ياحبيبتي

وبعدين من باعنا بعناه اللي ما يبي يسهر معي هو الخسران انا بعد مابي اسهر معه وبس



بسلامته لا تحرقين قلبك والله بكرا مو نافعك .. كبري المخده ونامي
ولا تقفلين وما تقفلين بعدين تكبر براسه وبيعلم اهله اكيد شكله زي اللي عندي بعدين يصيرون من متعاطفين الى محاربين

مالها سنع والله وشو يعني تطردينه من بيته ؟
وش الحكمه
بتخلينه يجلس بالقوه
يختي اذا ما جلس برضاه وش تبين به بالقوه
كييييييييفه
 
بصراحه انا استغرب اسلوب الاطفال هذآآ..اقفل عليه الباب؟وين احنآآ فيه.؟؟؟
واللي جنني ترد الثانيه وتقول حتى انا مقفلته عليه.....!
من جدكم انتم؟؟
مااقول الا الله يكون بعوونهم..ياعالم لاتخلوون هاجسكم الوحيد الرجال...افرشي سجادتتك وصلي الوتر...واقري سورة ابقره كلها.....مو احسن لك من هالمهزله اللي حاطه نفسك فيها؟؟
اشغلي نفسك باي شئ يسعدك
ترى السعاده مو هي الرجل بس..السعاده تلقينها في كل شئ حولك...
الله يكون بالعون
 
اختي اللي تقول السعادة مو في الرجل في اي شي بالكون

اجل ليه الوحدة تتزوج لازم الوحدة تحاول تحافظ بالعقل او الجنون او انه كل وحدة تخلي زوجها معا اهله واصحابه وغلى النت ويسافر ولاتسال ولاتسوي شي

الله يصلح الجميع​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل