ظروفنا حكمت علينا ارجو مساعدتي

[يارب وكلتك امري]

السلام عليكم ورحمة الله وبركاته
انا اول مره اشارك في اي منتدى لكن اثق في ارائكم وارجو انكم تساعدوني
انا مشكلتي مملكه لي سنتين وخطيبي ظروفه تصعب يوم عن يوم والفلوس اللي كان يجمعها للزواج عالج ابوه المريض فيها واهلي دايم يسالوني ليه معلقني بهالشكل
لانهم مو راضين عن وضعي
خطيبي ماعنده امكانيه حاليا انا نتزوج ابدا لازم يرجع يجمع من جديد مع اني ماطلبت منه شي بس ادري قد ايش وضعه صعب وعارفه حالته زين وادري فوق هذا انه شاريني وانا بعد شاريته وماودنا يكون كذا الحال
المشكله ابوي كلمني امس قال اذا ماتزوجتو عالعيد فلازم يطلقك وتشوفين نصيبك
انا ما اقدر افارقه ولاتقولولي اتكلم مع ابوي لانه ماكان موافق عليه وكان يبغى يزوجني ولد عمي وغير كذا انا ما ابي اكون مطلقه
انا موظفه اقترحت على خطيبي نتزوج وانا من راتبي ادفع ايجار الشقه لين ربي يفرجها عليه وهو كلها سنتين ويخلص قروضه وديونه هو رفض الفكره بالمره بس انا وهو نحب بعض وصعب نفترق عشان الفلوس انصحوني يابنات اللي سويته صح مع العلم اني واثقه انه بيقدر اللي اسويه عشانه
اصر عليه واساعده والا ننفصل طلبتكم ساعدوني

 

[الامل باالله]

والله ياحياتي
مادامكم تحبون بعض وهذاا اهم شي باالنسبه لي
ليه تضييع حياتكم علشان فلووس ماداام ربي منعم عليك وتقدرين تساعدينه ساعديه
وتزوجوو وعيششو حياتكم احسن من تنفصلوون وبكره لاسسمح الله لو ايش ماصار قلتي لو ولوو
والله يوووفقك يارب ويسعدكم ويكتب لك ككل خير يااارب

وان شاءالله الباقي مايقصرون

 

[يارب وكلتك امري]

الامل بالله الله يسعدك ويوفقك وين مارحتي
انا احبه وهو بعد يحبني وانا راتبي على قدي في مدرسه اهليه وعندي استعداد اعطيه راتبي كله
بس مانفترق
لكن انا قلت له ان هالشي بيصير من ورا اهلي اخاف اطيح من عينه

 

[خجلے]

ياعسسـل تصرفك عين العقل <<< وموقفك ذا راح يكبرك بعينهـ
دامكم تحبون بعض لا تموتووون قلبين عشان ( وسخ دنيا )
وهوو ماراح لعب بفلوسهـ <<< عالج فيها ابوهـ

الله يوفقكم يـــآاآربــ.. ويفتحها على زوجك

 

[يارب وكلتك امري]

جزاك الله الف خير اختي خجل والله يسعدك ويوفقك

 

[بريق الحب]

اما حكايت انك وثقه انه يقدر الي تسويه كل الي قبلك قالوا كدا خلي احد عزيز عليه يقنعه يصبر فتره لحد ما امور زوجك تصير تمام ويكون جاهز

 

[دلوعه من صغري]

أنصحَك بِ الاستخاره ..

وَ كفى

 

[يارب وكلتك امري]

بريق الحب
دلوعه من صغري جزاكم الله الف خير
انا استخرت والله يكتب اللي فيه الخير بس ما استغني عن ارائكم لانكم اعرف مني بالحياه

 

[بريق الحب]

دمك استخرتي اتوكلي علي الله ربي يسهلك طريقك ويسعدك

 

[ღ لحن الحياة ღ]

بإذن الله راح تكبرين بعينـه ,,, إن الله لايضيع أجر من أحسن عملا ,,

فما بالك بأجرك لزوجك أكيد يكون أعظم ,,,

توكلي على الله وبعد الزواج قوليله بلطف هذا إعتبره دين وإذا تحسنت أمورك رده لي ,,,

وربي يتمم لكم على خير ​

 

[يارب وكلتك امري]

الله يجزاكم خير مشكورين خواتي ماقصرتو

 

[مهاجرةبإحساس]

حبيبتي لا تتطلقييين منه دامك تحبينه وهو يحبك...
بس كماان لا تتتكفلي انتي بالمصاارييف.. انتي الحين تفكري بعاطفتك.. لكن بعد الزواج راااح تتغير نظرتك.. فترة الملكه الحيين كلها رومانسيه واحلااام..واوهام وبعدين وهو راح يتعود انك تعطيه من راتبك بدال مو هو اللي يصرف علييك"" ابنك على ماتربييه وجوزك على ماتعوودييه""
لا تسوييين شي بعديين تندمي علييييه. انا ما ايدك ع الطلاق بس كمان ما ايدك بفكرتك
خلي احد يقنع ابوك انو يصبر علييه شوي...
او خلييه يشوف له جمعيه اذا ما يمديه ع القروض..
وبعدين مو لازم تسووا زوااج كبييير .. خلوه مختصر
وبالأخييير انتي بكيفك اذا انتي مقتنعه بمساعدتك له.
بس بعديين لو ندمتي او شفتي منه اي غلطه لانه بشر مو معصووم من الغلط..انتبهي تعايرينه او تمنييين عليييه..
الله ييسر اموووركم ويرزقكم من وااااسع ابواااابه

 

[دلوعه من صغري]

إذا تبغي نجي للمنطق وللعوآم . !
الرجَال مالهم أمان وأعرف ناس قريبه مني ساعدو أزواجهم وقفو معاهم من الناحية الماديه !
ومع الايام اعتمدو على زوجاتهم بالصرف على البيت وتوابعه

ولكن ممكن لكل حاله شواذ فَ عشان كذا انصحك بالاستخاره واستشيري اختك اللي قريبه منك

وبعدين انتي ايش نمطك انتي وزوجك ؟

 

[يارب وكلتك امري]

انا وزوجي نفس النمط
جنوبي شرقي

 

[يارب وكلتك امري]

بس هو عارف ان راتبي على قدي ويوم قلت له قال لو بيدي ماخليتك تتوظفين اصلا
بس لما اقترحت عليه حسيته فرح لانه حس ان فيه امل وفي نفس الوقت رفض يقول ما ارضاها على نفسي
وابوي مرا شديد ولو اشرح له ظروف زوجي بيصر على رايه لان الظرف اللي اقوله لاهلي ان ابوه مريض بس

 

[ردية الحظ]

انصحك باالاستخارة

 

[ود الامارات7]

موفقه يارب