طمنوني انا تركت زوجي بس ابي الحمل يتم

[حوريه000]

الله يوفقكم جاوبوني


انا حامل وبالشهر السابع الله يحفظ لي طفلي ويحفظ اطفالكم ويتمم على خير ياارب


يابنات انتو حوامل وتحسون اكيد بالتعب والي نمر فيه من كل مرحله وتعبها


انا ساكنه في مكان بعيد عن اهلي واهل زوجي ولاعندنا انا وهو احد

ومن دخلت السابع جيت عند اهلي ماني قادره ارجع لبيتي

لان الدكتوره قالت المشيمه فيها انخفاض

وخفت وبكييييييييت وقال زوجي روحي لا اهلك ارتاحي الين ربي يسهل الامور

فعلا جيت عندهم الله يخليهم لي ورحت بعد اسبوع للدكتوره قالت

الحمد لله الامور تمام مع الراحه لاني في بيتي اتعب تعب مو طبيعي

مهما حاولت ارتاح نفسيا اكون تعبانه لاني لحالي وتعبانه

وزوجي رااااااااااااااااافض الشغاله لكذا سبب


المشكله عندي ضمييييييييييييييييييييييييييييييييري مئنبني اني تركت زوجي

بس غصب غصب لوجلست ببيتي بخسر طفلي لاسمح الله

تعرفون الرجال يبي جماع يبي طبخ يبي تنظيف يبي البس اكشخ

وانا ربي يعلم اني في بيتي بس ماسكه بطني وظهري وتعبانه حتى تمشيه برا البيت مو قادره امشي

انا تفاهمت معاه اجي عند اهلي الين ما اولد انشا الله كلها شهر وادخل التاسع


واحيانن افكر اقول انا تركت زوجي مع انه مرررررره يبي الولد الله يجيبه لنا يارب

يكفي لي سنتين ماحملت


تكفون قولو لي الي سويته غلط


زوجي حتى زياره ما يقدر يجي هو في الكويت وانا سعوديه وتعرفون صعبببببه


من فيكم صار لها مثلي من السااااااااااااااااابع عند اهلها ااااااااااااه والله خايفه على حملي وعلى زوجي

 

[ثعلووبه]

عادي ياقلبي لا تحاتين فكري في نفسك وسلامتك
وزوجك لازم يفهمك ويحس فيك انتي بحاله صعبه
وبعدين عادي البعد يولد شووق ومحبه وخليك معاه على طول بالتلفون وراسليه وكلميه بالمسن والكام وان شاء الله خير
وان شاءالله ربي يتمم لك ولادة طبيعيه وولد سليم ومعافى

 

[Tatoo]

حبيبتي ليش مصعبه الأمر عليك وتفكرين كثير انتي وزوجك متفاهمين وهو راضي انتي ليش بلشانه أنا نزل معاي دم من الشهر الثاني وجيت عند أهلي وحمدالله انقطع الدم وكل أموري تمام بس اتفقت أنا وزوجي اضل عند اهلي لين ربي يتمم علي وأولد كلها فتره وتعدي اهم شي سلامتك انتي والجنين ربي يتمم على خير

 

[جنون بيبي]

زي ماقالو البنات..

الله يتمم عليك بخير

 

[زوجة الناظر]

لا تضايقين نفسك


لا يكلف الله نفسآ إلا وسعها


وانتي سويتي اللي عليك


وطفلك بذمتك



ريحي نفسك وهانت ان شاء الله كلها شهر وكم اسبوع وانتي والدة


بعض البنات من اول شهر لآخر شهر


ببيت اهلها بسبب تعبها بالحمل


والله يتمم عليك ​

 

[مزوح وتروح]

انا من الناس اللي رحت قبل ولادتي بشهرين >> لانو كنت مهدده بولادة مبكره
و كمان جلست الاربعين كامله عند اهلي لاتشيلي هم طالما زوجك راضي

 

[نظرتي حزينه]

بنات خلونا نكون واقعين منو اللي تم فبيت اهلها طول فترة حملها ومنو هالزوج اللي يرضى


بهالوضع العجيب لا كلكم غلط الريال له طلبات وله عين تشتهي وتبي وله قلب يحن ويشتاق

وفرضا اذا بتم بيت اهلها نقول اتم بس اذا اهلها قربين عندها بنفس البلد

لكن انتي بديره وهو بديره والزوج بروحه محتاج احد يسولف معاه يشوف طلباته

يحس انه في احد بالبيت ترا الوحده شينه وتخلي عنده وقت فراغ وابليس شاطر

انتي شلي حادج كل هالتعب بأجره انشاالله وتحملتي كل الشهور وانتي عنده الحين

ماتقدرين تصبرين شهر واحد وعقبها عاد روحي واولدي عند اهلج يعني تخيلي بتمين

بعيده عنه اكثر من 3 شهوور واللي بعيد عن العين بعيد عن القلب وترا الكوويت متفتحه

يعني يروح اي مكان اوي صوب كله بنات وبنات ابليس مايصدقون على الله يدورون اي رجال

واهو مسكين بهالفراغ اللي عنده يمكن ابليس يحده عالغلط تبين شوري روحي عنده وتحملي

والله الايام تمشي بسرعه وانشاالله تولدين بالسلامه احفظي زوجج وخليج قريبه منه​

 

[نقااء الثلج]

لالالالا اذا هو راضي والله عادي ليش تصعبي على البنت ترا اهم متفاهمين الله يسهل عليج هو اكيد مقدر هذا الشي عشان الولد ربي يجيبه بسلامه

 

[بسمة شفااه]

الواحد يايقول خير اويسكت

 

[انتوا سموني]

انتي تفاهمتي معه على وضعك وهو قدر ورضى ...............

بالله وييييييييييييييين المشكله .؟؟؟؟

أختي (( نظرتي حزينه ))

ليش تصعبينها على البنت ياعمري لهم سنتين ينتظرون هاللحظه شي طبيعي

أنهـــــــــــــــــــــــــم يضحــــــــــــــــــــــــووووووون

أختي أوصيك بشي خليه في بالك على طول

داااااااااااااااااااااااائما وأبداااااااااااااااااااااااا اذكري هالدعــــــــــــــاء وخصوصا في أوقات الأجابه :

((( اللهم اني استودعتك سمع زوجي وبصره وقلبه ولسانه فؤاده وفرجه وماله وديــــــــــــــــــــــــــــعة عندك

يامن لا تضيع عنده الودائع سبحـــــــــــــــــــــانك ...اللهم فاحفظها )))​

 

[سوسو المملوحه]

انا مثل حالتك عادي ياقلبي ادامه راضي مافي الموضوع مشكله
انا من بداية السابع وانا عند اهلي وراح اقعد لين اخلص الاربعين ان شاء الله
وتوني داخله التاسع لي اسبوع ​

 

[@ميموالسوله@]

حبيبتي انا رحت للهلي في الشهر السابع وجلست لخلصت الاربعين
وهو كل اسبوع يجي بحملي الاول بس
هههههههههههه بس مطمنه مافي بنات وخراب بالقريه بس انتي زوجك احسه معرض للخراب انتبهي

 

[ورود جورية]

عادي حبيبتي اذا متفاهمين روحي لاهلك وارتاحي كلها فتره بسيطه وتعدي

لو انه متضايق او رافض باقولك صح ارجعي عنده والله يعينك وقوليله كلام الدكتوره عشان يراعيك ومايتعبك

 

[حبيبة روحها]

الله يتمم عليك بخير بس ارضية

 

[فـجـر*؛*]

الله يتمم عليك يارب وتولدين بالسلامه
قولي له اني قلبي معاك وروحتي لبيت اهلي محسستني بتأنيب الضمير وودي ارجع عشانك
لكن خايفه على البيبي
يعني حسيه انك عند اهلك وقلبك معه

واذا كنتو متفاهمين راح يقدر وضعك

 

[fascinating]

مع البنآت ...
جلسي عند اهلكـ ...وان شاء الله زوجك مقدر اذا انتوا متفاهمين

 

[@@الجوهره@@]

لا ياقلبي مادام زوجك متفهم لوضعك خلاص
لان لو صار لشي للجنين فهو بذمتك لانك تعبتي نفسك واجهدتيه وانتي مطلووب منك ترتاحين
ولاتخافين على زوجك استودعيه الله وادعي له