طليقي الشمالي الغربي

[عاشقه غائب]

السلام عليكم
انا طليقي كان شمالي غربي دامه علاقتنا شهرين بس زواج
ماكان يقولي ولا كلمه في الحب والا اي اهتمام منه
جلسنا مره تفاهمنا وحلينا كل المشاكل وقالي ((انه يحبني))
بس جا بكرا ونسا كل شي ورجع لطبيعته وتهاوشنا ورحت بيت اهلي بعد جلوسي شهر ببيت اهلي وانا كنت اترجا وادق عليه وهو ولا معبرني طول الشهر قام وحكى لاخوي قال خلاص انا بطلق احس اني مو قد المسؤليه وبنتكم مافيها عيب وانتم ناس اجاويد

بس انا مو قد المسؤليه انقهرت بعد ماطلق وماصرت ادق عليه ولا اكلمه فتره العده الا مسج واحد قلتله ان حنا داخلين حياه جديده واكيد بنحس انا مو قدها بس بعدين بنتحملها من ذا الحكي لاكن ماارسل ولا شي ولي الى الان ثلاث اشهر واهو لا حس ولا خبر
بس تجيني احيانا مسجات من رقم غريب نصائح بالصبر وتهنئه خاصه بالعيد
انا شكيت فيه سراحه لان ماكان احد يرسلي من ارقام غريبه قبل زواجي

بس سؤالي هل الرجل الشمالي الغربي لا حب زوجته وطلقها يضل يحبها ويغار اذا درا انها تبي تتزوج غيره وهل يرجع لها ولا لا ووش الطريقه اني اقدر ارجعه مع انا مو من نفس العائله للعلم امه تموت فيني وحتى انا والله اموت فيها لدرجه اني اناديها بيمه

واسفه ع صاحبه الموضوع ع المداخله بمشكلتي بس عشان ناخذ اكبر قدر من المعلومات عن الشمالين​

 

[ياغيابه]

رحم الله امرء عرف قدر نفسه .. ( ماهو قد المسؤليه ) .

بعض الرجال يتزوجو ارضاء لأهله ارضاء لامه والبعض لحظة انتقام من شخص يتزوج والاخر خشية اانتقاد
لكن زوجكـ ماحب يظلمكـ ؛ مع شعوري بالقهر بان تكون بنت الناس لعبه لكن ربما تكون لزوجكـ مواصفات خاصه لم
يجدها بكـ >> ليس قصور منكـ ولكن ربما بخاطره شيء معين .. <<( هذه افكار ).

لكن ليس لنا الا ماقال هو يحبكـ لانكـ لم تقصري بشيء ولم يكن لكي ذنب بشيء وهذا شعور بالذنب فهو لايستطيع
ظلمكـ معه وصبركـ دون اي هدف هو والله اعلم طلقكـ كتقدير منه واحترام لذاتكـ ولانه لايريد ان تبقي معه تحت مسمى زوجه
وهو يلهو او ينتظر زوجه اخرى ويخطط لذلكـ ؛ قال يحبكـ ولكن ربما لايقصد الحب المغرم او العاشق ..

انا اتمنى ان يكون ما اقوله ليس صواب وان يكون حقا يحبكـ ولكن لديه سبب ؛ لكن كلمة احبكـ لا تعني العشق فقط والغرام
احيان تتخذ تعبير الرضا فقط والقبول لا احب ان تتعشمي بوهم ولا احب ان تحطمي حقيقه .. ولكني لا احب تعلقكـ بشيء
ربما لن يعود والله وحده القادر على عودته .. واتمنى ان تجدي سعادتكـ اينما كانت ..


تـزعـل وتـرجـع وتـلـقـانـي عـلـى خـبـرك
.............................. وانـا انـكـسـر لـك واجـيـك ادوّر لـجـبـري

 

[زحمة جروح]

نفس تعليق مو قد المسوليه والحمدالله انك خلفتي منه

 

[زحمة جروح]

اقصد ما خلفتني مني يعني مابينكم اطفال الله يعوضك باحسن منه يمكن خير لكي وحياه لسه قدامك

 

[نعومة وحبوبة]

اللهم قدرلها الخير حيثما كان ثم ارضها به

 

[عاشقه غائب]

مشكوره حبيبتي
هو قال لاخوي انا تسرعت بالزواج كله ولا بنتكم ماشالله عليها مافيها عيب
هو يتوقع اني بعد الطلاق بالزعجه بالاتصالات
لاكن الواقع اني ماكلمته ولا ارسلت له الا مسج واحد
وبعد ماطلق بشهر صارت تجيني ازعاجات من ارقام غريبه
واخرتها اليوم جاني مسج يقول فيها حبيت اطمن عليك لا ن لك فتره غايبه
وانا مااعرفه ولا ارسله ولا بيني وبينه اتصالات
ولاني غايبه لا عن دوامي ولا بعدي عن اهلي وجماعتنا

 

[عاشقه غائب]

ويوم قال احبك احسها طالعه من قلب
يمكن طلقني عشان انا عانده وهددته لانه ماكان يرد ع اتصالاتي ويوم رحت لبيته برضاي وكنت ناويه اسوي له جو عشان ارضيه لقيته مقفل الابواب مع انه قالي خلاص تعالي
من قهري دقيت عليه وكنت مره معصبه وابكي قال بعدين اكلمك
قمت قلت له ان مادقيت علي وربي لاطلع منها واخلي اهلي يتصرفون معاك وانا مالي خص

 

[wa7da co0ol]

يابنتي اتطلقتي عشان كلام الحب والاهتمام تراها اشياء غريبة على رجال اليومين دول يعني اللي بتتزوج تحط في بالها

اذا كان معاك طبيعي في العلاقة وطلباتك بس ناقصك الكلام في كثير من الرجال ماتعبر ولاتتكلم


بس اش قصدك بعدم الاهتمام

 

[عاشقه غائب]

هلا حبيبتي
انو احيانا يهمل وجودي ويبدي اهله واصحابه علي
وهذا توني اعرف ان شخصيه الشمالي الغربي هذا طبعه
بس بعد ايش بعد فوات الاوان
انا سؤالي هل في طريقه ارجعه مره ثانيه من غير مايصير فيه اذلال
او هل تتوقعون ان الشمالي الغربي ممكن يرجع لطليقته وكانت مده الزواج شهرين بس
وكان قبل الزواج مستحيل يمر يوم الا ومتصل 3 او 4 مرات وكان يعبر لي عن حبه وشوقه لي

 

[قلبي المجرووح]

الله يسخركم لبعض ويفرج همك

 

[عاشقه غائب]

امين يارب العالمين
ورد لي زوجي ردا جميلا كما رددت ليعقوب يوسف عليه السلام ورده كما رددت مسى لامه ياكريم يا قوي والمسلمين والمسلماااااااااااااااااااااااات اجمعين يارب العالمين

 

[الخط الفاصل]

لا تفكرين ولا تضيعين وقتك وتهدرين جهدك وتتعبين قلبك في تحليل وتفسير كلامه

أيا كان قصده خلاص زواج وانتهى ماض وانتهى صفحة طويت

لا تبك ع اللبن المسكوب بكثرة التفكير

لا تجلسي على أمل الرجوع..

وياليت تغيرين رقمك عشان ماتعلقين نفسك بأمل وتمنين روحك بشيء قد يكون سراب.

ارجعي لله وتوكلي عليه .. اللي كاتبه ربي هو اللي يصير..

 

[ناني الشاميه]

كم عمرك وكم عمره وهل في زوجه غيرك ؟؟

 

[عاشقه غائب]

ونعم بالله
بس انا مررره مستغربه من تصرفه اول الزواج وقبل الزوااااااج يموووووووووووت علي وحتى كان مايمر يوم الا وجوالي مايسكت من الاتصالات
حتى قبل كان يقولي الحمدالله لقيت الي تفهمني
وش الي غيره ماادري
بس يمكن هذي شخصيته مايحب التحدي والعناد وانا عاندته
وانه يعشق الحريه وحس ان الزواج قيده
وقالي معليش تحمليني شوي
قلت مو مشكله حاضر راح اتحملك
بس الي صدمني بالطلاق مو عارفه وش السبب ويوم رحنا للمحكمه نسال ع الورقه اول ماطلق يقول انه اقنعناه انه ياخذ وقته يمكن يراجع نفسه ولو شفنا عليه انه مصمم ع الطلاق كان سلمناه الورقه ع طول اول ماطلب الطلاق((يعني كان متردد ع الطلاق))
ولي خلاني اتعب من التفكير ماخذ عطوراتي الي استخدمها للبيت والبوم الصور
ويوم ساله اخوي عن الابوم يقول اتلفته وقصصت صوري منه وحرقت صورها مع العلم ان الابوم مصنوع من كرتون ومن قزاز مو عارفه كيف اتلفه احسه يكذب ع اخوي

وعندي احساس انه مازال يحبني بس في شي مبعده عني يمكن انه يبي الحريه شوي؟؟؟



طيب بعد ماعرفتو مشكلتنا لو يبي الرجوع وش تشورون علي يااهل الخبره ارجع له ولا لا

 

[salmaa]

اه في طريقه جربيها قولي لامه انك متقدملك واحد وبتتملكي قريبا وطبعا اتفقي مع اهلك علي هذا التمثيليه واذا وصلوا الخبر بيتجن اذا بيحبك اما اذا لم يتحرك فاعرفي انك لاتسوي شئ عنده وانسيه وارجعي قولي انك استخرت في الزواج الجديد وماارتاحتي

 

[عاشقه غائب]

عمريي 24 وهو عمره 33
وكاتزوج قبلي ابدا ولا يحب احد قبل ما يعرفني


اختي سلمى مشكوره ع الفكره وهي تدور في راسي لها شهر بس خايفه تنقلب الفكره ضدي واهلي ماراح يوافقو ع الفكره لانه من الاساس ماخذين منه موقف بسبب الطلاق وتركه لي بيت اهلي من غير سبب

بس انتي تعرفين احد سواها وجابت نتيجه

 

[عاشقه غائب]

اقصد ماتزوج قبلي ولا حب احد من قبل مايعرفني
يعني هو عملي منهمك في شغله مايفكر في الامور هذي
ولاحضت هالشي بعد معاشرتي معه

 

[عاشقه غائب]

طيب مافي فكره او حل اخر:dunno:

 

[عاشقه غائب]

ادري اني اقلقتكم
بس تصرفاته اكيد لها معنى
ولا ليش يسوي كذا

 

[سلطونة]

الله يسخركم لبعض ويفرج همك