طلقني يوم العيد وانا حامل بالشهر الثامن

مراااحب بنات اشكر كل وحده اهتمت وردت علي
لا حبيبتي مليت انا للحين ماولدت بس قاعده اقرا الردود واحس انها اعطتني ومدتني بالقوووه
ودامكم معي واقرا الردود اللي عن جد تشرحلي صدري وتحطني على الطريق الصحيح باذن الله لحياه احلى واحسن واكمل
 
حبيبتي طلقك عشان سبب تافة جدا
ويوم العيد
وحامل بالشهر الثامن
ولا عندة وظيفة يعني لاشغل ولا مشغلة
وتراضينة عمال على بطال
ويهدد ويتوعدك باالضرب هذا واللةمااراة حب الضحية للجلاد
كان اللة في عونك
 
اصلا اختى لا تكلمينه خلى ابوك يتعامل معه انتى الحين مثل الاجنبيه قولى خلا انت ما تحللى ابوي يتفاهم معك


عزى نفسك يا اختى وخلى ابوك يرجع حقك
 
اشكر كل من اهتمت واعطتني من وقتها الثمين وردت علي

فعلااا الى متى اذل نفسي اكثر وخاصة انه للحين متمسك برايه ويقول انا مااخطي ابد
توي لقيت ثقتي وجرأتي وشخصيتي اللي فقدتها عنده
 
لا تصدقي كلامه انه ترك الوظيفه عشانك على قولك ما عنده اخلاق امكن والله اعلم طاردينه و مستغل ذهبك
و مركبك جميله انه ترك الوظيفه
اصحي لنفسك و تلحقي عمرك و الان طلق بدون تعب و لو رجعتي رح يطلق بعد ما ياخد كل شيء خسرة عليك تراها موضه في المحاكم دي الايام
يسترجع المهر و كل خسارته و يسافر بها ولا يتزوج على حساب قهرك و ضعفك ​
 
والله انك قهرتيني بضعفك

قصتك مثل قصة اخت زوجي .. الفرق انه مايقرب لها

والحين ذالها هو واهله لآخر درجة . لانتم عارفين انها تحبه

وكلما زعلت يشد عليه ابوها وهي تراضيه من ورى اهلها وهو يسمعهر كلام زي السم

وهي راضية

تكفين قوي شخصيتك وكفاية ذل
 
هو يحبك لاكن انتي خبصتيها
اثقلي شوي
ولمن تولدي بيحبك ويحب بزرته
الله يجمع بينكم
وان شا الله ترجعيله
 
الي فهمته انك الحين عند اهلك
المفروض من الاول خليتي الوالد يتصرف هو عرف حبك له وقام يلعب بك الي راح راح اذا انتي عند اهلك الحين عيري جوالك ولا عاد تكلمينه حتى لو قلبك حن له اظغطي علا نفسك وتحملي بعده واهتمي بنفسك وطفلك الي جاي وعليك بصلاة الليل فإنها سهام لاتخيب وهو خلي تفاهمه مع ابوك مهما طول الموضوع لا ترخسين بنفسك ابد ترا هو داري انك ماتصبرين عنه عشان كذا قام يتلاعب بك
 
الله يفرج همك
ويكون بعونك
الجئي الى الله بالاسحار واطلبيه حاجتك
مستحيل يردك
وحطي ببالك من رجا الله ماخاااااااب
 
اولاحبيبيتي الله يفرج همك والله مالك الا الله هو يختارلك الخيرالجئي اليه ويسهلك ثانيا البنات ماقصرو في الردود وانا مع الاخت بك امنت بعدين يتمنون اهلهم معهم وانتي تخبين عليهم ليش عشان ايش والله مايستاهلك قوي نفسك والله يكون معك
 
تكثر صفة يكرها الرجل الشمالي الشرقي هي انعدام الثقة او ضعف الشخصية وبيظل يهينج ويهينج لين تقوى شخصيتج عليه وتثقين في نفسج وترا الشرقي يموت على عياله يعني من راي اختلقي اي مشكلة وقاطعيه وخليه ولا تردين عليه وعيشي حياتج وبتشوفين بيفعل المستحيل وبيتغير 180 درجة عشان يرجعك وبصراحة ضغطي شوي على نفسج ولا تكلمينة واااايد ذاله نفسج وهالنوع ما يحب الذل ولا يقدره ابدا الله يقومج بالسلامة والحرمة بهالفترة تريد حد يتحملها ويوقف معها مب اهيه اللي تداريه وتوقف معاه وهو مطنش بعد ما تقومين بالسلامة ووتفضيله فكري فيه المهم الحين انتي والبيبي وبس استانسي وعيشي حياتج طلعي ودخلي ولا تهتمين منه وخليه يولي ولا تفكرين فيه لييييييييييين ما تولدين وتقومين بالسلامة انتي ناقصة نكد ومشاكل وانتي حامل وعلى ويه ولادة
 
شكرا على المرور
ينات اهلي يدرون انه مطلقني ماخبيت عليهم وبعدين هو لما طلقني راح سأل شيخ قاله تقدر ترجعها بدون موافقتها او موافقة اهلها يعني اتشهد اثنين وسوى نفس الشي يعني ثنى فيني
وغير كذا انا الحين سويت اللي قلتولي عليه افتعلت مشكله معه لانه يقولي انت السبب بالطلاق قلتله لا انت وتهاوشنا وتركته
وماراح افكر فيه هالفتره

بس فيه حاجه مررره مضيقه صدري اللي هو متضايق انه بيبشر ببنته مثله مثل اي طفل من الجماعه وهي لحظه ينتظرها من زمان وكان دايم يقولي ابقعد عندالباب انتظر وافرك يديني الى ماتضنين بالسلامه وبصراحه ماودي احرمه من لحظه مثل ذي خاصه انه اول مولود له وخبركم المولود الاول غير الثاني الفرحه فيه اكثر

عاد مفكره وقت الولاده اطلب من امي تكلمه عشان يجي وينتظر ويكون هو اول شخص يشوف بنته
لاني ادري اذا حرمته من لحظه مثل ذي ببيحقد علي وعلى اهلي
وش رايكم
 
اسمعي كلام اهلك ؟؟لاتكلمينه ابد ؟؟؟خلي الرجال يتصرفووون؟؟والله ان يتادب ؟؟ويمشي زي الالف كفايه تذلين نفسك؟؟
 


يابعد قلبي ..


الطيب في هالزمن ينداس عليه :(


اول شي قبل ماتاخذين راينا .. خذي راي ربك .. استخيري .. من استخار ماخاب ..

وكثفي الدعاء والاستغفار من قلب.. وربي لين شاف حاجتك له مايخليك ..


وثاني شي .. لا تحسسينه بحبك .. وانك برغم اللي صار تحبينه .. بيني له انك ثقل وماعاد يهمك ..
كذا لو فعلا يبيك .. بيركض وراك .. ويحاول يكسبك من جديد ..

بس نصيحتي من قلب .. ارجعي لربك ..

ياما مشاكل وهموم مرينا فيها . . بس قربنا من الله هونها ..

والله يسهل امرك .. ويفرج همك .. ويهون عليك ولادتك ..
​
 


وبالنسبة لسؤالك يجي عشان بنته ..

انت قلبك ابيض ورحومه ..


لا تكلمينه ولا شي .. اذا هو متحمس بيدبر نفسه .. انت سوي نفسك لاهيه وتعبانه من الحمل والولادة ..

لا تحسسينه انك مداريه خاطره .. لانه بيستمر بنفس شخصيته ..
​
 
انا كمان مع راي الاخت اذا هوا متحمس بيجي من نفسه اهم شي لاتجي منك انتى ابدااااااااااا

او يوم ولادتك خلى اخوانك يكلموه يقلوله حرمتك تولد تعال شوف بنتك
اهم شي لاتجي منك انتى ابدااااااااااااااااااااا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل