طلقني ظلم يارب انصرني تكمله على موضوعي

لا حول ولا قوة إلا بالله والله إن قصتك تدمع لها العين ويذوب القلب من كمد! لا حول ولا قوة إلا بالله ..
حبيبتي ..
زوجك مريض شك ووسواس والله أعلم + إنه خسيس حسبي الله عليه ونعم الوكيل ..
اسمعي .. ترى القذف مو سهل ومو على كيفه يركبك تهمة شرف بدون دليل .. العرض مو لعبة لزوجك وأمثاله من عديمي الذمة ..
تدرين إنه بالشرع ما تثبت عليك تهمته لك إلا إذا جاب شهود؟ والتسجيل حتى لو فرضنا إنه فيه صوت رجال فممكن يكون مفبرك ولا يأخذ فيه القاضي .. التسجيل مو دليل ومو من حقه يشوه سمعتك .. وين الستر اللي ربنا أمر فيه؟ يفضح عرضه وشعرة وجهه أم عياله؟ ما فكر في بنته وولده بكرة يوم يعيرونهم الناس؟ وقسم بالله إنه مو رجال وخسيس وفرقاه غنيمة ..
إنت لا عاد تبكين عليه ولا تسكتين له .. يبي يطلق قلعته الله لا يرده بس لا يطعن بعرضك .. اشتكيه على قاضي بدعوى القذف وخليه يثبت عليك أو يأخذ جزاءه هو وينكتم غصب عنه .. وقبل ما تشكينه استشيري محامي شاطر يطربقها على راسه .. لا تسكتين ولا تضعفين .. واطلبي عرضه على الطب النفسي .. حشا زوجك ذَا مو صاحي أبد ولا هو كفو حضانة ..
تكفين لا تسكتين عن حقك .. إنت ما عندك شي تخسرينه .. فضيحة وفضحك وعيالك وأخذهم منك .. وش باقي؟!
الله يفرج همك ويرد كيده بنكره ..
أكثري من حسبي الله ونعم الوكيل..
 
رددي قوله تعالى: ( فدعا ربه اني مغلوب فانتصر)
 
حبيبتي انا قريت قصتك اكثر من مره والله هي قصه تقطع القلب كيف انت متزوجة من 8 سنوات ويعرفك زين
ويعرف اخلاقك ويتهمك كذا بدون دليل امر غريب جدا
لو كان زوجك شكاك او مريض او موسوس كيف يعيش معك 8 سنوات بدون شكوك وبدون مشاكل وفجأت
يتهمك اتهام عظيم مثل هذا الاتهام الا اذا كان يتعاطي مخدرات او علاج نفسي .
شوفي انت لاشك ساهمتي كثير في موضوع اتهامه لك كيف هذا الكلام !!
اقلك كيف ... طالما انك لم تفعلي شيء وبريئة ليش تضعفي موقفك امامه وتترجيه انه يرجعك وتشوفي بنتك
طز فيه والله الا الشرف ماينسكت عنه كيف ساكت ابوك واخوانك عنه وربي لو كنت مكانك وقسم بالله العظيم
اهلي يا يقتلوني او يقتلوه مستحيل يطعن في شرف بنت رجال وهم ساكتين وكأني فعلت الفعلة الشنيعة وطمنت
راس اهلي وذليت ابوي قدام الرجال .
اذا انت واثقة من نفسك لا تبكي ولا ترسلي اي رسالة روحي لابوك وقولي شوف انا بنتك وشعر وجهك والي
يوطي راسك ما عاش الرجال هذا اما يثبت عليه الكلام الي يقوله او تاخذولي حقي منه او انا اطلع بكره وأروح
للشرع اما يعطوني حقي او ماني بنتكم اريحكم مني ومن عاري ..
وانت عندك اكبر دليل الرسائل الي تقولي ارسلك وقذفك فيها هذا هو الحل الوحيد والمخرج من هذه المصيبة
حتي لو رجعك صدقني ما رح ترتاحي معاه وراح تطاردك الاتهامات في كل لحظة زي ما قلتلك لا تضيعي سمعتك
وسمعت عيالك طالما انك واثقة من نفسك توكلي على الله وسوي مثل مااقلك وربي يوفقك وينصرك ..
 
إرفعي دعوى للمحكمة صدقيني سيجلد أمامك بإذن الله و تاخذين حقك و أنتتضحكين ..​
بس لا تسكتين هي الأمور مضروبة خلاص و ما في أمل للرجوع لكن بإقامةالدعوى ضده ستسترجعين كرامتك المفقودة و تكبرين في نظر الآخرين و ستقدرين على أخذبنتك بالمعروف .​
لكن إياك و ترك الأمور هكذا إتخذي موقف حاسم .
​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل