طلقني حسبي الله عليه بعد ماضربني جدام أهله ...

[شـــــوشـــــو]

الله يكون في عونك يا اختي وشوفي انتي لاتكلمينه وترجعين له اذا هو حس انه غلطاان عليك هو بنفسه راح يرد لك وانتي اذا بترجعين ارجعي بشروط والله ييسر امورك يا رب

 

[وداعة]

السلام عليكم ورحمة الله وبركاته
اختي عليج بسهام الليل التي لاتخطئ وادعي ( يارب اني مظلومة فانتصر، يارب إني أنزلت فاقتي وفقري إليك يارب مدني بمدد من عندك) والزمي الاستغفار بان الله يرد لج الحق ويظهره وينصفج ويردج بيتج عزيزة :showoff:
وطرشي له مسج
وقولي انتو ظلمتوني و بيني وبينكم الجبار المنتقم

 

[*فيينا*]

سلام عليكم
والله بعد ماقرأت قصتك ارتفع ضغطي وحسيت بحرقة بمعدتي من القهر وحبيت ارد مع اني نادرا ماارد.....من الحرة

انا راي -----اقطع كل وسائل االاتصال لمدة سنة لاتخلينه يشوف ولده طووووووووووول السنة ...لازم تقسين عليه ..الي سواه بسييط ...متهور واحمق وعقله صغير يسمع كلام الحريم ........وقليل ادب ومومحترمك ولامحشم اهلك
المهم:::لاتخلينه يشوف خيال الولدطووووول السنة .وبعد ماتمر السنةروحي المحكمة وحطي شروطك من بيت مستقل وخادمة .....ومبلغ وذهب اذا كانت ماديته حلوة
هذا اذاانت باقيةعليه....صاحبتي ست كذا ورجع اتدب معاها وانذل اليييييييييين مارجعت هي وولدها
لك تدرين الى الن صاحبتي تذكر السالفة ومنقهرة رغم مرور 10 سنوات
انا لومكانك اعطي شلوووووت واحاول ابدأ حياة جديدة واطوي الصفحة لاني حتى لو رجعت له بشروط مارح انسىلذل اللي عشته معاه

الله يوفقك ويفرج عليك

 

[همس الغرام]

زوجك مشكلته هي أمه و إذا كان زوجك فيه صفات زينه رجعي له ولا تخلين أمه تفرح بطلاقكم لأن واضح أنها تغار بشكل كبير و تدور المشاكل بينكم و لاحظت أن الأسباب سخيفة جدا و هي اختارت يوم ذكرى زواجكم عارفة انكم بتستانسون فيه و عن عمد سوت بينكم مشاكل و خلت زوجك يفقد أعصابه
إذا كنتي شايفة أنه فيه صفات زينه رجعي له بس على شرط أن يوفر لج سكن خاص بعيد عن أمه و أن يعتذر لج وشيلي فكرة أن تروحين بيت أهلج اذا رجعتي له و صار في مشاكل بينكم لأنه لازم تحلون مشاكلكم بروحكم بعيد عن الأهل و بالحوار خاصة انها مشاكل بسيطة

 

[نبع الحياة]

لا تتنازلين عن القضيه عشان يعرف قدره وعرف انش مو هين ولا يفكر مرة ثانيه يطقك

والزميه اب منزل واذا ماقبل خل يطلق ويدفع

ولا يكوووووووووووووووون اتردين له مثل ماقال حق الي اتصلت فيه
ترى اهني اتبين اغلاطك لانك كنت تساهلين معاه قبل وتردين بدون مايردك

فاللحين قال عاااادي اهي الي بترد؟؟؟؟؟؟؟؟

شفتي من تساهلك معه وين وصلتي

 

[الدكتورة نبضة قلب]

عورتي قلبي يا ام سيف
شو هالعمه
كيف قدرتي تصبرين عليها

ان رديتي لزوجج اول شي اشرطي عليه تطلعين من بيت اهله

 

[قمة التحدي]

لا ترجعين ليما يحس بالندم و يحس بقيمتج
و يضرب لج ألف حساب لين ما فكر يعيد الكره

 

[اقربت النهاية]

آآآآآآآآآآآآآآآه يالقهر والله الله يعينج بس والله انصحج من قلبي لاني جربت هالموقف تكفين لا ترديييييييييييييييين له الا اذا عرف قدرج امااااانة لاتسوين نفسي بكلمتين رديت وهذاني متوهقة لا اقدر اخذ حقي ولا شي وانا الغلطانة لان يوم جاتني الفرصة ماخليته يعرف قيمتي بس المواقف جاية كثيرة وبترد له ان شاء الله
بس انتي لا تضيعين الفرصة من يدج اذا كنتي تبين سعادتج وراحة ولدج لازم يحس قيمتج ولا مابتقدرين اتكملين معاه
واذا انتي حسيتي انه عرف قدرج "بالفعل مب بالكلام" تحملي تفكرين بالطلاق بس بعد تحملي من المواقف اللي ممكن اتوصلج لهلمرحلة مره ثانية
ودليل انه عرف قدرج انه يحطلج بيت بروحج حتى لو يكون احذى بيت هله بس يكون مستقل عنهم هذا اذا كان مايبيكم اتشتتون انتي وولده وهو
والله يوفقج ويحفظلج ولدج

 

[** ألماسه **]

لا حول و لا قوة الا بالله

أنا انصحك ترجعين لزوجك بس بشرط تعيشين بعيده عن أمه الله يسامحها

فكري زين مالك إلا زوجك و بعدين ولدك حرام يعيش مشتت بين أب و أم مطلقين !!

ضحي عشان ولدك , ترى الولد يستاهل التضحيه !!

إرجعي لزوجك و حاولي تكسبينه و تنسين الماضي

إنتي قادره إنك تغيرين زوجك للأفضل و تكسبينه لصالحك

لا تقولين ما أقدر ترى تقدرين و نص بعد

غيري حياتك معاه باللطف و الصبر و التحمل و أقسم لك بإذن الله بتعيشين بسعاده معه

بس أهم شي إنك تفهمين نفسية زوجك زين و تلعبين لصالحك

فكري زيييييييييييين زيييييييييييييين

زوجك شكله مثل ما يقال ( ولد أمه ) << و هذا يبي له معامله خاصه

أدري إنك ماأنتي طايقه أمه و لا أنتي متحملتها بس عاد إضغطي على نفسك

المهم إرجعي لزوجك و في بيت لحالك معززه مكرمه أحسن من أنك مطلقه و ولدك ضايع بينكم !!

و إذا على الضرب ياااااااااااااا كثر اللي ينضربن بس صابرات عشان عيالهن
و في النهايه تعدل الرجال و فازت هي الملكه و في مملكتها

و المشاكل لابد منها و الضرب ممكن يجي لحظة غضب و بعدها يندم الرجال إنه مد يده على المره صدقيني


​

 

[أسماء زكي الدين]

ياااه يا أم سيف ..!!


كل ذلك رأيته منهما؟!


والله حزنت لك على الليلة اللي كنت متعشمة فيها - ويمكن هي اختارت الوقت لتثير فيه المشكلات حتى لا تسعدا مع بعضكما!!! واضح أنها تغار وبشدة .... والعياذ بالله ... والغيرة تأكل قلبها .. الله يهديها ...


وزوجك الله يهديه وينور طريقة اعتاد أن يتعدى على حقوقك وتتركين له البيت وتعودين من نفسك وبجهود أهلك يعني لا يتعب في شيء !! ولكن المرة الأخيرة ستكون الدرس الكبير له ليعرف ان الله حق وأنه فرض واجبات وحقوق لكل البشر ... لا تتنازلي على أي حق ترغبين به وترين فيه راحتك .. ولا تقبلي بالتأجيل ... وتطالبي باعتذار وتعويض عن فعلته معك وإقرار يكتبه في المحكمة على نفسه بألا يؤذيك لا بالقول ولا بالفعل ..

ومثل ما ذكرن أخواتي كلهن قبلي بييييييييييت مستقل ولا تعودي لبيت أهله مؤقتا إذا قال لك ذلك ... وأشعريه أن رجوعك ليس له بل لأجل خاطر ابنك الذي يسأل عن أبيه ...

وقولي له أنك ستستخدمين مانعا للحمل لأنك لن ترغبي بأن تنجبي ضحية أخرى غير الطفل المتعذب بمشاكلكما ... وانصحك بذلك بشدة حتى ينصلح حاله ...

وابحثي عن وظيفة أو اكملي دراستك حتى تنشغلي وحتى تطوري من نفسك ...


لكن كيف هي مع زوجة أخيه؟! هل تتعامل معاها بنفس الطريقة؟ وهل أخو زوجك مثل زوجك بيسمع من أمه فقط؟؟؟!!!

 

[أم_سوافي]

اشكركم على ردودكم الطيبه

وبالنسبة لمعاملتها مع زوجة ولدها الثانية تقريبا نفس المعاملة ودايما تحب تسوي مشاكل على اي شيء وتحب تدخل في حياة الجميع والكلام اللي هي تقوله لازم يصير ولو ماصار اللي هي تبغيه تقول غنج إنتي ماتسمعين الكلام وتسوين اللي في راسج ..

وآخر مرة صارت مشكلة بينها وبين حرمة ولدها الثانية وكنا يالسين عند حريم ويلست عمتي تصارخ عليها جدام الناس
عاد هالحرمه عصبت من هالحركة وسارت حق ريلها وقالتله انه أمك هزئتني جدام الحريم وأنما مارضى بهالشيء وأبغيك توديني حق بيت هلي ..

بس ريلها مب نفس ريلي ماقول انه مايسمع كلامها لنها من النوع المتسلط على أولادها بس هو مايكبر المشاكل نفس ريلي
وعارف انه امه محد يتحملها وعارف طريقتها في التعامل بس يخلص المشكلة على طول بينها وبين حرمته ...


لكن ريلي أنا آخر العنقود دلوع امه مايحب يتحمل مسؤلية ولا يتعب عمره في التفاهم يسوي المشكلة معاج ويخليج تضربين راسج في مليون حيط !!

ولا يهتم ....

 

[انتصار الحياة]

الله يكون في عونك وييسر أمورك ....

 

[أم الوردتين]

الله يعينك
لازم توضحين في المحكمة انه امة صعبه العيشه معاها
وتطالبين ببيت بروحك
وبعدين في الزيارات مو بعيدة انها حاقدة انك طلعتي ببيت بروحك يمكن تعيد مشاكلها عشان كذا لازم تشرطين عليه انه مايكلمك في امر اي شكوى من امة لأنة يوقف بصفها ويظلمك وان ماعجبة الوضع يجلس معاكم في الزيارة لأمة الين تمشون عشان يشاهد بنفسة كل شئ وتمشون مع بعض وعشان ماتكون مشاكل

 

[أسماء زكي الدين]

اشكركم على ردودكم الطيبه

وبالنسبة لمعاملتها مع زوجة ولدها الثانية تقريبا نفس المعاملة ودايما تحب تسوي مشاكل على اي شيء وتحب تدخل في حياة الجميع والكلام اللي هي تقوله لازم يصير ولو ماصار اللي هي تبغيه تقول غنج إنتي ماتسمعين الكلام وتسوين اللي في راسج ..

وآخر مرة صارت مشكلة بينها وبين حرمة ولدها الثانية وكنا يالسين عند حريم ويلست عمتي تصارخ عليها جدام الناس
عاد هالحرمه عصبت من هالحركة وسارت حق ريلها وقالتله انه أمك هزئتني جدام الحريم وأنما مارضى بهالشيء وأبغيك توديني حق بيت هلي ..

بس ريلها مب نفس ريلي ماقول انه مايسمع كلامها لنها من النوع المتسلط على أولادها بس هو مايكبر المشاكل نفس ريلي
وعارف انه امه محد يتحملها وعارف طريقتها في التعامل بس يخلص المشكلة على طول بينها وبين حرمته ...


لكن ريلي أنا آخر العنقود دلوع امه مايحب يتحمل مسؤلية ولا يتعب عمره في التفاهم يسوي المشكلة معاج ويخليج تضربين راسج في مليون حيط !!

ولا يهتم ....

الله يعينك ويعين سلفتك يا أم سيف والله .. تلاقيها الحرمة الحين مستفردة بالبنت !! :no:

ويعينك على زوجك اللي ما بيعقل الأمور ويوازنها .... :dunno: طيب وإخوانه ما بيعقلوه وما بيجلسوا معاه يفهموه؟! وما تعلم من اللي شافه مع زوجات إخوانه الباقيين ؟؟

ترى أمه ما بترتاح إلا إذا خربت كل البيت والعياذ بالله علشان تقعد وحدها ... لا حول ولا قوة إلا بالله ...
اثتب يا أختي على موقفك خلي زوجك يصحى وياخذ درس !!! ونحن هنا معك أخواتك في الله ننصحك ونشد أزرك بإذن الله تعالى ... ​

 

[أم_سوافي]

اللهم أجرني في مصيبتي وأخلفني خيراً منها ...

اللهم انصرني على من ظلمني ..اللهم عوضني في ولدي خير يارب العالمين ...

حسبي الله ونعم الوكيل .... الله لا يسامحهم على اللي سووه فيني ...

 

[فاطمه محمد]

و الله شو اقولج يا ام سيف


غير ان ريلج و امه ما يستاهلونج أبد



مب مال حشيمه هذيلا و لا يخلون الواحد يحشمهم دام هذا تصرفهم مع بنت الناس



اسمعيني اختي الريال ما يحترم الحرمه الي تخضع له بسهوله و الي اذا اهانها او ضربها سكتت عنه

انتي لو هذيج الساعه من ضربج سرتي و جرجرتيه المحكمه و خليتيه يتأدب و بردتي على قلبج و بياخذون عليه تعهد و الشرطه بتوقفه عند حده و بيحرم يمد ايده عليج



هذا الظاهر اهلج احترموه هو و امه لكنه مب قد الاحترام و مب قد الامانه الي هي انتي



لأن الريال اذا كان ريال صدق ما بيضرب حرمه لانها تخالفت مع امه ,,,


لاتردين له بسهوله الا بشروط و شروط قويه اولها انه يعتذر و يحرم يمد ايده عليج و انه يسكنج في بيت بروحج بيعــــــــــــــــيد عن امه المشكلجيه

 

[أنيقة]

اختي اول شي في الجلسة اطلبي بيت لج بروحج وكوني صارمه لاتقولي حرام مايقدر بكلف عليه.. السكن حق من حقوقج لاتتنازلي عنه.. السكن ويا اهله واضح انه هو سبب 90 % من مشاكلكم..
والشي الثاني خليه يوقع تعهد في المحكمه انه مايمد ايده عليج ولا يغلط عليج او على اهلج..
وطالبي تعويض مادي عن الضرر اللي صابج من ضربه.. عشان يتأدب شوي.. ويعرف شقايل يحترم بنت الناس..
هو مب ماخذنج من الشارع عشان يغلط عليج.. هو ياي البيت داق الباب ابغي ايد بنتكم..​

 

[أم_سوافي]

يعني أنا أروم أخليه يكتب تعهد انه مايمد إيده ؟؟

أنا ماعرف بسوالف المحاكم وشو اللي اقدر أسويه ..

دخيلكم اللي تعرف شيء وتقدر تفيدني لا تقصر وياي الله يجزاكن خير ...

 

[فاطمه محمد]

يعني أنا أروم أخليه يكتب تعهد انه مايمد إيده ؟؟

أنا ماعرف بسوالف المحاكم وشو اللي اقدر أسويه ..

دخيلكم اللي تعرف شيء وتقدر تفيدني لا تقصر وياي الله يجزاكن خير ...

هيـــــــه اكيــــــــد تروميـــــــن و بتعويض مادي بعد اذا بغيتي


اكسريه و اكسري هالقوة الي فيه على بنات الناس

 

[سمفونية الأحلام]

حسبي الله ونعم الوكيل ،،، ايش هالناس ،،، الله يصبرج اختي وياخذ حقج منهم ،،،
ورايي مثل راي اغلب البنات هني اللي ماشاء الله عليهم ماقصروا ،،، انج لو رجعتي ترجعين وبشروطج وماتتنازلين عن اي شرط ،،، واهم شرطين بيت بروحج وانه يوقع تعهد انه مايمد يده عليج ،،، اتوقع انج تقدرين تكتبينه تعهد بهالشي ،،، وقوي شخصيتج معاه لازم تتغيرين ،،، وتحطين لنفسج خطه وكل تصرف متعود يسويه قرري بينج وبين نفسج اشلون ردة فعلج الجديده راح تكون والتزمي فيها ،،، الله يريح بالج وقلبج اختي ،،، ​