طلقنى وبكل هدوء..!!!

[حبك طاقتى]

السلام عليكم.....كيف حالكم..انا عضوة جديده انعجبت باسلوبكم الراقي.. وبسرعه ردكم ونصايحكم الذهبيه لاخواتكم...وهذا خلانى اكتب معاناتى...مع زوجى...


اختلفنا قبل شهر وموضوعنا وصل الطلاق وانا محتارة ارد له ولا لأ!!!!
والسبب تافهه كانت مشاده كلاميه لانى عاندته وسويت شي نهانى عنه بس لايروح تفكيركم بعيد لانه نرفزنى باسلوبه وصراخه من غير سبب..ماحبيت انتناقش باللى صار بس اهوا اصر وفتح موضوع معاى!!!!

ولما تناقشنا بالموضوع انا فالبدايه كنت ساكته وقت النقاش بس اخذ يغلط بكلام ويعيد ويزيد وقالى ماتقعدين عندي رووووحى لبيت اهلك!!!وطلع!

انا تضايقت لان ماتوقعت الموضوع بيوصل الى هذا الحد! فطلبت الطلاق
تصدقون يابنات بكل بروووود طلقنى! وبهدوء! وبالثلاث!!!
وانا من الصدمه ماقلت شي...ولافرغت عضبي!قلت مشكوووور وماقصرت!
اخذت اغراضي وطلعت ولاسأل عنى !!!ولاصار بينا كلام ولا حتى مسج!!!!


طبعا اهلى طلعونى غلطانه و وقفوو معاه!!!ضدى بس بينى وبينهم!
واهله صامتين الى الان!!!حاولو فيه ايحل الموضوع بس اهوا راااافض!!

شرايكم شنو اسوي..؟؟؟؟؟محتاجه رايكم بكل صراحه


الله لايحرمنى منكم:icon26:

 

[wardh2]

والله مدري بس ما حبيت اطلع من غير ما ادعيلك >>الله يفرج امرك ويكتبلك الي فيه خير لك

 

[زهور الدار]

انتي قلتي طلقني بالثلاث يعني حرمتي عليه
الا اذا كان فاقد اعصابه ذاك الوقت ....؟
هذي المسالة لازم تسالين فيها عالم يفتيلك

 

[ام عموريه]

حبيبتي الله يصبرك بس مادري في هاي امور اكيد حلها عند القضاه هم اعلم منا والله يرزقك من حيث لاتحتسبين يارب

 

[انسكاب]

:::

مدري يا اختي الي اعرفه ان الطلاق بكون بينه فترات يعني لو قال انت طالق بالثلاث في وقت واحد يعتبر هذة طلقة واحده تعتدين بعدها ثلاث قروء (يعني ثلاث حيضات ) خلالها يراجعك

يعني باقي لك طلقتين وتحرمين عليه

يا اختي اذا كان زوجك انسان طيب وحنون ويغار ومحافظ عليك وكان سبب الطلاق تافه ارجعي له ولا تهدين بيتك

اسال الله ان يصلح شأنك وشأني

لك ودي

:::

 

[لذةالسكـــر]

اذا انتي شايفه انك غلطانه وتسرعتي في طلبك للطلاق ارجعي له
مع اني مدري وش المشكله بالضبط بس ياختي باين انها عناد والرجال مايحب احد يعانده لو في اتفه الامور
خذيه بالسياسه وكل شي راح يصير زي مانتي تبغين واكثر
ترى الحياه الزوجيه تناااااازلاااااات
والله يكتب لك اللي فيه الخير

 

[برنسيسة نفسي]

الله يـفرج كربتك ويردك له عـاجلاً غيـر آآآآجـــل ....

والله العـالم .. إن شخصيـة زوجـك شمــالية ... فعشـان كذا هالشخصية عنيـده وراسـه يابس ويحب كلمتــه هي اللي تمشي .. ومتســــــــــرع ويرمي الكلام زي الحجـر ..

بس يبيــله رااااااسي صاحـي .. وإحـترام ورواقـة شوي ... إذا عندك أولاد منه .. فحـاولي أحد يحـل الموضوع بينـكم ...

وإنتــظري الفرج من الله قريب ... قال تعالى : (( إن مع العسـر يسرا )) يعني هذا إبتلاء من الله وبتنفرج بإذن ربك ..

ولاتنسين كثرة الإستغفـــار ... وصلاة الليل .. (( سهــام الليل لا تخطـئ )) ..

الله يكتب الخيــــــــــــــــــر ياحي ياقيوم ...

وإنتي ركزي على نفسك وحياتك وسعـادتك هالفتـره ... ولا تحطين هالشئ نهـاية الحيــاة بالنسبه لك ...........

لأن في هالدنيـــــــا أمور كثيره من حولنــا تسعدنا ولاننتظر السعاده من أحد ..

أسعد الله قلبك ..

تحياااااااااتي .

 

[تيميه]

اكيد في سبب قوي خلاه يسوي كذه
اذا كنتي حابه
نساعدك قولي السبب

 

[دلوعه مالي مثيل]

الله يصبرك ياقلبي ويفرج همك صلي وادعي

 

[زهره النرويج]

الله يكوووون في عونك ويساعدك

 

[الكـــوت]

لا تلومين نفسك كثيرهو اللي قال روحي بيت أهلك
فطبيعي تردين عليه طلقني شنو متوقع تكون ردة فعلك

على العموم اللي حصل حصل
وبامكانه الآن يرجعك طالما انك بالعده
مو لازم عقد زواج جديد انت تعتبرين زوجته
وبالنسبه الطلاق الثلاث ما يصير بوقت واحد
ولا مكان واحد وهذا معروف بالشريعه الاسلاميه​

انتظريه واذا هو راغب فيك فأكيد راح يرجعلك
واذا مارد ، الله يكتب لك السعاده مع غيره
لا تتضايقين والله يكتب لك اللي فيه الخير​

 

[حبك طاقتى]

والله مدري بس ما حبيت اطلع من غير ما ادعيلك >>الله يفرج امرك ويكتبلك الي فيه خير لك

جزاج الله خير حبيبتى....ويفرج هم كل مسلم وكل وحده دعتلى بالخير...:icon26:

 

[حبك طاقتى]

:::

مدري يا اختي الي اعرفه ان الطلاق بكون بينه فترات يعني لو قال انت طالق بالثلاث في وقت واحد يعتبر هذة طلقة واحده تعتدين بعدها ثلاث قروء (يعني ثلاث حيضات ) خلالها يراجعك

يعني باقي لك طلقتين وتحرمين عليه

يا اختي اذا كان زوجك انسان طيب وحنون ويغار ومحافظ عليك وكان سبب الطلاق تافه ارجعي له ولا تهدين بيتك

اسال الله ان يصلح شأنك وشأني





لك ودي

:::

مشكووورة حبيبتى...بس ما سأل عنى ولا صار بينا اى نقاش بعد اللى صار!!! هل أبادر؟:sad_1:

 

[حبك طاقتى]

الله يـفرج كربتك ويردك له عـاجلاً غيـر آآآآجـــل ....

وإنتي ركزي على نفسك وحياتك وسعـادتك هالفتـره ... ولا تحطين هالشئ نهـاية الحيــاة بالنسبه لك ...........

لأن في هالدنيـــــــا أمور كثيره من حولنــا تسعدنا ولاننتظر السعاده من أحد ..

أسعد الله قلبك ..

تحياااااااااتي .

فعلا كلامك درر! صادقه الزواج مو كل شي اذا انتى مو سعيده فيه!

 

[حبك طاقتى]

لا تلومين نفسك كثيرهو اللي قال روحي بيت أهلك
فطبيعي تردين عليه طلقني شنو متوقع تكون ردة فعلك​

لا تتضايقين والله يكتب لك اللي فيه الخير​

ياحياتى حسيت انك فهمتينى! لانك من ديرتي وعارفه مشاعرنا احنا البنات:icon26:مشكووورة وانتى صاااجه انا بشوف الوضع شنو يصير لما تنتهى العده....اذا حس بغلطته تجتهى وكان مستعد نبدى من جديد مع بعض...راح ارجع
واذا خذاه الغرور والتكبر علي!!! ماراح ابادر!!ابد!



مشكوريين علىنصائحكم القيه التى اثلجت صدري...الله يفرج همكم ويكتب لكم الخير عاجلا غير آجلا...يارب العالمين

 

[فلونه123]

عليك بالدعاء

انا انصحك انك لاتكلمينه نهائيا بس انتي اكتبي ايجابيته وسلبياته اذاحسيتي ان الايجابيات اكثر فعليكي بصلاة الليل والدعاء ان ربك يسخره لكي ويرده ردا جميلا. وربنا معكي انشاء الله

 

[حلم الرومانسية]

اذا كنتي بجد تبغين ترجعين له
لازم الاول تعرفين شخصيتك وشخصيته وتعرفين اسباب الخلافات اللي كانت بينكم واللي كان مضايقه منك حتى تتغيري وتتعاملي معه على اساسها

واللي اعرفه ان الشمالي مايطلق بسهول ويتمسك بحبيبته الا لما توصل انك تستفزي رجولته وتعاندين وقتها ياخذها بعناد حتى لو ندم
اما الجنوبي لما تطلبين منه الطلاق تكونين مثل اللي حاجزه بزاوية الغرفة وهو ما يتحمل هذا الشي فيطلقمندون تفكير حتى ولو ندم

الله يوفقك ويسهل امورك ويرد زوجك آميييين

 

[جودي@]

الله يفرج همك ويزيل همومك يارب ويكتبلك الي فية الخير

 

[همسة حزينة]

الله يكتب لك الخيره ويفرج عنك مااهمك

 

[حبنا لايضيع]

الله يفرج همك يارب
مسالت الطلاق يفيدك فيه مفتي ازين لك
واذا انتي متعلقه فيه مثل ماقالو لك الاخوات
صلاة الليل والاستغفار
وقراءة سورة البقره والله ياختي اساليني عنها
اذا غلط على زوجي اروح اقراها والله يرجع انسان ثاني
والله يرزقك الي فيه خير لك