طلع من النفاس ورجعت لبيت اهلي بعد 10 ايام

[بنان اخت وجدان]

السلام عليكم ورحمة الله وبركاته

حبيباتي ابي استشيركم بمشكلتي وياليت اللي تقراء كلامي تقول لي رايها او نصيحه
او تدعي لي ربي يحنن قلبه ويهديه لي

رجعت لبيتي وكلي حماس خصوصا اني رجعت في رمضان
عندي اطفال وماعندي خدامه ماقصرت معه تنظيف طبخ اهتمام بالاطفال
واهتمام بنفسي

وعدني نسافر ونطلع ونغير جو احنا والاولاد لكنه كل يوم يطلع مع اخوه من بعد التراويح ومايرجع الا عالساعه 2 او 3الفجر (مساعده لاخوه في شغله وزوجي مالله مصلحه بشغل اخوه)
ماعندي مانع بالمساعده بس موب كل يوم والله زهقت
كل ليله اتجهز ويرجع تعبان وجوعان ويروح الوقت

زهقت ابي سوق يقول ماعندي وقت والنت مقطوع وماشحن لي
طفشت كانه مرجعني اطبخ له واخدمه بس

علاقته معي كانت جافه بعد اربع ايام من رجوعي تناقشنا في طلعاته انجن وكبر الموضوع
وزعل ونام بالمجلس اسبوع

اكلمه بهدوء يزيد الزعل اكلمه بجديه يقلبها علي
صرااحه ماتحملت قلت له اذا بتستمر كذا راح ارجع لبيت اهلي اريح لي قال لي روحي وبصراخ
جلست يوم كامل بعد كلامه لعله يحاسب نفسه وما نفع جلس اليوم كامل بالمجلس حتى ما افطر معانا قمة الاحتقار


اخذت اغراضي انا واولادي ووصلني عند اهلي

لي خمسة ايام لا اتصل ولا سال مررره مقهوره
هو شمالي شرقي
اخواتي دعواتكم لي والله مقهوره

 

[شهرورة]

الله يصلح امورك ان شاء الله

 

[قمراء الخليج]

ياربي ليتك ماطلعتي مفروض كل زوجة مهما حصل ماتطلع من بيتها هنا تنقلب الطاولة عليك مهما كان غلطان

ممم خلي ولده يكلمه وكنك ماتدرين يقوله تعال خذنا نبي بيتنا وكذا واشتقنالك
ولما يحاول يكلمك ارجعي وبعدين تناقشوا سوا بدون تهديد الشمالي عنيد وتهديدك يزيده :/

الله يسهل امرك ويفرجلك ويردك لبيتك وزوجك ويسخره لك وجميع بنات المسلمين​

 

[بنوتة بلادي]

بس بعلق و بروح... و مشكلتج حلها في يدج...

شكلي اخر شي بنزل موضوع عن خروج الزوجه...



يا خواتي كبروووا عقووووولكم شوي


كل مشكله و الثانيه تحلونها يانكم تروحون بيت اهاليكم!!! و بعدين تزعلون و الله هو ما سأل فيني و الله هو ما اتصل و الله هو ما راضاني و الله صار لي شهر و لا شهرين و لا شهور و هو و لا همه....


ما اعرف للمره الكم اللي اقول فيها هالكلام


لم الشنطه و الخروووج مم بيت الزوجيه واااااااااااااايد سهل مثل شربة الماي.... وللللللللكككككككككككككن الرجوع ما في اصعب منه صعب جدا جدا جدا


و مثل ما طلعتي بإرادتج... ارجعي بإرادتج... لا تنتظرين شي منه... ما ضربج ما هجرج.... ما في سبب جوهري يخليج تطلعين من بيتج...


تبين الحل...

ارجعي بيتج مثل ما طلعتي...

 

[حبكـ أنا]

الله يحنن قلبه ويهديه ويسخره لك ويحنن قلب طليقي ويهديه ويرده ردا جميلا

 

[فخامتي بكبريائي]

شوفي حبيبتي الكل بشهر رمضان بكون خلقهم ضيق وكتير رجال بتزيد عصبيتهم برمضان وانتي لازم هديتي برمضان اكبر غلطه طلعتك من بيتك لانه على رأي ستي الله يرحمها احسن زلمه سفيره بالحلق حاولي اتصلي فيه اتحججي بالعيد على الابواب واحكيلو متى بدنا نشتري ملابس عيد للاولاد عشان تيجي تاخذنا وحضري حلويات العيد كعك ومعمول عند اهلك وروحي حلوياتك معك او اتصلي عليه يجي يروحك عشان تبدئي تعزيل البيت قبل العيد

في كتير اشياء قادره الزوجه الشاره تلاقيها حجه لترجع على البيت ومابتبين انه كرامتها كتير انهدرت

 

[بنان اخت وجدان]

مشكورات اخواتي على ردودكم ودعواتكم لا حرمتم الاجر ان شاء الله

وتعليق على رد اختي بنتوتة بلادي

اقول لك هاجرني اسبوع كامل وانا عارفه زوجي اذا زعل يجلس شهرين ثلاثه عادي عنده

تكلمنا مع بعض كثير واقول له لا تتعب نفسيتي بهجرك لي اتعب واتعب اطفالي معي

احسه صار يعرف نقطة ضعفي

 

[أحساس امرأه]

اكبر غلطة ترتكبها زوجة الشمالي انها تعلمة بنقطة ضعفها ؟
وتترجااه علشان يبطل العادة ؟ وبعدين ليه طلعتي من بيتك ؟ الشمالي مايجي
بلوي الذرااااااااااااااااااااااااع ابدااااا
كان طنشتيه وعشتي حياااتك خليه يهجر ان شاء الله سنة بكييفه ؟بيرجع من حاااله
لكن زوجك اتعوود انتي من ترضينة وتترجينة يرجع لك علشان كذا الرجال مستقووي مررة ؟

 

[احتياجي لك حياة]

الله يفرج همي وهمك وييسر أمورنا بهالشهر الفضيل

 

[ام ديما وبس]

الله يحنن قلبه ويهديه ويسخره لك ويحنن قلبه

 

[بنوتة بلادي]

حبيبتي اتمنى انج ما زعلتي من كلامي... انا بصراحه اقسى هلى اي وحده تطلع من بيت الزوجيه لان عمرررره الخروج منه ما كان حل... الا في حالات ناااادره... و المنتدى يشهد على كلامي... هجركي اسبوع... غيرج مهجووور شهوور... الهجر تحلينه في بيتج يا اختي مب حله انج تروحين بيت اهلج...

اختي مره شافها ابوي بايته عندنا ليله... سالها ريلج دوام قالت لاو سكتت... فهم ان في شي... اتصل لريلها قدامنا قال له شو في شو السالفه؟ طلع في خلاف بينهم و الاثنين صعدوا الموقف و كل واحد فر اغراض على الثاني... قال له يا ولدي انت غلطان و هي غلطانه و فهمها و قال له تجي الحين تاااحذ حرمتك... و فعلا جا و خذاها و كانت هذي اول و اخر مره اختي تبات عندنا


الخروج مثل ما انا قلت سهل... بس المشكله يوم كل شخص يعتبر انه ما غلط و يكابر... و تزيد الجفوه بالفراق و تزيد الجفوه بمرور الايام....

اذا في شي تعلمته من هالمنتدى فهو اني لو شو ما صار ما اطلع من بيتي... احاول احل مشاكلي فيه.

ريلج ما سهرفي خرابيط و لا له علاقات الحمدلله... سبب خروجج انج حاسه انه مهملكم على حساب اخوه... انا معاج ان هالشي يزعل.. بس هل نسيتي الايام الحلوه اللي بينكم... نسيتي كل شي... نسيتي ان احنا في رمضان... خليه اذا حاب يساعد اخوه... تعالي له بالحسنى... ادعي له بالخير دايما... اذكري محاسنه... في هالزمن ما تحصلين اخوان مع بعض واااايد.... الحمدلله علاقتي باخواني رااائعه... بس ما اخيل في يوم من الايام احتاجه و زوجاتهم تتذمر لانه يساعدني.. حطي نفسج مكان زوجج... تخيلي اخوج هو اللي يساعد اخوج الثاني... ما كنتي بتفرحين؟؟ اكيييد كنتي بتستانسين انهم الحمدلله على قلب وااحد... و صدقيني اي شي يشوي ريلج من مساعده لاخوه... ان شا الله بيلقاها في الدنيا قبل الاخره....

حلي مشاكلج في البيت... الزوج يتعود على خروج الزوجه المتكرر و فكرة لي الذراع بالخروج و تركه ما تنفع بعدين....

فكري بكلامي و انتظر ردج

 

[بنوتة بلادي]

عاد طنشوا الاخطاء الاملائيه

الايفون و عمايله

 

[الجده الصغيره]

تدرين انه شمالي وتطلعين؟؟.غرييبه بصرااحه منك...طلعتك خطأ كبيييير وانت اللي لابد تصلحينه لانه لايمكن يجيييك...

 

[دلوعةزوجي]

الله يصلح قلبك
هاللحين انتي وش تعلمتي من هالصرح العظيم
وش الفايدة من معرفة الانماط
مو علشان نعرف وشلون نأخذ اللي نبي بأقل خسارة ممكنة
شوفي ياقلبي
الشمالي مستحيل يجي بالطريقة اللي اتخذتيها
الشمالي لو هجرك طنشي هجره مثل ماتطنشين بكاء طفل صغير
انتي الله يصلحك اتخذتي اسهل طريقة بالنسبه لك واكبر غلطة اتخذتيها بالنسبه للشمالي
ارسلي لزوجك رسالة
واكتبي فيها ان الهرمونات تلعب بالنفسية وانا كنت ابيك جنبي وماتحملت بعدك
اذا باقي لي غلاة بقلبك انتظرك الليلة​

 

[بريق الحب]

ضروري تخلي عيالك يكلموه انهم مشتاقون له ورجعي بيتك الشمالي عنيد مررررره حلي مشكلت في بيتك خليه يهجرك الشمالي يمشي بي الطناش بيني انه عادي عندك وفتره ورح يرجع

 

[روز الغامدي]

لوكان رميتي الاطفال عندة علشان يعرف قيمتك ويرجعك

 

[خلود بكر]

بنوته بلادي رائعه

 

[عدوة بلاك بييري]

الله يسخره لك يارب ويصلح أموركم

 

[اسيرة الاحلام]

الله يهديه ويسخرة لك ولعيالك

ويسخر زوجي لي والله مجنني؟

 

[برائة]

حبيبتي بعد النفاس المرأة تكون حالتها حاله ومشتاقه حقً زوجها واللبس وحياتها الطبيعيه لاكن سبحان الله في رجال يكونون بعيدين في هلفتره ويعاملون المراة عادي. وهالشي يسبب لنا جرح ونحس ان نحن مو مرغوبات

فحالتك كان مفروض تصبري 10ايام تو الناس البسي وابتسمي وادعيله وصدقيني كان بيلين خطوتك غلط انك طلعتي

الحين حد من لعيال يكلمه وتردين بيتك شهر شهرين وبيرد مثل ماكان ياذن الله

الله يصلح احوالكم ويحنن قلبه عليك

دعواتك حبيبتي