طلب غريب جدا من زوج لزوجته ؟؟

[ملكة الشوق]

بسم الله الرحمن الرحيم

انتي وزوجك عايشين في جو اسري:سعيد والحمد لله
واولادكم بخير وصحة وعافية
وما في اي مشاكل تذكر

(وطبعا الامر ما يخلى من بهارات الحياة )

في احد الايام :
كان زوجك مدعو الى مناسبة رسمية
على شرف احد وجهاء (كبار البلد )
الى الان كل شي طبيعي

المهم:
بعد ما رجع زوجك

قالك:
ابغى اتكلم معاكي في موضوع

وياليت تقولي لي رائك بكل صراحة
((( طبعا انتي في ذيك اللحضة افكارك صارت تودي وتجيب )))

وقلتي له:
تفضل:
وابتدى يتكلم:
(( شوفي يا زوجتي العزيزة يا ام عيالي ..... انا اليوم وبدون اي مقدمات
الرجال الي كانت المناسبة لاجلة اهداني بنتة(كازوجة )
والكل بارك لي .......
وحسدني على الفرصة الي جتني
....
طبعا انتي ما راح تستني
لما يكمل
وتساليه على طول

ايش رديت قلي بسرعة

ويقول:
والله مررررة تفاجاءت
وقلت لة يصير خير ان شالله
فا ايش رائك بالموضوع يا زوجتي الغالية

المطلوب:
لو تعرضتي لهذا الموقف
ماذا تفعلى؟
وماهو رأيك؟؟


لان هذة الضاهرة تحدث أحيانا
ان الواحد يهدي بنته او اخته الى شخص اخر..

يله خلونا نشوف أرءأكم ووجهات نظركم ..


:icon26: ملكة الشوق:icon26:

 

[بسمة]

تصدقين اني مفكره في هالموضوع من فتره بسيطه بس
لان زوجي يزور احد اصدقائه وهو عنده ماشاء الله 6 او 7 بنات
واخاف يعرض عليه احد بناته بس ماأدري هذا الوق شو بقول
بس تدرين الريال اذا يبغي يتزوج مايهمه راي زوجته لانه حط الفكره في باله
بس انا من زمان مخيرته اذا بتتزوج على ماأبغي اشوف رقعة ويهه
يطرشلي فلوسي وفلوس عيالي وبس

 

[أريد أن أكون]

يالله الله لا يقوله..........مدري والله محتاره بس استحاله اوافق ما بقى غيرها
تجيه بارده مبرده........مارح ارضى ورح اعمل مثل بسمه اجلس مع عيالي
ولي منه بس المصروووووووف.وينسى انه كان له زوجه..

 

[شـغـف]

لا طبعا..

نعم... خير إن شاء الله

ليش يهديه بنته!!

هي البنات تنهدى ولا تنخطب؟؟؟؟؟؟

لا طبعا لا

وإذا يباها

ما يشوف شعرة مني!!!!!

 

[هدهد]

كثروا البنات وانا اختك !! وصار فيه ازمه عرسان ..وعشان الواحد ما تجلس بنته في حلقه قام يقدمها هديه!!! على مين يضحك هذا انا ما ادري...
هو ابو البنت ما قدمها هديه الا لعده اسباب : اولا اعتقاده انه يملكها اي ان هناك جزء كبير من تركيبته ترجع لابو جهل...
ثانيا: هو يدري ان البنت بتطير من الفرح ولا راح تقول ليش ولا ما يصير....طابخينها سوا
ثالثا واه من ثالثا :لك ان تتخيلي تركيبه هذا الانسان اللي يتخلص من بنته على حساب دمار بنات الناس ..
رابعا : يعني زوجك ايش يتوقع منك مثلا ... نتطي من الفرح؟؟؟ مثلا انا قلت مثلا ... وللا تقولي له : يحق لك يا زوجي اللي تبيه؟ يضحك على مين الثاني هذا؟
الاب والزوج لابسين الاقنعه عشان مصالح مشتركه اللي هي في الاساس دمارك!!
قال هديه قال... اذا الموضوع هدايا ما لقيت من يطلبها ليش ما يقدم زوجك هذي الاهديه لواحد من قرايبه ... بس يكون محتف منتف ... وانت لازم تدوري وتجتهدي ... بس هااااا دوري واحد محتف منتف واحد تجوز عليه الصدقه!!!!...هذا عشان تذري في وجه زوجك وابوها الملح ...

 

[نبراس الخير]

لا أعرف ردة فعلي أنداك لكن إن شاء الله ماراح يصير هدا الموقف

 

[ام الحلوين]

هذي حصلت لي وانا نايمة بالعسل طبعا هو بعدين قالي انة في عوايل عرضت
علية الزواج وهو قالهم انة متزوج قالو مايضر خذ ثانيها وانا عاد شبت الغيرة بقلبي واللة يستر ما يحطون الفكرة براسة

 

[سهر الليالي]

بقوله روح الله يهنيك لان لو كان يحبني يرفض على طول مو تي وتسالني عن رايي

 

[الديار]

يطلقني

 

[درة الإستبرق]

يالله الله لا يقوله..........مدري والله محتاره بس استحاله اوافق ما بقى غيرها
تجيه بارده مبرده........مارح ارضى ورح اعمل مثل بسمه اجلس مع عيالي
ولي منه بس المصروووووووف.وينسى انه كان له زوجه..

غلط غلط هذا اللي يبغاه خاصة مبدأيا:icon28:

 

[درة الإستبرق]

لا طبعا..

نعم... خير إن شاء الله

ليش يهديه بنته!!

هي البنات تنهدى ولا تنخطب؟؟؟؟؟؟

لا طبعا لا

وإذا يباها

ما يشوف شعرة مني!!!!!

تعجبيني وقوليها له وسمعيه هذا الكلام دائما حتى لوتهديدبس منك

وقولي له أنا أخذتك ووافقت عليك لحالك

وما راح أرضى أحد يشاركني فيك

في حال بغيت تعدد الله ييسر لك

بس ماراح أتنازل عن السبب اللي خلاني أرتبط فيك وهو أنك رجل بدون زوايد

وإذا تغير الحال ألزم ماعلي راحتي النفسية والضرر يزال هذي قاعدة فقهية

بزواجك يمكن يكون مباح لك بس حتى أنا نفسيتي ألزم علي من أي شيء يكدرها

وبيت أهلي مفتوح والله لايخليني منهم وعيالك عندك

طبعا كل هذا يقال بهدوووووووء وسكينة وبدون عصبية

وفعلا قبل قرابة 11سنة وأحد الله ينتقم منه بعد ماتقعد الوالد أهدى أحدى بناته لأبي

وتزوجها الوالد بعد عشرة 40 سنة مع أمي على الحلوة والمرة وياكثر المرة

بس أقدرأحلف لكم على النكد اللي عيشه الوالد الله يعينه

كفاية خسر أغلى حب من أغلى أنسانة على قلبه

ويعترف بذلك بس بعد فوات الأوان خسررررر كل شيء

واللي أنكسر مايتصلححححححححححححح.......

 

[ملكة الشوق]

تصدقين اني مفكره في هالموضوع من فتره بسيطه بس
لان زوجي يزور احد اصدقائه وهو عنده ماشاء الله 6 او 7 بنات
واخاف يعرض عليه احد بناته بس ماأدري هذا الوق شو بقول
بس تدرين الريال اذا يبغي يتزوج مايهمه راي زوجته لانه حط الفكره في باله
بس انا من زمان مخيرته اذا بتتزوج على ماأبغي اشوف رقعة ويهه
يطرشلي فلوسي وفلوس عيالي وبس

لا بالعكس حبيبتي منو قال ما يهمه راي زوجته ..
شوفي اذا الريال متعود معاج على عادات حلوة وعلى طبايعج وتدليعج له
ما بيقدر يكمل مع اي وحدة ثانية وصارت معانا في العايلة مع كم وحدة انه
الريال يتزوج وبعد شهرين او ثلاثة يطلق ليش لانها ما ريحته وما سوت
اللي كانت زوجته تسويه من تجهيز حمام واكل وغيرها ..
فالريال مثل الياهل على كثر ماتعودينه عليج ما يقدر يهدج ويستغنى عنج..

الله يوفق الجميع

 

[الحياه حلوه ..]

هديه عاد ..

بقول له :

إنت لو تبا ترفض جان رفضت من نفسك من غير ماتشاورني ..

أما وانك ياي تسأل ..تتوقع بقولك الله يخليك لااااااااااا ..

أبداً ..

الله وياك وخذ قلبي معاك ..وذكرياتي ..وأحلى أيامي وأتعسها بعد ..

لكن أنا لاااا .. إنساني ..

 

[البتول]

حلااااااااااااااااااااااال عليك .......... وبدفع لك مهرها بعد

 

[مثل الورد]

بتظاهر اني عادي... وبسكت عنه.. وبجاهل..

وبقوله كل شي مكتوب...

بعد يومين راح اييه واقوله اصدق...

الواحد مايتوقع انه تتغير حياته بين ليله وضحاها..

بيقول : ليش؟؟؟؟


بقول :ياني واحد بالدوام وقالي اذا انتي مش مرتبطه بخطبج؟؟!!

اكيد بيقولي شو رديتي؟؟؟

بقوله : مادري بس .... على حسب اذا قبلت الهديه يمكن اوافق..!!

وكل واحد يشوف نصيبه في هالدنيا...

((طبعا هو بيعصب وبيحترق... هه هااااي انا بعد اعرف العب باعصابه مثل مايلعب باعصابي))

عشان يتادب ويحرم يفتح هالمواضيع ويعكر مزاجي..

 

[الرهايف]

اوووووووووووووول شي بقووووووووووله انته شووووو رايك

وبعد مااايقول شوو راايه

بوااااافق اذاااااا هو يرييد يتزوج بس بشرروط اذا نفذ كل ه الشررررروط

بعديييين يصير خييييير

 

[كونتيسة]

لا لا لا طبعا ما اقبل ... اتركه.. ولا اريد روية وجهه اطلاقا

 

[أنامل ذهبية]

قبل ما يكمل أخنقه وأموته وأرتاح منه لأنه ما يستاهل ‘نه يتزوج لا ثانية ولا ثالثة

 

[مملوحه]

فعلا صارت معاي
وقاله زوجي ان زوجتي فيها كل الصفات الزينه من كذا وكذا
ورفضها بدبلوماسيه

والله يستر من الجاي

 

[ام العبابيد]

نفس رد الاخت اميرة محمد


لا طبعا..

نعم... خير إن شاء الله

ليش يهديه بنته!!

هي البنات تنهدى ولا تنخطب؟؟؟؟؟؟

لا طبعا لا

وإذا يباها

ما يشوف شعرة مني!!!!!