طلب رأي..

[خشوف]

مين منكن حملت مرتين وراء بعض؟ومن يؤيد ومن يعارض؟

 

[هند بنت عتبة]

انا حملت بعد ولدي ب 3 سنوات واتوفع انه فترة من سنتين الى 3 سنوات مناسب

 

[خشوف]

شكرا على مرورك وردك لكن اقصد الحمل مباشره بعد الولاده باأشهر

 

[*شوكليت*]

آنا برايي ان الوحدة اذا كانت بكرية احسن تحمل بسرعة , عشان البيبي ما يكبر وهو وحيد يكسر الخاطر ما عنده أحد يلعب معاه ,,

واذا جابت الثاني تقدر تريح 4 أو 5 سنوات على راحتها **​

 

[عهووووود]

هلاا أختي خشووف ..

أنا من رايي انج ما تحملين على طول بشهور .. لان البيبي بعده ما كمل سنه ويبيله رعايه واهتمام وانتي بتكونين تعبانه ..

 

[أميرته]

أنا أببببببببد مو مع الحمل المباشر بعد الولادة
لأنه جرييييييييييمة حق الأم والرضيع اللي ما راح يتهنى بالرضاعة وباهتمام أمه


بعدين من وين تقدر تربي 2 ؟؟؟؟
ما راح تهتم فيهم حتى لو كانت سوبر وومن
البيبي لحاله محتاج اهتمام كبير وتربية صادقة وجهد وأعصاب

\

في النهاية هذا رأيي
وأنا لسة بكرية بس ناوية أعمل مباعدة بين طفلي اللي راح يجي بعد كم شهر بإذن الله الواحد الأحد وبين اللي بعده بفترة مو أقل عن سنتين إن شاء الله

 

[بيب بيب]

انا حملت بعد ماصار عمر بجري 11 شهر
وحمل مو مخطط له
بس احمد لله واشكره على هالحمل
هو صحيح تعب خصوصا اني كنت ادرس بالكلية واربي اثنين
بس الحين لما كبروا مع بعض
واشوفهم صحبة
انسى كل ايام تعبي
الكبير صار عمره 7 وشهور
والصغير قريب يكمل الــ 6
والحين انا حامل وافكر اعيدها
اربي اثنين اثنين وافصل طويل بين كل اثنين

 

[خشوف]

الف شكر على مروركن وردودكن التي اثلجت صدري

 

[coffee]

انا مع الحمل مباااااااااااشره بعد الاول ومع الاخت شوكليت برايها انا بالغربه وما عندي احد وقمت بتربيه اولادي الاثنين والحمدلله الله قبل كل شي عاني ودخلو اولادي الروضه سوا والحمدلله رب العالمين وانا الحين حامل بالثالث واولادي اعمارهم 5 و6 سنوات...
كل حاله تفرق وكل شخص وله ظروفه .......هذا راي الخاص وعلى فكره اولادي الفرق بينهم 11 شهر مو سنه..........بنتي البكر مواليد 1-7 وابني الاصغر مواليد6-6
الله يخليهم لي ويعطي كل مشتهي يارب...ويعطيني اخ لابني امانه كل من تقرا هذا الموضوع وتمر على راي تدعيلي بالولد الصالح كامل الخلقه والخلق بدون زياده او نقصان..

 

[خشوف]

شكرا لكن

 

[أخصائية إدارة]

انا حملت 3 ورا بعض والحمد الله كبرو ودخلو اتلمدارس ورا بعض وارتحت فتره بعد ما طلعت عيوني وبعد ماصار عمر بنتي الصغيره 5 سنوات وارتحت من الحفايض والرضاعات وحوسة النهار حملت بولدي الرابع وبعدها على طول بالخامس يعني جبت جروب جديد ورجعنا للتعب من تاني الحمد الله على كل حال الله يحفظهم ويبارك فيهم يارب ويأجرني بس لاحظت لمن بيكون هناك فرق بين الاطفال بتتعبين يعني تلحقين على الى في المدارس ومذاكرتهم وصحيتهم الصباح ولا علىالبيبي الى بيسهرك طول الليل غير التسنين والحفايض والتطعيمات والحوسه دي كلها
انا تعبت مره من الفرق الكبير بين الصغير والكبار فافضل شي تجيبيهم ورا بعض يتربو سواوالتعب واحد وتخلصين منهم سوا وتذاكرين بعدين لهم سوا وتابعيهم سوا
بس نهارويا الكبار والليل ويا الصغير
حوووووووووووووووووووووووووووووووسه