طلبتكن يابنات الفزعه

[دنياي امي]

السلام عليكم ورحمة الله وبركاته


مساء الخير اخواتي العزيزات

بدخل بالموضوع واتمنى انكن تفيدنن واجد الاجابه عندكن

انا ساكنه بشقه صغيره وولدي صار لازم تكون له غرفة لحاله وانا ما عندي الا غرفه صغيره وحاطه

نشارة الملابس وماخذه مكان كبير الغرفه ثلاثه متر في ثلاثه واللحين بأثثها بحط لولدي سرير

ودولاب وفكرت بما انها صغيره وصار ما في مكان للنشاره قلت بشتري نشاف حراري بس ترددت بعد ما قريت عنه ان يطلع بخار ويحتاج الى مكان فيه تهوئه

الزبده في الموضوع ماني عارفه اخاف احط النشاف بغرفة ولدي لان ما عندي مكان كبير احطه فيه وخايفه ان البخار اللي يطلع منه يأثر على البويه حقت الغرفه خاصة انها تعتيق
عشان كذا اطلب مساعدتكن وابي الحل تكفن يابنات والله ولها دعوة للي تدلني وتريح بالي
وابي افضل نوع نشاف حراري

بليييييييييييييييييييييييييييييييييييييييز


وشكرا

 

[دنياي امي]

معقوله محد يرد علي وينكن يابنات بليييييز:sad_1:

اتمنى ما تبخلن علي

انتظر ردودكن :35:

 

[TooOOoofy]

بصراحة سمعت ان المجفف يحتاج مكان غيرمهئ للجلوس او النوم لانه يطلع حرارة
ويحتاج كهرباء قويه يعني من الكيبل على طول
وسمعت ان احسن مجفف جنرال
اتمنى اني افدتك هذي اللي عندي

 

[تربية ذاتية]

ماعندي فكرة
دخلت بساعدك وماحبيت اطلع وماارد

 

[دنياي امي]

شكراااااا توفي على الرد

شكراااااا اخت تربيه ذاتيه على الرد حتى لو ماعندك فكرة يكفي انك عبرتيني

لازلت انتظر احد تكون عنده معرفه اكثر بالموضوع

 

[ام جاد**]

اهليييييييييين اختي

تقدرين تحطين للنشاف زي الخرطوش يمتد على الشباك ولين جيتي تشغلينه تفتحين الشباك --وهذا اللي حنا مسوينه--شغليه بوقت مايكون الولد نايم

بالنسبه للنوع فيه جنرال---وبرضوا فيه ادمرال---بس سمعت انه جنرال القديم افضل من الجديد

واي استفسار انا حاااضره​

 

[دنياي امي]

مساءك ورد ام جاد

انا قريت ردك اختي العزيزه انا عندي شباك بس قريب من زاويه الغرفه يعني قريب جدا من المكيف

وصغيره يعني صعب احط النشاف قريب وامد لها خرطوش طيب انا بشتري نشاف بدون خرطوش

يعني تتضرر البويه ؟؟

وهل تصرف كهرباء كثير ؟

وهل صدق تبهت بعض الوان اللبس وتتجعد ؟
اعذريني بكثرة الاسئله بس ابي ارتاح من النشر وخاصه بالبرد

ومشكوووووووووووووره على ردك على موضوعي وعرض المساعده:smile:

 

[حناني سر وجودي]

ماعندي فكره...يارب يساعدونك البنوتات..بالتوفيق حبوبه

 

[ام جاد**]

اهلييين اختي--اسئلي كثر ماتحبي حنا هنا اخوات عشان نساعد بعض

بالنسبه للخرطوش انتم تركبونه مايجي مع النشاف وحنا اللي قالنا عنه الكهربائي اللي ركبه وهالخرطوش شكله زي الماصوره بس اعرض شوي يعني يركب على مقاس فتحته تهويه النشاف ويمددبشكل عاموي يعني ما يتحرك ويكون متجه الى الشباك بحيث انه لين جيتي تشغلي النشاف تفتحي الشباك عشان يتهوى--ان شاء الله فهمتي علي00واذا ما اعجبت زوجك هالفكره خليه يسأل المحل اللي بتشترون منه ويقوله وين بيحطه وهو بيعلمه

ومسأله البويه ماقد سمعت انه تتضرر وانا مدري وش نوعيه بويتكم--اقصد نوع التعتيقه بس ان شاء الله ماتتضرر00برضوا اسالو المحل عشان تاخذونه وانتم واثقين00احنا التعتيقه عادي ماصار شيء

وبالنسبه للكهرب اكيد انه يستهلك بس مو مره--وبعدين انتي مو على طول مشغلته يعني وقت ما تغسلي--واذا حابه اتأكد لك من موضوع الفاتوره انا حاااااضره--وارد لك بقرب وقت

اما الوان الملابس لا عادي ما تبهت بس انتي لا تحطين وقت كثير على قطع شويه--وانتي مع استخدامه راح تعرفين الوقت اللي تحتاجه الكميه--اما تتجعد بالعكس تطلع شبه مكويه بس انتي اول ماتخلص من النشاف طلعيها ولا تراكميها فوق بعض بالسله--على طول علقيها وهي حاره--او صفطيها مضبوط

صدقيني بعد ماتجربينه بتقولين وين كنت عايشه اول خصوصا مع ملابس الاطفال لانه تعب مره مع البرد

ان شاء الله اكون افدتك--واي استفسار ثاني ترانا بالشوفه​

 

[نغمات المطر]

احس احسن مكان للنشاف الحراري انك تحطينه بدورة المياه وانتي بكرامه

 

[دنياي امي]

السلام عليكم ورحمة الله وبركاته

اخت نغمات المطر مشكوره على الرد بس حبيت اوضح ان ما عندي حمام كبير (وانت بكرامه)

يالله ماخذه مكان للغساله

عزيزتي ام جاد مشكووووووووووووووووووووووووووووووووووره كثير على الرد والتوضيح لي اللحين قررت

اشتري نشاف وانا مرتاحه :clap:

الله يسعدك دنيا واخره ويحققلك كل اللي تتمنيه يااااااااااااارب :c016:

 

[ام جاد**]

العفو ماسوينا شيء

ومشكوره على هالدعوه الحلوه--كثييير محتاجتها--ولكي بالمثل​