طلبتكم...طفلي متاخر النمو

[اساس الغلا]

سلااااااااااااام عليكم امهااات
اخباركم جميعا
ولدت ولدي بالشهر الثامن والا حتى كمله كان باقي اسبوع عالتاسع بس الحمدلله عالنعمه..الحين كمل سنه وشهر...بس نموه متاخر بالنسبه للي بعمره..لما كمل ال8 شهور توه بدا يجلس مع ان الكل قالي طبييييييييييعي لان فيه اطفال مكملين التاسع ومتاخرين بعد وطبيعي بس انا ذبحني كلام الناس حتى كرهت الطلعه....وهو للحين لما اقلبه على بطنه مايعرف يرفع حاله ويقلب على ظهره..سواها بس نادرا.....ومستمره على فيتامين د تقريبا من انولد والشمس احطه فيها بس مو دايما ومثل مانتم شايفين انا حامل الحين وماقدر اطلع فيه السطوح للشمس...
جربت معاه زيت كبد الحوت بس شفت فيه مثل الالتهاابات بمنطقه الحفاظ...قالي الدكتور عطيه صفار بيض وباول الايام عطيته ونفس الشي جاه زي الجروح بمنطقه الحفاظ وقالي الدكتور هاذا مو معناته التهاب او حساسيه...
انا قريب بولد وهو للحين مو شايل نفسه يعني مايحبي ولايمشي.....مع العلم كنت لما اوقفه ماينزل رجوله الا توه هالشهرين مع استمراري على دهنه بزيت الزيتون........زز
طمنوووووووووووووووووووووني مالي الا الله ثم انتم لاتخيبوني طلبتكم

 

[اشواك الصبر]

حبيبتي عادي كل واحد بالشهر التامن بتاخر عن اولاد جيله بالنمو والحركه ويكون بطيء نوعا ما ولا تخافي انشالله خير بس كثري من قراءة القران عليه وخليكي مستمره على مراجعة الدكتور والله يوفقك

 

[احساس الدنيا]

اتوقع عادي بس انتي حطي بالمشاية خلي يتدرب شوية شوية على المشي

في اطفال ما يحبو ولا يجلسو على طول يمشو
ويمكن ولدك على سنة ونص يمشي

قدامو العافيه

 

[الوردة الساطعة]

عادي حبيبتي في اطفال خيلقوا وكملوا التاسع ومامشيوا ابنك مافيه الا العافية ان شاء الله حطيه بالماشية وان شاء الله خلال شهرين بيمشي بإذنه تعالى والله يقومك بالسلامة ويعاينك ويخليلك اولادك ويحفظهم

 

[اساس الغلا]

اللله يطمنكم ان شاء الله ويحقق الي في بالكم

 

[نبضات زهرة]

يا الله كلنا كذا
أنا ولدي كنت الله العالم من البكاء اللي بكيته بيكمل سنة بعد اسبوع و هو ما وقف

لكن سبحان الله قبل يومين وقف و طمنني يا رب لك الحمد و الشكر

لا تخافين خصوصا الخديج يتأخر في كل شيء لكن طبيعي​

 

[اساس الغلا]

حبيبتي نبضات زهرة نفس حالة ولدي ماصار يوقف الا قبل فتره بسيطه وربي لك الحمد
مالنا الا ننتظر عليهم مع انهم طبيعين بس احنا مستعجلين نبغيهم مثل الي بعمرهم يروحون ويجوون
ولااااااحقين على الحووسه
انتي ولدج خديج؟

 

[ام جوود22]

نفس حاله ولد خالي كمل سنه ودوبه يجلس وهو خديج

 

[اساس الغلا]

مشكورين طمنتوني ربي يعطيكم الي في بالكم
وبحاول مااستعجل عليه بس اذا احد عنده تمارين تقوي عضلاته لاتبخلون علي فيها

 

[مييسو]

عادي حبيبتي لاتخافي لانه خديج
بنتي مامشت الا يوم صار عمرها سنة واربع شهور وهي مو خديج

 

[غيرهم كلهم]

حبيبتي مو كل الاطفال مثل بعضهم بعضهم يمشي على تسع اشهر

وفي منهم يتأخروا لبعد سنة طالما الطبيب يقولك كل شئ طبيعة يبقى

الحمدلله ما في مشكلة

انتي عوديه على المشي امسكي ايديه ومشيه

بس لا تحطيه بالمشاية بتأخر المشي مش بتساعده

حاولي تغيرية بالعاب حطيها على طاولة وبعديه عنها وامسكي ايديه

خليه يمشيلها

يعني علميه على المشي وشوي شوي يصير يركض ويحوس بالبيت

لا تخافي ولا تقلقي مافيه الا العافية​

 

[اساس الغلا]

ميسو...غيرهم كلهم
ربي يعافيكم ويطمنكم
ان شاء الله بعوده على المشي والتدريبات

 

[بنت المملكة88]

مرحبا حبيبتي اساس الغلا انا ولد اختي مثل ولدك عمره 11 شهر ومايقلب نفسه ولا يحبي بس يجلس وتوه بدى هاليومين يزحف ويسحب الاشياء اللي قدامه

 

[اساس الغلا]

هلا بيج بنت المملكه...الله يقويهم لنا مع انهم طبيعين بس انا مستعجله على ولدي ودي يشيل نفسه قبل مااولد