طلبتككككككككككككككم

[اريج الزهر]

السلام كيفكم بنات حبيت اسال بالنسبة للتحليل فحص ماقبل الزواج اذا الزوج مثلا سوا التحليل بمدينه وزوجته بمدينه ثانية وطلب من الزوجة انها ترسل له نتيجة التحليل حقها بالفاكس واهل الزوجة متخوفين انه يكون مريض او فيه حاجه فالاهل اشاروا عليها انها ماترسل نتيجتها وانه تطلب منه هو يرسل التحليل حقه واخوانها يسون النتيجة بمدينة الزوجة والزوجة محتارة اخاف تقوله اللي اشاروا عليه اهلها ويفهم خطا وكذلك متخوفة ترسل النتيجة حقتها وهي ماشافت نتيجة تحليله وحابه اسال المتزوجات عن طريقة فحص ماقبل الزواج هل تبين اذا كان فيه مرض اذا طلعت النتيجة ردوا علي اذاكنتم مكان المراه وش تعملون:8:

 

[الجواااان]

لالالا ياقلبي هذي الامور مافيها خدااع واصلا مو من مصلحته انه يخدعكم ...اذا اارسلتوا له تحليلك راح يوديها للمستشفى المستشفى بيطابقون تحليلك وتحليل زوجك وعلى اساسه يعطونه ورقه انكم متطابقين ...وبيوم الملكه اللي بيمملك بيطلب الورقه على شان يشوف اذا الطرفين سليمين او لا ...اتمنى اكون افدتك ودعواتك لي ياقلبي

 

[ملاك الهمس]

ياحياتي شي طبيعي ان الزوج يطلبك ارسال التحليل عشان يكمل الاجراءات لأنه هو الزوج وهو المسؤول..وليش اهلك مايسألونه ؟؟طمنا عن نتيجة تحليلك؟؟ ولو فيه مرض خطير ماراح يخلونه المستشفى يتزوجك لازم يخبرونك..لاتوسوسي ولاتقلقي ياعروسه ..الله يتمم بينكم على خيرويسعدك وياه

 

[ملاك الهمس]

على فكره ورقة التحليل مطلوبه اذا جا الشيخ يملك عليكم عشان تكون مع عقد الزواج..تطمني ياقلبي

 

[يفداني بقلبه]

وعليكم السلام ورحمه الله وبركاته
خليه هو يرسل تحليله على المستشفى ا للي حلليتي فيه انتي
كذا اختي تزوجها واحد من بعيد وارسل تحليله للمستشفى عندنا
عادي مافيه شي
قولوا لهم يرسلونه ويتم التنسيق بين المستشفتين اللي انتوا حللتوا فيهم مايرسلها لكم انتوا لا للمستشفى اللي حللتي فيه
والله يوفقك يالغلا وتبشرينا بملكتكـ :")​

 

[بعثره مشاعر]

يابنت الحلال عادي المستشفي يعطيه ورقه اذا فيه تطابق ولا لا يعني ارتاحي

 

[اريج الزهر]

الله يجزاكم خير طيب وش اسوي بابوي يقول ليش حنا نرسله التحليل هويرسله لنا وامس قال لامي تكلم امه وتقول له خلي ولدكم هويرسل التحليل انا صراحة متفشلة وامس تضايقت ماادري وش اسوي ضايقة بي احسها فشيلة وش اقول للواااالد وامي لسا مادقت على امه

 

[زوجةاسير]

عادي خلي اهلك يكلمون اهله ويجيب تحليله علشان اهلك يرتاحون نفسيا

 

[ملاك الهمس]

اذا ابوك مصمم على رأيه ..قولي لأمك تكلم امه وتقول لها المستشفى طلب ورقة تحليل ولدكم لازم يرسلها..وعادي ياقلبي كله واحد سواء انتي ترسلي او هو..ابوك يمكن يبي يتطمن عليك..

 

[اتعبني هواك]

حبيبتي اللي اعرفه مايصيرملكه اذافيه اوفيك شي
الله لايقوله مايملك الشيخ على حد علمي كذايصير

 

[نور الهدا]

انتبهي الا ورقة التحليل شوفيها

والافضل انه قدام عينيك انتي وياه تعملو التحليل

لانه قريبتي خطبها واحد وعند عمل التحليل زور الورقه وهو فيه الايدز و مسكينه نقلها المرض وهو مات

 

[هوى الشمال]

عادي طلبه تصير مااتوقع تصير فيها أي شيء لأن المستشفى بتشوف تقريرك وبتشوف تقريره من دون ماياخذه وتسوي ورقه وحده فيها إنه مافي مشاكل من الإرتباط...
وفهمي أهلك بس إذا الوالد مو متفهم عادي لاتكبرين الموضوع ولاتتفشلين خلي الوالد يكلمه أحسن عشان يتفاهمون يعني خلي أمك الله يطول بعمرها تطلب رقمه والوالد يكلمه ,,,
ولا تتفشلين لأن هذا مو رأيك والموضوع عااااادي بس إنتي حساسه شوي,,
مبروووك مقدما والله يتمم عليك الفرحه آمين

 

[أم الأقمـــــار]

ياحبيبتي عقد النكاح مايتم الا اذا شاف نتيجة الفحص لكم كلكم واخذ موافقتكم

واذا فيه شي راح يرفض المأذون