معلومات راجيه الرضا
- إنضم
- 18 فبراير 2017
- المشاركات
- 14,545
- مستوى التفاعل
- 9,643
- النقاط
- 113
طفلي وعالمه الموازي "قصة حقيقية"
القصّة دي حقيقية..
وأظن إن بيوت كتيرة عاشتها..
بغض النظر عن علاقتي بالأشخاص في القصة.. عندنا زوج وزوجة.. ربنا كرمهم بطفل عمره سنتين و9 شهور.. الزوج بيشتغل والزوجة بتشتغل.. ففكروا هما الاتنين في حل عبقري للطفل لأن مفيش جدو ولا تيتة متاحين..
إحنا هنودي ابننا حضانة يلعب فيها ويتعلم قبل المدرسة..
طبعاً بعد لفة طويلة.. و حضانة ألماني وحضانة أمريكاني وحضانة موروشيوسي.. استقروا على حضانة ناس كتير بتشكر فيها.. وسمعتها زي الألف.. وكمان ودي أهم نقطة.. بتخلي الأب والأم يتابعوا ولادهم لايف من خلال الكاميرات من موبايلهم .. حاجة الاجة يعني ومفيش أمان أكتر من كده..
فين المشكلة؟
لا مفيش مشكلة خالص.. بالعكس.. الزوج والزوجة يسيبوا الطفل الساعة 7 ونص صباحا ويرجعوا ياخدوه الساعة 8 او 9 بالليل.. لدرجة إنه بيتغير عليه 3 شيفتات لنانات ومدرسات.. وطبعاً بياخدوه نايم.. ويودوه شبه نايم.. وتقريبا مبيلحقش يقعد مع بابا ولا يلاعب ماما.. وكل حياته في ال 12 أو 13 ساعة إللي في الحضانة العظيمة دي..
الحضانة بقى مش تلايمها.. لا.. الإخلاص بقى والتفاني في العمل.. بيكلموا الطفل ويلاعبوه ويعلموه ويأكلوه .. الطفل بيتعلم وبيحب الناني والمدرسة وبيلعب وبيجري وآخر انبساط.. لحد ما بدأ الأب والأم يلاحظوا إن الطفل بدأ يستغربهم.. ولما بيكون صاحي بيقاوم إنه يروّح معاهم.. ولما بيروحوا زيارات عائلية بيكسر ويخبط ويعيط وعنيف جدا مع أي حد.. بس بمجرد ما يرجع الحضانة.. يرجع فرفوش وقمور وزي العسل..
طيب إيه.. نسيب الحضانة؟ خلاص سبناها.. ونحل المشكلة دي بأن الزوجة تاخد اجازة مؤقتا لأن قلبها بدأ يوجعها وتحس بتأنيب ضمير.. طيب إيه؟ تأنيب الضمير جاب نتيجة؟ لا الطفل مكتئب اكتئاب حاد وبيتعامل مع بابا وماما على إنهم اغراب.. و بينادي على النانات والمدرسات.. وعايش في عالم موازي..
حقيقي معرفش القصة دي انتهت على إيه.. بس قولنا 100 مرة إن مش الشطارة انك تبقى قادر تتجوز ماديا.. وتبقى قادر تخلف مادياً.. بس معندكش وقت كزوج لابنك ومراتك.. ومراتك نفسها معندهاش وقت لابنك ولا ليك.. وأحلى مسا على تأمين المستقبل والشمع إللي بيحترق من أجل الحياة الكريمة وقسط النادي وقسط شاليه الساحل..
الطفل ده على الأقل محتاج 6 سنين من يوم ما ييجي الدنيا لغاية ما يروح مدرسة نظامي.. يسمع ويتكلم ويقعد ويخرج مع أهله.. يتواصل اجتماعيا وبدنيا معاهم.. يعرف هو مين وبينتمي لمين ويعني إيه بيت وعيلة..
آه الحياة صعبة والدنيا بتضيق ولو معملناش كده مش هنعيش.. بس هل في المقابل والحيطة المايلة يعني هو إن الروح اللي جبتوها دي ترموها ما بين أربع حيطان وتراقبوه بالكاميرات ولا كأنكم جايبين حيوان أليف.. دا في ناس عندها قطط وكلاب بتخاف تسيبها في البيت أكتر من 6 ساعات لوحدها.. تقوموا انتو ترموا ابنكم 13 ساعة؟
متعرفش مين بيودي لفين.. بس الحاجات البديهية إللي أمي وجدتي كانوا بيحكوا عنها زمان انضرب فيها مفك.. وكل اتنين متجوزين دلوقتي.. بيخلفوا يرموا على تيتة وجدو ولو مفيش ارمي في حضانة.. ورانا أكل عيش يابا.. وكل ده تحت شعار.. بنأمن مستقبله.. جس وات.. الطفل ده ملوش مستقبل لو اتحرم من ماضيه وذكرياته معاكم.. بتودوه في قفص بكاميرات وهو صغير.. هيرميكم في دار رعاية مسنين وانتو كبار..
أ.عمر الاسكندراني
لي عودة للتعقيب
وأظن إن بيوت كتيرة عاشتها..
بغض النظر عن علاقتي بالأشخاص في القصة.. عندنا زوج وزوجة.. ربنا كرمهم بطفل عمره سنتين و9 شهور.. الزوج بيشتغل والزوجة بتشتغل.. ففكروا هما الاتنين في حل عبقري للطفل لأن مفيش جدو ولا تيتة متاحين..
إحنا هنودي ابننا حضانة يلعب فيها ويتعلم قبل المدرسة..
طبعاً بعد لفة طويلة.. و حضانة ألماني وحضانة أمريكاني وحضانة موروشيوسي.. استقروا على حضانة ناس كتير بتشكر فيها.. وسمعتها زي الألف.. وكمان ودي أهم نقطة.. بتخلي الأب والأم يتابعوا ولادهم لايف من خلال الكاميرات من موبايلهم .. حاجة الاجة يعني ومفيش أمان أكتر من كده..
فين المشكلة؟
لا مفيش مشكلة خالص.. بالعكس.. الزوج والزوجة يسيبوا الطفل الساعة 7 ونص صباحا ويرجعوا ياخدوه الساعة 8 او 9 بالليل.. لدرجة إنه بيتغير عليه 3 شيفتات لنانات ومدرسات.. وطبعاً بياخدوه نايم.. ويودوه شبه نايم.. وتقريبا مبيلحقش يقعد مع بابا ولا يلاعب ماما.. وكل حياته في ال 12 أو 13 ساعة إللي في الحضانة العظيمة دي..
الحضانة بقى مش تلايمها.. لا.. الإخلاص بقى والتفاني في العمل.. بيكلموا الطفل ويلاعبوه ويعلموه ويأكلوه .. الطفل بيتعلم وبيحب الناني والمدرسة وبيلعب وبيجري وآخر انبساط.. لحد ما بدأ الأب والأم يلاحظوا إن الطفل بدأ يستغربهم.. ولما بيكون صاحي بيقاوم إنه يروّح معاهم.. ولما بيروحوا زيارات عائلية بيكسر ويخبط ويعيط وعنيف جدا مع أي حد.. بس بمجرد ما يرجع الحضانة.. يرجع فرفوش وقمور وزي العسل..
طيب إيه.. نسيب الحضانة؟ خلاص سبناها.. ونحل المشكلة دي بأن الزوجة تاخد اجازة مؤقتا لأن قلبها بدأ يوجعها وتحس بتأنيب ضمير.. طيب إيه؟ تأنيب الضمير جاب نتيجة؟ لا الطفل مكتئب اكتئاب حاد وبيتعامل مع بابا وماما على إنهم اغراب.. و بينادي على النانات والمدرسات.. وعايش في عالم موازي..
حقيقي معرفش القصة دي انتهت على إيه.. بس قولنا 100 مرة إن مش الشطارة انك تبقى قادر تتجوز ماديا.. وتبقى قادر تخلف مادياً.. بس معندكش وقت كزوج لابنك ومراتك.. ومراتك نفسها معندهاش وقت لابنك ولا ليك.. وأحلى مسا على تأمين المستقبل والشمع إللي بيحترق من أجل الحياة الكريمة وقسط النادي وقسط شاليه الساحل..
الطفل ده على الأقل محتاج 6 سنين من يوم ما ييجي الدنيا لغاية ما يروح مدرسة نظامي.. يسمع ويتكلم ويقعد ويخرج مع أهله.. يتواصل اجتماعيا وبدنيا معاهم.. يعرف هو مين وبينتمي لمين ويعني إيه بيت وعيلة..
آه الحياة صعبة والدنيا بتضيق ولو معملناش كده مش هنعيش.. بس هل في المقابل والحيطة المايلة يعني هو إن الروح اللي جبتوها دي ترموها ما بين أربع حيطان وتراقبوه بالكاميرات ولا كأنكم جايبين حيوان أليف.. دا في ناس عندها قطط وكلاب بتخاف تسيبها في البيت أكتر من 6 ساعات لوحدها.. تقوموا انتو ترموا ابنكم 13 ساعة؟
متعرفش مين بيودي لفين.. بس الحاجات البديهية إللي أمي وجدتي كانوا بيحكوا عنها زمان انضرب فيها مفك.. وكل اتنين متجوزين دلوقتي.. بيخلفوا يرموا على تيتة وجدو ولو مفيش ارمي في حضانة.. ورانا أكل عيش يابا.. وكل ده تحت شعار.. بنأمن مستقبله.. جس وات.. الطفل ده ملوش مستقبل لو اتحرم من ماضيه وذكرياته معاكم.. بتودوه في قفص بكاميرات وهو صغير.. هيرميكم في دار رعاية مسنين وانتو كبار..
أ.عمر الاسكندراني
لي عودة للتعقيب
اسم الموضوع : طفلي وعالمه الموازي "قصة حقيقية"
|
المصدر : الأمومة والتربية