طفلي وسيلان اللعاب.....

أم الصغارية

أم الصغارية

New member
إنضم
2009/06/20
المشاركات
59
السلام عليكم ورحمة الله وبركاته ... على أحلى الملكات والأميرات في أعظم مملكة ...
عندي إستفسار بسيط وإن شاء الله تفيدوني جزاكم الله كل خير ...
ولدي عمره سنتين ونصف الله يطول في عمره ولكنه لين أحينه يسيل لعابه أو مثل ما نقولها بالمحلي ( يرون ) ... تعتقدون ليش وشو الحل في علاج هالحالة .... واااايد متضايقة من هالشي خاصة يوم بنطلع مكان دوم الفوطة في إيدي وأمسح ( رواوينه ) بس محد من عيالي الباقين كان يشتكي من هالحالة .... أفيدوني ربي يخلي لكم عيالكم ويرزق المحروم من الأطفال إن شاء الله ...
اسمحوا لي على الإطالة ....:21:مع كل حبي وتحياتي لكل الملكات والأميرات...
 
انا عيالي كلهم كدا وامي كانت تقول من البوس على الفم بس يعدوالشهر التاسع يتوقف او للسنه
 
انا اولادي فترة التسنين تحصل لهم هالحاله وبعدها تخف يمكن ولدك من التسنين والله اعلم انا كنت اذوقهم زبدة الفول السوداني وكانت تخفف اللعاب جربيه يمكن يفيد بس لا تكثري بس تذويق
 
السلام عليكم ورحمة الله وبركاته

حيباتي انا عندي نفس المشكل ولدي الكبير عمرة 18 سنة يسيل لعابة بكثر حتى اصبح يحرجه جدا والحين ولدي الصغير عمره 2ونصف
نفس المشكلة

ياليت الاقي لهالمشكلة حل
 
عزيزتي قد يعاني من مشاكل مثل اللحميه
لأن اللحميه تجعل الطفل يتنفس من فمه
وبما أنه صغير فلن يسيطر على لعابه
اعرضيه على طبيب أطفال وتأكدي
الله يحفظه لك
.............​
 
أشكر جميع الأخوات على المرور والرد ... وجزاكم الله كل خير ...:32:
 
اللعاب

هلا اختيه

انا اعاني من نفس المشكلة مع بنتي الدكتور قالي لان بتطلع لها اسنان

بس بعد ممكن يكون من اللوز يكونو حجمهم كبار او اللحمية اعرضية ع دكتور احسن:13:
 
انا اعاني كذالك من نفس المشكله ولدي عمره الان سبع سنوات ولعابه يسيل ماادري وشو الحل معاه
 
ولدي كان يسيل لعابه لين صار سنتين وعلى كلام امي يا انه يبغى يتكلم ههههه يعني مستعجل او الاسنان لسه ما اكتمل نموها كلها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل