طفلي والإسهال والكريمات التي لم تؤثر فيه!

[سحاب الملح]

دكتوره ولدي عمره سنه وتسع شهور
من اسبوع صار عنده التهاب في الحنجره وشوية زكام
بعد مابدا يخف صار عنده اسهال........مدري وش السبب؟
قلت يمكن اخذ برد لأني مره كنت في زياره لأهلي وكب المويه على ملابسه واضطريت البسه ملابس بنت اختي لحد ماتجف ملابسه......يمكن يكون تعرض لبرد وجاه اسهال
له تقريبا 5-6 ايام وهو يسهل.....يتكرر في اليوم2-4مرات ويكون شوي مو كثير مره
المشكله هالإسهال سبب له التهابات واحمرار الجلد وتزلغات ويطلع منها دم
اخذت من الصيدليه علاج كابكت ولي يوم استخدمه ولسه ماشفت نتيجه
عطيته سفن اب وماوقف
دهنت المنطقه بكل شي......سودو كريم-كيناكومب-فازلين-بودرة جونسون ولافاد
ولدي يتألم يادكتوره.....حتى مايقدر يقعد على مؤخرته......زواذا جيت اغيرله الحفاظ يقعد يبكي
صار عنده رعب!!!!!!!!

وش الحل بنظرك؟؟؟؟؟؟

لاتقولين وديه الطبيب لأنه يخاف وماراح يخليه يكشف عليه,,,,,,,,,,,

 

[د/همسه هذيل]

السلام عليكم عزيزتي :
بالنسبه لالتهاب الشرج ما راح يروح غير اذا راح السبب لذلك.. اما كذا مهما عالجناه لا يؤثر فيه لان السبب موجود و لكن الاسهال المفروض لو هو نزله معويه سيخف بعد 5 الى 7 ايام و ذلك لان بطانه او غشاء الامعاء يقع و يتجدد كل 7 ايام و كل البكتيريا تذهب معاه و اذا برد ما عليك غير تدفيته و الاهم من كل هذا هو ان تعوضي السوائل المفقوده مع البراز السفن اب و عصير التفاح او الليمون لا يعالج الاسهال و لكن يعوض السوائل المفقودة في البراز ضروري جدا تعويض السوائل و الاكل يجب ان يكون خفيف جدا كأن تعطيه بطاطس مهروسه تمسك البطن و مغذيه شوربة الارز تمسك البطن ايضا زبادي كذا مع العصيرات و السوائل الكثيرة و لما يخف الاسهال ما ترجعين الاكل على طول لازم يكون تدريجبا ....اما بالنسبه للالتهاب الشرج عليك ان لا تربطي الحفاظ عدل خلي الهواء يدخل و لاتغيريله كلما يتبرز على طول ما يضل البراز داخل كثير و اخيرا kenacomb زين يستخدم مرتين في اليوم و لكن لازم معاه واحد ثاني جيبيه من الصيدليه اسمه dermatop or perderm cream واحد منهم اللي متواجد بالصيدليه kenacomb وهذا الثاني واحد منهم ايضا مرتين في اليوم .. اي يستخدم الاثنان مع بعض مرتين في اليوم لمدة 4 الى 7 ايام لحد ما يخف ...
الف سلامه عليه .. و طمنيني شلون صار ..