طفلى الاول واريد مساعده

[إبتسامتى]

السلام عليكم ورحمه الله وبركاته
كل عام وانتم بخير
انا اسكن ف مدينه بعيده عن امى وانجبت طفلى الاول عمره الان 9 اشهر لا ياكل الا انواع قليله جدا جبنه مثلثات زى المراعى او بريزيدون وكيكه مغلفه وبعض من البسكويت مع اعشاب فقط مع الرضاعه
لا ياكلاى شى اسلقه من خضر اة فاكهه الا بالبكاء

انا ينقصنى الخبرة والحماس اشعر بالضيق والاحباط والعجز
لا ادرى ما افعل
هل من مساعده تستطيعونها
وجزاكم الله خيرا

 

[ام آسر]

انا نفس الشي وهو طفلي الاول واكثر شي يعتمد على الحليب يليت البنات يساعدوننا

 

[سمو الأميرة]

حبيبتي .. الطفل طبيعي جداً أنه لا يتقبل الأكل ..
لكن لا تستسلمي .. ممكن الطفل يرفض الأكل لحد 10 مرات عادي جداً .. بس لازم تصرين على اطعامه مهما كان .. كل يوم حاولي تعطينه خضار ولو ملعقة وحده في اليوم .. و شوي شوي بتلاحظينه يبدأ يتقبلها أكثر ..
جربي تحطين مع الخضار المهروس شوية ملح أو جزء بسيط من مكعب ماجي .. و شوفي كيف راح يعجبه ..

أنا ولدي بديت أأكله و أنا في أمريكا بعيد عن أهلي .. و الحمدلله عطيته أكلات خضار متنوعه و اهم شي كنت اشجع نفسي و أقاوم الاحباط ..
لأن مهما كان صحة الطفل مسؤوولية الأم .. ولازم تصيرين قد المسؤولية .. وإلا بتتعبين معاه بعدين لما يصير يمرض بسرعه بسبب ضعف المناعة و نقص الفيتامينات ..
تذكري أن الوقااااية خير من العلااااج ..
خذي كتب مجموعة الفراشه لتربية الطفل و تغذيته فيها كل المعلومات اللي تحتاجينها ..
و بالتوفيق ..

 

[أم عايشه 2009]

حبيبتي مثل مااسمعت انه شي طبييعي ادريي واحس فييج أحبااط انه مراات اقعد اصيييح من هالسالفه

لعلمج احيين بنتي عمرها سنه وخمس شهور والله اني مرات تلبس ملابس ال 9 شهور تخيلييي

حدهااا صغييييييره وكل من يجوفها لااازم يعلق الي يقوول مااتأكليينها الي تقول مجااعه وغيره كلام

يحز بخااطري ع ان وربي كل شي يذكر وتتوقعيينه جربته ولاافيي فاااااااااااايده مااتااكل ولا شي مرات بس

تعييش ع شرب المااي فقط لاا حليب ولا أكل لكن شاعمل الله كريم حتى المستشفياات كل حلوولها

ماانفعت الله المستعان اتمننى احد يذكر حلول تنفعج وتنفعني​

 

[سمو الأميرة]

حبيبتي مثل مااسمعت انه شي طبييعي ادريي واحس فييج أحبااط انه مراات اقعد اصيييح من هالسالفه​

لعلمج احيين بنتي عمرها سنه وخمس شهور والله اني مرات تلبس ملابس ال 9 شهور تخيلييي ​

حدهااا صغييييييره وكل من يجوفها لااازم يعلق الي يقوول مااتأكليينها الي تقول مجااعه وغيره كلام​

يحز بخااطري ع ان وربي كل شي يذكر وتتوقعيينه جربته ولاافيي فاااااااااااايده مااتااكل ولا شي مرات بس​

تعييش ع شرب المااي فقط لاا حليب ولا أكل لكن شاعمل الله كريم حتى المستشفياات كل حلوولها ​

ماانفعت الله المستعان اتمننى احد يذكر حلول تنفعج وتنفعني​

أم عايشة .. حالة بنتج غريبة .. معقولة ما تشرب الحليب !!
عندنا في الامارات جداتنا يعرفون طريقة في العلاج الشعبي .. - المستشفيات ما تعرفها - .. اذا الطفل ما ياكل و دايماً مزعوج و تكون عنده حرارة احياناً .. يكون فيه شي يسمونه بو عظيم .. أو بوعظيمين .. هذي عظمة في سقف الحلق تكون بارزة لأنها متحركة من مكانها ..
طريقة العلاج هي بعمل مساج لهذي العظمة و ارجاعها لمكانها .. و تلاقين الطفل بعدين كأنه رجعت فيه الروووح ..
و أيضاً .. اذا الطفل تعرض لسقوط من السرير .. أو مكان مرتفع .. الكبد يتحرك من مكانه شوي.. و يسبب انزعاج الطفل و بكاء مستمر و فقدان الشهية .. و هذا يحتاج له مسح .. و هو مساج على موضع الكبد لاعادته لوضعه الطبيعي .. و بعدها الطفل يرتاح و يرجع لطبيعته ..

 

[07الملكه20]

كلامج صحيح 100% يا سمو الاميره والله غريبه الشي معرووف في بعد عندنا انواع عشبيه مثل الحلول والخيل يعطونها حق الصغير والكبير وثاني يوم يقوم نشيط وحتى حركته تكون كلها نشاط وياكل احسن عن اي يوم فات جربيه