طفشت من طلعات المحروس ... فزعتكم. :(

ا

افق الدعوة

New member
إنضم
2011/05/06
المشاركات
48
السلام عليكم


خواتي وحبيباتي بلقيسيات

والله أني حبيتكم يمكن ردودي ومواضيعي جدا جدا جدا قليلة

ومقصرة بحقكم وااااااجدد فالعذر منكم والسموحة


المهم طولتها وهي قصيرة


مشكلتي باختصار ان المحروس كل فترة طالع لي بشي جديد

ولا ادري هو اللي يتشرط والا امه

وسبق في موضوع كتبت عن امه وتعاملها حتى أخذ رايكم ومشورتكم

الزبدة هو عطاني المهر اقل من المعتاد عندنا مع انه مو من القبيلة

يعني لا اعرفه و لا يعرفني وجاني عن طريق عمته

وكلم اخوي ( مابيننا مكالمات ) انه يبغى الدخلة قبل الزواج بيومين ويوم رفض اخوي قال ع الاقل يوم

لانه بيستقبل ربعه يوم الزواج ومش فاضي

مع أني ما ادري وش اللي بيسويه اشك انه بيستقبل وزير الداخلية ع غفلة

والا وش بيسوي لدخل علي


تصدقون طفشت جدا جدا من شروطه وطلعاته كل فترة

ممكن بعضكم يقول ليش ماتوافقين ع الدخلة قبلها بيوم

والسبب يا حبيباتي ان الزواج باقي عليه تقريبا أسبوعين

والمهر خالص وبعض لعراقي ماخذه فلوس من ابوي وإخواني اثنين عطوني بدال تدينهم فلوس مبلغ نقدي

وصراحة الدخلة يبي لها ثوب وصباحية الدخلة ويوم العرس والصباحية ولا ادري اذا بنسافر مباشرة او بنجلس كم يوم

هذي يبي لها ع اقل تقدير 4 ثياب فخمة و 4 مواعيد مكياج وتسريحة

وعليكم الحسبة وانا ماعاد عندي فلوس



وش رايكم ؟؟!!!!!**
 
خييييييييييييييييييير دخلة قبل الزواج ......ماأنصحك
لو بيستقبل رؤساء العالم كلهم مايضر تكون الدخلة بيوم الزواج

الله يوفقك ويسعدك
 
شو هالطلــب الغريب..!!!!!

شو يستقبل وما يستقبل!!!!
.. أنــــآ ضد

ولج حريه الإخيار.. صلي استخاره قبل أي شي
موفقه
 
عادي يسووها ناس عندنا قبل الزواج بيوم او يومين دخله وحفله صغير واعزمي اللي تبين انتي وحفلتك لك
وبيوم الزواج عادي يكون مرتاح مب متوتر ولاتعبان ويستقبل اللي يبي وكيفه
يابنت اهم شي االتوفيق مو مهم الدخله متى..

ربي يوفقك
 
خير وربي اول مرة اسمع دخلة قبل الزواج كيف تجي
وانتي تمسكي برايك مدري وش اقوول مصدومة من هلطلب
 
نعم؟؟
موو فاضي لك ليله الزواج
ويستقبل اصحابه
يالله من بدايتهاا

الله يعينك
 
عادي ترى سمعت ناس كثير كذا الدخله قبل العرس وطبعا على حسب عاداتكم مدري انتم من اي قبيله يعني شي معروف عندكم او شي غريب عليكم
جاوبيني عشان افيدك​
 
يمكن فيه ناس عندهم هالشي لكن اذا شي مو متعارف عليه في ققبيلتكم لا توافقييييييييييييين

حتى لو مادخل عليك يوم الزواج فيه اليوم اللي بعده وش مستعجل عليه

الله يعيييييييييييينك يارب
 
فكي نفسك من المصاريف ,, وخليها مع الفرح مرة وحدة
 
انا نفس الشي سمعت عن الدخله قبل الزواج
بس زي ماقالوا البنات ع حسب عاداتكم بعدين خيررر
موقادر يصبر يبي قبل الزواج بيوم او يومين مايسر خلاص راح يتزوج
ولاحق ع الدخله انا انصحك وبما انه مش من قبيلتكم مايكون فيه دخله
قبل يوم الزواج وانتي استخيري وادعي الله والله يكتب لك الي فيه الخير
موفقه...
 
لالالالالالا
حلاتها بعد الزواج
ماعليكي منه لاتوافقي واذا مره مفتشله منه حطيها باخوانك
واذا منشغل ليله العرس
الله لايهينه اليوم الثاني بطيرين يعني
اللي صبره الايام الماضيه يصبره يوم
بس انتي صلي الخيره وردي بعدها عليه
والله يوفقك يارب
 
يااختي حتى لو ان من عاداتهم شئ طبيعي بس انتي لاترضي مرره مرهغريب والله اول مره اسمع زي كذا خليه ينطق لين يوم الزواج عادي في بنات تتزوج وهي عندها الدوره وينتضرون اسبوع مو يوم او مشيه بان عندك الدوره علشان مايتحسس ويسوي مشاكل ومن ذي الاشياء@وبعدها بيغسل يده من الموضوع
 
ياحبيبتي نصيحه لا تواااااافقين .....ترى هذا ضرر عليك .... ليش تكون قبل ...قوليله ممكن تكون بعد بيوم ...ليش قبل ....ترى وحده نعرفها دخل عليها زوجها قبل الزواج وبعدين تركها ...عباطه كذا بدون شي ...والكل درى عنها ...مع إنهم من عيله وحده ...والرجال أخلاق بس النصيب ....إنتبهي أختي ..والله هذا شي خطير ...خصوصا إنه مومن عيلتك ولا تعرفونه .....موفقين
 
الله يسعدكم جميعا


ويوفق كل من ردت علي واشارت بشورها


بالنسبة للي تسال عن القبيلة كلنا أنا وهو من الدواسر

لكن عيلته وعيلتي ماتعرف بعض


وبعدين حتى لو باوافق على الدخلة وشروطه كان الله لا يهينه زاد المهر عشان يتشرط ع هواه والا جاب شبكة وما راح نعارضه


ما ادري نهاية عصاده شنو


الله يعين بس
 
خير ليكون ماهو ناوي يعمل فرح من أساسه
ويمكن شايل هم الدخله حتى لو شايل همها ما يطلب هالطلب يأخر الدخله لصباحيتك أو متى ما ربي كتب لكن يقدم شي جديد علينا وليته من جماعتك يالله تنبلع من برا الجماعة وهذا طلبه
لا توافقي ع طلبه منتي بناقصه مصاريف وخساير

مع أحترامي لك زوجك قليل أدب كيف تجرأ يطلب هالطلب من أخوك لو طلبه منك مباشرة يالله تنبلع لكن من أخوك صدق اللي أستحوا ماتوا​
 
اخوياه مو اهم منك .. خليه يولي ..

كل يوم مع اصحابه يفك عنهم خلاص تزوج حكمت على يوم الزواج الا لازم وراهم !!
 
غريييييييييييييييييييييييييييييييييييييييييييييييييييييييييييييييييييييييييييييييييييبه
بس حلاتها في يوم الفرح
 
تفهمي انتي معه، أول مره اسمع الدخلة قبل الزواج ما تطلع حلوتها مثل يوم الزواج
 
طيب يأجلها بعد الزواج بيوم

والافضل تستخيرين

والله يكتب لك الخير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل