طفح الكيل من سيطرة زوجي وناويه على الطلاق

[قطوه مشرمخه]

السلام عليكم ورحمة الله وبركاته ..

بناااااات انا جدا اعاني في حياتي ...عمري 26 سنه وعندي 3 اطفال .. تزوجت وعمري 18 ...ززوجي اكبر مني ب 5 سنوات تزوجنا عن طريق الاهل ولكن هو من اختارني وليس اهله وذلك لصلة القرابه كان يشوفني دايما في بيت جدي ...
زوجي كان ملتزم وصارم ومتشدد معي في ايام الملجه لبسني النقاب غصبا عني ...منعني من التلفاز ومن الطلعات والزواجات ..يبغيني اعيش كزمن الاجداد ...حتى كان واعدني ايام الخطبه لاكمل دراستي لنتزوج بسرعه ولكنه خدعني ورفض ...
كان قاسي القلب معي وانا احاول اني اطيعه واسوي اللي يرضيه لكن للأسف من ادنى شي كان يقسو عليي ما يرضيه شي .. مب عايبنه شي .. الحمدلله على كل حال ..
زوجي مد ايده عليي وااايد بس في الاخير ما سكت ورحت اشتكيت عليه.. والسبب اللي خلاه يضربني من الكبت اللي فيني طلعت من دون شوره وعلمه مره وحده مع اختي فضربني في الشارع .. على العموم رفعت عليه قضيه طلاق ولكن تدخلو الاهل واشترطت شروط باكمال الدراسه ومن ها الامور ولكن خدعني ولم يلتزم بشروطه ...
المهم مرت الايام وصبرت بعد لكن لابد ايي اليوم اللي انهار فيه .. صارت فيني حاله نفسيه .. صرت عندي حالة خوف شديده جدا جدا اتيني بين فتره وفتره ...
بعد فتره يا بنات دخلت الجامعه ودرست سنه وحده بس كااااان موووول ما يشجعني ولا حتى يوصلني ولا حتى يعطيني مصروف للجامعه بحكم انه غصبا عليه ورافض ...
كانو اهلي اللي يعطوني ...
في يوم من الايام حدثت مشاكل وهو لم يتمالك اعصابه ضربني بقسوه وطردني من منزلي في وقت الفجر اما ابنائي والخادمه ... فرفعت عليه قضيه ضرب وطلاق وكان عندي من تقارير الضرب الكثير ...
وكنت خلاص بطلق منه لكن اصراره على رجوعي واصرار اهله خلاني اعيد حساباتي وارجع بس بشروط تكون عند القاضي وينفذ الحكم غصبا عليه والا غير جذي اتطلق ..
زوجي غريب يقسو ويضرب ويهين بس بالاخير هو متمسك وااااااااايد ويندم بسرعه على اللي يسويه بس متى يندم لما يوصل الامر للمحاكم ويشوف اني جاده وقويه يضعف ...
وبعدييييييييين بعد الشروط والرجوع عشت اقل من سنه عايشه حياتي ومبسوطه وكانت الشروط تعجيزيه با النسبه له بس وافق عليها ..كتب البيت باسمي واشترالي سياره المهم وتعهد بعدم الضرب ومن ها الكلام ...
بس بو طبيع ما ايوز عن طبعه وما يتحمل يشوفني مبسوطه لابد يخرب الفرحه ..المهم اني حملت وشاف ضعفي ووهني فباع السياره واستوت مشاكل مد ايده عليي وقام يطالب بورقة البيت لكن ما عطيته .....
انا انتظرت ليما يكبر ولدي .... وقلت برضى في ها الحياه .. دامني راضيه فيها ما بيمد ايده عليي ...لكن مب قادره استحمل ... شو اللي حادني اعاني مع زوج ما حسيت في يوم انه يحبني
وبعد ماكان زوجي متشدد ملتزم اصبح رجل منحرف يبحث على النساء ... عيزت وانا ادور طريقه لمعاملة هذا الرجل العصب .. تعبت اتفاهم وياه بالرسايل وماشي فايده وبالكلام كله لا والا يسكت وافهمي اني مستحيل ارضى ... مع اني قلتله خلاص انا افكر جديا في الطلاق اذا ما تغيرت حياتي وهاذي اخر مره ولا برجعلك لو شووووه تسوي ...يقول احيانا ان شاء الله وبعدين خلاص ...
ليش ينظر بالدونيه ليش الحرمه على بالهم انخلقت لهم وبس وانها تعيش حياتها لاجلهم صدقوني انا ما عندي مشكله اعيش من دونه بالعكس بفرح وبستانس اكثر ....
لانه في نظري ماشي حل مع ها الزوج ...

 

[المتفائله1]

استخيييييييييييري واكثري من الدعاء والاستغفار والله يهديك للي فيه خيره

 

[جراده شياكه]

الله يلهمك الصبر استخيري في طلاقك منه

 

[حضي المنسدح]

الله يعينج ويصبرج ,,,استخيري قبل كل شي
في كتاب صغير اسمه ادعيه للزوج او سوي سيرج بالنت بتلاقينه ان شاء الله بفيدج

 

[norahmed]

لو كررها ثاني مره استخيري وخليه يولي ودام البيت بإسمك هو اللي بيطلع
والله يكتب لك اللي فيه الخير ويوفقك يارب

 

[قطوه مشرمخه]

تسلمون خواتي ....
بستخير باذن الله ....
ومشكورين على الرد

 

[حافيه القدمين]

طنشيه <<<الحقران يقطع المصرااااااااااااااااااااااااااااان..

 

[ميان الدلوعه]

اهم شي تستخيري ولا اتفكري تعطيه ورقة البيت لو اتشوفيه ايموت قدامك والله يهدي زوجك

 

[coll & fun]

ما عقب الطق و الطرد بالليل في الشارع شي ....

ان صدقتي ....

شكله يرجعك لان ما فيه احد يستحمله غيرك ...

أستخيري الله واستشري أحد عاقل غير منحاز لا لكي ولا له , واسمعي رأيه و تفحصيه بتمعن .. لانه سينظر للأمر كامل من حيث حياتك مع الوزج وبعد الطلاق , وما سيصير اليه حالك انتي وأبنائك بعد ذلك ( فلاندم من استشار ولا خاب من استخار )

 

[بقلاوة]

الله يعينك ويسخر لك

 

[المتغيرة للأفضل]

اختي واضح انك لم تعرفي نمط زوجك انصحك بالقراءة في هذا المنتدى والتعرف على نمطه ومن ثم معرفة التعامل معه وانصحك كذلك بالتسجيل في دورات الاستاذه ناعمه لانه مفيده لك جدا .وفقك الله اختي وجمع بينك وبين زوجك بالخير

 

[مايصحش هالحتسي]

كرامتك ابرك منه ضرب وطرد تالي الليل شلي حادس عليه

 

[عــذبة]

الله يلهمك الصبر استخيري في طلاقك منه​

 

[جلكسي ذايب]

اختي العزيزه ..
مادام انه طردك و لاخاف عليك يطردك بالفجر
احس خلاص هذي الغشه الي قصمت ظهر البعير
الي يطرد زووجته احسه خلاص منتهي مافيه ولاذره حب وحترام لزوجته
ودمتم