طريقتي كاجنوبية في جذب زوجي الجنوبي بالتعطير قبل النوم ..

[caramelaa]

السلام عليكم



الصراحه احنا اثنينا جنوبيين وراح اعطيكم اسراري كاجنوبية وزوجي الجنوبي

بس انا مو جنوبيه حاف شخصيتي فيها من كل الجهات لاني احتكيت بأمي الشمالية الله يرحمها فاخذت طبايع الشمالين شوي (ماقدر غصب عني ) بس تغلب علي الجنوبيه
المهم







طريقتي في التعطير وقبل النوم وكل وحده اتجربها مع زوجها الجنوبي وتقولي شيقول (صدقوني بيحبون الطريقه)


1-عطر المفضل عندي وعنده كينزو الاحمر اللي عليه ورده لازم هذا عندي وحاطتها على الكومودينه لازم
2-كريم المسك المركز من جرجينز بس اللي يصير علبه اما اللوشن على المسك من جيرجنز للاستخدام اليومي والتمسح على السريع
3-بيبي اويل على اللافندر
4-دهن عود على المسك او حجر المسك او دهن عود على ريحة باراديس( انا عندي اياه من اجمل شاريته من زمــــــــــــان عطر باردايس مال ايستي لودر بس دهن عود ومنه كان في كوكو شانيل )



طريقه اتحطين الحجر(انا عن نفسي احط دهن عود بارادايس ) او الدهن العود منه جم نقطه في البيبي اويل واتخضينه وتحطينه بالحمام ولمه تسبحين اتمسحين جسمج فيه ريحتج بتعبق وتصيرين زبده

وعقبها اتحطين كريم المسك وبعدها عطر كينزو اترشينه واذا عندج الكوليكشن كامل يكون فيه زيت مركز من كينزو ممكن تستخدمينه وزيت عطر ادهنين جسمج فيه
ريحتج بتصير مثل البيبي




بس طبعا عن تجربه سوي طريقتي فتره يعني جم شهر ... بعدين غيري يعني انا استمريت جم شهر بعدين غيرت قمت احط كل يوم شي وافنتك بطرقي ...بعدين ارد اسوي طريقه كينزو بيكون رد اشتاق يشم الريحه وانا بعد اتشهى اشمها :bleh:



وطبعا كا نصيحه اذا بتنامين قبله رشي عطرج على مخدته ومخدتج والفراش ونامي



اذا شفت تفاعل بكمل​

 

[omolaya]

أنا أيضا جنوبية وزوجي جنوبي وأنا دايم أتعطر بس كل يوم بعطر
ينفع ولا لازم أتبع الخطة شهر كامل وبعدين أتركها وبعد فترة أرجع لها
ممكن تكتبي أسماء العطور بالانجليزي ثقافتي انجليزية ههههههههه

 

[caramelaa]

أنا أيضا جنوبية وزوجي جنوبي وأنا دايم أتعطر بس كل يوم بعطر
ينفع ولا لازم أتبع الخطة شهر كامل وبعدين أتركها وبعد فترة أرجع لها
ممكن تكتبي أسماء العطور بالانجليزي ثقافتي انجليزية ههههههههه

الجنوبي يحب التغير ..بس اذا عجبه شي يحب يركز عليه فتره انا اللي عندي جذيه وانا بعد مثله

يعني ربطي عطر معين فيج انتي بشخصيتج بس انا استخدم هالطريقه عشان الريحه اتكون مخلوطه مو باجر يشم عطر كينزو ويركض ورى وحده عباله انا :shutup:هيهيهي

فمن جذيه اسوي هالطريقه منها اتثبت العطر ومنها اتكون ريحه مخلوطه ومميزة ولمه تكون على بشرتي بتعطي ريحه غير لانه كل وحده وطبيعة جسمها

http://www.fragranceonline.co.uk/ranges/Flower-Red-perfume.html


هذا رابط العطر واسمه​

 

[~أغلى الغاليات~]

ما شاء الله عليج كملي انا متابعه ..انا زوجي جنوبي..وصج يموووت في العطور ويميزها وانا دوم اخلي لكل سفره لنا عطر معين فيربطه بذاك المكان ..يعني عطور شهر العسل لين الحين يتذكرها من ارشها تلقينه يقول ياااااااااااااه الله على ذيك الايام..والحمدلله محتفظه بهالعطور في درج خاص عشان ما يشوفها وكل ما حبيت اذكره بمكان او ذكرى معينه ارش العطر اللي يربطه بذاك المكان او الذكرى..​

 

[قصة أنثى]

شكرا عزيزتي على طرح الموضوع

بس عندي سؤال

أنا شمالية و هو جنوبي

ما بيحب العطور كثييييييييييير

بحسه بيحب الروائح الخفيفة

و كمان بيعلق على العطور اللي تترك طعم بالجسم

و معظم العطور أو كلها تترك طعم مر على البشرة


شو رأيكم؟؟؟؟؟؟؟؟؟؟؟؟؟؟؟؟​

 

[caramelaa]

شكرا عزيزتي على طرح الموضوع​

بس عندي سؤال​

أنا شمالية و هو جنوبي​

ما بيحب العطور كثييييييييييير​

بحسه بيحب الروائح الخفيفة​

و كمان بيعلق على العطور اللي تترك طعم بالجسم​

و معظم العطور أو كلها تترك طعم مر على البشرة​

شو رأيكم؟؟؟؟؟؟؟؟؟؟؟؟؟؟؟؟​

شوفي حبيبتي انا اقدر اعطيج عطور خفيفه وحلوة ومميزة ..ونصيحتي بالعطور لا تشترين اي عطر يعجبج لا اشتري العطر اللي يكون خفيف بس ريحته ثابته وغير هذا ريحته تناسب طبيعة جسمج...يعني مثلا انا احب عطر ألور الفرنسي من شانيل بس ما احسه يناسب طبيعة جسمي احس ريحته تصير مو حلوة علي معنه عطر بارد فاحسب تركيبت العطر

ثاني شي العطر لا ترشينه كل مكان بجسمج رشي على اماكن النبض... فا احسن شي رشي على صبعج ومشي ورى الاذن مكان النبض و على رسغ اليد من داخل ومن داخل الكوع والركب (يعني الناحيه العكس ) وعند فتحات الانف من برى

ثالث شي العطور ...احنا قبل سنه كان في ماركه اسمها ديزيرت ....تيي بطعم شوكالاته او فواكه او فانيلا
ومنها ايي بودرة جسم لاماعه على طعم عجيبه اشوى انه عندي منها مخزون قبل لا يشيلونها من سوق ..فاذا موجوده عندكم او عندك منها اي نوع بودرة بطعم رشيها على جسمج مع اي عطر بتغطي على طعم العطر ..بس انا العطور ماتترك طعم مر معاي مادري الا اذا توه قبل دقايق راشته

 

[caramelaa]

ما شاء الله عليج كملي انا متابعه ..انا زوجي جنوبي..وصج يموووت في العطور ويميزها وانا دوم اخلي لكل سفره لنا عطر معين فيربطه بذاك المكان ..يعني عطور شهر العسل لين الحين يتذكرها من ارشها تلقينه يقول ياااااااااااااه الله على ذيك الايام..والحمدلله محتفظه بهالعطور في درج خاص عشان ما يشوفها وكل ما حبيت اذكره بمكان او ذكرى معينه ارش العطر اللي يربطه بذاك المكان او الذكرى..​

على طاري الذكرى انا كنت استخدم شمعة على ريحة كاكاو اول الزواج ايام الملجة الحين لمه اشبها انتذكر ذيك الايام..

 

[عصفورالجنه]

الصراحه مش فهمه ولا كلمه يعنى ايه شمالى وجنوووبى

 

[الحـــــلوة]

حلوه طريقتك.... وأنا أحب العطور وأحب أحط كذا عطر على بعض بس للأسف زوجي شمالي يعني عادي مايحب العطور كثير بس أنا ماعلي منه أتعطر في كل الاوقاتفي البيت بس لمن أخرج برا لا مااتعطر ....

 

[caramelaa]

حلوه طريقتك.... وأنا أحب العطور وأحب أحط كذا عطر على بعض بس للأسف زوجي شمالي يعني عادي مايحب العطور كثير بس أنا ماعلي منه أتعطر في كل الاوقاتفي البيت بس لمن أخرج برا لا مااتعطر ....

مافي انسان مايحب العطور ...زوجك يمكن مايحب العطور اللي انتي تستخدمينها ..اكيد له ذوق معين بالعطور اما انج تتسوقين معاه بالعطور وشمميه العطور ..او لمه انتي تتسوقين قولي للمرة اللي تشتغل اترشلج مجموعه عطور منها عطر (اوبيوم و عطر سامسارا وعطر فلاور بامب وعطر فيفث افينيو خلطي بالعطور بارد على سويت على حار خل اترشهم لج على ورق وتكتب اساميهم وشمميه بالبيت ) او اطلبي منه ان يشتريلج عطور على ذوقه ..راح يختارلج صدقيني واهني بتعرفين ذوقه

 

[caramelaa]

الصراحه مش فهمه ولا كلمه يعنى ايه شمالى وجنوووبى

سوي بحث في المنتدى على موضوع بوصلة الشخصيه وبتعرفين ان شاء الله

 

[caramelaa]

زوجي كا جنوبي لا حظت يميل للعطور البارده وعطور السويت ...بس انا ماحب السويت ولا تعجبني ..فاشسوي اتجه لعطورات الفواكه والروايح ..مثل الفانيلا او الكاكو او البطيخ او الخوخ ...اختار فواكه يحبها وارشها ...اخر فترة ريحة الخوخ اهي الغالبه على مودي واول ماشمها ماعجبته وهي بالعلبه .. بس لمه رشيتها على جسمي وصارت عالقه بهدومي يقولي عجيبه ريحتها صج حلوه ويشمها كل شوي علي

 

[نونا نور عيوني]

جزاك الله خير

 

[رشيقه وانيقه]

أنا جنوبيه شرقيه واحب العطور ولي ذكرى مع عطر هوت جفنشي اللي اهداني اياه طليقي ايام الملكه قسم بالله كل ماشفته ولاشميته أذكر ايام الملكه...مشكوره اختي والله يعطيك العافيه ونحن بانتظارك...

 

[هالةالقمر]

موضوع رائع
انا زوجى يحب العطور الهاديه كمان دهن العود والمسك
بس حبيت اسالك العطور اللى بالفواكه خصوصا الخوخ
اجيبهم منين واسمهم ايه
جزاك الله خير

 

[ضمني بعيونك]

اممم انا الصراحه ماعرف انا شو وهو شو""

يعني ماعرف اذا شماليه او جنوبيه
وهو شو
ولما ناخذ لنا عطوووور
طببعا ما يعجبه اللي انا يعجني
نحنا عكس بعض في كل شي
فالاكل فالعطور فكل شيييي
هو يحب العطور العربييه
وانا ما احبها ابدااا
احب العطور الفرنسيه
مثلا احب اسكادا اللي على شكل تفاحه
اموووت عليه
واحب بربري المخمل
بس بالصدفه مرة خذت ليليييك البنفسجي استغربت انه عجبه

فماا عرف شو اسوي
والله محتااارة
ساعدووني

 

[قصة أنثى]

شكرا لإهتمامك بأسئلتنا أختي

متابع لموضوعك الشيق

قصة أنثى​

 

[توما]

والله ياريت هالجنوبي مثل الي قالت زوجها دايم ريحته عطر وحتى في البيت
عطورات برائحة الفاكهه من وين احصلها او شنو اسمهم؟؟؟؟

 

[caramelaa]

نونا نور عيوني حياج الله
أنيقه ورشيقه عسى الله يرزقج باللي احسن منه يا رب قولي امين

 

[caramelaa]

موضوع رائع
انا زوجى يحب العطور الهاديه كمان دهن العود والمسك
بس حبيت اسالك العطور اللى بالفواكه خصوصا الخوخ
اجيبهم منين واسمهم ايه
جزاك الله خير

عندج بودي شوب اكيد في منطقتكم او دبنهامز
احنا بالكويت عندنا زهور الريف عندنا بودي شوب وعندنا محل اسمه ريتشويلز عندج بعد ماركس اند سبنسر ووايد امكان