طريقة اختي مع بنتها هل هي صائبه

[السحابه الثلجيه]

السلام عليكم
اختي عندها بنت واحيانا ماتبغى تساعد امها او كسوله شيئا ما
واختي تبغاها تتعلم والحين البنت عمرهاست سنين
المهم اختي اخترعت طريقه عشان تحمسها
انو في وحده تكلمها وتقول انا احب ساره وسلميلي على ساره
الين مالبنت صدقت وتكلمها امها من جوال ثاني على انها هي الوحده
وسمتها دلال وساره عايشه جووانا احب دلال ومتى تجي دلال وصارت تطاوع امها
وامها تاخدلها الهدايا وتقول هادي ساره ارسلتها
هل الطريقه هاي نفسيا زينه ولا بتنصدم بعدين​

 

[السحابه الثلجيه]

مافهمت كلمتك ياحياتي بناتي
وين الحكيمات

 

[بنت ابن تيميه]

والله ماادري
بس اتوقع انها بتنصدم بعدين وحبل الكذب قصير ، ليش ماتكون صريحه وتغير من تعامل بنتها وتعزز فيها الاشياء الايجابيه ولاتذكر السلبيه ابد، وتمدحها قدام اخواتهاوابوها

 

[omraid]

لا اكيد بتنصدم وبتتعلم الكذب خلي اختك تقلها ان دلال ساافرت وخلاص ماعاد بترجع ولاعاد تكلمها على انها دلال وبكذا بتنساها انا بنتي عمرها اربع سنوات وكانت ماتسوي شي يمكن تستغربين انها صغيره وابغاها تساعدني لكن المشكله مرات ترمي بالارض ولو شافت شي صغير ماتشيله من الارض وهذا الشي يضايقني مع انه عندي شغاله بس مااحب انه يكون كل شي على الشغاله وتتكل عليها لا الغلط غلط ولازم ترفعه من الارض ماابغاها مايكون لها دور في البيت اجلس اقلها انتي شطوره تعرفي تنظفي احسن مني يللا سوي كذا عشان انا احب شغلك واصارت لو اخذت الشغاله اجازه تقلي ماما شغليلي المكنسه عشان اكنس واشغلها مع اني ضروري اكنس بعدها لكن مااحطمها ولو اخوها الصغير خرب المجلس ترتبه وانا اجلس امدحها واقلها انتي الكبيره حقتنا لازم تنظفي بعد اخوكي لانه صغير مايفهم مع ضمه وبوسه تفرح وتستمر اتمنى اكون افدتك