طريقة إغلاق ملفات الوورد برقم سري ..

[والله أحتاجك أنا]

السلام عليكم ورحمة الله وبركاته ..

اشحالكم يابنوتات ياحلوات ..

الشي الوحيد اللي أعرفه في الكمبيوتر هو تصفح النت ..

وإغلاق ملفات الوورد برقم سري ..يخفي محتوياته ويحفظه من التعديل والخربطه فيه ..

وعشان مااطول عليكم بخبركم الطريقه طبعاً للي مايعرفونها أما ذوات الخبره فلا يدشون هني اخاف يضحكون علي ويقولون مصدقه عمرها ..

المهم :

1- تفتحين الوورد

2- تخزنين فيه اللي تبينه

3- تروحين للقائمه اللي فوق وتختارين أدوات

4- ومن أدوات تختارين خيارات

5- ومن خيارات (( الأمان ))

6- وهناك بتلاقين مربيعين واحد مكتوب فيه (( كلمة المرور للفتح ))
والثاني (( كلمة المرور للتعديل ))

7- تحطين في كل واحد منهم الرقم اللي تبينه وتضغطين موافق

8- بتطلع لج المربعين مره ثانيه حطي في كل واحد منهم نفس الرقم اللي
حطيتيه وموافق ..

9- تم بحمد الله ..

10- إذا عجبتكم ادعوا لي دعوات حلوه على ذوقكم ..

 

[أم الشيمـــــاء]

رائع حبيبتي ... لكن يجب أن يكون العنوان عادي ... حتى لا يثير الاهتمام ..

 

[رسيل1973]

اتبعت الخطوات وجدت كلمه امان بس ماطلع مربعين ممكن المساعده

 

[شـغـف]

مشكورة الغالية...

جزاك الله خيرا..

 

[رسيل1973]

انتظر الرد

 

[CanDle-Kuw]

هلا وغلا غاليتي ..//.. موضوع راائع وطريقه اسهل بارك الله فيج ..//.. الله لا يحرمنا من مواضيعج الطيبه ومشاركاتج الرائعه..//..

 

[والله أحتاجك أنا]

هلا رسيل اعتذر وايد عالتأخير ..

انتي ضغطتي على كلمة الأمان أو لا ..؟

ترى لازم تضغطين عليها وعقب بتفتح لج نافذه جديده بداخلها المربعات ..

لانه بما ان خيار الأمان موجود إذن المربعات بداخله اكيد ويكونون على الجهه اليمين من النافذه المفتوحه ..

وإذا كان كمبيوترج بالإنجليزي فاانشاالله حد من الأخوات اللي يعرفون تدخل وتفيدج ..

 

[والله أحتاجك أنا]

نسيت اقولكم تسلمون عالمرور ام شيماء وكاندل ..

انشغلت برسيل اعذروني .. وصدقتي ام شيماء اهم شي العنوان

وهاي أمثله لبعض العناوين :


(( البرياني على أصوله ))




(( ورق عنب عالطريقه اللبنانيه ))



(( أحدث خلطه لتفتيح البشره ))


وهلم جره ..

 

[رسيل1973]

يسلموووووووووووو اختي الحين عرفت ونجحت

 

[سنفوره]

ثانكس ثانكس طريقة رائعة:flex: :flex: :flex:​

 

[درة الإستبرق]

والله أحتاجك جزاك الله خير

بس ماعلمتيني إذا بغيت أحذف الرقم السري وش العمل؟؟؟؟؟؟؟؟؟؟؟؟؟؟؟؟؟

 

[طيري الأخضر]

فعلا طريقة فعالة جداً

لسرية المعلومات

خاصة الطبخ ههههههههه