معلومات مهاانور
- إنضم
- 29 أبريل 2020
- المشاركات
- 299
- مستوى التفاعل
- 391
- النقاط
- 63
طرق للتعامل مع الشمالي الشرقي في المرض
السلام عليكم اخواتي بصراحة انا عندي مشكلتين وعايزة افضفض معاكم وان شاء الله بلقي الحل المناسب طبعا قبل فترة قلت ليكم زوجي مريض سرطان دم مرض خطير عافاه الله قبل شهر رجع من الخارج ورحلنا بيتنا الجديد وياريتنا مارحلنا في البيت القديم صحيح كانت غرفة واحدة انا وعيالي بس نسبيا كده كنا مرتاحين ومتونسين اما في البيت الجديد ماشفت طعم الراحة الحمد لله مشكلتي الأساسية زوجي رافض رفض قاطع ادخل البيت ومن غير سبب مقنع بقول لي انا عايز مكان مفتوح ما عايز الغرف المقلقة قلت خلاص اسيبو براحتو احسن البضايق انو في بيت العيلة تحت بدخل الغرف المقلقة بجلس اليوم كلو تحت من الساعة ٦ صباحا الي الساعة السابعة مساء بطلع سطح البيت ينام هناك المشكلة بيتنا في النص اجي بالبيت ومايدخل يطلع السطح اوصل ليكم مشكلتي كيف ياربي طيب من الساعة الصباح انا انزل ارسل ليهو الفرشة والمعجون واجهز ليهو للصلاة وعصير وارجع السطح ارتب الفرش ومكان النوم وانزل بيتي تاني اجهز الافطار للعيال اتذكر ارجع اديهو العلاج وارجع بيتي عشان انظفو والغسيل وهو كمان ماعايزني ابعد منو ولو اتأخرت ساعة ازعل واقول لي انتي بقيتي قاسية علي عيالي في البيت فوق محتاجني وعندي مسؤليات كتيرة وطبخ وهو يحلف مايطلع عندي فوق لو قلت ليهو يلا نروح بيتنا اقول لي مابقدر اطلع والمساء اطلع للدور الثالث وهو مازعلان مني والله بس ماعارفة ليش كاره البيت والله احترت انا تعبت خلاص طول اليوم والله من الصباح للمساء انا طالعة نازلة الدرج والله رجولي ظهرت فيهم كدمات سود من الألم وبنتي صغيرة طالعة نازلة معاي ماعندي وقت ماعارفة الحق علي شنو ولا شنو مابعرف وجهي والله مابغسلو بصابون بس ماءالوضوء والقرآن هاجره من جيت البيت مره واحدة بس فتحت المصحف مامرتاحه لا نفسيا ولا جسديا البيت واسع بس مافي راحة الحمد لله انا بقول ماازعلوبس تعبت خلاص ساعدوني كيف اتصرف معاه واخلي يطلع عندي والله انا بس البخدمو من اكل لي شراب لي علاج ومابرتاح الا وانا معاه طول اليوم انا طالعة نازلة بس باليل بنوم مع عيالي انا متضايقة من الوضع هو في مكان وانا في مكان
اسم الموضوع : طرق للتعامل مع الشمالي الشرقي في المرض
|
المصدر : الزوج والزواج