طحت من عيني = يا نبت الناس جرحتي كرامتي

م

مارون جلاسي

New member
إنضم
2011/01/26
المشاركات
33
السلام عليكم حبوبات..

ابغى استشيركم بشغله وبالله تساعدوني..


انا متزوجه صارلي سنه تقريبا
صارلي انا وزوجي اكثر من موقف ومشكله هي هالكم يوم كنا طالعين لغدا ما اهلي واتهاوشنا وصرخ عليه وسكت ولا تكلمت وطبعا تنكدت وجا صالحني لانه عارف انه غلطان وتعاتبنا وتصالحنا..

والان هذا اول رمضان يمر علينا.. اصر زوجي انو اول يوم نقضيه سوا ونفطر مع بعض وافقت ومشي الحال..
انا زوجي انسان حنون بس عصبي المهم..
بحكم اني اشتغل ما ارجع البيت الا الساعه 4 العصر رجعت ودخلت المطبخ على طول وبديت اجهز الفطور جهزت الفطره (التمر و الرطب وكاسات اللبن) على الصينيه وخليتهم بالمطبخ ورحت ركض اتحمم من ريحة القلي والطبخ قبل ما ياذن..
طول هالوقت وزوجي بالصاله يقراء قران ويسمع الاذاعه..

المهم وانا اتحمم راح علي الوقت واذن اول ما سمعته ياذن طلعت بسرعه الا القاه ماخذ الصينيه وطالع من المطبخ دخلت بسرعه جبت اللبن وحطيته ورجعت الغرفه علشان البس بسرعه واطلع افطر معاه..

راح الصلاه ورجع (انا متعوده ببيت اهلي الفطور بعد الصلاه يكون الشوربه والسمبوسه والسلطه وبعدين ناكل الوجبه الرئيسيه) لما رجع قلت له اللحين ناكل سمبوسه وشوربه وبعدين بعد التارويح نتعشى.. قالي لا اللحين كل شي وعطاني ظهره ومشي >>> بما اني كنت حاطه في بالي انو العشاء بعد التراويح فما كنت غاسله الرز رجعت شلت الاشياء اللي على السفره وبسرعه اغسل الرز..

جا المطبخ وين الفطور قلت له بس 10 دقايق ويكون جاهز (ما عداها ابدا) قالي ابغى كل شي اللحين ما بستنى قلت له بس الرز يخلص قالي لا اللحين قلته خلينا نصوم وتعوذ من ابليس قالي ما ابغى اصوم بالاخر رحت وحطيت السمبوسه الا يلحقني ويقولي انتي ايش فيك وانا اجاوبه وهو اللي يسحبني ويسكر الباب بقوه..

جلسنا الا يقولي انتي ايش فيك قلته ما فيني شي بجهز الاكل قالي الفطره وخليتيني افطر لحالي واللحين الاكل مو جاهز قلت له الفطره كانت جاهزه وراح على الوقت بالحمام (دخلت اتحمم يا فلان علشان ما اقابلك بريحتي) وقام يتكلم وانا ارد عليه شوي قام يصرخ بصوته كله ويقولي اسكتي ولما اتكلم تسكتين >>> كان ساكت

شوي الا ياخذ الاكل والصحون كلها ويرميها بالارض وكسرهم وطلع..
ما رجع الا للسحور وخليته يتسحر لحاله..

اللي صار بعد كذا امس كلمني وقالي بنطلع نفطر برا قلت له طيب بس من ورا قلبي (بيني وبينكم ما كنت طايقه اطالعه) رجعت البيت جهزت حق السحور وطلعنا.. كان يحاول يتكلم معايه بس انا صاده كان يقولي هالامور تحصل وعادي وانا صاده ضل يسالني بنضل ساكتين كذا على طول وانا صاده قالي نتناقش بعد الفطور ما رديت عليه..

فطرنا وخلصنا وبدا النقاش..
احنا الرجال مو مثلكم وليش لما انتي مو عارفه انا ايش نظامي ما سالتيني.. قلت له انا متعوده كذا وانت ليش ما قلتلي انو انت تبغى كل شي بوقت واحد وانت كنت تقدر تخلي هالموضوع يعدي بتصرف واحد بس انك تقبل وتاكل وبعدين تقولي يا بنت الناس انا نظامي كذا..

قالي انتي عودتيني على مستوى وعودتيني على احترامك ليه وما بتنازل ابدا عن هالمستوى ..
قلت له تعرف على قد ما كنت انا متصورتك على انك العاقل المتعلم الراقي اللي لما انا يصير مني خطاء تجي وتصلحه على قد ما ان هذا كله راح قالي يعني طحت من عينك قلت له ايوه.. وتعرف على قد ما كنت ابغى احمل واجيب منك عيال الا اني الان ما ابغى..

رد عليه قالي يا بنت الناس الله هوه اللي يكتب النصيب بين الزوج و زوجته قومي مشينا..

رجعنا البيت وجاني يقولي جرحتيني قلت له ادري وحظنته يا بنات عيونه حمرا وانا ما كنت عارفه قد ايش هالكلمه تاثر فيه.. مشى عني..

خليته شوي ورحت عنده قالي يا بنت الناس انتي اهلك ناس طيبين وهمه اللي بيني وبينك :.(
قلت له كيف يعني الم ملابسي واطلع طالع فيني قالي انتي مش عارفه انتي ايش قلتي كله الا كرامتي انا ما اعيش مع وحده انا طايح من عينها وما تغبى مني عيال..

وانا ساكته وهو يتعوذ من ابليس قلت له انت بس لانك جوعان سويت هذا كله اجل بكره لما تجينا مشكله كبيره ايش بتسوي بتكسر البيت وبتطلع قالي انا ما قلت لك انتي طحتي من عيني ولا مره قلت له بس انت مو مقدر اللي انا اسويه علشانك تعبي كله بالنسبه لك ولا شي انا اجي من الشغل ركض علشان ما اتاخر عليك وبالاخير ترمي كل شي بوجهي انت ما قلتها بس انت فعلتها..

المهم بالاخير تصالحنا وهوه مشى الموضوع وانا اعتذرت منه بس يا بنات انا احس انو مو هوه ولما سالته قالي يبغالي وقت..

انا ندمانه على كلمتي ايوه وضحت له ندمي ايوه بس ما اعرف كيف ارجع زوجي لي مثل الاول..

ساعدوني انا ما ابغى اتطلق ولا ابغى ابعد عنه وطول هالمده ما اعامله الا باحترام وموده وحب.. الا هاليومين..

هاذي مشكلتي اتمنى انكم تعطوني حلول علشان ارجع زوجي مثل الاول واخليه يحس اني محترمته ومحترمه كرامته.. وارجع احسسه انه رجال يستحق العيش معاه..

زوجي شمالي غربي.. وانا جنوبيه غربيه..
 
عزيزتي رمضان كريم وينعاد عليكم بالسلامه شوفي عيوني بماان زوجك شمالي فهذا طبعه لمن يزعل لو ياخذ بخاطره منج بمرور الوقت راح ينسى فاانتي اصبري شويه واستمري معه بالمعامله الطيبه وانتي ماطول اعتذرتي سوف ياخذها بعين الاعتبار
 
يالله حبيبتي ازمه وتعدي .... ثاني مره حضري اكله بعدين روحي خذي شور ترى الجوع ذباح
وترى الحياه الزوجيه في البدايه ماتخلوا من المشاكل بعدين تعرفين طبعه وتمشين حياتك براحتك
بالتوفيق غاليتي
 
انا شماليه وماحب احد يزن على راسي اذا زعلت بكيقي ارضى

لا تخافين انتي بس خليك مدلعته زياده و لا تفاتحينه بالموضوع نهائي
 
اسمحيلي حبيبتي زوتييييها كثيير الله يهديك

ايش طلاق والم اغراضي ومابي عيال!!!!ترا السالفه كلها سوء فهم منك ومنه وكل واحدمتعود على نظام

زوجك ماشاء الله ذهبه وانتبهي تخسرينه هو كان يبيك تفطري معاه هذا من حبه لك الله يخليكم لبعض

وتقولين له طحت من عيني >>>>>هذي تاثر فالرجاااال كثير لمن يحس انو مو مصدر اعجاب لمرته

واليوم الثاني ماشاء الله اخذك يفطركبرع عشان ترضين وانتي تفرين عليه حمم بركانيه!!!!!!!

لاتمين تتاسفين اعملي له ليله حلوه قولي لهانا فريت كلام اكبر مني وابغى السماح منك وانت بضل كبييييير بعيني

يالغلا مو كل شي تقولين بلم اغراضي ترى بيجي ي م بيقولك باااااي

وانا حايه فيك اول ثلاث سنين زواج صدقيني مجرد تعارف كل واحد يتعرف على طباع الثاني ويتاقلممعاااه

هدو شوي وحلوها بهدوء ووزني كلامك نحن لمن نعصب نقط خيط وخيط

الله يسخركم لبعض ويهدينا اجمعين
 
الشمالي الشرقي والزعل
أختي ماشاء الله عليكم والله يخليكم لبعض
الي حصل يمكن يكون جديد عليكم بس هذي الحياة الزوجية لابد فيها صعوبات
بس انتبهي للخطوط الحمراء عند الرجل لاتتكلمي ساعة غضبه ولاتبيني له ساعة غضبك مشاعرك السيئة ناحيته
بس بعد اي مشكلة لازم علاج واحيانا فترة نقاهه انت اقعدي معه وقولي له الانسان يخطئ انت اخطيت وانا اخطيت بحقك ومتندمة على الكلام الي قلته وانا سعيدة برتباطي بك بس لحظة زعل ماقصدت الي قلته وانا عذرتك ورجعتك لمنزلتك الاولى وانت لازم تعذرني ونرجع زي أول
اذا ماتعاملنا زين من أول مشكلة راح تتراكم المشاكل في صدورنا ونجي يوم نعجز نشيلها وتفشل حياتنا
 
تدرين انتي مثلي وزوجك مثل زوجي، أعتقد انك انتي الشمالية وهو الجنوبي.. لانه حنون ويبي يقضي معاك وقت.. وانتي تهتمي باتقان الشيء مو بالمتعة عشان كذا يمكن تكوني شمالية.

وعصبيته يمكن عنده قولون أو شي فما يحتمل الجوع بس مو لانه شمالي.. وحساس لانه جنوبي والجنوبي هو اللي يبكي..


على اي حال يا ما صارت لي.. ويا ما جرحته..

نصيحة لك حبيبتي تقتنعي بزوجك وأبداً أبداً ما ترفضيه لو سوا اللي يسوي.. يعني أوكي زعلتي هو طلعك عشان يراضيك ولما يقولك انها تحصل مع كل الناس هذا اعتذاره.. ما يبي يقول آسف لانها تجرح كرامته.. كل الرجاجيل ما يعتذرون بس يسوون أشياء تدل على الاعتذار..

بس مو ترفضيه من موقف عادي.. ولا ترفضي تجيبي منه العيال..

ما اعرف كيف تصلحي الموضوع بس أقولك انه راح يتكرر ألا اذا اصلحتي نفسك من الداخل، بانك تقتنعي بزوجك.. وتحطيه على راسك من فوق وما تجحديه وتكرهي العيشة معاه من موقف واحد ولا حتى عشرة..


انا اقول لك لاني سويت بالضبط مثل ما سويتي وجات على راسي.. لحد ما اقتنعت من الداخل وبديت اتقبل زوجي..

شوفي ايش الشي اللي يخليك منتي مقتنعة فيه وتقبليه.. سواءاً عصبيته او غيرها..

واتمنى لك السعادة من كل قلبي..
 
راح ينسى ان شاء الله
وخصوصا بعد ما يصير حمل باذن الله راح يرجع لج يحبج واكثر
الله يسخره لج يارب
 
عندي ملاحظة هي انه اعتقد ان الرفض ما يخلي الرجل الجنوبي يصلح من نفسه بالعكس..

يعني انتي قلتي له انك ما راح تجيبي منه عيال لانه عصبي.. وفي اعتقادك انه راح يخفف من عصبيته عشان ترغبي في الانجاب منه..

اما الرجل الجنوبي ويمكن الشمالي برضه ما ادري.. لما ترفضيه لانه عصبي يحط في باله انه عصبي وخلاص هو كذا وما راح يتغير.. اما انك تتقبليه كما هو او تفارقيه..

الحل انك تتقبليه وتحبيه مثل ما هو وثقي انه راح يتغير ويكفيه منك نظرة حزن لما يعصب عليك، تخليه عازم على التغيير.. لكن لا تبوزي ولا تطولي الزعل.. هذي نصيحتي لك..

يمكن الحل العاجل لمشكلتك انك تقومي الحين تبوسيه على خده وتقولي له انت حبيبي للابد وما اريد غيرك. وابي اجيب عيال منك هذا شي اكيد انا كنت زعلانة بس وارمي بالكلام.. ما اعنيه..

اكتبي له رسالة.. ونزلي من عينك دمعتين..

الله يوفقك ويسهل امرك..
 
مو معقول يكون شمالي
زوجي الشمالي لو قلت له ما قلت ما يتعامل بالحنيه ه ه
احمدي ربك وروحي احضني زوجك وقولي له سامحني بس انته زعلتني
عاد لو تشوفي البلوه اللي عندي
يضرب ويكسر الدنيا ويخلي امه وحتي الشغالات يهونوني وفوق هذا هو الزعلان وهو الملاك وهو اللي ما يعرف الغلط وهو اللي خاب ظنه
وياريتني غلطه غلطه بجد

يابنتي انا من اول يوم من رمضان ما اكل ولا اشرب واعرف كيف الله مصبرني
مخيلني هناك ولا فكر حتي يجيب لي لقمه

وكلمته وقلت له وقت السحور فيقني سكت
وما فيقني

يعني الي اليوم هذا ما دخل فمي غير الماء لو ياخد ربنا امانته احسن والله

احمدي ربك علي زوجك الحنون حتي لو كان عصبي الي السماء وبساعته يرجع وحنون والله احطه فوق رمش عيوني
 
البنات ماقصروا..

وخلي السفره جاهزه بالكامل قبل الاذان
يفطر ويصلي ويرجع يكمل..
والله يهنيكم ويبعد الزعل
 
هدا رمضان دخل علينا

و قيدت الشياطين

صارو رجالنا مو عارفين ايش يسوو . مافي موجه هههههههه

بس يكسرو و يخبطو

الله يهديهم لنا و يسخرهم يااارب
 
الله يكون في عونك وعوننا مساكين احنا اسأليه شنو برنمجك اليومي ترى الرجال مو زي بعض لا تقولين مو زي اهلى
 
لاتكثرين تاسف عامليه معامله راقيه (من خلالها يفهم) انك مستحيل تتخلين عنه خليك واثقه ومتأنيه في كلامك
يمكن انتي مثلي لما تعصبين اوتثارين بتصرف يجرح كرامتك ترمين باطرف كلمه على لسانك وتعتقدين ان هذا يرد لك كرامتك
وفقك الله واعانك وسخرك لزوجك وسخر زوجك لك آآآآمين
 
يالله حبيبتي الله يعينج ويهدي ريلج
ازمه زان شاءالله تعدي
 
ماشالله عليك والله وتزعلين تبين الرجال يناظرك لين تجبين له فطوره باتقسيط واستنى واستنى وا الفطور كله ركض تدرين متوفعه ردت فعله هذا اقل شي واتبنه يمشي على نظام اهلك والله كثر خيره يعزمك على السحورالرجال مايجامل في الجوع صدقيني انا امراءه ماتحمل حوستك وكركبتك رايحه جايه رتب امورك والمفروض سالتيه وش الي يريحك في رمضان الله يوفقك ويرزقك السكينه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل