طبق حلو من فلسطين..صينية الحلبة وصينية القزحة..يممميي

[طير مهاجر]

مرحبا يا بنات هاي أول مرة بكتب معكم بالقسم​

حبيت اعلمكم طريقة كتير سهلة وبتشهي لصينية القزحة والحلبة رح تدعولي أكيد :essen:
موضووع مش منقول انا كتبته ونسقته ​

أول شي بدنا نعرف فوايد القزحة =حبة البركة باختصار شديد

قول الحبيب عليه الصلاة والسلام: "عليكم بهذه الحبة السوداء ، فإن فيها شفاء من كل داء إلا السم " والسام هو الموت..


طريقة العمل..

الطريقة الي مجربتها بطحينية القزحة وبتكون سائلة متل طحينية السمسم

- 2 كوب سميد
-1 كوب طحين
-ما في داعي لاضافة الزيت فالقزحة فيها زيت كتير يمكن اضافته نص كوب
-رشة سكر :حسب الرغبة
-ملعقة بيج باودر وملعقة خميرة
في ناس بتحب تضيف الجوز على العجينة وكل حسب الاختيار
ونضيف القزحة لتاخدي اللون الي بدك ياه بكفي 3ملاعق كبار تعجن بالماء حتى تصير متماسكة وتفرد بالصينية انا افضل وضع طحينية بقاع الصينية
طبعا نقطعها قبل ما ندخلها الفرن بأشكال سداسية وتزين باللوز او الصنوبر

تترك لتخمر وتعجن بفرن درجة حرارة 160 لمدة ثلث ساعة ويحمر الوجة

----------------------


فوائد الحلبة:

عرف العرب الحلبة منذ القدم وقد جاء في ( قاموس الغذاء والتداوي بالنبات ) أن الأطباء العرب كانوا ينصحون بطبخ الحلبة بالماء لتليـيـن الحلق والصدر والبطن ولتسكين السعال وعسر النفس والربو كما تفيد للأمعاء والبواسير ...... وكذلك إذا طبخت وغسل بها الشعر جعلته مجعدا وجميلا , ونظرا لفوائدها العديدة فقد قال فيها الأطباء ( لو علم الناس منافعها لاشتروها بوزنها ذهبا ) !!

وصينية الحلبة نفس العجينة
- 2 كوب سميد
-1 كوب طحين
وهنا نضيف نص كوب زيت نباتي
-رشة سكر :حسب الرغبة
-ملعقة بيج باودر وملعقة خميرة

ننقع الحلبة ثم نغليها حتى تستوي وانا افضل اطحن شوية حلبة واضيفها على العجينة وفي ناس بتحب تحط قزحة ورشة سمسم كمان بطلع زاكي

ونخبزها بنفس الطريقة

طبها لازم يكون القطر جاهز وبارد ليصب عليها قبل ما تبرد الصينية

في قاعدة :بارد حار

يعني اما القطر سخن والصينية باردة او العكس

 

[أم ايلانه]

مشكووووووووره

 

[غلا روحي99]