هذا رأيي
بلقيسية مميزة وعمدة استفسارات الأنماط
- إنضم
- 2009/06/14
- المشاركات
- 2,694
السلام عليكم ورحمة الله وبركاته
شوي شوي لاتطيحون بسم الله عليكم.....:33:
أخواتي الغاليات الحوامل والوالدات والبقيه...أدام الله علينا وعليكم الصحة والعافيه..
أكيد كلكم داخلين ومدرعمين وتمشون مليون بتعرفون وشي وصفة الكرش ..اللي مضايقتكم..
ووالله إنكم ماتنلامون..الكرش وما أدراك مالكرش.!!!!
وخصوصاً للي مسوين عمليات مثلي ..,,:8:
بس ماعليكم بعد هالوصفه ماراح تشكون من الكرش وراح تودعونها للأبد..إن شاء الله تعالى..
ولاتخافون الوصفه السحريه تكفيكم كلكم..ولايهمكم.. :9:
والصراحه ماقد دخلت لهذا المكان إلاتصفح, لكن قريت لوحده تسأل عن علاج البطن بعد الولاده ..وبغيت أجاوبها..
بس فكرت ليه ما أنزل موضوع كامل الكل يقراه ويستفيد ويدعي لي أفضل من رد على وحده فيه اللي يقراه وفيه اللي مايقراه..
والوصفه هذي ياغاليات نتائجها راااااااائعه ومضمونه بإذن الله ومجربه شخصياً..
وأبشركم إن مقاديرها بسيطه جداً وطعمها مقبول جداً جداً..
لكن نتائجها فتاااااكه وراااااااائعه بشهادة الكل..<<مو كأني طولتها؟؟
الوصفه ياغاليات هي :ملعقه كبيره رمان مطحون..وعلبة زبادي..بس
شفتوا وشلون سهله؟؟؟
تخلطين ملعقة الرمان مع علبة زبادي وتاكلينها..كل يوم لمدة ثلاثة أشهر..تقريبا..أو لحد ماتشوفين نتيجه ترضيك..
وأنا أصلاً أخذت هالوصفه أساساً علاج للقولون لأني كنت تعباااااااانه منه
لأن الرمان عزيزاتي مفيد جدا للبطن والأمعاء..وابن القيم يسميه دباغ المعده..
فبديت آكله طلباً للشفاء لكني تفاجأت إن بطني صغر.!!!!!
وكان كبير لأني والده بعمليه ...فاستمريت عليه والحمدلله النتيجه مرضيه,,
طبعا بالإضافه إلى تمارين المشي يوميا أو يوم ورى يوم ربع ساعه
ومحاولة شد البطن للداخل<<وصفة أمي الله يجزاها الجنه..
سويها وأنت جالسه قايمه تشتغلين ,,بكل وضع..
بالأول بتصير صعبه عليك وياما بتنسين بس بعدين بتصير عاده لك وإسألوا مجرب...
حتى قامتك بتكون مشدوده وظهرك واقف وشكلك رزه وملابسك بتزهاك..
وترى هذي الجلسه الصحيحه اللي بتكفيك آلام الظهر مستقبلا..
ولو مثلا بتشربين كوب زنجيبل ونعناع وشاهي أخضر ترى مو شينه..
كل هذي الوصفات تؤدي لنتيجه واحده نتمناها وهي إزالة الكرش..
بس والله إني كنت أسوي كل هالأشياء بس من غير وصفة الرمان ومانفع..
ولما إستخدمت الوصفه مع التمارين كانت النتيجه سريعه وباهره..
ماشاء الله لاقوة إلا بالله........
فالرمان يزيل البطن,, والتمارين تعطيك شد للعضلات فلا يكون هناك ترهل ..
أتمنى إني أفدتكم..يعلم ربي إنه عندي مسؤوليات وهم مايتلم بس حبيت أنفعكم بشي جربته..
ياليت ماتحرموني طيب دعواتكم من قلوبكم النقيه في ساعة إجابه بظهر الغيب...
يااااليت.......
ألف تحيه وألف سلام ....وعسى ماثقلت عليكم بخرطي ؟؟
السموحه من الكل........ودي ومودتي..:32:
