طالبتكم طالبه ولاتحرموني من نصايحكم ؟؟؟؟

[ام تركي]

السلام عليكم

اشحالك خواتي

انا بقولكم عن قصتي الي صدق محتاره فيها وقلت محد بيفدني غير خواتي
وصدق محتاجه لكم في هالقصه لاني ضايعه ومو عارفه شو اسوي


القصه ومافيها

انا عندي اخو وهذا اعز اخواني وانا اكتشفت انه اخوي يمارس الواط اعزكم الله واتاكد بمساجاته

واتاكد بطريقه ثانيه يعني اكييييييييييييييييييييييييييييييييييييد وكل ماكلمه عن الزواج والبنات يقولي انا

ماحب الا ربعي وبس ومايداني البنات وشفت مسجاته وكان كله متى نرقد , ومتى اشوفك. ولا واحد

يقوله ماقدر اكلمك لانه حاط سلكون.. واحد بيله خاصه من الكويت عشان هذا الشي

آآآآآآآآآآآآآآآآآآآآآآآه آآآآآآآآآآآآآآآآآآه الله يستر من هالعالم .. والله قلبي يتقطع يوم شفت جذي تيخلو

مكاني اخوي واعز انسان لي جذي ( الله يبعد عنكم ) وانا ماقدر اقول للوالد اخاف يصير فيه شي

وهو واااايد عصبي .. وامي ابيعيده وهم منفصلين امي بعيد قصدي هي في منطقه ثانيه .. وماعرف

شو اسوي ... ماعرف اقول او اكلم منو اخواني ولا ابوي ولا امي كلهم صعبه صعبه اني اقول

لهم ....... واخوي اصغير في اول العشرينات .... حرااااااااااااااااام يضيع عمره

 

[البتول]

الله يعينش ويفرج عنكم آمين
بس ممكن انش تحاولين تجمعين له موااضيع عن اللواط وحرمته وامرااضه وترسلينه لايميله من دون ما يعرف انش انتي ، هو اكيد انه يعرف ان هذا حرام بس دايما الانسان يبى من يذكره
الله يفرج عليكم كربتكم آآآآآآآآآآآآآآآآآآآآآآآآآآآآآآمين
وان شاء الله البنات ما راح يقصرو

 

[خيالة الشرق]

الله يعينك اولا ادعي له بالهدايه
ثانيا اطلبي من الله انه يعينك على هدايته
ثالثا حاولي مثلا انك تنصحينه بدون ما تحسسينه انه هو المقصود مثلا تقرين عندة خبر عن خطف الاطفال الذكور وما فعل بهم ثم تتذمرين وتتعوذين من هاؤلاء اللوطين وتقولين ما يخافون الله ما يخافون من الامراض وتدعين عليهم ان كان في علم الغيب انهم لايهتدون ان الله يريح الناس من شرهم وكل ها الكلام قدامه على اساس انه موضوع للنقاش عسى الله يهديه

 

[**حنين الوجدان*]

أختي إذا كان أخوك قريب منك يعني متفهم

لازم تواجهينه بنصيحه هادئة تعبرين له فيها عن حبك

ومدى خوفك عليه

ولو كان في شخص من العائلة حكيم ويتفهم الأمور ممكن يساعدك في حل المشكل

بس تكونين متأكدة إنه يعالج معاك الوضع بحكمه ولين

ادعيله في الثلث الآخير من الليل

محبتك:icon26:​

 

[غدير الحب]

الله يهديه

ويسراموركم

عزيزتي الافكارالي انقالت مناسبةجدا

لانج لوقلتي بصراحة راح ينصدم بس لوتتدرجين وتقولينله مثلا

ربيعتي اكتشفت انه زوجها يلاوط وهذاحرام

مثلا يعني اختلي قصة وكمليها وابدئي بذكرالاخرة
وبالمنطق ترمسينه انه كيف شاب يسوي بعمره جذا

وعقب كملي وقولي وهذا متزوج وجي عيل الغيرمتزوجين كيف انا مااتصورحد اعرفه ويسوي جي بطيح من عيني وبنجرح وفوق هذا الله غاضب عليه
وحاولي بين هالرمسةع اخرها يعني لاتطولين عسب مايشك انه هنااك علاج لهل الامور يقدرالواحد يتلاحق عليها
والخ

وادعي اللهم يحفظني اناواخواني واخواتي من هالمصايب

 

[بسبوسه]

الذي أعرفه ان المبتلين بمثل هذا البلاء لا يشفون منه الا بمساعدة مختص

فاجتهدي في البحث عن دكتور نفسي او اخصائي متخخص في علاج هذه الفئة فهم ادرى الناس بمداخل هؤلاء الشباب

والله يعينك ويهديه ,,,اكثري من الدعاء له بان يحبب الله له الايمان ويزينه في قلبه ويكره له الكفر والفسوق والعصيان

 

[الغزال الاحمر]

اعوذ بالله من الشيطان الرجيم .. شو صار في هذا الزمن ..!!!

اتفق مع الاخت بسبوسه .. استشيري اخصائي نفسي

ابتعدي عنه ..لا تناقشيه .. لاتفاتحيه بالموضواع اولا استشيري .. كلمي احد من العيله رجل له مكانه ومستقيم .. او احد المشايخ الثقه لينصحه .. انت لا تعلمي ماذا سيحدث لو عرف انك عرفتي ؟؟!!:dunno: :dunno:

كان الله في عونك ..

 

[helwaya]

زائد كلام بسبوسة وسجينة الماضي

انه لازم يكون مقتنع بالعلاج ويريد هذا من قلبه (ان يكون انسان طبيعي)

الله يعينك

 

[عنقود عنب]

ام تركي ..كان الله في عونك على هذه الصدمة

والله لو انه يعاشر بنات كان اهون

اختي ...اخوك ما ينفع معاه نصيحة او تخويف

اخوك محتاج لمختص نفسي

 

[شـغـف]

صحيح..

استشيري أخصائي قبل كل شيء..

لا حول ولا قوة إلا بالله!

 

[مشوار امرأه]

اختي 00
انصحك بان لا تواجهينه حتى تاخذي رائي مختص في هذه الامور ودكتور نفسي زي مقالو الاخوات
استشيري اخصائي نفسي ولو تقدرين توصلين للدكتوره فوزيه الدريع هي عندها علم وخبرات في هذي الامور وهي من تخصصها
واوصيك يا قلبي بالدعاء له وكثرة الاستغفرا وتصدقي لله بان يشفي اخوك من هذا البلاء لانه والله انه بلا ومرض نسال الله السلامه
واسال الله ان يجعل لك من كل هم فرج ومن كل ضيق مخرج

 

[العمر]

الله يعينج على السر اللي كاتمتنه مع انه قوي

لكن حاولي عزيزتي بكل الطرق نج اولا تنبهين اخوج بقصه خياليه فيها موضوع اللواط والمرحله الثانيه تحسسينه انج كاشفتنه ... وبعدين اتوقع انه طبيعي راح ينكر .... لكن اخرتها بيعترف .. وان شاء الله الهدايه على ايدج من بعد فضل رب العالمين

ربي يسرج لج امرج ان شاء الله ويهد ياخوج الى ما فيه الخير

العمر

 

[المحبة لربي الله]

الله يهديه

 

[ام رشود]

الله يعينك اختي
الافضل اختصاصي نفسي كما تفضلوا الاخوات ولكن عندي ملاحظة في نوعين من الاستشارين في نوع منهم يعطون ادوية من غير ما يعرفوا تاريخ المرض او اسباب المشكلة بس ما عندهم غير الادوية وفي نوع الافضل الى يتقي الله في المرضى يحاولون يعرفون شو سبب المشكلة ويحاولون يعالوجنها من اسبابها ويحتاجون احيانا احد من افراد الاسرة اوصديق ليسألو عن سلوكهم واتجاهاتهم
وما تنسي الدعاء في جوف الليل
والله يهديه

 

[ام عبدالعزيز]

الله يكوون في عونج اختي بس حاولي تعالجين مشكله ف اقرب وقت.والله يبعد عن شباب المسلمين

 

[ام تركي]

اشكركم يالغاليات وماقصرتو

اذا عندكم رقم حد من الاخصائين المشهورين والمفيدين يزاكم الله خير


ولاتنسونه من دعواتكم
لان صدق تعبت


الله يهديه ويهدي جميع امة محمد