طابة وقفتكم معاي ،،،،،،،، بليييييييز

[amsa]

لي زميلـة في العمل تعرفت عليها و بصراحة عجبتني أخلاقها و كيفية تصرفها مع الناس و هالموضوع شجعنـي اكلم ولد عمي علشان يجي و يشوفها للخطبة و البنت عجبته لمجرد النظرة الأولى و طلب مني افتح معاها الموضوع و بصراحة البنت ما مانعت و عطتنـي رقـم أهلها و بالفعل تم الموضوع الحمد لله من 7 شهور تقريبا و اتفقوا على ان يكون العرس بداية السنة الجاية 2008 ،،، المشكلة الحين البنت جاتنـي و اعترفتلي بإنها كانت تعرف واحد مدة سنة بس لأنها تحب ابن عمـي ( زوجهـا بحكم انه تم عقد القران) و انها ما تريد تخسره لو شو ما كانت الأسباب لأنه هو الي شجعها على الالتزام بالصلاة و الحجاب و هي تعرف انه حياتها بتكون معاه بألف خير

البنت اعترفت انه هي كانت على علاقة مش ولا بد مع هذاك الشاب و انها تابت لله بس هي خايفة انها تفاتح ولد عمي في الموضوع و بصراحة فشلة انها تجلس معاه و تخبره انها فقدت عذريتها بسبب الطيش اللي كانت عايشة فيه.

اريد اساعدها و مش عارفة كيف البنت تغيرت في كل شي صارت انسانة ثانية بشهادة الجمـــيع

شورو علي الله يخليكم ،، و شيلوا من بالكم فكرة انها تعترف لولد عمـي بالحقيقـــة

خبرونـي إذا في حـل للموضوع،، نحن مقيمـين في الإمارات

لا تخـذلـونــي يا أخــواتــــي ...........:tears::tears::tears:

 

[فديت نااااس]

هاي حبيبتي \\\\\\\\\\\\\اذاكان ولدعمك ملتزم حرااام او ماله ذنب ياخذوحده ينقالها بالشرع <زانيه> واذاله سوابق وتاب نفس حالتهاعادي وانصحها اذاماراح ترجع لسوابقها ماتفتح الموضوع له <عفى الله عمى سلف> هذارأيي \\\\\\والاافضل تسأل احد المشايخ

 

[pink*paradise]

كل للي اقدر اقولة الله امر بالستر
استري عليها وانسي موضوعها
واذا اكتشف ولد عمج انها مو عذرة هذي مشكلة كبيرة
ما اعرف حلها

 

[عطر الخزامى]

بصراحه لو انه ولد عمك ما عليها خليها تسكت لا تخبر احد الحين خليها تستر على نفسها وانت بعد استري عليها فمن ستر مسلما في الدنيا ستر الله عليه في الدنيا والآخره ))
وبالعكس بما انه متدين افضل لانه راح يستر عليها وحتى لو نفسه عافتها راح يطلقها بستر ومصونه وبعدين اهي تقدر تبدأ حياتها من جديد
بس حذاري تخبرين احد من العائلة عنها
وخليها تتوب توبة نصوح لله وتسأله ان يسترها بستره الواقي ودرعه الحصين وبعدين لا تعترفه له حتى اذا اكتشفها خليها تستر على نفسها وماله داعي تمشي وتعلم الناس انها مو عذه

ااكد عليك اذا سألها بعد الزواج خليها تستر على نفسها ومافي داعي للإعتراف (( ستر الله علينا وعلى بنات المسلمين ))))

 

[عنقود عنب]

لا حول ولا قوة الا بالله العلي العظيم

يا ربي وش صاير في الدنيا ...

من وين ما ينزل غضب الله علينا

والله يا اخواتي سمتها من كذا شيخ

يقولون كثرة الموت الفاجئ وخاصة موت الشباب

بسبب انتشار الزنى والعياذ بالله

لان الخير يخص والشر يعم

سترك يا ربي علينا وعلى عيالنا والمسلمين

والله اقول لك ستري عليها ..حرام ينظلم ولد عمك

اقول لك قولي له وهو يختار اما الاستمرار او الانفصال ..اخاف ينفضح امرها

الامر معقد جدا

 

[الهوى غربي]

انا اشوف انه تكلم احد الشيوخ الثقات
وتساله انها تابت ورممت بكارتها هل يجوز انها ماتخبر الزوج؟
واذا قالها مايجوز لالالالالالالالالالالالالالالالازم يعرف وله حريت الاختيار بس اهي اللي تخبره وتطلب منه الستر في كل الحالات ........فان رغب استمر ولا يتركها ويستر عليه

 

[أسيرة الحب]

الله سبحانه و تعالى أمرنا بالستر و انا اسمعت من الشيخ عن طريق التلفاز و هو يقول بخصوص هذه القضية انه البنت اذا فعلا تابت و ما ناوية ترجع للمعصية مرة تانية انها تعمل ترقيع للغشاء البكارة و جوزها مو لازم يعرف عن مشكلتها نهائيا لانه الله يحب الستر يعني قوليلها تعمل ترقيع للغشاء البكارة و ما تحكي لاي مخلوق على وجه الارض بالموضوع و قوليلها خليها تستر على حالها و انتي ايضا خلاص انتي ساعديه و خلي الوضوع سر و هذا مو خداع للزوج نهائيا كما قال الشيخ بل ستر و الله يحب الستر و على فكرة في عدة انواع للترقيع و لازم تتاكدون قبل ما تعملوه علشان ما يطلع عالفاضي يعني في نوع خلال 48 ساعة فقط و بينحل الغشاء منه و فيه و انتي شوفي الطبيبة شو بتقولك و طمنينا عليها يا اختي و الله يستر عليها و على بناتنا و بنات المسلمين يارب