ضياع القلوب ................رواية رومنسية .....كتبتها..>>> روايــه كـاملــه...

حبيبتي ليتك تكملين الرواية كملت اسبوع وانا انتظرة تكفين
متى تكملينة؟؟؟؟؟؟؟؟ظ
وفي طلب ليتك تنزلينها متسلسلبة كلة من غير ردوود
عشان ابعيد اقراة
 
وخرج ماجد من عند ابتسام وراح على غرفته من غير ابوة وامه ما ينتبهون وبعد شوي جات ام ماجد تصرخ
ـ ابتسام راسبة الله لا يعطيكي العافية فشلتيني قدام المدرسات
ابتسام تكلمها من وراى الباب
ـ من قالك
ـ من قلي ابله مها الله لا يعطيكي العافية
ـ يمه غضب عني
ـ الحين بيقولون بنتها كسلانه ليتها درستها بدل ما تدرس بنات الناس
ـ طيب اعوضها في الدور الثاني
ـ أي دور ثاني طينتيها انتي واخوكي لكن هين دواكي عندي
وراحت عنها
وعند الجيران وفي بيت خلود كانت تجهز اغرضها وتوري امها كل المشتريات
ـ شوفي يمه هذا ابلبسه اول يوم
ـ لا يبنتي ما يصير اول يوم البسي دراعة
ـ بس البناطيل علي أحلى
ـ خلود عيب وش بيقولون عليكي
ـ ادرعات تكبرني
ـ لا ابسي الدراعه المخصره شكلها جنان
ـ امرك يالغالية
وبدت الأم تنزل دموعها
ـ ليش يالغالية ها الدموع
ـ والله مدري كيف باتحمل بعدك يا نظر عيني
ـ لاتخافين كل اسبوع بتلاقيني عندك
ـ لايابنت الطريق خطرة
ـ خلاص نجيكي بالطيارة ولا يزعل العسل
وشوي دخل الأب عليهم كانت عيونه مغرقة بالدموع
ـ يبه عسى ما شر
ـ لا بس متأثر انك بتخلينا ....ام خلود تعالي الغرفة ابكي
ـ امرك رح وانا ابلحقك
ـ يمه ابوي ايش فيه احسه متغير
ـ الحين اروح اشوف لمي اغراضك
ـ طيب
ولما راحت الأم لحقتها خلود جلست تسمع من وراى الباب
ـ ابو خلود عسى ما شر شكلك مو مريحني
ـ جهزى ثيابي ابطلع الجنوب
ـ خير خلينا نروح معك
ـ لا ما له داعي اجلسي جنب بنتك
ـ ابو خلود خوفتني خير
ـ ولد اخوكي سلمان عطاك عمره امس وهو راجع صدم في جمل
ـ يوووووووووووووووووووووه ياولد اخوي اهااااااة عليك ياسلمان
ـ استهدي بالله كلنا لها
ـ اهاااااااااااااااااااااااااااااااااااااه يا خوي ليش ما علمتي
ـ والله توي دريت اليوم بعد الظهر بلغوني وانا مدري كيف اوصلكم الخبر بكرة بيصلون عليه وانا ابطلع ولابد تجلسين مع بنتك عشان هي الحين في العدة
ـ اهاااااااااااه ياخلود والله ما تهنيتي
ـ انا ابخرج الحين وبرجع القي الشنطه جاهزة
وطلع من الغرفة لقي خلود مغمى عليها عند الباب
ـ تعالي تعالي ابنت طاحت
ـ بنتي بنتي خلود ردي يمه ردي
ـ لبسيها عباتها ابوديها المستشفي ....شكلها سمعتنا
وراحت امها تجيب عباتها وودداها ابوها المستشفي
وشافت رنا ام خلود في المستشفي
ـ خير ياخالة من تعبان
ـ خلود يمه طاحت علينا
ـ حاطت ليش
ـ زوجها توفي وما تحملت الصدمه
ـ يالله طيب وش قال الدكتور
ـ طمنا بس قال هذا من الصدمه
ـ والحين هي كفيها اقدر اشوفها
ـ ايه داخل بالغرفة
ودخلت عليها رنا لقتها نايمة وفي يدها المغذيات مسحت على شعرها بحنان
ـ ما تستاهلين سلامتك سلامتك يالغلا
حست عليها خلود
ـ رنا
ـ كيف الحين
ـ انا وين
ـ في المستشفي
ـ ليش
وتذكرت خلود الموقف
ـ رنا سلمان ما مات صح
ـ اذكري الله
ـ لا سلمان ما مات ما مات صح قولي ما مات
ـ اهدي اهدي شوي
ـ لالالالالالالالالالالاااااااااه ما مات سلمان سلمان
وصارت تمسكها رنا وتنادي على الطبيب وجاء وضربها ابرة مهدئه
ـ ياخاله خليكي جنبها الله يكون في عونها
ـ تسلمين حبيبتي انتي قولي كيف اخوكي
ـ الحمدالله زال الخطر والحين هو بتنويم
ـ الحمد الله على سلامته
ـ بس بعد يا خاله ما فاق
ـ الله يقومه بالسلامة لكم
ـ امين.........طيب يا خاله انا ابمشي عند شغل
ـ روحي يمه في امان الله
وراحت رنا لشركة وزي ما توقعت كانت نتائج التصويت خلاص انتهت وفاز احمد بإدارة الشركة
وهو في عز التهاني لمح رنا
ـ رنا رنا
ـ احمد مبروك
ـ الله يبارك فيكي
ـ احمد انا مشغوله معليش اخلص وبعدين اشوفك
ـ خلاص وانا استناكي
استغرب احمد من رد رنا كان ردها سريع وكأنها ما تبي تشوفه وبعد ساعتين دق عليها ولا ردت ورنا تعمدت ما ترد عشان خلاص طفشت من اسلوبه وصار احمد كل شوي يدق " غريب اشبها ما ترد "
وارسل لها رسالة""" رنوو ردي على جوالك ابي اكلمك """
لكن رنا ما عبرته وكملت شغلها
وانشغل احمد بمهنئين بس كانت رنا على باله ليش طنشت ولا ردت
وفي بيت ابو ماجد دق ابو وليد على جوال ابو ماجد
ـ هلا ياخوي معليش اعذرنا على حركة الخميس والله ما فهمتنا السالفة
ـ حصل خير كل شي قصمة ونصيب
ـ لا احنا نبي البنت وليد يبيها
ـ منجدك والله الساعة المباركة
ـ خلاص حدد يوم ونملك
ـ ابشر اليوم الذي تريد
ـ خلاص الاسبوع الجاي
ويوم قفل ابو وليد طلت فيه ام وليد
ـ انت من صدقك بتزوجه بنت اخوك
ـ والله الولد يبها قلت له عن سالفتها قال عادي ابيها
ـ نعم...نعم .. هو يفكرها زي بنات لندن يلعب ويرمي لا هذا زواج
ـ شوفيه عندك كلميه
وراحت عند وليد
ـ وليد من صدقك تبي ابتسام
ـ ايه حلوة وعجبتني
ـ هذي مو جوليا ولا كيت تزوج يومين وترمي
ـ لا ابتزجها واسافر
ـ كانت مع ولد في الصحراء ما تفهم
ـ عادي لو مع عشرين ولد انا ابغاها
ـ لا منت صاحي
ـ يمه ريحي راسك انا ما ابي غير أبتسام بنت عمي محمد
ـ ما في لو تنطبق السماء
ـ انتي يالغالية ليش معارضة
ـ بنت كانت مع ولد يعني ايش بيكون فيها
ـ بس انا ولد عمها وبستر عليها
ـ لا لا لا فاهم
ـ طيب انا متأكد ما فيها شي
ـ طيب انا اجيب ادايه ونشوف هي بنت ولا لاء
ـ يمه وش ها الخرابيط
ـ وليد ما في زواج لين اتأكد انها بنت
ـ موعلى كيفك الشغله اهلها مارح يرضون
ـ اسمع هذي بتجيب منها عيال يعني الشغله مو لعب اول تأكد منها عشان حياتك متكون كلها شكوك
ـ أي شكوك يالغالية انا ماني بدائي
ـ اسمع وليد علم يوصلك ويتعداك مافي زواج لين اتأكد انها بنت وإلا والله قلبي غضبان عليك وما احضر زواجك
ـ خلاص إلي تشوفينه
واتصلت ام وليد على ام ماجد وحددت موعد يجون قبل الملكة من دون توضح لها انه بتجيب الدايه ​

وعند احمد لما وصل البيت تذكر رنا وراح عند الجوال ودق عليها ولا ردت ودق مرة ثانيه وبعد ما ردت وصار يدق دق متواصل لين ردت
ـ الو
ـ حرم عليكي كسرت الجوال ليه ماتردين
ـ احمد
ـ ايه احمد
ـ معليش انا مشغول اليوم كله والحين انا مره تعبانه يالله مع السلامة
ـ طيب لحظـ.......رنا .....سكرت الجوال
جلس يفكر فيها "اشبها انشغلت معقول رنا تنشغل عني كانت بلسم على قلبي والحين صارت بعيده "
وبعدها نام وهو مشغول البال
اول ما قامت رنا لقت اتصال ابتسام ودقت عليها
ـ الو ابتسام موجوده
ـ الو انا ابتسام
ـ الحمدالله انك انتي رديتي عشان امك كل ما ادق ما تعطيني فرصة
ـ اشوة هم طلعوا
ـ كيفك وكيف صحتك
ـ انتي بشري كيف نواف
ـ الحمد الله نواف تعدي مرحلت الخطر
ـ طيب ريحتيني رنا انا في مصيبه
ـ خير
ـ اهلي بيزوجوني ولد عمي بالغصب
ـ من جد
ـ ايه والله
ـ لا تقولي والله نواف لو عرف انك ابتسام مو خلود بيتعافة والحين ابصدمه زيادة
ـ احسن لا تقولي له
ـ الحين خلاص بتزوجين ولد عمك ارفضي
ـ مو بكيفي اجبروني يقولوا محد بيخذ بنت كانت مع ولد في الصحراء
ـ لا نواف اصلا ناوي يتزوجك من يوم جاء وهو يكلمني عنك ويقول ابغيها
ـ لاتوجعين قلبي
ـ ابتسام حاولي ترفضي ان شاء الله يقوم نواف بسلامة ويتزوجك
وجلست تبكي ابتسام
ـ مافي امل مافي امل مافي امل (وسكرت الخط )
وبعدها راحت رنا لمستشفي الكل كان فرحان نواف فاق من الغيبوبة وعند راسه رنا كانت تجلس
ـ الحمد الله على سلاماتك ياخوي
وهويأشر برأسه انه بخير
الكل كان حوليه حتي احمد كان سعيد بس نظراته ما تنشال من على رنا المطنشه حتى نظرت الإهتمام
بعدها نادها بره وصار يكلمها برقه
ـ رنا ليش امس ما تردين
ـ احمد الحين مناديني عشان كذا
ـ لا عندنا شغل في الشركة واليوم في اجتماع
ـ خلاص أبحضر أول وحده هههههههههههههه
ـ رنا ضحكت ترد الروح
ردت بلامباله
ـ مشكور أنا أبمشي
ـ لا بس صديقتي تعبانه في قسم التنويم وبوح أزورها
ـ خلينا نروح الشركة مع بعض
ـ لا ما اعتقد انا عندي شغلات اول ابشتريها
ـ على راحتك
وراحت رنا وفي قلبها تقول "يالتك تهتم على طول كذا بس انا ابعد عشان ارتاح من همك"
ويوم وصلت غرفت خلود ما لقتها وسألت قالوا خرجت من المستشفي البارح في اليل
وبعدها اتصلت عليها وتطمنت انها بخير
وفي بيت ابو ماجد جوا اهل وليد ومعاهم الداية ام عبد الرحمن
ـ من هذي يا أم وليد
ـ هذي الله يسلمك يا أم ماجد أم عبد الرحمن
ـ تشرفنا
طلت أم عبد الرحمن في أم ماجد وهي تشمر أكمام يدها
ـ وين البنت
ـ أي بنت
ـ البنت إلي بكشف عليها
ـ أم وليد أيش السالفه
ـ يا أم ماجد وليد موافق على بنت بشرط يتأكد انها بنت وأنا وما ودي في الفضايح يعني انها تروح المستشفى هذي فيها فضايح فجبت الداية أم عبد الرحمن هي وحدة كاتمة السرار لاتخافين
ـ انتي مجنونه ولا صاحية
ـ لا صاحيه هذي لمصحتهم الإثنين
ـ كيف لمصلحتهم لا ما راح تكشف
ـ اجل خلاص مافي زواج
ـ مع السلامة عسها ما تزوجت
ويوم قامت ام وليد اتصلت على ابو وليد وقالت
ـ اسمع خلاص لا تتفق رفضوا إن الداية تكشف على بنتهم اكيد فيها شي وخايفين نعرف
ـ احترمي نفسك يا ام وليد بنتي شرفة وماحد تعرض لها
ـ اجل ليش خايفة
ـ ما ني خايفة لكن هذا مو اسلوب يوم ولدك يدخل عليها بيعرف
ـ لا انا حاسه انكم خايفين نعرف
وقفت ابتسام ويكل عصبية
ـ انا موافقه تعالي يا أم عبد الرحمن بس عشان تعرفون انا احنا بيت الشرف وأن ابوي احسن تربيتي
ودخلت ام عبد الرحمن الغرفة مع ابتسام
وخرجت وهي تضحك وراحت عندها أم وليد
ـ ها بشري
ـ البنت مافيها شي مختومه بختم ربها
ـ الحمد الله
بعدها خرجت أبتسام وطلت في أم وليد بنظرت فكر
ـ حنا الجود والكرم بيت الشرف
بيت او ماجد اصل وعلم ينشرى
تربينا على دين الأخلاق والأدب
وصرنا فخر لهم نرفع الرأس والكل درى
ما يدوس علينا سفيه الأقوال
ولا يقدر يهدم بيت الغز والثرى
ـ صح لسانك يمه يا ابتسام
طلت أم عبد الرحمن في أبتسام
ـ يا أم ماجد أنا أبخطبها لولدي عبد الرحمن
والكل ناظر فيها بدهشة ​
 
التعديل الأخير:
بنسبه للروايه اول ما تخلص ابستأذن المشرفة بأن انزلها نسخة للقراءة اعدل فيها الأخطاء
وبنسبه للأحزان دائم لمواقف في نهايتها تكون حزن وألم لكن من يدري يمكن وحده فيهم تصير حياتها احسن
 
ترقبوا النهايه والبارت الإخير هو طويل وجاهز ينزل لكن مارح انزله لين تجاوبون على ثلاث اسأله
1- كيف البارت هذا تعليقكم علية
2- من تتوقعون الشخصية الحقيقية في الروايه
3- ماهي تواقعاتكم لكل بنت فيها يعني ايش تتوقعون النهاية
وليت الكل يجاوب حتى إلي عمرها ما علقت على روايتي
 
1:البارت حلوووو جداوفيه مقاطع تحزززن حييل
2:اتوقع خلود
3: نواف او ماجد:clap: بيتزوج خلود ...
رنا وابتسام ما اعتقدنهايتهم سعيدة
 
حبيبتي رفيقت الحب بصراحه لي عشر ايام ما دخلت المنتدى لأن الدي اس ال حقي عطلان وربي اول
ما فتحت النت رحت ادور في قسم الروايات... مره متشوقه اعرف اش صار بس والله الروايه روعه
مرررررررررررررررره .... مشكوره ياعسل اما بالنسبه للأسئله لي عوده لأني الحين مشغوله وانشاء
برجع وبرد مشكووووووووووووووره ياقلبي
 
جوائز للي يكشف الشخصية الحقيقية
تصل لصندوق

في الرسائل الخاصة
التي تكشف الشخصية الحقيقة
 
التعديل الأخير:
البارت احداثة غير متوقعة موت سلمان ..النهاية اعتقد خلود بتتزوج من نواف وابتسام وليد ورنا احمد والشخصية الحقيقية خلود اعتقد هي اقرب للواقع
 
البارت الاخير احداثة مشوقة..النهاية اعتقد ماجد يتزوج خلود ونواف ابتسام ورنا احمد والشخصية الحقيقية رنا...
 
سلام عليكم
كيف احوالكم
رجاء ياحلوات تجاوبون على الإسئلة وبنسبه لشخصية الحقيقية انتي جاوبي في الروايه وانا ارسلك على الخاص بالإجابه

يالله جاوبو عشان انزل الحلقة الإخيرة
 

1- كيف البارت هذا تعليقكم علية
خلط أحداث الرواية وأصبحنا فعلاً لا نعلم ما القـادم !

2- من تتوقعون الشخصية الحقيقية في الروايه
أنا بين خلود ورنا لكن سأختار خلود فهي أكثرهن للواقع !

3- ماهي تواقعاتكم لكل بنت فيها يعني ايش تتوقعون النهاية
وليت الكل يجاوب حتى إلي عمرها ما علقت على روايتي

ابتسام زواج لتأكيد الطهر والعفاف مع المئات من الغصات التي تحرق الفؤاد !
رنا تتزوج أحمد لكن لا اعلم هل فعلا سيكون الحب موجود بينهما ام انه من طرف واحد ام انه سراب فعلا ً !

خلود صدمة عمرها تبقيها بين أحزانها سنينا ً حتى ينتشلها سلمان آخر !

توقعاتي قد تكون خائبة تماما ً لكني اتوقعها هكذا , وبإنتظار الجزء الأخير :)
 
ارجو منك يا رفيقة الحب ان تعلني من هو الفائز قبل وضع البارت ومن اجاب الاجابة الصحيحة......لك كل الحب والتقدير...ما تتاخر علينا احنا على ناااااااااااار لمعرفة النهاية....
 
السلام عليكم حبيبتي رفيقة الحب اشكرك على هذه الروايه التي كانت كما تقولين هي الأولى بهذا الأسلوب بالنسبه لك فلقد كانت جداً منسقه واعجبت بها كثيراً مع اني لااحب الروايات التي تكتب باللأسلوب العامي فانا اقراء كتير رويات بالفصحى فلك كل الحب والتقدير
امابالنسبه للأسئله .
فأعتقد شخصية خلود قريبه جداً للواقع وايضاً رنا
اما ابتسام فكانت شخصيه مرحه وبالنسبه لضياعها فتصير بس موشهر وفين في الصحراء
على العموم روايه حلوه جداً واتمنى تكون نهايتها سعيدة
واتمنى ايضاً انك ماتتأخري علينا ننتظر بفارغ الصبر ولك جزيل الشكر
 
مشكووووووووووووره ياقلبو البارت ررررررررررروعه فيه احداث جديده ماكانت تخطر على البال
مثل موت سلمان ...
اما بالنسبه للشخصيه الحقيقيه انا احترت بين خلود ورنا بس خلود اقرب لأني يوم كنت ادرس بالكليه
كانت معي بنت قصتها مثل قصة خلود ...ههههههههههههههههههه قلت قصة حياتي
اتوقع خلود تتزوج ماجد ورنا مااتوقع انها تتزوج احمد اللي قاهرني من بداية الروايه ويانورا السخيفه
اللي لاعبه على عقله...... اما بالنسبه لأبتسام اممممممممممممممممممممم اتمنى انها تتزوج نواف خاصه
انه حافظ عليها في الصحراء ..........
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل