ضلمني وضلموني وربي لايغفرلهم

[فديتني اهبل]

:tears:السلام بنات


سبق وكتبت مشكلتي لكم ان انا وزوجي تخاصمنا على شي تافه
وهو قالي لاتخرجي بنطلون غيري وانا حلفت ماغير وزعل .

قالي روحي بيت اهلك
المهم الحين
السالفه كبرت وزوجي سبني سب جرحني

تكلم فيني بكلام يجرحني
انا بعترف انا طويله لسان عليه وقال هالشي لااهله ولـ اهلي وصدقوني نادمنه شعر راسي وانا ادري انه ماضلمني بالهكلام

لاكن اللي قاهرني زاد علي كلام قال انها ماتطبخ ؟تخيلوووووووو
نكرني بقوه
والله يابنات اني اطبخ وانا عمري 19 سنه وتوي مبتدئه وهو عنده القيلون والمعده ويحافظ على صحته وادايم يقولي يوم طبخ يوم لا عشان الدهون
ااه ياعالم لو تحسون فيني ضلمني والله هو يكسلني لاتسوين لاتفعلين واتاري السالفه كلها يبي طبخي زي طبخ امه
للعلم ان طبخ امه بدون ملح لان فيها ضغط وماتملح الاكللللللل يعني شاااااااااااامز ..!! وهو تعود كذاا
وغير كذا يبي اطبخ ومافي مقادير يعني اطبخ باايش؟

هذا جزاتي ساتره عليه ان البيت مافيه اغراض كامله ؟؟
والله موجوعه منه صدمت عمري فيه


عمي لمن جاء لبيت اهلي سبني بنضافه بيتي تخيلووو وخالقكم يابنات ماعمري استقبلتهم الا وبيتي على اخر شي من النضافه والبخوور
وهو من النوع اللي لاشاف الغلط يتكلم بساعته لان شخصيته قوييه
بس ضلمننننننننننننننننننننننننننننننني

لانه قال لسلافي عن النضافه مره في جوله تفتشيه وربي مامسك على شي وهم شرشحم بس لمن كبرت السالفه جاء جمع عيبوهم وحطها فيني


زوجي الحيبيب اللي يوصيني بان مشاكلنا تبقى بينا طللللللللع كل شي وزاد عليه كلام


وعمتي كلمتني وقالت اني مهمله ولدهم واني واني مع العلم انها تعرف بعيوب ولدها كلها بس طبيعيي وقفت معاه .. ونكرتني

بنات جرحني بقوه واليوم امه بتجيبلي بنتي تكفون انصحوني شسوي .؟
اذا جات@!!!
كل وحده قبل تديني حل تقولي لو مكاني وش بتسوي ؟@@

 

[فديتني اهبل]

وعلى فكره ترا زوجي عنده القيلون والمعده من قبل الزواج وهو مخبرني فيها !!


بعدين قال اني انا اللي جبتله القيلون والمعده

 

[فديتني اهبل]

القيلون = القولون

 

[قلبي تاعبني]

مااملك لك الا الدعاء

 

[لعبةf]

وعمتي كلمتني وقالت اني مهمله ولدهم واني واني مع العلم انها تعرف بعيوب ولدها كلها بس طبيعيي وقفت معاه .. ونكرتني

حبيبتي لو ولدها ذبح أحد في الشااااااااارع بتقول انتي السبب فلا تتوقعي في أهل زوج يوقفوا مع زوجته ولدهم الا مارحم الله في بس قليل وبأذن الله أهل زوجك فيهم الخير بس نصيحه ألتزمي السكوووووووووووووووووووووت السسسسسسسسسسسكوت
صدقيني سلااااااااااااح خطيريعني أذ جااااااااااااااات لا تقولين ولدك فيه وفيه قولي ربي يكتب الخير ويسر امرنا خليك ذكيه لا تقولي كلااااااااااام زايد انتبهي لانها يمكن تنقل عنك كلاااااااااام وتزيد
الله يسر امرك

 

[مملوحة اهلي]

الله يفرج كربتج يارب مالج الا الدعاء

 

[شموخ المدينه]

يااختي استخيري وارجعي له ولاترادي الرجال اذا زعل او عصب وتكلم ابعدي عنه
وفي لحظة هدوؤ عاتبيه على الي قاله عنك وانه ظلمك

 

[ليتني احتويك]

اذا ضلموووووووووووووووووووكِ مالك الا رررررررررررررررررررررربك ادعيه والله بتشووووووووووفي كيف بيرجع حقك

 

[فديتني اهبل]

يعين وش رايك اقول ولدك فيه عيوووب كثيره
بس عشرتي فيه !!
وقيمته عندي تخيليني استر عن كل شي يخصه
ولانه ابو بنتي ولايمكن ابشع صورته قدام اللي يسوا واللي مايسوا ؟؟


بس كذا باحس اني ضلمت نفسي يعني ماوصلت اللي فيه لهم ؟

 

[لعبةf]

ياااااعسل قولي اناااااااااا بسكت علشان هو ابو بنتي وصااااابرة ومتحملهاوفي أشياااااااء كثيررررررر ماتعرفون أنتم ماااااااا عشتوا معنا وشوفتوا وش يصير بس الله يعوض صبرري خير
الله يوفقك نصيحه قولي كلمتين وانهي الموضوع لا تاخذين وتعطين معها
اذا تبين ترجعين لزوجك
وبعدي أغسلي ه زوجك زين ههههههههههههههههههه

 

[نملة فوشية2009]

وسعي صدرك وتعوذي من الشيطان وعليك بالدعاء والاستغفار
عادي وطبيعي بيصفون مع ولدهم والزوج لامنه نكر ياساتر يطلع سوالف مالها داعي وخرابيط توجع القلب
واذا طاح الجمل كثرت سكاكينه
امسكي اعصابك ولا تردين اذا هاجمتك لا تطلع منك العيبة والله يعينك
الا ما قلتي كم سنه لك متزوجه ؟؟شكلك توك ياعمري

 

[معشوقه]

حبوبه شكلك صغيره ..

شوفي الغاليه خلج لما تجي خالتج طيوبه و حبوبه و سلمي عليها و حبي راسها ولا كأنه صار شي و لا تذكري زوجج بسوووء أبد أبد ديري بالج و هي لما تشوفج مأدبه ما راح تتجاوز حدودها و حتى لو قولي لها إنت مثل الوالده وما قلتي لي هالكلام إلي تبين لي الزين و النصيحه خلج ذكيه ....

و إن شاء الله برد لموضوعج عندي رد طويل عليه بس لما أصحى من النوم أنا مواصله ...

وربي يوفقج يا رب

 

[فديتني اهبل]

اشكركم على الحلووول هاذي
وبسوي اللي قلتم عليه

بسسسسكت بقط كلتين وبسكت

وانتي يامعشوقه انتصر ردك الطويل على احر من الجمر

 

[يارب فرجآعاجلا]

الله يفرج همك يارب ويسخرلك ويفرجها عليك من حيث لاتحتسبين يارب العالمين واياك يارب
اختي اوصيك باالدعاء وكثرة الاستغفار من لزم الاستغفار جعل الله له من كل هما فرجا ومن كل ضيق مخرجا ورزقه من حيث لايحتسب > واواصيك بقيام الليل فسهام الليل لاتخيب واحسني الظن بالله وان دعائك بأذن الله مجاب فالله عزوجل عند ظن عبده به
فرج الله همك ونفس كربك ويسر امرك وشرح الله صدرك واياك وكل مكروب يارب العالمين

 

[حسب الجو]

الله يعينك حبيبتي ووكلي امرك لله والشكوى لغير ربك مذله

 

[قطـــــريه]

يعني ماشاء الله عليج ما تسمعين كلامه وطويله السان على قولتج ؟؟ الله يكون بعون ريلج ! لا تزعلين بس لو انا مكان هلج بقولج خلي البنطلون ينفعج الحين !!
شكلج صغيره واسمعيني ولا تزعلين .. اول شي لا تطلعين عيوب ريلج قدام هلج مب حلوة وشكلج بيكون مو حلو قدام هله وهلج .. ومن الاساس ليش تطلعين عيوبه ؟؟ عاد انه فيه عيوب ؟؟ الكل يدري ومحد خالي عيوب .. بس اكبر غلطه انج تفضحين ريلج قدام هله وهلج ماراح يسامحج عليها ..
وبعدين دام يقول ان فيج وفيج .. لانه ماعنده شي يمسكه عليج .. وموضوع الاكل ممكن توضحين لهم انه هو الي قال الاكل يوم ويوم لا .. وانتي تسمعين كلام ريلج وما تطلعين عن شوره .. واذا يبي من اليوم انج تطبخين له كل يوم مافي مشكله من عيوني .. بس قدامكم لا يجي بعدين يقولي قولون و و .. ومسأله ان نسب القولون لج .. قولي لهم وهو قاعد وبكل هدوء .. حبيبي بعيد الشر عنك انا لمن خذتك كان فيك القولون وانت قايلي بنفسك ويضايقني انك تقول اني سبب فيه لاني اتمنالك كل خير ومابي لك المرض ..
ونصيحه اخيره : لا تعاملين ريلج وكأنه اخوج .. لين عصبتي سكتي عنه .. وهله خلهم يقولون الي يبون والحجي ببلاش .. اهم شي ريلج ..
والريال ما يقبل المره تصارخ عليه وما تسمع كلامه .. ونصيحه اخيره حتى لو قالج ريلج لا تطبخين اطبخي اكل صحي كل يوم وصدقيني بياكل .. جربي وماراح تندمين .. والله يوفقج

 

[الجواااان]

لاحول ولاقوه الابالله اسال الله العظيم ان يفرج همي وهمك ياااارب وان يكتب لك مافيه الخير لك

 

[أم حميدة]

ان قلت زوجي به عيوب لا تعلمونها وأنا أسترها وهذاالعمل أولا منة والله لايحب المنان لقول النبي صلى الله عليه وسلم ( ثلاثة لا يكلمهم الله يوم القيامة ولا يزكيهم ولهم عذاب أليم وذكر المنان ) ، ثانيا : مهما عرفت الأم أن ولدها عنده من الأخطاء ستضل تنكر ذلك وستظهرين أنت المخطئة . ثم مهما كان هذذذه من الاأسرار التي يجب أن تستريها عن زوجك ولا تخبريها حتى لأم زوجك ، وستحاسبين عليها يوم القيامة في مكان اسمه القنطرة قبل الجنة ، فيأخذ هو من حسناتك على كل شيء تكلمت عنه ، او حتى لمحت عنه عن حياته الخاصة ، حتى إذا لم يبقى لك حسنات يطرح عليك سيئاته ثم تكبين في النار ، أعاذنا الله منها .
فمهما يفعل من أشياء يظلمك فيه ، راجعي نفسك مع الله ، ممكن أنك تكلمت عن وحدة وهذه غيبة ، توبي واستغفري الله منها ، وممكن تلبسين بنطلون عند الناس وهذا من يلبسها تصيبه لعنة من الله أي يطرده من رحمته فإذا الله لم يرحمك من تنتظرين أن يرحمك فلازم توبة واستغفار ، وممكن تستعملين الكذب وتتهاونين بها ، وممكن سماع الغناء ، وممكن الكبر , والحسد والتعالي على الزوج والعجب بالنفس ، ،،،وكل هذذذذذذه كبائر ، تجيب لك مشاكل في البيت ومع الناس
واعلمي أنه إذا رضا الله منك رأيت القبول فيمن حولك وإذا غضب الله منك رأيت الضيق في صدرك ورأيت المشاكل فيمن حولك ورأيت أيضا من حولك يبغضك
أنت تقولين ما سويت له شيء ومش مقصرة ، لكن السؤال هو ما حالك مع الله ، ما حل بلاء إلا بذنب ولا رفع إلا باستغفار
( وما أصابكم من مصيبة فبما كسبت أيديكم ويعفو عن كثير )
وانتبهي من المنة على الناس أو حتى على الله بعملك . فهذه المنه يبطل عملك ولن تحصلي بذلك أجرا على الصبر بل حياتك تصبح جهيم من الذنوب ، فانتبهي رعاك الله
والمنة هو هو ذكر الاحسان والفضل ، فحتى لا يحصل منة إذا فعلت خير مع الناس أو مع زوجك لا تذكريه ، فبمجرد أنه طلع من لسانك وقلت أنا أحفظ اسراره وأنا أستر عليه وأنا أفعل معه وأفعل ، هذا يبطل العمل
إذا فعلت خير ارميه في البحر ...
افعلي واجباتك وأنت مستحضرة في عقلك الأجر من الله على أنك تحاولين توفير الراحة له من أجل أن يرضى الله عنك ، ولا تعملي أعمال البيت وأنت تنتظرين منه شكر ، لأنك لو انتظرت من أي أحد الشكر ، قد يشكرونك وقد لا يشكرونك وقد يذمونك ولكن إذا انتظرت من الله الأجر أعطاك وزيادة ، حطي في عقلك ( إنما نطعمكم لوجه الله لا نريد منكم جزاء ولا شكورا ) فما دام الأمر لله فلا يهمك أي كلام يقال لأنه من أجل كسب رضا الله ،
وادعي الله في صلاتك واشكي إلأيه ضعف قوتك وقلة حيلتك ،

 

[أم حميدة]

وأضيف زيادة المنة تكون باللسان أن تذكري الأشياء التي تحسنين بها إليه ، وكذلك يكون أيضا بالقلب بأن تتذكري بدون النطق فتقولي في نفسك ، اليوم سويت له ويحمد الله إني أستر عليه وغيري ما يستر وتقولي أنا أطبخ له وأفعل له ، فانتبهي رعاك الله
( يأ أيها الذين آمنوا لا تبطلوا صدقاتكم بالمن والأذى ) فالكلمة الطيبة صدقة والاحسان للخلق صدقة

 

[أم حميدة]

لا تقولي الله لا يغفر له ، لأن هذ اتألي على الله وممن هذه اللحظة الله غفر له بكلمتك هذه وأحبط عملك ، استغفري الله على الكلمة وتوبي إليه ، واسألي الله أن يهديه ويغفر له ويصلحه ، الله غفور رحيم وبقدر صبرك وهو ان تحبسي نفسك عن التشكي وترضين بما قضا الله لك ، فبقدر صبرك بهذه الطريقة يأخذ الله من حقك ويدافع عنك
وبقدر تذمرك وضجرك تزيد عليك البلوى وتكبر المشكلة . وان شئت ممكن تدعين وتقولي ( اللهم انصرني عليه )