ضروري ومستعجل

[luliy]

السلام عليكم

انا عمري ١٩

بقولكم وبفتح قلبي اللي بترد بدر شين لا تزيد علي الله يعافيكم

انا اهلي الحمدلله فيهم دين وكل شي وانا فيني دين لكن جتني فتره بالثانوي انقلببت ومن بعدها وانا صايره تجيني كآبه .. للمعلوميه انا قد جتني حالة كآبه بثاني متوسط كنت بس انام وبالمدرسه بس اروح انام مع اني كنت من المتوفقات وماكنت اتكلم طول الوقت ساكته وبعدها بسنه رجعت طبيعي وقربت من ربي .. والله يابنات جتني فتره احس اني مدري كيف سعيده سعيده كنت قريبه من ربي مره ...

والسنه اللي رااااحت احس اني مااتحمل ضغوط الدراسه بالجامعه انا الحين طبعا افكررر اضر نفسي بس مو انتحر ابي اتنوم بالمستشفى اي شي ابي اعيش فترهبدون أي مسؤولية ماابي افكر بأي شي
أنا كل شي اشيل همه لو احد يقولي جيبي لي شي من الغرفه بعد شوي اجللسسسس افكر الين يجي الوقت عشان اجيبه اي شي تافه اشيل همه تعبت مرره حرصي الزايد زاد حالتي سوء
قلت لماما توديني لطبيب نفسي .. وأصررت اني اقولها وش فيني وانا عييييت !! معليش ابي احد اقوله كل شي احد مايعرفني

ابي افضفض وبعدين ماما ميب عارفه انا وش فيني ولا اتقبل اني اقولها شي هي كل ماعصبت قالت انتي مريضه كل ماصار شي قالت انتي مريضه مريضه مريضه

المهم جابت لي حبوب حقت القلق عشان يخف شوي وانا دورت اعراضها وكل شي وشفت ان اعراضها نادره وان طلعت بيصير الشخص لا مبالي

المهم بديت اخذهااا .. صرت شخص لا مبالي اروح من غير ماادرس وطول الوقت فيني رجفه حياتي بس نوم واكل الدراسه اخر همي البنات متوترين قبل الاختبار وانا فارده خشتي اتبسم !!

المهم انهااا مره ضرتتتتتتتتتتتتنننني وقالت لي ماما اتركيها وتركتها وجت الاجازه الصيفيه وعشت عاادي لان ماوراي شي

هالايااام رجعت لي الحاله للمعلوميه من بداية الترم واانا عادي جدا لكلن هاليومين خلاص مو قادره اتحمل .. افكر اخذ حبوب يغمى علي قد جربتها ققبل سنتين ولاصار شي

قلت لماما وبابا قبل شوي بطلع اتمشى بكراا .. بابا قام يتعذر كالعاده !

وفجأه قلب علي انتي موب حرمه ماتعرفين تسوين شي انتي لو تتزوجين بيرجعك زوجك واشوف ماما تقوله اسكت منتب صاحي !!!!!

وهو ماغير يحطم يقول الرجال يبي وحده تطبخ وانتي ماتعرفين !! كل هالسالفه عشان الطبخ !!


وش اسوووي بعمممرررري احس اني عااالة بس انا ماعندي وقت انا تخخصصي طب وبس ادرس وهو عارف بس دايم يجيب هالطاري
وقلت له مابي اتزوج

يابنات انا كل ماتزينت وكل شي وطلعت والله كلن يمدحني لكن اذا رحت لخوالي مااحس بثقه مدري ليه

خصوصا اني بعدت عنهم وصرت طول الوقت بالبيت حتى صاروا يجتمعون واذا قلت ليه محد قالي يقولون انتي ماتجين هم ابعدوني عنهم زياده

مااحسسس بثقه بنفسي وبس افكررر اروح المستشفى وارتاااح وافكررر اترك الدراسه واجلس بالبيت عادي منيب متزوجه انا اقتنعت اني مااصلح للزواااج اصلا احسن لي اجلس بدون هم ولا شي


انا الحين احاول اسوي اي شي اني اروح المستشفى بنفس الوقت احس اني اذا فكرت كذا اني مريضه نفسيًاا ساعدوووني
​

 

[luliy]

فيه شي نسيت اكتبه انا كل شه تقريبا ارجع اصلي الضحى والوتر وكل شي بعدهااا خلاص اتركها وتتردى حالتي ..

 

[سهم العشق]

يمكن انت شخصيتك كده تحبي تجلسي لوجدك وما تتكلمي مع احد وما تخلطي مع الناس بس لا تنسي انو هذا الشىء حيضرك وما يفيدك وان شاء الله تقدري تغيري نفسك بنفسك وانا اشوف انو ما عندك ثقه بنفسك لانو لما الواحد يكون واثق في نفسه يجرب الشىء اللي يبغاه وما يقول ما اقدر الا لما يجربه ويطور نفسه وما يخلي اليأس يسيطر عليه مو يقولي الواثق بنفسه يمشي ملكا --- على العموم انت لا تيأسي واعلمي انو الله سبحانه معك مادام انك تدعيه وتصلي وتقومي بالفروض اللي ربنا امرنا بها بس لا تقولي انا ما انفع للزواج وما انفع لشىء انت بهذه الطريقه تحطمي نفسك بنفسك وهذا غلط اذا في مجال انك تستشيري اخصائي وحتى لو عن طريق الجوال افعلي وامشي معاه خطوه خطوه -- ولا تقولي انو ما اقدر وانت بيدك انك تغيري نفسك ان شاء الله بس الموضوع يبغاله همه وتفاءل -- وان الله لا يغير بقوم حتى يغيروا ما بأنفسهم --- ونحن معاك في اي احد تحتجي لاخت جنبك ---

 

[نوح الحمام]

الاستغفارررررررر

وقرات سوره البقره

وقرات الرقيه

يمكن اللي معك عين او حسد

الله يشفيك ويشفي مرضي المسلمين

 

[عطرالفل]

عليك بالاستغفاروالرقية

 

[آسيرةعيوونه]

فيه عشبه اسمها عشبة القديسين عند العطارين تعالج الاكتئاب اقرائي عنها كمان

 

[بنوتةنعومة]

حبيبتي...لاتتوتري..هذا عارض يمر به كثير من البنات بعمرك
ففترة المراهقه تكون بها توتر خاصة حين يتغير بها المكان او الحالة
فانتي الان جامعية كمافهمت رربما تغير الروتين والانتقال من ظروف
الى اخرى تخيفك ويظهر عليك هذة التغير والاضطراب
عزيزتي..لاتقلقي فباذن عارض ويزول وانظري الى مستقبلك
وطموحك الوردي ولاتدمري نفسك بتفكيرك انك مريضة
واشغلي نفسك بامور تحبيها ...واجعلي لك بصمة ف المنزل كمساعدت امك ب اعداد الطعام
تحضير شي تحبيه فكري تسعدي نفسك بنفسك.
وفقك الله وحفظك ....
لاتنسي ان تكثري الدعاء وتتحصني بالاذكار