ضرتي ستقتلني قهرا .. انصحوني

إتصدقون من فترة راحت وطلعت له قصة جديدة إني أنا قايلة لها إني ما أبيه وإني قاعدة أروح عند محامي أشوف وضعي القانوني وأرفع قضية عشان يطلقني منه .. وهو بكل بساطة متصل مثل المجنون يهاوش ويقول عنده إثبات بعد .. وأنا قلتله الإثبات يلي عندك إنقعه وإشرب ميته لإني واثقة من نفسي وبعدين أعتقد إننا للحين ماوصلنا لمرحلة أروح لمحامين ...

أكثر شي يقهر إنه كذاب درجة أولى وكله على أشياء تافهة ماتسوى يكذب فيها ولا هو مضطر يكذب أصلا ولا محصلة حل لكذبه ... مثلا أتصل ومايرد وأنا يجيني شعور إنه مع أصحابه وأكثر من مرة أروح وألاقي سيارته هناك ولما يتصل أخر الليل أقوله عسا ماشر فيقول أسف راحت علي نومة ... وأنا أكثر من مرة واجهته شلون نايم وأنا شايفة سيارتك بالقهوة وهو بكل بساطة ينفجر فيني ليش أراقبه ...
أمس مرة ثانية سوا نفس الحركة يقول كان نايم وأنا كنت معدية صوب بيتهم وماكانت سيارته هناك ....
 
قطرة في بحر قال:
أنت تقولي أن زوجك يرسل لك كل المسجات اللي هي ترسلها أرسلي لها أنت مسج قوليلها تراك متعبة نفسك باللي قاعدة تسويه وكل اللي رسلتيه ما غير من حبه واحترامه لي وبعدين أرسلي لها كل المسجات اللي هي أرسلتها لزوجك يعني خليها تترد لها مساجاتها من جوالك يمكن تخجل من نفسها وتحس أنه زوجكم واثق فيك وما يخبي عنك شي ويصير موقفها جداً مو حلو
و وريها أنك قوية والموضوع ما أثر فيك
أنقر للتوسيع...

إتصدقين أنا فكرت بهذي الفكرة وكنت بسويها بس خفت من ردة فعل زوجي وإنه الموضوع بدل مايكون بصالحي يصير ضدي ... وإنه مايقول لي أي شي بالمستقبل .... أو يكبر الموضوع على أشياء تافهة ..
إتصدقين اليوم الصبح لما قالي قلتله والله حاسة حالي أطالع مسلسل كوميدي .. لو طفل بالروضة تقوله هالكلام مابيصدق ...
من كم يوم قالت له إني أفتش تلفونه وأخد الارقام وأتصل من برادات عشان أتأكد إذا الرقم لبنت أو ولد وهو يدري زين إن هي حركاتها مو حركاتي
والخميس قالتله (( ما أدري شلون إتفضل علي وحدة بتعرف واحد عليك وتفكر تخونك ))
واليوم الصبح جمعت القصتين مع بعض وقالتله إني بعرف واحد وأخليه هو يلي يتصل بالآرقام عشان يتأكد إذا كانوا لأولاد أو بنات ...
المصيبة إنه زوجي مو قادر يشوف التأليف وتسلسل الأحداث واليوم طلب مني أحلف على راس أمي والقرأن إن المسج يلي مطرشتها مو صحيحة ... ومع هيك لمل جا قعد شوي وعصب على شي سخيف بعد شوي ومشى وأنا ساكتة ماتكلمت شي
 
قولو لي الصراحة ...
إنتون لو كنتون مكاني ويش بتسوون ؟؟؟؟؟؟؟؟؟؟؟؟؟
هل مستعدين تتهاوشون مع الزوج في سبيل توقفونها عند حدها !!!!
ولا بتهدون السالفة وخلص !!!!
 
لو مكانك والله ما اسكت اواجها قدامه اتصلي فيها وخلي زوجك جنبك واساليه عن الكلام الي قالته وعن الكذب الي جالسه تطلعه عليك وجوزك يسمع وشوفي اش تقول ووقفيها عند حدها سواء نكرت او اعترفت في صالحك لو نكرت الكلام الي قالته راح يعرف زوجك انها كذاااابه ولو اعترفت لا تسكتيلها وقفيها عند حدها وبعدها اقطعي علاقتك فيها لا متى بتسكتين لين يخرب بيتك:30:
 
اكثري من الدعاء والاستغفار والله يفرج همك ويحننه قلبه عليك
 
@مفاهيم الخجل@ قال:
لو مكانك والله ما اسكت اواجها قدامه اتصلي فيها وخلي زوجك جنبك واساليه عن الكلام الي قالته وعن الكذب الي جالسه تطلعه عليك وجوزك يسمع وشوفي اش تقول ووقفيها عند حدها سواء نكرت او اعترفت في صالحك لو نكرت الكلام الي قالته راح يعرف زوجك انها كذاااابه ولو اعترفت لا تسكتيلها وقفيها عند حدها وبعدها اقطعي علاقتك فيها لا متى بتسكتين لين يخرب بيتك:30:
أنقر للتوسيع...


والله خايفة يخرب بيتي بالحالتين .....
 
الله يفرج همك ويزيل غمك


اقطي علاقتك فيها اصلا من الاول كان المفروض ماتكونين معها علاقه لانها كانت تختبر شخصيتك ويوم عرفتك وعرفت طيبتك استغلتها بالهجوم عليك
 
حبيبتي قطعي كل علاقتج فيها وخليج مع زوجج وبس وبنفس الوقت لاااا تذكرينها ولا تستقبلين مكالماتها ولا تردين على مسجاتها وخلي زوجج شاهد على مسجاتها اللي اتطرشهم لج واذا ما فاد واجهيها بحضور زوجج وعطيها كلام يكشفها على حقيقتها والله بنصرج عليها​
 
اطلب منة يغير رقم بيتك واقطعي عالقتك فيها نهائيا وابعدي عنها ولا تكلمينها هن شي وقوليلة اذا صار بيجي عندك يقفل جوالة احسن عشان ماتقعد تزعجكم واصلاهذا من قهرها منك تسوي كذا وكان اصلا ماوفقتي علي شوفتها وتفاهمي انت وزوجك علي هدواء وخليها تولي
 
:7:
kook قال:
حبيبتي اذا جااااااكي زوجك بكلام كذا لاتعصبي ولا حاااااجه قولي له وربي ماحساااااااامح اي احد يتكلم في عرضي
000واذا انت شااااايف حااااااجه اتاكد بنفسك 000
اما ضرتك فااقطعي علاقتك فيها وخليها رسميه اذا ضروري00
أنقر للتوسيع...
نفس الراي:7:
 
الله يكون فى عونك ياختى الغاليه وانا حسه فيك لانى امر بنفس التجربه تقريبن-والكن انصحك بى الاستغفارفانه شى عظيم -وحاولى تصبرين على كلامه لانه هى المستفيده فى النزاع فيصبح عندك مايرتح وهذ غلاط ويكون في صفها اتركيه وطنشى وبدى حياة جديده في الود والمحبه مع زوجك ولاتاثر على حياتك والله يصلح بينكم ياختى الغاليه وبتوفيق وطمنينى عليك
 
ان الله ينزل الى السماء الدنيا في الثلث الاخير من الليل فأدعيه بالفرج والنصر عليها وان الله يسخر لك زوجك وادعيلي معك ان الله يفرج عني فوالله اني في كربه
 
هنيئآ لك اختي الكريمة ان كنتي مظلومه لا ظااااااااااااالمه .. فأنتي القريبه من الله ولك دعوة توعد الله استجابتها لكل مظلوم ..

فعليكي بسهام الليل فأنها لا تخطي
 
بحكي لك سالفه صارت لبنت عمي زوجه ثانيه وشوفي انتقام ربي
كانت الزوجه الاولى تسوي مثل هالحركات واكثر تخيلي اذا جت ليلة بنت عمي والله تخلي بنتها وصديقة بنتها ترسل ناس يتصلون على بنت عمي ويسكرون ويسوون حركات في التليفون وتبويس ووساخه عشان يشك زوجها وصبرت بنت عمي وخلت اهلها يسوون بحث على الارقام ومواقعها وما طلبت من زوجها لأنها خافت انه يعرف ولا ينصفها وبعد ماجابت كل الاثباتات ورتها زوجها وقالت انا ماابي حقي منك انا اطلبه من رب العالمين ياخذه منهم وقعدت فتره تدعي ربها ينصرها
غير الحركات اللي يسوونها من تحريض وتفسير تصرفات بسوء نيه وبعد فتره والله مااكذب الاولى بعد ماملت من الزوج ومن تصرفاته مع انها معطيها اكثر من حقها صارت تكلم اشخاص على المسن وطلع من ضمنهم شخص يقرب للثانيه واكتشفت الموضوع والاب اكتشف ان بنته لها علاقه خاصه مع واحد من اقربائها والله والله
والثانيه عرفت وتكتمت على موضوع الزوجه ولا فضحتها وقالنت ربي ستر عليها اما اجي وافضحها والله مااسويها وربي بيوفقني بعيالي
والحين الزوج لو تفتح الاولى فمها بكلمه على الثانيه هددها بالطلاق وقال لها اذا مو عاجبك روحي بيت اهلك الباب يوسع جمل
واحكي لك موقف سمعته من امي عن واحد من زمااااااااااااان تزوج وحده ثانيه وزوجته وبناتهااتهموها في شرفها انها لهاعلاقه مع سواق تخيلي الدناءه وين وصلت وعذبهاالزوج عشان تعترف وهربت منها وودخلت مصحه نفسيه ودعت ربها ربي يبليهم بمااتهموها فيها وبعد سنه البنت هربت مع واحد تعرفت عليه وللحين مالقوها والام طلقها الاب بعد هروب بنته وتعب الاب نفسيا وجا عند اهل الثانيه يبي يردها ورفضت قال ابيها بس تحللني وتسامحني بس والام بعد جت عند الثانيه تستمح منها وتقول هذا ذنبك واشهد لله انك اشرف وحده قابلتها واخرتها من تعبها رمت بنفسها في بير ماء
فلا تخافي وتاكدي اذا انتي مظلومه ربي بياخذ لك حقك اذا مو في الدنيا في الاخره
 
طنشيها وسوي جوى ثاني حق زوجك ابكي لما يغضب عليكي خلك دلوعه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل