ضربني وطلعت من البيت؟؟؟والداهيه داخل؟؟؟

الله يرحم ابوك ويسكنه الجنان ويجعل قبره روضه من رياض الجنه
الله اغفر له وارحمه وتجاوز عنه .. واسئله ان يهون عليكم ويلهمكم
الصبر والسلوان وان يحفظ لكم الوالده ويمتعها بالصحه ..
كما اسئله ان يفرج همك ويصلح حالك
 
الله يرحمك والدك ووالدي وجميع أموات المسلمين ويسكنهم فسيح جناته000ويسخر لك زوجك 0
 
اختي عظم الله اجركم والله يغفر لأبوج ويرحمه ويرحم اموات المسلمين

وعلى موضوعج انتي تقولين سوالف المعاكسات والسفر وخرابيط زوجج من زمان وانتي مفكره ألحين تنفصلين ألحين وانتي عندج اربع اطفال !!! اختي صلي عى النبي وين هالتفكير قبل لاتجيبن هالاطفال ؟؟؟ وينه من زمان ليش ماخذيتي مانع للحمل تشوفين فيها زوجج اذا زين او شين تجيبين عيال او اذا طلع شين تشيلين عمرج عنه لان الاطفال مالهم ذنب ألحين تفكرين انتي ماعندج طفل واحد او طفلين انتي عندج ماشاء الله اربع لازم تضحين عشانهم فكري بعقلج مو بقلبج اتركي العواطف على جنب وزوجج له الله راح يجيه له يوم ويعرف انه حياته كلها غلط بغلط
وعلى ضربه لج لاتسمحيله وليش سكتي عن اول مره عشان سكتي تمادى للمره الثانيه حطيله حد على ضربج ووقفيه وهدديه اذا سواها مره ثانيه ماراح تسكتيله وانج راح تعلمين اهلج عشان يعرف ويحط في باله انه عندج ظهر
مو مكسور والله انه مورجال اللي يمد ايده على امرأه ابوي مايقدر الا على امي وعند الرجال تلقينه دجاجه
الله يسخره لج ويهديكم لبعض
 
طيب ليشطقك اكيد فيه سبب يعني هو مجنون يضرب بدوووون اي شي عصبه ؟؟
 
الله يرحم والدك واموات المسلمين ويصبركم

اختي ...انت حلي اول موضوع الضرب بعدين فكري في موضوع المواقع الاباحية

انت تقولين انه مو اول مرة يضربك

ممكن تقولين لنا وبكل شفافية اسباب الضرب ؟؟؟

و اهم شي السبب اللي خلاه يضربك اخر مرة ؟؟؟

ما هي ردة فعلك اتجاة ضرب زوجك لك في كل مرة ؟؟؟

هل سبق و دخلتي احد في موضوع الضرب ؟؟

في انتظار اجاباتك عزيزتي
 
عنقود عنب قال:
الله يرحم والدك واموات المسلمين ويصبركم



انت تقولين انه مو اول مرة يضربك

ممكن تقولين لنا وبكل شفافية اسباب الضرب ؟؟؟
اسباب الضرب طلبت امي اني اجيها لان عندها ضيوف بيعزون وجيت عندها وكلمني قال اختي تيبي تشوفكم وتسلم على عيالي قلت خير تعال خذهم..قال:لا كلكم تبيكم< وتراها اصغر مني بس> ...قلت الان مانستطيع ياليتها تمرح ونشوفها بكرا اذا رجعنا لبيتنا قال بعطيها خبر..كلم من بكرا وقال خليكم جاهزين قلت خير وماامداني اسكر الا جت بنت خالتي من تبوك وهو يعرف اني احبها بديت افضفض لها عن وفات الوالد الله يغفر له وقالت تكفين اطلبيه تجلسين ..كلمته وقلت له قال لا..قلت زين ودعتها ورحت لبيتي وسبحت عيالي ولبستهم وبعدين دخلت تروشت وقعدت اسشور شعري وجاء زي المجنون ماخلصتي قلت الا بس شوي وانا اصلا في خاطري انها هي الي تجي تعزيني مو انا الي اسير عليهم وتعزيني ست الحسن والجمال في بيت اهلها؟؟؟؟؟؟؟؟ المهم هم كل شوي يكلمون عليه وهو سوا فيها فاهم وقوي وكلمه مني وكلمه منه قلت مابي اروح ابي ارجع لامي وانهرت وبكيت وطاح فيني ضرب بالعقال لين جسمي كله مرا...وهذي ثاني مره يضربني والسبب تحريضها هي ..لكن ماتلبث الا ينتقم منها ربي لدرجة امه تصرخ عليه وتقول مايصير لاختك كله بسبت حوبة مرتك...


و اهم شي السبب اللي خلاه يضربك اخر مرة ؟؟؟
ذكرته سابقا" وهوضابط ويبي كل شي تمام..وعصبي ميه بالميه واذا عصب مايعرف يمه ارحميني ...واكثر مايثيره اهله انت رخمه تدربي راسك وراها فيرجع على ويثبت لهم رجولته؟؟؟؟؟؟؟انه قوي ويضرب


ما هي ردة فعلك اتجاة ضرب زوجك لك في كل مرة ؟؟؟
المرات الاولى كنت ارجع لانه الله يغفر له ابوي كان يقولي مسكت لحيتي الرجاجيل والان راح الغالي ومافيه اغلى منه الله يغفر له...ولاافكر اني ارجع



هل سبق و دخلتي احد في موضوع الضرب ؟؟
اخوي الكبير لكنه الان في السجن...وماودي اغثه بموضوعي لانه انسان اخلاق وعاقل

في انتظار اجاباتك عزيزتي
أنقر للتوسيع...

على فكره ودي بالطلاق بس خايفه من الله بهاالاطفال لانهم بدو يعيرونهم يقولون انتم ماعندكم ام...
واليوم كلم الوالده وقال بنتك ماهي صاحيه اقروا عليها...
ومع هذا ماودي ارجع ابدا ابدا ابدا لو انتحر ولا ارجع عند هالرخمه الي يقودونه اهله...

وللمعلوميه غسيلي منشور في الحاره لانه ماخلا احد الا شكاله واستشاره العاقل والمهبول ويقول ماني مطلقك الابعد10سنوات عشان يروح شبابك وماحد يبيك واطلب منك 200الف :crazy:
 
المسكين غير قفل غرفة النوم عشان يخلى له الجو ؟؟؟وبعدين تحسف وغير اقفال البيت كلها ههههههه على بالله اني بجي؟؟؟؟؟؟؟

الكلام هذا قالوه لي العيال والشغاله لاني طلبت منهم رقم pukحق الشريحه قالوا ياماما مقفل بابا الباب؟؟؟

المهم عندي عيالي كيف اعاملهم؟؟؟واهدي نفوسهم؟؟؟؟؟؟؟؟؟؟
 
اختي نصيحتي لك بالصبر فالصبر مفتاح الفرج عليك بالالتجاء الى المولى عز وجل بالدعاء
 
مرحبا أختي

أتمنى تكونى طيبه وبخييييييييير

بالنسبه لزوجك شكله من الأساس وهذا طبعه يعنى ماجات حركاته في يوم وليله.....:schmoll:

والمسؤل عن هذا للأسف أنتي :thumbdown:


بعد هالمده كلها تقولين طفشت تعبت !!!!

خليتيه يتمادى بضربك وإهانتك وتحملين وتولدين وهو على هالتصرف الغبي !!!!

طيب ليش ؟؟

في شي أسمه مثل مالك عليك....بلاه والله ماطاح في يد رجال يلوي وجهه عشان يعرف أن الله حق

أما أنتى عادي عنه كل شوي يوسم على جسمك ...

واليوم الثانى ولا كن صار شي تطبخين له وتربين عياله وآآخر الليل تعطينه حقه :schmoll:

كنك أنتى الغلطاااااانه .....والله حاله


عموما" .... إذا أنتى حاسه أنك ماعاد فيك طاقه تكملين معه فأستخيري قبل ماتخطين خطوه وحده....

وبعدين حطي في أول القائمه عيالك يالي مو واحد ولا إثنين وين بيروحون إذا صار شي لاقدر الله !!!!

حرام تقولين أبي الطلاق وبكره إذا حسيتى بالفرق ومرارة بعد عيالك عنك قلتى ياليت وياليت....

وهذا مو معناه أنك تسكتين عنه لا .... بس خلي الطلاق آآآآآآآآخر شي تفكرين فيه

دخلي أحد من خوالك أو عمانك يكلمه .... ويآخذ عليه عهد إذا مد يده عليك مره ثانيه أنك ماتجلسين عنده....


بعدين تعالي ....خير تروحين لأخته وهي ماجات وعزتك في الوالد !!!!!

ليش صايره سلبيه لهالدرجه ؟؟؟ إذا خايفه يزعل في الطقاق يطق راسه ولا تجلسين تآكلين في نفسك

وتتحلطمين ....الصح صح والغلط غلط مهما كاااااااااااان....


أخيرا"....دعواتى لك بالتوفيق....:bye1:

رحم الله والدك ووالديّ وجميع موتى المسلمين....اللهم آآمين....
 
اللهم ارحم موتانا وموتا جميع المسلين ........... اللهم اوسع عليهم قبورهم
امين يارب العباد

غاليتي في رجال ضرب عندهم هواية يعني انتي ولا شي بالنسبة له وفي رجال يضرب زوجته تهذيب يعني لسانها طويل ويبي يقصه وفي رجال الضرب عنده ليبس تأديب ولا ينقص من مقدارك بس يومكن انتي استفزيتيه لان لا يعقل يضربك بالعقال ما توصل لهذه الدرجة الا بعد ان طفح الكيل اما الموقع الاباحي لا تكلميه الحين ولا شي طنشي شوي لان هو الحين ياندمان يا انه يبي معاج مشاكل وبيقلبها عليج تأني وخلي العلاقة تهدأ بينكم بعدين حطي النقط على الحروف تقدرين تخلينه يحترمك غصبن عنه لا تقليلين من شأنك قدامه دامه ضربك مرة وسكتي وجت الثانية وضربك وسكتي وخليتيه يتمادى فكري مع نفسك شوي وين الخلل في العلاقة ؟ وراجعي نفسك لان الرجل يفكر انه رجل وانتي الخسرانة بدالك عشر اسفة انا ما اقصد اهينك ولا اي شي بس هذا حال مجتمعاتنا محد يقدر يغيره غيرك انتي بس انتي فكري مع نفسك شوي الغالية وطمنينا​
 
ما بقولج لا تردين له لان هاي اول مرة يمد يده بس ليش؟ اكيد في سبب ..شو هو السبب .. بس مهما كان الريال ما يمد يده شو ما كان على حرمة فكيف حرمته؟؟؟ شعاري الريال اللي يضرب حرمته و بالشكل اللي توصفينه مب ريال و لا يستاهل ..
شوفي اذا كان يحب عياله و يداريهم و يراعيهم لا تخافين عليهم فكري بنفسج اول شي ...مردهم بيونج اذا كانوا صغار يا بالطيب يا بالمحاكم و لا عليج ..
نصيحتي لا تردين بسهولة و خليه يعرف ان اللي سواه مش سهل و اذا بغا يرجعج حطي شروطج و لا تتنازلين و حذريه و عاتبيه ان يمد ايده عليج مرة ثانية _ تحذري اذا ما حطيتي حد من اول مرة عادي يعيدها مرة ثانية و لا عليه _ الريال يحب الحرمة القوية و اللي تعرف شو تبا بالضبط فكري زين و شوفي نفسج ..الين متى الحرمة تستحمل عشان عيالها هم مب عياله بعد ...
 
لا تردين له بالسهوله خليه يحس بغلطته وخلي اهلك يتفاهمون وياه
لان بعض الرجال اذا شافوا الحرمة ما عندها سند تمادوا في تصرفاتهم
 
الله يرحم والدك ويسكنه فسيح جناته

أول شي أمك للحين بهمها فخليها ولا تشغلين قلبها وتفكيرها فيك
كفاية اللي فيها
زوجك مع احترامي لك ما عنده ذرة احساس المفروض انه يوقف معاك ويريح قلبك بدل ما يؤذيك بهالشكل الوحشي
هاذي لو عدوك ما عمل معاك اللي هو عمله
تركيه عنك وطنشيه
اعتبريه هو والكرسي واحد
اخذي لك قسم بالبيت خاص فيك انتي بس وقولي له انت بطريق وانة بطريق
يا تحترمني وتلزم حدودك معاي والا مالك حق حتى تطلب مني كاسة ماي اجيبها لك
وعيشي حياتك واستغنتي عنه قد ما تقدرين
وقولي له هاذي بيتي انة الداخلة وانت الطالع
ان شا الله يطردك لا تطلعين (ما فيها مسألة كرامة هاذي حق من حقوقك لا تتنازلين عنه ) قعدي في بيتك من غير ما تعطينه وجه ابد ابد حتى ينصلح حاله
أما عن الموقع الاباحي فاياني واياك تفتحين له سيرة بس اللي عليك تصيدين أدله تدينه وتجمعينه من غير ما يحس
لأن الرد الطبيعي لمثله هو الهجوم عليك بوحشيه اكثر والدفاع عن نفسه
خلك قوية صلبة ثابتة ولا تتنازلين عن حقك بسهولة
ولا تستمدين قوتك من ام او ابو او زوج
قوتك بالله ثم بنفسك

واللهه يوفقك
 
الله يرحم أبوك ويغفرله ويرحم أبوي ويجعلهم في الجنة
حبيبتي الحياة يبغالها صبر ومافيها راحة أنا كمان بعد وفاة أبوي زادت مشاكلي مع زوجي بس أعرف نقاط ضعفة وأتعامل معاه سرت مو مرأة لا والله سرت كل شي أم وزوجة ورجل وأخت همي كبر معي هم نفسي وهم أخواني والحياة الي فجأة لقينا نفسنا فيها وحيدين
ولا زلنا وحيدين
وانت ياغالية أذا زوجك فيه خير دوري على الخير فيه واستغليه واجعلي بيتك أيماني اسحبي زوجك للطاعة بهدوء وربي يسخره لك
 
بصراحة ان خيرونى بين طلاقى وان يتفرج زوجى عالافلام الاباحيه سافضل ان يتفرج مدى الحياة وزلك لان قناعتى ان الله من يحاسب وليس البشر وان تفرج ساوكله الى رب العالمين هو يتصرف معه ويعاقبه ولن اسعى لتشريد اولادى وخراب بيتى وتعب اعصابى
 
الله يغفر لوالدك ويجمعك معه بالفردوس..
حبيبتي لابد ان يتدخل احد اهلك ليوقفه عند حده من اجل الضرب..
 
الله يرحم والدك رحمه واسعه يا اختي عدي ها الموضوع هذي المره على خير اهلك اللي فيهم كافيهم وانتي بعد لا تضغطين على نفسك ا كثر يكفيك هم فراق ابوك ماراح تتحملين فراق اعيالك وتشتيتهم اصبر عسى الله يعدلها
 
كان الله في عونك اختي

انت ذكرتي ان ....
" وهوضابط ويبي كل شي تمام..وعصبي ميه بالميه واذا عصب مايعرف يمه ارحميني ...واكثر مايثيره اهله انت رخمه تدربي راسك وراها فيرجع على ويثبت لهم رجولته؟؟؟؟؟؟؟انه قوي ويضرب
أنقر للتوسيع...

عزيزتي ... هذا انت قلتي انه ضابط ويبغي كل شي مضبوط و تمام و يمشي مثل الساعة ...وانه عصبي

كان بامكانك انك تتفادي هذا الشي و تطيعينه ...شوفي عزيزتي ...انا ما ابرر له ضربه لك ..ابدا ..مهما صار ...المفروض الواحد يتحكم في اعصابة ...,لكن شاء الله ان تبتلي بانسان مثله عصبي

كان بامكانك تجنب ردة فعله ...يعني هو كان متفق معك على موعد معين ...وانت حاااااولتي انك ما تروحي الموعد لما وصلت بنت خالتك ...هو رجال و ضابط ..و معناته انه انسان يتقيد بمواعيد و يلتزم بها ..وهذا يخليه لا يلتفت الى الجوانب الاجتماعية والعاطفية ..يعني هو ماله شغل ببنت خالتك او عمتك ...او حتى امك ...مع انه سمح لك انك تعتذري عن الموعد الاول . لكن هو اصر على الموعد الثاني ...ويمكن حط في خاطرة انك حاولتي انك ما تروحي لاهله

هذا اولاً ...

ثاني شي انت تأخرتي في التجهيز ...لا تنسي انه ضابط يعني كل شي بالدقيقة يحسبة وانت بالنسبة له لم تحترمي الموعد

وانت يا عزيزتي تعرفي انه عصبي ...هذا شي

والشي الثاني انك ما كملتي او ما شرحتي لنا وش صار من كلام بينك وبينه

اكيد قلتي له كلام يرفع ضغطة و يستفزه...وارجع و اكرر لك ...لا تنسي انه عصبي و انه ضابط ..وهذا ما تقولينه انت

يعني المفروض انك عارفته و خابزته و عاجنته ...المفروض ما تعطية فرصة انه يعصب عليك ...وتكوني عارفة ما هي الاشياء اللي تخلية يعصب و تتجنبينها

الان وش الحل


الحل مو اللطلاق ابدا يا اختي

في الف حل و حل

انت في رقبتك اولاد ...اليوم هم صغار ...ما يفهمون شي

لكن بكرة اذا كبروا وانت متطلقة من ابوهم راح يلومونك ...راح يقولون لك ليش ما حاولتي تصبري و تفهمي ابونا

انت فرطتي فينا عشان نفسك ..صدقيني ما راح يفهمون اسبابك انت ...وراح تعيشي في عذاب ضمير

خاصة يا اختي انك ممكن بذكاءك تخلية يميل لك .. افهميه اكثر ...احتوية

في رجال كذا ..هذه هي طبيعته ... يكون ناشف في تعاملة مع زوجته ...,لكن بذكاء الزوجة تعرف كيف تروضة

بهدوءها ...بتفهمها لاحتياجاته ..و طباعة

ارجعي ...لكن اعملي له فركة اذن خليه يتعلم انه ما يمد يده مهما صار

لا تعطينه المجال يا اختي انه يكرر هذا الشي مرة ثانية

ارجعي لكن بشروط ...وخلي حكم من اهلك و حكم من اهله يشهدون على ما حصل بينكم من اتفاق

وربي معك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل