ضربت زوجي

الحالة
مغلق و غير مفتوح للمزيد من الردود.
الصراحه اسلوب مب حلو مع الزوج ولو انا مكانه برد لج الضربه ضربتين ^_^
وبشوف شو احساسج بعدها
 
الي يبعتولي رسايل عالخاص افضل انكم تكتبو هني احسن

و على قولت الشاعر الدليل الله يدله و العزيز الله يعزه
 
عجبتنى وماالومك
لاتعذرى
ولاكانك سويتى شى وبتمشى الامووور عادى

اما الردود تحفه
الله يسخرلك زوجك امارتيه دلع ويوفقك يارب
 
الصراااحه كلامج كله متناقض مره تقولين ضربته بدون قصد ومافيها شي ومره تقولين لو خاني بكسر راسه بقصد وعمد ومره تقولين جد ضاربتنه قبل ويا وباس راسج مادري اشمعنه هالمره حسيتي ولا بس عشان تنزلين موضوع؟؟؟؟

وتقولين يموت فيج وتعرفينه وتعرفين كيف تراضينه طيب ليش تدورين على حل لمشكلتج والشي الثاني انا تابعت كل ردودج وعرفت انه ريلج مارقد فالبيت وبعدين قلتي رقد فالميلس وقام بدري وراح الشغل وطيب وبعدين شو صار من احداث ثانيه عشان اطولين الموضوع؟!!!!!!
 
ههههههههههههههههههههههه

اعتذري له وقولي له المفروض تفرح

من كثر حبي غرت عليك


​
 
شمعة البيت قال:
الصراااحه كلامج كله متناقض مره تقولين ضربته بدون قصد ومافيها شي ومره تقولين لو خاني بكسر راسه بقصد وعمد ومره تقولين جد ضاربتنه قبل ويا وباس راسج مادري اشمعنه هالمره حسيتي ولا بس عشان تنزلين موضوع؟؟؟؟

وتقولين يموت فيج وتعرفينه وتعرفين كيف تراضينه طيب ليش تدورين على حل لمشكلتج والشي الثاني انا تابعت كل ردودج وعرفت انه ريلج مارقد فالبيت وبعدين قلتي رقد فالميلس وقام بدري وراح الشغل وطيب وبعدين شو صار من احداث ثانيه عشان اطولين الموضوع؟!!!!!!
أنقر للتوسيع...
شو شو شو بما انه مب عاجبج الموضوع ليش رديتي

انا مب متناققضة انا صدق تلومت يوم سويت هالشي بس لما شفت ردود الحريم عاندت لانهم عادي عندهم ريال يضرب الحرمة و لو هي غلطت تروح فيها بس
هيه صدق لو خاني بتكون اخر ليلة بعمره و بكررها مليون مرة لين اخر عرق فيني
لو انا الي سويت الحركة فرايج شو كان صار؟؟؟؟
 
اي حركه؟؟؟؟!!!!

وبعدين انا رديت عشان استفسر منج بما انج نزلتي موضوع لازم نقوم بالواجب ونرد عليج

وبعدين >>ليس كل مايقال حقيقه<< يعني ممكن وحده تقولج لو انا منج اجلع عيونه وهي فالحقيقه ماتروح حتى اطالع عينه

اختي انا بغيت انبهج انتي ماتدرين بكل وحده شو نيتها يمكن وحده تقولج جذه عشان تحرضج وتقوين على ريلج وتتفرقون مثل ماهي متفرقه ويا ريلها

الله يجمع بينكم على الخير
 
مب هاي المشكلة
المشكلة ان لو ريال كفخ الحرمة و دقها لي ما تقول بس و عن قصد يقولوها اصبري زوجج و ابوعيالج عادي و غيران ووووو
و انا غلطة و هب مقصودة سووني مجرمة و ما استاهل اكون حرمة و صغيرونة و ما عندي عقل و استاهل الذبح
ووووو
يعني الحرمة ما عندها رب هي بعد انسانة تحس
و الي يقهر بالموضوع اكثر ما حد علق عليه و قال حركة تعصب بس رسخ فعقلهم الكف الي عطيته

والله العضيم الحين بعد هالموضوع اكتشفت ليش الرياييل شايفين نفسهم و خقاقين ترا الحريم مسوين لهمم سالفة

هدا ما يعني اني ضدد الاحترام بالعكس بس بالعدل
 
يا حبيبتي كلنا ماعلقنا على ريلج لانه غلطان ومانعرف دوافعه ومش هو اللي ياي يشتكي

اما على سالفه لو الريال هو اللي ضارب مرته هذا كلام ثاني يعني لو انا مابرضى ولا بيلس عنده دقيقه وحده وحتى لو عندي عيال خير يا طير يعني اصبر ويضربني جدام عيالي اي احترام بيحترموني عيالي باجر يوم بيكبرون

نحنا نتكلم عن ضربج انتي لريلج لاتخلطين الامور ونحنا نحاول نصلح المجتمع مانخربه يعني ضربني اضربه وضربته يضربني

الله يصلج بس
 
والله زين سويتي لانو حركته باايخه يبوس بالصوره خير ان شاء الله عشان مره ثانيه مايعودها


والله اعجبتيني ماعليك منه لانه هو الغلطان
 
والله فشلتينا​




جدام الخليجيات وباقي العرب ​





ترا مب كل الاماراتيات جي الاماراتيات فديتهم فيهم انوووووووثه ورقه واحترااااام​



يا اختي عيب الكلام اللي تقوليه صراحه تقهرين بردودج وتوني عرفت سبب اسلوبج انتي صغيره وعقلج بعد صغير حاولي تكبري عقلج وهو اصلا قالج انا ماازعل من مينونه مثلج لاتعليق​




الله يهديج بس لاتزعلين بس لازم انصحج لمصلحتج

:2:​
 
المشرفات خلاص قفلوا الموضوع الحرمه تصالحت مع زوجهاا وخلالاص والسالفه قلبت وشوي بنشووف تمعط بالشوووش​
 
الله وناسه اول مره يصير موضوع بصفنا
ايه خليهم شوي يحسون بالمره
حبي انتي مو غلطانه هو استفزك
فديتك انا والله
بس عاد مادامك ضربتيه وخلاص ادعي ربك ورددي اللهم رده الي ردا جميلا
عساه يرجع لك يالغاليه الحين الحين
فديتك
 
{خخخخ حرام عيج اصلا هو ما ضربني يخسي خخخخخ بس طلع و سكر التلفون }

السلام عليكم:
بصراحه كنت متعاطفه معك لحد ماشفت كلمة يخسي!!!! بعدها قلت صحيح ان بعض الحريم
ماتنعطى وجه ولاتزعلين اذا قلت انه المفروض ردلك الكف بكفين !!صدقيني حقك !!
وأسفه بس انتي عرضتي موضوعك وانا رديت باللي احسه صح لو لنفسي.
 
حنااني قال:
والله فشلتينا​





جدام الخليجيات وباقي العرب ​





ترا مب كل الاماراتيات جي الاماراتيات فديتهم فيهم انوووووووثه ورقه واحترااااام​



يا اختي عيب الكلام اللي تقوليه صراحه تقهرين بردودج وتوني عرفت سبب اسلوبج انتي صغيره وعقلج بعد صغير حاولي تكبري عقلج وهو اصلا قالج انا ماازعل من مينونه مثلج لاتعليق​




الله يهديج بس لاتزعلين بس لازم انصحج لمصلحتج​

:2:​
أنقر للتوسيع...
فديت قلبي اماااراتية و افتخر و الي مب عايبه يغير جوازه شي يرجع له
 
الفوز من الجوز قال:
{خخخخ حرام عيج اصلا هو ما ضربني يخسي خخخخخ بس طلع و سكر التلفون }

السلام عليكم:
بصراحه كنت متعاطفه معك لحد ماشفت كلمة يخسي!!!! بعدها قلت صحيح ان بعض الحريم
ماتنعطى وجه ولاتزعلين اذا قلت انه المفروض ردلك الكف بكفين !!صدقيني حقك !!
وأسفه بس انتي عرضتي موضوعك وانا رديت باللي احسه صح لو لنفسي.
أنقر للتوسيع...

ليش يا بوي زعلانة هدي اعصابج الي نضرب ما عصب تجي و انا قلت يخسي عن طريق السوالف لان كانت ردودهم تعصب الي يقول لازم يطلقج و يدبحج خير انشالله غلط و خلاص
 
بنت شماليه قال:
الله وناسه اول مره يصير موضوع بصفنا
ايه خليهم شوي يحسون بالمره
حبي انتي مو غلطانه هو استفزك
فديتك انا والله
بس عاد مادامك ضربتيه وخلاص ادعي ربك ورددي اللهم رده الي ردا جميلا
عساه يرجع لك يالغاليه الحين الحين
فديتك
أنقر للتوسيع...

شفتي و في ناس مب عاجبنهم :31::31::31: بس الحمد الله مرت على خير يسلمو على المرور
 
انتي من النماذج اللي اتمنى يشوفها زوجي

كل ساعة و الثانية يقولي ماتقدريني و انا شايلته ع راسي

ليته يجي يشوف الرياجيل يصفقون كفوف و عاااااادي يرجع يبوسها ... حليله ولد الناس اللي يباري الساس

بس من جد رحمت زوجك فقير و الله ماله حشيمه عندك ابد !!
طيب انفعلتي و ضربتيه كف قلنا يالله صغيرة و تنرفزت و طلعت عن طورها
بس تجين هنا و تقولين يخسي .. و تتكلمين بكل سعادة و كانك مادبته
هذا اللي ما يصير

يالله مسيرك تكبرين و تعقلين او مسيره يأدبك و تقولين ياليت اللي جرى ما كااان
 
الحالة
مغلق و غير مفتوح للمزيد من الردود.
عودة
أعلى أسفل