ضاقت علي الدنيا ..بنات محتاجه دعائكم الله يرزقكم الجنه

[في الإنتظـار]

الســــــــــلام عليكم ورحمة الله وبركاته

هلا بنوتات ومخطوبات ومتزوجات وعيايز .........

بنـــــــات انا ضايجه فيني الدنيا فحبيت اكتب واشتركت عشان هالشيء
عل وعسى احد منكم تدعيلي وربي يستجيب


قبل كلشي ما اقول الا الحمدلله .. بدخل ف صلب الموضوع

انا بنت عمري 23 مرحه وحلوه بشهادة الجميع والحمدلله والكل من ربيعاتي كان يتوقع اتزوج قبلهن
المهم انه ولله الحمد ماصار نصيب لي بينما صديقاتي تزوجن

المشكله مووو هني المشكله انه الكل مهتم ف زواجي لدرجة بنات علاقتي بهن سطحيه يخبرني انهن حلمني مخطوبه

واللي حلمتني متزوجه مو باقي غير يحلمن زوجي معرس علي هههههه

ومابجى اسم زوج ماحلموني معرسته مره علي ومره مدري شو

وانا احيان اتحسس مع اني راضيه بنصيبي واثقه من جمالي وكلشي بس يقهروني الناس
لدرجة يقولون ليش ما انخطبتي مايصير هالجمال يروح جيه بعدين بتعيزين

وانا يغلي دمي لما اسمع هالكلام


بنــــــــــــات الله يوفقك كل وحده منكم ويخليها تطلع قمر فعرسها واللي مب متزوجه يرزقها اللي فبالها
ولايحرمكم من ريحة الجنه

ادعووووووووووولي بالزوج الصالح الحنون اللي يحطني فعينه ,, ادري كل تأخيره فيها خيره

بس صرت اخاف يكون فيني حسد او شي

واذا وحده منكم جربت طريقه لتعجيل الزواج بليز لاتبخلون علي


وسلامتكم والمعذره اذا غثيتكم بس حبيت اعق حرتي فالكيبورد هههههههه

الحين ارتحت ههههه​

 

[اهات الفراق]

الله يرزقك بالزوج الصالح عاجلا غير اجلا

حبيبتي لاتحزني ولاتضيقي ع خاطرك الزواج نصيب ولسى ماجا نصيبك

بأذن اللة بتزوجينن وتخلفين وبعد تطفشين هههههههه

بس الصبر وكل شي لة وقت مايعلمة الا اللة
لاتيئسين وتفكرين وتوسوسين انك لسى مانخطبتي وصحباتك تزوجوا ياقلبي كل واحد ماياخذ الا نصيبة

وصدقيني كل تاخيرة فيها خيرة

 

[جولايانا]

الله يوفقك ويرزقك زوج صالح عاجلا غير اجلا
اختي انا حاسه فيكي وعارفه نظرت الناس كيف صايره
انا نفس عمرك مخطوبه من اربع سنوات وما تحدد زواجي لضروف يمر فيها خطيبي لدرجة انهم ينظرونلي اني عنست خلاص وخطيبي بيتركني انشالله الله يفرج عليا وعليك اختي وعلى كل مسلمه

 

[محد يعوض مكاني]

عااااادي ياختي انااااا مثلج وداشه24 ونفس كلامج بس فلانه منخطبت وعادي معطيتهم طااااااف ومشكله اختي الي اصغرمني مخطوبه ويقطون نغزااااات وانا طاف الحمد الله راضيه بحكمة ربي ورزقه هو الي يرزق من يشااااااءبغير حساب سبحانه

 

[لمسة برـآءة ~]

اختي اقرئي سورة طه ثلآث مرآت بآليوم , لمدة اسبوع بشرط " مآحد يقآطع قرآئتك " ..
مجررربه بكثييير بنـآإت قرآب لي ..
انصحك تجربيهـآ ..
ربي يوفقك ^^
<< اذآ انخطبتي خبريني برسسآله *_^

 

[عروبه العتيبي]

اولاً. الله يوفيقتسسسً ياحيااتيً وتنخطبين ً وتكونيً اجمل نساء العالم بعينه يــاربـً

بسسسً ثانياً حييييييييل صغيرررررةً انـا لما قريت موضوعتسسً قلت شكلي ملخبطًه موووو 23 يمكن 32. ياحياتي.
ياعيونيً. انتيً. والله تراكً صغيررررررة. يعنيً لاتكبرينً السالفةً واللىً عندتسً بعد امبييييييهً منهم والله الموضوعً عاادي خالتي عمرها 30ولسسه ماتزوجتً طنشيهمً ماعندهم هرجه ياتسبديًً اانتيً

والله. يوفقتسسسً.



دمتىً 

 

[هو وينه]

هلا حبيبتي الله يوفقك يارب ويرزقك بزوج الصالح الي يسعدك وتسعدينه يارب عاجلاً غير اجلاً
ويرزقني الي ببالي اللهم امين يارب العالمين. دعووواتك

 

[في الإنتظـار]

مشكووووووره اختي آهـــــات الفراق .. الله يجمع بينج وبين احبابج يارب ولا يفرق بينكم
تسلمين حبيبتي ع هالدعوه
ادري كل تأخيره فيها خيره بس النـــــــــــاس يقهرون

 

[في الإنتظـار]

اختي جوليانا على وزن بوليانا هههههههههه ذكرتيني بالطفوله اهىء اهىء

امين حبيبتي الله يسمع دعائج ويفرج عليج كربج لج مني دعوة صايم
ويارب يحسن وضع خطيبج وان شاء الله تبشرينا بتحديد العرس عن قريب
واكون انا انخطبت ونقعد نتناقش ف امور خطاطيبنا ههههههههههههههههههههههههه

البنت راحت فيها احلام ,,, صدقو اللي سموني ماروكو​

 

[في الإنتظـار]

محد يعوض مكاني ,,,,,,,, ياجدعه انتي

المفروض الوحده تصير مثلك,,, أنا اعطيهم طااااااااف بس احيان القوي يمر بضعف بس تعبت من همزهم
ابغي اقهرهم ههههههههههه

الله يرزقنا عن قريب

 

[في الإنتظـار]

لمسة برآه ,,,,,, حلوه الطريقه من اليوم ببتدي

لاني حاطه فبالي خلاص بعد عيد الفطر انخطب ههههههههههههههههه

وان شاء الله بخبرج بالنتيجه وبكتب موضوع بعد

اتوقع اني بسوي مهرجان فالمنتدى اذا انخطبت لمدة شهر هههههههه

 

[في الإنتظـار]

اختي عروووووووووووبه

يامحلى كلامتــــــــــــــــــس عسل على قلبي والله

فديتس حبيبتي ياليت الناس مثلتس ادخلين القلب

الله يفرحج يارب ويرزقج كل ماتمنين ويزوج خالتج اميييييييييييييييييييييييين

اللهم ارزق الجنه لكل من دخل هذه الصفحه واكتبنا من العتقاء من النار امين

 

[عششوقة]

الله يوفقك ويرزقك الزوووج الصالح عاجلا غير أجل
وبعدين حبيبتي توك صغيره ولا يهمك كلام الناااس أنا كنت مثلك لان خواتي الثلاث الي اكبر مني
تزوجوا قبل العشرين وانا الوحيدا الحين مخطوبه وعمري22بس والله الناس مارحمتني والله يشهد أني جميله وحلوه واخلاقي ممتازه وحتى وانا مخطوبه النااس ماتركتني لان خطيبي مطلق بس أنا وافقت عليه لانه صغير بيني وبينه سنتين بس واخلاقه ممتازه وماعنده أطفال من طليقته ومن خمس سنوات مطلق وربي يشهد على انه كان حلمي بسبب سمعته الممتازه
ولما عرفت انه يدور على زوجه جلست استغفر باليوم اكثر من الف مرة ومر أسبوعين وتقدملي بس حبي أقولك ان كلام الناس ماراح تخلصين منه وماحد بيترك عازبه اومتزوجه وعليك بالاستغفااااار
والله ماراح أنساك من دعواتي لك وربي يكتب لك الخير ياقلبي

 

[هاكونا متاتا]

ربي يرزقك الزوج الصالح التقي النقي اللي يخاف الله فيكي ..


قلبووووووووووووووووو استغفرري كثير وحصني نفسك ..


وبشررينا لمن تنخطبي ​

 

[في الإنتظـار]

حبيبتي عشووووقه تسلمين لي

عين الصواب اللي سويتيه وانا لو كنت مكانج بسوي اللي سويتيه اهم شي دينه واخلاقه
صدقتي الناس مابتخليني الحل الوحيد نسويلهم اقنوررررررررررررررررررررررررررررررر

ومشكوره ع الدعوه انا بعد راح ادعيلج ’’’’ راح اتذكر اليوم فالفطور
الله يتمم زواجج على خير ويخليج ف عين خطيبج ملكة جمال الكون ويسعدج معاه

الله لايفرق بين قلبين امين​

 

[في الإنتظـار]

ههههههههههههههههههههههههههههههههههه

كنت ببوليانا وجت وراها عتووووووووووووقه وتيموووووووون وبومبا ’’’ يامحلاكم ذكرتوني بأيام الرسوم والبراءه

قال زواج قال هههههههههه

حبيبتي هكــــــــــــــــــــــــــــونا متاتا امين ياااااااااااااااااااااارب ويرزقج ربي باللي تبينه

افا عليييييييييييييييييج اكيييييييييد ببشرج وبسوي مهرجان وكرنفال وكلشششششششي وبنهيصصصصصصصصصصصصصص ههههههههه

 

[يا الزين]

ردي للأخت اللي تقول اقرأي سورة طه ثلاث مرات ولا احد يقاطعك .. ممكن نعرف من وين جبتي الطريقه .. هل وردت عن الرسول عليه الصلاة والسلام ؟؟

99% أحس انها بدعة .. بنات انتبهوا مو اي شئ تنقلونه ترا البدع تجلب سوء الخاتمه لصاحبها انتـــــــــبهوا ..


أما صاحبة الموضوع ترا لسا صغيره ياقلبي أنا بعد كم شهر بادخل الـ 25 وأشوف نفسي لسا صغيره فكيف انتي .. حبيبتي الخيره فيما اختاره الله .. انتي اكثري الدعاء ومافي مثل دعائك لنفسك لانه دعوة المضطر مستجابه وانتي المضطره ..

الله يرزقك الصالح من عباده عاجلاً غير أجل ..

 

[مهستره فله]

الله يوفقك يااااااااااارب ويرزقك بزوج الصالح اللى يسعدك عليك بالبقرة والاستغفااااااااااااار وربى بيرزقك ان شاء الله دعواتك لى ان ربى يعوضنى لانى انخطبت وانفصلت فديتك لاتنسينى

 

[سهم العشق]

داومي على قراءة سورة البقره بشكل يومي بجلسه واحده 00 ولا تنسي الدعاء ومفعوله اقوى شىء 00 ​

 

[بنت صنعانيه]

الله يسعدك ياااااااااااااااااااااارب وانتى توك صغيره وان شاء لله ربى يرزقك ازوج اصالح الى يخليكى فى عيونه