ضاعت فلوسي على هالمكياج

[قيثارة الصمت]

(ضاعت فلوسي على هالمكياج)

كيفكم ياحلوات؟

دايما نلقى مواضيع تسأل عن ايش احسن نوع من هالشي او من هالماركة ..
لكن نادرا مانلقى مواضيع تحذرنا من ماركات او اشياء معينة استخدموها بنات ولا اعجبتهم

يعني ..
لما الوحدة يكون لها تجربة سيئة مع شي جديد شرته نادرا ماتجي وتكتب عنه

فإيش رايكم نخلي هالموضوع لكل شي جربتيه في المكياج ولا اعجبك

..

بالنسبة لي ارواج بودي شوب وكانت خفيفة مرة ماتبين حتى لو اللون غامق وبسرعة تخرب ويطلع لها ريحه

وجربت فرش مكياجي وبسرعة بدأت تهتز وتتفكك لكن حليت هالمشكلة بإني رجعت احط باتكس من جديد واثبتهم

وكذلك شدو مكياجي الوانه خفيفة وغير ثابت:thumbdown:
وهذا اللي اذكره الحين ..

وياليت كل وحدة تقول لنا ايش اللي شرته وندمت على الفلوس اللي دفعتها فيه

 

[اناسيم]

قيثارة الصمت

امممممم

مره جربت اساس ديور ماعجبني كلش

هذا الي اتذكره الحين

مشكورة على الموضوع

 

[مكان القمر]

هلا

نصيحة مو اي شدو تشترونة وانتبهو من المكياج اللي بعلبة كاملة
اغلب الألوان باهته وماتطلع حلوة
اللي تحس نفسها مبتدأة تاخذ ماركة بيل فيزاج لأنها رخيصه كونك مبتدأه

.
.

 

[storylovly]

يسلمووووووو يالغاليه ع الموضوع
بحاول افتكر وارجع ان شاء الله

 

[TU Y YO]

انا شريت فرش من مكياجي ايام جهازي... ماحس انها انفعتني... يعني كني احط بإيدي بالنسبه لفرش البلاشر... ماتعطيني الشكل اللي ابيه زي تحديد الوجه او احمر خدود على عظمة الخد يعني ماتحدد لك.... اللهم الزين فيها ان ريشتها نااااااعمه... ماتمخش....شاريته حوالي ب 400ريال سعودي يعني ب 100 دولار

ليتني سألت قبل لا اشتري... بس شفت فرش bodyshop بس ماحسيت الفرش هي ناعمه ولا لا... بس اعجبتني لها كم شكل وخاصه تبع البلاشر كبير هذا اللي كنت ابيه....

وودي تنصحوني ايش احسن طقم فرش للمكياج...

وثاني شي بعد ارواج مكياجي كنه مرطب ماكنه روج الوانه مررررره خفيفه....

وكحل شاريته من مكياجي اسود سألته قلت ضد الماء قال ايه يوم شريته استغفرالله اول ماحط الكحل جوا العين على طول يطلع برا ماقعد اكثر من ساعه ويسيح خاصه اذا كحلت جوا العين على طول يرقى على الجفن المتحرك عند زاوية العين الداخليه على الظل ويخرب شكل العين

ابيكم تنصحوني ابي كحل للعين مو سايل ابي يكون اسسسسود مره ارسم داخل العين وثاااااابت مايسيل لو اكب مويه وملح على العين... وابي اي لاينر بعد مايسيل

وثاني شي شريت كحل قططططططع عيووووووووني من سيفورا... كحل ضد المويه حتى اني ماقدرت ارسم على اليد غصصصصصب ... كحل ازرق بلمعه فيروزي وفيه راس مشطوف سفنجيه.... مادري ليش السفنجه ماستفتد لا من السفنج ولا من الحكل

هذا بعد حسافته شاريته على الفاضي.....​

 

[أم رشود]

أنا جربت العديد من أنواع الكحل :sadwalk:وأخيرا وصلت للنوع إلى مايسيح برع الجفن وهو كحل ضد الماء من ماك

 

[*همسة*]

شوفوا انا جربت كحل من مـــــــــاك

بعد مامدحوة لي قرايبي

الميزة الحلوة فية ان لووووونة اسوووووووود مررة مو مثل باقي اي كحل تدعجين عينك حتى يطلع اللون

لكن يسيح مرررررة ويعدم عيني من اسفل

عشان كذا اللي تعرف كحل حلو ولونة اسووود جربتة تقولنا

وجزاك الله خير ياعسولة موضوعك جدااااا راااااااااااااااائع

 

[Um hassany]

انا جربت علبة مكياج من مكياجي .. حددددددددها فاشلة .. خصوصا الاي شدو .. الوانة كلللللللللللللللللش ما تبين ... انصميت فية ... وحتى الكحل الي فية بايخ وما يطلع اللون ....

وانا احس ان مكياجي ناجحة بالقلوسات والروج بس ...

تحياتي​

 

[~ BratZ ~]

بالنسبة للفراشي
عندي من 4 محلات
من لايف ستايل ... تعيسة وماتمسك الشادو عدل ماعجبتني ابد
ومن مكياجي الانجل برش للكحل الكريمي حسيتها حلوة ... وبعد خذت من مكياجي الفرشاة الصغيرة مالت الشادو (حق تحت الحاجب ومدمع العين) واايد حلوة وزينة
من بدي شوب عجبتني فرشاة الكونسيلر مالتهم حلوة ... أما باقي الفراشي تعيسة (فرشاتين لللشادو وفرشاة الاساس )
طبعا من هالمحلات الثلاثة خذت فراشي توزيع الشادو والدمج بس ماعجبوني حسيتهم مايدمجون عدل
في الاخير جربت فراشي ماك... صج سعرهم غالي .. بس ممتازين


أما بالنسبة لباقي الميك اب
خذت من بدي شوب ارواج وشادو وبلش وجحال ... ماعجبوني بالمرة
بس محددات الارواج عندهم حليوة (مو حلوة)...
عندي بعد جحال من جوردانو ... ماعجبوني ... اول ماجربتهم على يدي كانو اوكي ...بس يالله يبينون بالعين (مشترى خسارة خخخخ)

بعد جلوسات جيفنشي مووووو حلوة ... حسيت تركيبتها وايد ثقيله وماتبين

وبعد ارواج ومانيكير رد ايرث مو حلوين بالمرة (الارواج تركيبتهم حيل دهنية والمانكير ممكن يخترب ويتقشر من اول يوم)

شادو ريفلون مو حلو بعد ... ماتبين الوانه عدل
وشريت بعد كحل وارواج من ماكس فاكتور ماعجبوني

كل هالاغراض قطيتهم ماعدا الفرش... لين اشتري بدالهم زياده ذيك الساعه بتخلص منهم ^_^

في أمان الله

​

 

[&لحظه صمت&]

بالنسبه لي
جربت ماركه برجواااا
الاساااس والبودره زفت مررررره موحلوه
لاكن الماسكرا والكحل الدااخلي روعه بس يسيح
والاساااس اعجبني ديووور حليووو خفيف وطبيعي
والكحل السائل لانكووووووووووم لي اكثر من عشر سنوات وانا استعمله
ولا افكر اغيره

 

[spicey girl]

انا مكياااجي ورد ايرت خلالالالاص سويت عليهم بلوك ودليت هههههههه ما قمت اشتري منهم خير شر.. اغراضهم تعباااانة

بودي شوب بعد الاي شدو مالهم تعباان

بس احسن فراشي هي فراشي ماك .. تطلع الالواان غيير..صح انها غالية بس سعرها فيها وتعمر اذا حافظتي عليها

وغسلتيها بالمحلول الخاص بين فتره والثانية

وعندكم ماسكارا ديور بسرعة جفت عندي وما تكبر الرمووش احسن ماسكارا هي اج ار

وللحين ما حصلت مانكير يبرد الخاطر كلهم ثاني يوم ويتقشر ويعتفس ..

 

[بينكـْ دريمـْ]

مممممـْ انا اختلف مع البعض .. لان بعضهـا تكون المشكله مو في الميك اب تكون في الشخص نفسه ماناسبته ..

وكحـل سان لوران او استلاودر نسيت اي واحد منهم سوادهـْ مرره حلووووْ ..

 

[khawlah]

مراحب ،أنا أستخدم كحل قلم من نيفيا بيوتى وروعه وحتى المسكاره والأساس السائل والغلوسات عندهم روعه ودايما آخذ من عندهم ،البودره المضعوطه من بودي شوب ومرتاحه معاهه وبعدكريم أساس كيك من ماكس فاكتر ورعه يعني مكياجي منوع لأني آخذ الأحسن من كل ماركة،والفرش اللي يكون شعره لونه بيج وبني على الأطراف هم الأفضل وهو اللي عندي أخذته من محل مكياج عادي.وسلامتكم

 

[سر السعاده]

اي شدوا من مكياجي وفرشة بلاشر من مكياجي وبلاشر من ديور وكحل ابيض وروج اورنج من بودي شوب كلها خسارت فلوووس

وبالنسبه للي تسئل عن الكحل الاسود انا ريحني القلم اللي من برجوا يجي نص ابيض ونص اسود حلوو وثبات الكحل وسط العين اظنه طبيعه يعني مو في الكحل انا استخدم كحل يثبت في عيني ومايثبت مع الوالده يعني امي ماخلت كحل ماجربته مايثبت في عينها الحكل لازم يسيح

 

[يقولون ساحرته!]

اي شدوات + جلوسات لانكوم رهيبه ألونها وتعكس مره خطيره, الفراشي ماك + سيفورا مره روعه الماسكرا لانكوم ثم لانكوم ثم لانكوم تركيبة الصبغه السودا مره ثخينه وتبرز الرموش طبعا مو كل الانواع بس تقريبا آخر 3 أو اربع مساكر نزلوها كانت رائعه..

جتني هديه من علب الاي شدو الي فيها كل الالوان كان مأسااااااااااااااة نصيحه الميكب الرخيص خصوصا اللي ينحط في العيون خليكم حريصات وجربو قبل تشترونه..

وبس

 

[cat girl]

العلب الي بمكياجي حقت الارواج <<<فيها اراوج زحمه شكل الروج دائري وكل دائره داخلها لونين والعلبه دور واحد<<<< الوانها فاتحه تفشل
ويا بنات لا تذمون كريمات الاساس لان كل وحده تناسبها ماركه معينه حسب البشره

 

[نهيل]

قلوسات مكياجي اللي بعلبة و أرواج بودي شوب سيئة و خسارة فلوس
الأساس ماوصلت لنوع مناسب
و علب المكياج اللي من مكياجي ألوانها خفيفة و بعضها تسبب حساسية يعني تجارية