صينية الريش بالبطاطس .... احلى عشا بالصووور

[bonbon83]

مرحبا يا بلقيسيات .... كيفكم ؟؟ ان شاء الله طيبين ؟؟؟ كيف الاجازة معاكم .. يا حظكم بدات عندكم اجازة .. احنا في استراليا بدات عندنا الدراسة ... :sad_1: الله يعين بس .. رجعنا للمذاكرة والدوام .. ادعولي الله يوفقني وينجحني يارب ..

المهم ​

اليوم سويت غدا مرررررررررررررررة يجننن .... حتى البشمهندس اتجنن عليه وقال لي انتي خلاص سرتي شيف محترف :c014::c011:​

رح اقولكم الطريقة ​

اول شي المقادير:
ريش غنم قد ماتبغي
بطاطس الكمية اللي تكفي انها تغطي الريش من فوق ومن تحت
بصلة
ملح وفلفل اسود خشن عشان اطعم من الناعم .. انا مااستخدم الا الخشن عشان النكهة حقته اقوى واطعم
رشة جوزة الطيب
رشة كمون
رشة توم
ليمون وممكن شوية خل بدل الليمون
رشة زنجبيل مطحون
رشة كزبرة ناشفة مطحونة​

الطريقة ::​

تتبلي الريش بالبهارات كلها وتعصري عليها الليمونة وتخليها في التلاجة الين ما تتبل .. انا خليتها ساعتين وطلعت طرية مرررة وريحتها خامرة​

تجيبي طاوة وتحطي عليها رشة زيت زيتون عشان يعطيها طعم وريحة حلوة وتحطي الريش وتحمريها من الناحيتين الين ما تتقمر وتحطيلها ملح و فلفل​

وتكوني مقطعة البطاطس حلقات مو مرة نحيفة ولا مرة سميكة وترصيها في الصينية الين ما تتغطى .. رشي عليها ملح وفلفل
حطي الريش المقمرة على البطاطس النية وغطيها بطبقة تانية من البطاطس وبرضه رشيها بملح وفلفل مرة تانية عشان طبقة البطاطس التانية
قطعي البصلة حلقات ورصيها عليها من فوق
حطي شوية موية في الصينية الين طبقة الريش .. لا تكتري عشان لا تسير زايطة ... بس عشان تسير فيها شويييية مرقة ​

غطيها بالقصدير وتكوني مشغلة الفرن على 200 من اول .. حطي الصينية في الفرن في الطبقة اللي تحت مدة ساعة ونص تقريبا الين ما تسير البطاطس لينة ... سيبيها الين ماتستوي​

بعد ماتستوي البطاطس شيلي القصدير وخلي البطاطس اللي فوق تتحمر شوية ... انا رشيت عليها من فوق بقدونس ناشف
وشمي الريحة وشوفي الطعم كيف... يم يم يم يم ​

سويت معاها رز ابيض وسلطة خضرا بالجزر
اللحمة كانت رائعة ولينة ومستوية لدرجة بس احط عليها الشوكة تتقطع ...
من جد لالالالا تفوتكم يا بنات ترى رووووعة وتنفع غدا او عشا وحتى لو عندك ضيوف ...
وهادي الصور ::: يارب تعجبكم

​

وهادي صورة اقرب

وبالعافية عليكم يارب ...

 

[سفيرة البنات]

تسلم يدينك على الطبق اللذيذ تسلمين

 

[غلا روحي99]

 

[ام الدانا]

يسلمووووووووووووووووووو

 

[الأسطـــــورة]

[/URL]

 

[نيازك]

واااااااااااااااااااااااااااااو شكلها لذيذ

 

[bonbon83]

شكرا على مروركم ... يعطيكم العافية

 

[وزيره]

 

[@زينة@]

يسلموا ايديك شكله بيشهى بعطيك العافيه

 

[meme25]

بالعاااافيه
تسلم يدينك يااااااارب
مشكووره ع الطريقه ماتقصرين ^_^

 

[دبدوبه حيل]

 

[التفاحه حمرا]

يسلموووو

 

[bonbon83]

مشكورين عزيزاتي على مروركم الكريم ... ان شاء الله تجربوها وتعجبكم يارب

 

[البيت السعيد**]

ما شاء الله عجبني واااايد،

راح أشتري لحم ريش وأطبق بإذن الله

 

[bonbon83]

عزيزتي البيت السعيد .. تسلمي على مرورك الجميل .. ان شاء الله بالعافية عليكم ان شاء الله والله يخلي بيتكم دايما سعيد يارب ...

 

[storylovly]

تسلم الايادي حبيبتي
الله يعطيك العافيه

 

[نجمه 2009]

يعطيك العافيه ...
شكلها شهي ...

 

[بنت مكه 1100]

بنت خالتي عندكم ياحبي لها يسلموووووووووو حبيبتي

 

[نوسي 2008]

 

[bonbon83]

مشكورين عزيزاتي على مروركم الجميل ... ان شاء الله تعملوها وتعجبكم يارب